Azərsu ASC-nin mətbuat katibi Anar Cəbrayıllı, arxiv şəkli

Azərbaycanlı məmura Ordumuzdan bahalı doğum günü hədiyyəsi

242
(Yenilənib 21:31 29.10.2020)
"Ali Baş Komandanımız İlham Əliyev başda olmaqla torpaqlarımızı işğalda azad edən ordumuza buna görə sonsuz təşəkkürlərimi bildirirəm. Torpaqlarımızın işğaldan azad edilməsi bizim yenidən doğuluşumuzdur" - Anar Cəbyarıllı.

Zülfiyyə Quluyeva, Sputnik Azərbaycan

BAKI, 29 oktyabr — Sputnik. Düz 27 il idi ki, işğalda olan torpaqlarda doğulan məcburi köçkünlər öz doğum günlərini dünyaya göz açdıqları torpaqda qeyd etməkdən məhrum olmuşdular. Müzəffər ordumuzun zəfərləri sayəsində işğal altında olan torpaqlarımızın bir hissəsi artıq işğaldan azad olunub. Bu gün ölkəmizdə xeyli sayda insan var ki, onlar doğum günlərini artıq məcburi köçkün kimi qeyd etmirlər.

Onlardan biri də tanınmış jurnalist, "Azərsu" Açıq Səhmdar Cəmiyyətinin mətbuat katibi Anar Cəbrayıllıdır. İşğalda olan rayonun adını özünə təxəllüs seçməklə 27 ildir ki, ovunan Anar Cəbrayıllı bu gün doğum gününü fərqli qeyd edir.

Cəbrayıl rayonun Balyand kəndində dünyaya göz açan Anar Cəbrayıllı doğum günü təəssüratını Sputnik Azərbaycan-a bölüşüb. O, bildirib ki, doğulduğu Cəbrayıl rayonunun, Balyand kəndinin işğaldan azad edilməsi sayəsində bu il ona ünvanlanan doğum günü təbrikləri də fərqli olub:

"Hər il məni dost-tanışlar təbrik edərkən növbəti doğum gününü Balyandda keçirməyi arzu edirdilər. Artıq doğma Cəbrayıl rayonu, ata-baba yurdum Balyand işğaldan azad edilib. Bu il buna görə mənə ünvanlanan təbrik lər də fərqli oldu. İndi mən bir arzu ilə yaşayıram. Dünyaya göz açdığım torpağa ayaq basmaq, öz ata ocağımı bərpa etmək. Hətta bərpa edilməsə belə mən arzu edirəm ki, 2021-ci ilin bu günündə doğum günümü Balyandda, öz ata ocağımızda qeyd edim. Bu, illərdir ki, torpaq həsrəti ilə qovrulan insanların ən böyük arzusudur".

Anar Cəbrayıllı bu böyük sevinci ona və bütün Azərbaycan xalqına yaşatdığı üçün Prezidentə və Ordumuza təşəkkür etməyi də unutmayıb:

"Ali Baş Komandanımız İlham Əliyev başda olmaqla torpaqlarımızı işğaldan azad edən ordumuza buna görə sonsuz təşəkkürlərimi bildirirəm. Torpaqlarımızın işğaldan azad edilməsi bizim yenidən doğuluşumuzdur. Cəbrayıl rayonunun, Balyandın işğaldan azad edilməsi mənim üçün ən böyük hədiyyə oldu. Bu gün Bərdə hadisələrinə görə, döyüşlərdə şəhid olmuş Vətən oğullarına görə doğum günümü qeyd etmirəm. Biz yalnız bütün torpaqlarımız işğaldan azad edildikdən sonra doğum günümüzü bayram kimi qeyd edə bilərik. Qələbə günü isə uzaqda deyil!"

242

Qarabağdakı hava limanları ICAO reyestrinə daxil ediləcək

0
Hava limanlarının kodları ICAO-nun 7910/178 nömrəli Sənədinin 2020-ci ilin dekabr ayında dərc olunacaq yenilənmiş nəşrinə əlavə ediləcək.

 

BAKI, 25 noyabr — Sputnik. Beynəlxalq Mülki Aviasiya Təşkilatı (ICAO) Azərbaycanın daha 6 hava limanının beynəlxalq məkan indeksləri kataloquna daxil edilməsini təsdiq edib.

Sputnik Azərbaycan bu barədə "Azərbaycan Hava Yolları" QSC-yə (AZAL) istinadən xəbər verir.

“Əlamətdar haldır ki, beynəlxalq təşkilatın yenilənmiş reyestrinə Zabrat, Yevlax və Naftalandakı hava limanları ilə yanaşı, həm də Ali Baş Komandan, Prezident İlham Əliyevin rəhbərliyi altında azad edilmiş ərazilərdə - Ağdam, Füzuli və Xankəndində yerləşən hava limanları da daxil olacaq. Bu, beynəlxalq aviasiya qurumlarının ölkəmizin ərazi bütövlüyünü tanımasının növbəti təzahürüdür”, – deyə AZAL-ın prezidenti Cahangir Əsgərov bildirib.

Qeyd edilən hava limanlarının kodları ICAO-nun 7910/178 nömrəli Sənədinin 2020-ci ilin dekabr ayında dərc olunacaq yenilənmiş nəşrinə əlavə ediləcək.

Azərbaycanın beynəlxalq səviyyədə tanınmış sərhədləri daxilində aeronaviqasiya xidmətinə görə məsuliyyət Çikaqo konvensiyasının (ICAO-nin 7300 nömrəli sənədi) prinsiplərinə uyğun olaraq, AZANS Hava Hərəkəti İdarəsinə həvalə edilib. Bu məsuliyyət hədləri ICAO Şurası tərəfindən təsdiq edilib və Azərbaycanın suveren ərazilərinə müvafiqdir.

Qeyd etmək lazımdır ki, ICAO Azərbaycanın öz ərazisi üzərindəki hava məkanında mütləq suverenliyini dəfələrlə təsdiq və qeyd edib.

Məkanın işarələri 7910/178 nömrəli Sənədin müddəalarına müvafiq olması məqsədilə ICAO tərəfindən yoxlanılır. Rüblük sənədə dəyişikliklər yalnız müvafiq qaydada nəzərdən keçirildikdən sonra daxil edilir.

Qeyd etməliyik ki, işğal edilmiş ərazilər üzərində hava məkanı təxminən 30 il müddətində beynəlxalq uçuşlar üçün bağlı olub. Həmin ərazidəki mülki aviasiya infrastukturu ciddi şəkildə zərər çəkmiş və tam dağılmış vəziyyətə gətirilib.

Beynəlxalq uçuşların həyata keçirilməsi məqsədilə, uzun illər Ermənistan işğalı altında qalan ərazilər üzərində aeronaviqasiya təminatının bərpa edilməsi üzrə işlər yerinə yetiriləcəkdir. Bütün bunlar mülki aviasiyanın təkcə regional səviyyədə deyil, həm də qlobal miqyasda inkişaf etməsinə kömək edəcək.

0
Teqlər:
Xocalı hava limanı, hava limanı, AZAL
Koronavirus testi, arxiv şəkli

Azərbaycanda son sutkada 3469 nəfər COVID-19-a yoluxub

8
Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

BAKI, 25 noyabr - Sputnik. Azərbaycan Respublikasında koronavirus (COVID-19) infeksiyasına 3469 yeni yoluxma faktı qeydə alınıb, 1229 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 30 nəfər vəfat edib.

İndiyədək ölkədə ümumilikdə 102 396 nəfərin koronavirus infeksiyasına yoluxması faktı müəyyən edilib, onlardan 66 963 nəfər müalicə olunaraq sağalıb, 1 224 nəfər vəfat edib, aktiv xəstə sayı 34 209 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

8
Teqlər:
Azərbaycan, test, Koronavirus, COVID-19, yoluxma