Bakıda Mixail-Arxangel kilsəsində hərbçilərimiz üçün sovqat hazırlayırlar

Azərbaycan pravoslavları hərbçilərimizə sovqat göndərdilər

48
(Yenilənib 13:37 03.11.2020)
"Və belə qərar verdik ki, biz də öz köməyimizi edək və yaralı əsgərlərimizə bişirdiyimiz şirniyyatlardan aparaq".

İradə Cəlilova, Sputnik Azərbaycan

BAKI, 3 noyabr — Sputnik. Azərbaycanda müharibə başlayandan ölkəmizdə dinindən, dilindən asılı olmayaraq hamı bir yumruq kimi birləşib. Hər kəs Vətənimizin bütövlüyü uğrunda döyüşən Ordumuza dəstəyini bir cür ifadə edir. Azərbaycanda yaşayan azsaylı xalqlar da bu prosesdən kənarda qalmırlar. Azərbaycanın pravoslav xristianları, şəhərin mərkəzindəki Mixail-Arxangel kilsəsi də hərbçilərimizə öz dəstəyini ifadə edən addım atıb. Belə ki, kilsənin əməkdaşları şirniyyatlar bişirərək hərbçilərimizə sovqat göndəriblər.

© Sputnik / Irade JELIL
Bakıda Mixail-Arxangel kilsəsində

Bu barədə Sputnik Azərbaycan-a bu təşəbbüsü irəli sürən pravoslav məbəd rahibi Protoiyerey Mefodiy məlumat verib.

Onun sözlərinə görə, sentyabrın 27-də müharibə başlayandan sonra hamı kimi o da əsgərlərimizə yardım edilməsi barədə düşünüb:

"Bu Vətən bizim hamımızındır. Biz yaxşı bilirik ki, onlar bizim torpaqlarımızın işğaldan azad edilməsi üçün mübarizə aparır. Belə gündə biz də istədik ki, hərbçilərimizə dəstəyimizi ifadə edək. Çünki, bu gün onların yanında olmasaq da ürəyimiz ordumuzla, əsgərlərimizlədir. "Facebook" sosial şəbəkəsində yaxın dostum "Azeri Home Chef" qrupunun rəhbəri Fəxrəndə Həsənzadə ilə söhbət zamanı onun hərbi hissələrdə əsgərlərimizə yardım etdiyini öyrəndim. Biz də belə qərar verdik ki, yaralı əsgərlərimizə bişirdiyimiz şirniyyatlardan aparaq".
  • Bakıda Mixail-Arxangel kilsəsində hərbçilərimiz üçün sovqat hazırlayırlar
    © Sputnik / Irade JELIL
  • Bakıda Mixail-Arxangel kilsəsində hərbçilərimiz üçün hazırlanan sovqat
    © Sputnik / Irade JELIL
  • Bakıda Mixail-Arxangel kilsəsində hərbçilərimiz üçün hazırlanan sovqat
    © Sputnik / Irade JELIL
  • Bakıda Mixail-Arxangel kilsəsində hərbçilərimiz üçün sovqat hazırlayırlar
    © Sputnik / Irade JELIL
  • Bakıda Mixail-Arxangel kilsəsində hərbçilərimiz üçün sovqat hazırlayırlar
    © Sputnik / Irade JELIL
  • Bakıda Mixail-Arxangel kilsəsi
    © Sputnik / Irade JELIL
1 / 6
© Sputnik / Irade JELIL
Bakıda Mixail-Arxangel kilsəsində hərbçilərimiz üçün sovqat hazırlayırlar

Və beləcə kilsə əməkdaşları müxtəlif şirniyyatlar bişirərək, Fəxrəndə Həsənzadəyə təhvil verir. O isə hazırlanan yardımları ünvanlara çatdırır.

Rahibin sözlərinə görə, bu yardım davamlı olacaq. Belə ki, bir dəfə şorqoğalı, bir dəfə alma tartalet, bir dəfə pirojki və vatruşka bişirilərək, hərbçilərmizə göndərilib: "Əsgərlərimizin yanına gedən uşaqlarla söhbət edirik, bir-birimizin fikirlərini öyrənib nə bişirəcəyimizi müzakirə edirik. Düşünürəm ki, bu yardım davamlı olacaq".

© Sputnik / Irade JELIL
Bakıda Mixail-Arxangel kilsəsində hərbçilərimiz üçün hazırlanan sovqat

O, həmçinin əlavə edib ki, Bakı şəhər "Jen-Mironosits" kafedral kilsənin və "Rojdestva Boqoroditsı" kilsəsinin din xadimləri də qoşularaq cəbhədə döyüşən əsgərlərimizə dəstək olublar. Belə ki, Bakı və Azərbaycan Arxiyepiskopu Aleksandrın göstərişi ilə Bakı və Azərbaycan Yeparxiyası Azərbaycan Respublikasının Silahlı Qüvvələrə Yardım fonduna isə 10 000 manat pul köçürüb. Bütün bunlar Azərbaycanda dinindən, inancından asılı olmayaraq hər kəsin ürəyinin ordumuzla birgə döyündüyünün bariz ifadəsidir.

48
Həblər, arxiv şəkli

Hər birimizin köməyinə çatan dərmanlarla bağlı qorxunc xəbərdarlıq - öldürə bilər

8
(Yenilənib 16:21 26.11.2020)
"Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır"

Zülfiyyə Quluyeva, Sputnik Azərbaycan

BAKI, 26 noyabr — Sputnik. Azərbaycanda antimikrob dərmanların apteklərdə əhaliyə sərbəst satışı qadağan olunmalıdır. Bununla bağlı dövlət qurumları lazımi dəstək verməlidir. Bunu Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı deyib. Onun sözlərinə görə, bu preparatlara əlçatanlığını azaltmaq lazımdır. "İnsanların antibiotiklərə qarşı davamlılığı ölçülməlidir. Bunun üçün Azərbaycanın lazımi laboratoriyaları var. Həmçinin, maarifləndirmə də olmalıdır. Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi".

Qeyd edək ki, antibiotiklər yüngün soyuqlama zamanı hər birimizin köməyinə çatır. Ona görə də antibiotiklərin reseptlə satılması əhali tərəfindən birmənalı qarşılanmır. Sputnik Azərbaycan antibiotiklərin reseptsiz satışının fəsadlarını araşdırıb.

Professor Adil Qeybulla Sputnik Azərbaycan-a açıqlamasında antibiotiklərin reseptsiz satışının məhdudlaşdırılması ilə bağlı təklifləri dəstəklədiyini bildirib. A.Qeybulla deyir ki, apteklərdə antibiotiklərin reseptsiz satışı qanunda olan boşluqdan irəli gəlir. Onun sözlərinə görə, xarici ölkələrdə antibiotiklər reseptlə satılır:

"Antibiotiklərin həkim təyini olmadan istifadəsi çox risklidir. Bu, hətta ölümə belə gətirib çıxardır. Koronavirusun müalicəsində antibiotiklərdən istifadə məsləhət görülmür. Çox təəssüf ki, insanlar evdə müalicə zamanı kortəbii antibiotiklərdən istifadə edirlər. Bu isə anafilaktik şok, allergik təsirlər göstərə bilər. Antibiotiklərdən həkim təyinatı olmadan istifadə qulağı kar edə, böyrək problemlərinə səbəb ola bilər. Sovet dövründə antibiotiklərdən istifadə geniş yayılmışdı. İndi də bəzi insanlar həkim təyinatı olmadan antibiotikləri alaraq istifadə edirlər. Təbii ki, buna son qoyulmalıdır".

Səhiyyə Nazirliyinin İctimai Səhiyyə və Sanitariya-Epidemioloji Nəzarət Şöbəsinin müdiri Nəzifə Mürsəlova Ümumdünya Antimikrob Preparatlardan Düzgün İstifadəyə dair Maarifləndirmə Həftəsinə həsr olunmuş virtual mətbuat konfransında bildirib ki, hazırda antibiotiklər reseptlə buraxılan dərmanlar sırasındadır: "Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi. Bu məsələ qanunvericilikdə tənzimlənir, təəssüf ki, bu tənzimlənmə kağız üzərində qalır. COVID-19 dövründə problem daha da artdı. Bu qanunvericiliyin yerlərdə işləməsi istiqamətində işlər gücləndirilməli, ona nəzarət artırılmalıdır. Dövlət səviyyəsində bu məsələyə sərt nəzarət olmalıdır".

Koronavirusdan ölüm artır - Səbəblər virusun özü qədər qorxuludur>>

Milli Məclisin Səhiyyə komitəsinin üzvü, deputat Müşfiq Məmmədli Sputnik Azərbaycan-a açıqlamasında bildirib ki, antibiotiklərin satışı "Əhalinin sağlamlığının qorunması haqqında" qanunla müvafiq qaydada tənzimlənir:

"Bu, qanunvericilikdə olan hər hansı boşluq yox, qanunun icrası ilə bağlı problemdir. Qanunların icra müxanizmi NK-nın müvafiq qərarları ilə tənzimlənir. Ola bilər ki, bu məsələ də icra mexanizmində yaranan anlaşılmazlıqla bağlı ola bilər. Qanun antibiotiklərin satışını kifayət qədər tənzimləyir. İşçi qaydada təlimatlarla bu məsələyə baxılmalıdır", - deyə deputat bildirib.

M.Məmmədli bildirir ki, antibiotiklərin kortəbii təyini mənfi təsirə səbəb ola bilər. Koronavirusla mübarizədə isə bu, daha təhlükəlidir: "Çünki koronavirusa yüngül yoluxmada müalicə əsasən orqanizmin gücləndirilməsi, immun sisteminin möhkəmləndirilməsi ilə bağlı aparılır. Antibiotiklərdən istifadə isə orqanizmi, immun sistemini zəiflədir. Bu, o demək deyil ki, xəstələrə antibiotik ümumiyyətlə təyin olunmamalıdır. Sadəcə olaraq bunun üçün tibbi göstəriş olmalıdır. Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır. Bu, beynəlxalq təcrübəyə əsaslanır. Antibiotiklər həkimlərin təyinatı ilə resept əsasında satılmalıdır".

8
Teqlər:
Müşfiq Məmmədli, Nəzifə Mürsəlova, Adil Qeybulla, antibiotik, Koronavirus, epidemiya, COVID-19
Koronavirus testi, arxiv şəkli

TƏBİB Azərbaycanda koronavirus testlərinin bitməsi barədə məlumatlara aydınlıq gətirdi

10
(Yenilənib 19:41 26.11.2020)
Bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

BAKI, 26 noyabr - Sputnik. Azərbaycanda koronavirus (COVID-19) ilə əlaqədar aparılan testlərin bitməsi barədə yayılan məlumatlar həqiqəti əks etdirmir.

Bu barədə Sputnik Azərbaycan-a TƏBİB-dən məlumat verilib. 

"Bildiririk ki, ölkəmizdə koronavirusun diaqnozu üçün kifayət qədər test ehtiyatı mövcuddur. Sadəcə olaraq, gün ərzində götürülən testlərin sayı çox olduğundan bu, laboratoriyaların iş gücünə təsir göstərir. Nəticədə, təbii olaraq testin nəticələri bir qədər gecikmiş olur", - TƏBİB bildirib.

Məlumatda o da qeyd olunub ki, bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

"Hazırda ölkədə 37 laboratoriya mövcuddur. Bu laborotoriyalarda gündəlik 10 000 testin aparılması nəzərdə tutulurdu, artıq müraciətlərin sayı çox olduğundan gün ərzində laboratoriyalara daxil olan test nümunələri nəzərdə tutulduğundan 2 dəfə (19178 test) artıb", - deyə məlumatda bildirilir. 

10
Teqlər:
test, korona virusu, Koronavirus, epidemiya, COVID-19, Tibbi Ərazi Bölmələrini İdarəetmə Birliyi, TƏBİB

Rusiyalı sülhməramlılar Laçın dəhlizində təhlükəsizliyə necə nəzarət edirlər video

0
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

0