Azərbaycan və Türkiyə bayraqları olan tablo, arxiv şəkli

İş adamı Türkiyədən ordumuza tonlarla dərman yolladı

99
"Helba İlaç" şirkətinin sahibi olan Vəfadar Həsənov Silahlı Qüvvələrə Yardım Fonduna nə az, nə çox, düz 30 ton tibbi yardım göndərib.

BAKI, 19 oktyabr — Sputnik. Ali Baş Komandan İlham Əliyevin  rəhbərliyi ilə Azərbaycan 30 illik işğala son qoymaq üçün Vətən müharibəsinə başlayıb.

Sputnik Azərbaycan xəbər verir ki, bütün ölkə müsəlləh əsgər kimi silahlı qüvvələrimizin və onun ali rəhbərinin ətrafında yumruq kimi birləşib.

© Photo : Courtesy of Vafadar Hasanov
Vəfadar Həsənovun Azərbaycana göndərdiyi yardım

Təkcə ölkə daxilində deyil, dünyanın dörd bir yanında yaşayan soydaşlarımız, qədirbilən qardaşlarımız da bu vətən savaşına öz töhfələrini vermək üçün əllərindən gələni əsirgəmirlər.

Türkiyədə yaşayan azərbaycanlı iş adamı Vəfadar Həsənov da ürəyi vətən segisi ilə döyünən soydaşlarımızdandır.

© Photo : Courtesy of Vafadar Hasanov
Türkiyədə yaşayan azərbaycanlı iş adamı Vəfadar Həsənov

"Helba İlaç" şirkətinin sahibi olan Vəfadar Həsənov Silahlı Qüvvələrə Yardım Fonduna nə az, nə çox, düz 30 ton tibbi yardım göndərib. Həmin tibbi yardımlar minlərlə hərbçimizin, düşmən atəşi nəticəsində yaralanan xeyli sayda mülki insanlarımızın dadına çatacaq, onları yenidən həyata qaytaracaq.

99
Koronavirus testi, arxiv şəkli

Azərbaycanda son sutkada 3469 nəfər COVID-19-a yoluxub

3
Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

BAKI, 25 noyabr - Sputnik. Azərbaycan Respublikasında koronavirus (COVID-19) infeksiyasına 3469 yeni yoluxma faktı qeydə alınıb, 1229 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 30 nəfər vəfat edib.

İndiyədək ölkədə ümumilikdə 102 396 nəfərin koronavirus infeksiyasına yoluxması faktı müəyyən edilib, onlardan 66 963 nəfər müalicə olunaraq sağalıb, 1 224 nəfər vəfat edib, aktiv xəstə sayı 34 209 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

3
Teqlər:
Azərbaycan, test, Koronavirus, COVID-19, yoluxma
Bakıda velosipedçilər, arxiv şəkli

Velosiped yolları ilə bağlı konsepsiya hazırlanıb

1
O, həmçinin əlavə edib ki, bununla yanaşı, tramvay yolları da artıq baş planda əksini tapıb və BNA tərəfindən bu istiqamətdə də işlər həyata keçirilməkdədir.

BAKI, 25 noyabr — Sputnik. Bakı şəhərində alternativ nəqliyyat növləri sayılan velosiped yollarının və tramvay xətlərinin inkişaf etdirilməsi nəzərdə tutulur.

Sputnik Azərbaycan xəbər verir ki, bunu "Caspian Energy Club"un təşkilatçılığı ilə keçirilən "Online Baku City Forum"da çıxış edən Bakı Nəqliyyat Agentliyinin (BNA) Yol hərəkətinin təşkili şöbəsinin müdiri Tərlan Səfərov deyib.

Onun sözlərinə görə, velosiped yolları ilə bağlı böyük bir konsepsiya hazırlanıb ki, bu da avtobus zolaqları ilə yanaşı, Bakı şəhərinin baş planına inteqrasiya edilib.

"Yaxın zamanlarda Bakı şəhərinin mərkəzində biz velosiped zolaqları ilə bağlı konkret əməli işlərin şahidi ola biləcəyik", - deyə T.Səfərov qeyd edib.

O, həmçinin əlavə edib ki, bununla yanaşı, tramvay yolları da artıq baş planda əksini tapıb və BNA tərəfindən bu istiqamətdə də işlər həyata keçirilməkdədir.

1
Teqlər:
Bakı şəhəri, velosiped, BNA