Qobuda komuflyaj sexi

Məcburi köçkünlər torpaq uğrunda döyüşən əsgərlərə kamuflyaj hazırlayırlar - REPORTAJ

250
Bu səbəbdən də hamımızın düşüncəsi, fikri, ürəyi cəbhədədir. Təki onlar salamat olsun, qələbə ilə qayıtsınlar.

İradə Cəlilova, Sputnik Azərbaycan

BAKI, 3 noyabr — Sputnik. İki ildir ki, Bakı şəhərinin Qaradağ rayonunun Lökbatan qəsəbəsinin şimal-şərqində Lökbatan-Qobu yolunun 3 kilometr şərq hissəsində məcburi köçkünlər üçün salınmış "Qobu Park" yaşayış kompleksində müxtəlif rayonlardan qaçqın düşmüş şəxslər yaşayırlar.

Yaşayış kompleksində xalçaçılıq, zərgərlik sexləri fəaliyyət göstərir.

II Qarabağ müharibəsi başlayandan hər bir azərbaycanlı bacardığı qədər əsgərlərimizin yanında olmağa çalışır. "Xarı bülbül" adlanan sexdə də bir müddətdir ki, əsgərlərimiz üçün kamuflyaj, papaq, corab və başqa geyimlər hazırlanır.

© Sputnik / Irade JELIL
Qobuda komuflyaj sexi

Sputnik Azərbaycan xəbər verir ki, sexdə xalçaçılıqla yanaşı, rəsm qalereyası, kəlağayılar, zərgərlik məmulatları hazırlanır.

Xalça ustası Cahan Qədirovanın sözlərinə görə, əsgərlər üçün kamuflyajların hazırlanması işinə yeni başlanılıb. Belə ki, hələ ki, 9 kamuflyajın hazırlanması prosesi davam edir.

Kamuflyajların hazırlanması prosesi isə o qədər də çətin proses deyil. Yəni, bunu hamı edə bilər: "Qaçqınların və Məcburi Köçkünlərin İşləri üzrə Dövlət Komitəsindən bizə hazır material göndərilir. Və biz də həmin materiallarla kamuflyaj toxuyuruq".

  • Qobuda komuflyaj sexi
    © Sputnik / Irade JELIL
  • Qobuda komuflyaj sexi
    © Sputnik / Irade JELIL
  • Qobuda komuflyaj sexi
    © Sputnik / Irade JELIL
1 / 3
© Sputnik / Irade JELIL
Qobuda komuflyaj sexi

Ustanın sözlərinə görə, hazırda xanaların üzərində 9 kamuflyaj var. Kamuflyajlar hazır olandan sonra komitəyə göndəriləcək. Sexdə hazırlanan kamuflyajlar "ot effekti" adlanır.

C.Qədirova bildirib ki, bu material hərbçilərin geyim rənginə uyğun olduğu üçün yerlə sürünən zaman onlar geyimin üzərindən bu kamuflyajlardan istifadə edirlər.

© Sputnik / Irade JELIL
Qobuda komuflyaj sexi

Qeyd edək ki, xalçaçı qızlar təkcə iş yerində deyil, evdə belə əsgərlərimiz üçün corablar, papaqlar toxuyurlar: "Burada iş saatı bitdikdən sonra xanımlarımız, könüllü olaraq əsgərlərimiz üçün papaq və corablar toxuyurlar. Biz hamımız çalışırıq ki, vətənimizin bu günündə hər hansı bir formada əsgərlərimizin yanında olaq. Bu gün əlimizdən gələn isə, onlar üçün kamuflyaj, papaq, corab toxumaqdır. Onlar bizim torpaqları işğaldan azad etmək üçün mübarizə aparırlar. Bu səbəbdən də hamımızın düşüncəsi, fikri, ürəyi cəbhədədir. Təki onlar salamat olsun, qələbə ilə qayıtsınlar. Biz bacardığımızı edərik..."

Qeyd edək ki, kamuflyajların hazırlanması müharibə davam etdiyi müddətdə davam edəcək.

250
Teqlər:
Ermənistan-Azərbaycan müharibəsi, Qarabağ müharibəsi
Mövzu:
Azərbaycan və Ermənistan arasında müharibə (1121)

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

16
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

16
Məktəbdə dərs prosesi, arxiv şəkli

Ümumi təhsil pilləsi nələri əhatə edəcək?

8
(Yenilənib 23:41 25.11.2020)
Ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

BAKI, 25 noyabr — Sputnik. Azərbaycan Respublikasında ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

Sputnik Azərbaycan-ın məlumatına görə, bu, Prezident İlham Əliyev tərəfindən bu gün təsdiqlənən "Təhsil haqqında" qanuna dəyişiklik edilməsi barədə qanunda əksini tapıb.

Qanuna əsasən, Ümumtəhsil məktəbi ibtidai, ümumi orta və tam orta məktəb formasında ayrı-ayrılıqda da təşkil oluna bilər.

Həmçinin, qanunda göstərilib ki, İbtidai təhsilin məqsədi təhsilalanlara oxu, yazı və hesablama bacarıqları, vətənpərvərlik və Azərbaycan xalqının dəyərlərinə, dövlət rəmzlərinə hörmət hissi aşılamaq, onlarda insan, cəmiyyət və təbiət haqqında ilkin biliklər, şəxsiyyətin formalaşdırılmasına yönəlmiş həyati bacarıqlar, sadə əmək vərdişləri, məntiqi təfəkkür elementləri, bədii-estetik keyfiyyətlər və digər xüsusiyyətlər formalaşdırmaqdan ibarətdir.

Eyni zamanda ümumi orta təhsilin məqsədi təhsilalanlarda nitq, yazı və ünsiyyət mədəniyyətinin, sağlam həyat tərzinin formalaşdırılmasını, onların dövlətə və dövlətçiliyə, Azərbaycan xalqının dəyərlərinə və ümumbəşəri dəyərlərə sədaqət ruhunda tərbiyə olunmasını, insan hüquq və azadlıqlarına hörmətlə yanaşmasını, idrak fəallığının və məntiqi təfəkkürünün inkişafını, müvafiq təhsil proqramı üzrə əldə etdiyi bilikləri tətbiq etmək, müasir informasiya-kommunikasiya texnologiyalarından istifadə etmək, cəmiyyətdə baş verən hadisələri dəyərləndirmək, öz gələcək həyat yolunu və fəaliyyət istiqamətlərini müəyyənləşdirmək, müstəqil öyrənmə və qərar qəbuletmə bacarığını, peşə seçiminə və əmək fəaliyyətinə hazırlığını təmin etməkdən ibarətdir.

8