Boş dərs otağı, arxiv şəkli

Nazir məktəblərdə tədrisin dayandırılmasının səbəbini açıqladı

76
(Yenilənib 11:49 16.10.2020)
Təhsil naziri Emin Əmrullayev Nazirlər Kabinetinin qərarı ilə ölkə üzrə təhsilin noyabr ayının 2-dək dayandırılması ilə bağlı bir sıra məqamlara aydınlıq gətirib.

BAKI, 16 oktyabr — Sputnik. Təhsil naziri Emin Əmrullayev Operativ Qərargahın brifinqində Nazirlər Kabinetinin qərarı ilə ölkə üzrə təhsilin noyabr ayının 2-dək dayandırılması ilə bağlı bir sıra məqamlara aydınlıq gətirib.

Sputnik Azərbaycan-ın məlumatına görə, nazir bildirib ki, cəbhəyanı bölgələrdə Ermənistan Silahlı Qüvvələrinin dinc əhaliyə və təhsil müəssisələrinə hücumları həmin bölgələrdə təhsilin dayandırılmasına səbəb olub:

"Ermənistan Silahlı Qüvvələri tərəfindən 27 sentyabr tarixindən Azərbaycanın bir çox bölgələrində təhsil müəssisələrinə və mülki əhaliyə qarşı kifayət qədər aqressiv hücumlar qeydə alınıb. Bu vəziyyət cəbhə xəttindəki məktəblərə təsirsiz ötüşməyib, 40-a qədər məktəbə zərər dəyib, bəziləri raket atəşinə məruz qalıb. 1221 təhsil müəssisəsi öz fəaliyyətini distant təhsilə keçirib. 3 şagirdimiz həlak olub, 15 şagird xəsarət alıb. Əks hücum əməliyyatları ilə buna ordumuz layiqli cavabını verir. Azərbaycanın hər bir məktəbində, hər bir təhsil müəssisəsində təhsil bərpa ediləcək. Bu bizim xalqımız üçün tarixi əhəmiyyət daşıyan dövrüdür".

Nazir qeyd edib ki, payızın gəlməsi və məhdudiyyətlərin aradan qaldırılması ilə bağlı koronovirusa yoluxma ilə bağlı təhlükə də artmaqdadır:

"Təhsil müəssisələrinin tətil elan edilməsini də bununla əlaqələndirirəm. Bildiyiniz kimi nazirlik məktəblərdə yoluxma ilə bağlı ictimaiyyətə mütəmadi məlumat verirdi. Həmin rəqəmlər bizə imkan verirdi ki, biz məsələni diqqətdə saxlayaq. Son günlər ərzində 10-15 məktəbi bağlamaq məcbuiriyyətindəydik. Yoluxmanın 500-ü keçməsi bir neçə təhsil müəssisəsinin bağlanmasına gətirib çıxarda bilərdi. Biz inanırıq ki, bu iki həftə ərzində yoluxma zəncirinin qırılmasına nail ola biləcəyik. Noyabrın 2-dən başlayaraq bu və digər formada təhsili davam etdirəcəyik".

76
Yaşlı adam, arxiv şəkli

Koronavirusa yoluxma insanı 10 yaş qocaldır, həmçinin...

25
Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

BAKI, 25 oktyabr — Sputnik. Böyük Britaniya alimləri apardıqları araşdırma zamanı koronavirus xəstəliyinin insanların İQ səviyyəsini endirdiyini müəyyən edib. Sputnik Azərbaycan xarici mətbuata istinadla xəbər verir ki, bu intelektual bacarıqlar və yaddaşla əlaqələndirilib. Mütəxəssislərin sözlərinə görə, koronavirusa yoluxan şəxslər xəstəliyə yoluxmayan yaşıdları ilə müqayisədə məntiq testlərini həll etməkdə çətinlik çəkiblər. Bundan əlavə, şəxslərin İQ səviyyəsi xəstəliyi hansı ağırlıqda keçirmələri ilə də birbaşa əlaqəlidir. Tədqiqat zamanı alimlər 84 könüllünün məntiqi bacarıqlarını və yaddaşlarını araşdırıblar.

Müəyyən edilib ki, koronavirusa yoluxan insanlar sağlam insanlarla müqayisədə 65 faiz geri qalıb. Mütəxəssislərin fikrincə, bu xəstələrin 10 yaş yaşlanmasına bərabərdir.

Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

25
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

25
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

25

İlham Əliyev: "Ermənistan ərazisinə keçmək fikrimiz olsaydı, bunu çoxdan edərdik"

0
(Yenilənib 21:31 25.10.2020)
Ali Baş Komandan: "Mən demişəm, biz onları qovuruq və qovacağıq. Azərbaycanın qarşısında heç kim dura bilməz. Biz haqlıyıq, biz öz torpağımızda vuruşuruq, öz ərazi bütövlüyümüzü bərpa edirik, Ermənistan ərazisinə keçməmişik, belə fikrimiz yoxdur".

BAKI, 25 oktyabr - Sputnik. Biz təkbaşına vuruşuruq, təkbaşına!

Sputnik Azərbaycan xəbər verir ki, bu sözləri Müzəffər Ali Baş Komandan, Prezident İlham Əliyev Müdafiə Nazirliyinin Mərkəzi Komanda Məntəqəsində keçirdiyi operativ müşavirədə deyib.

"Mən bunları deyirəm ki, ilk növbədə, Azərbaycan xalqı real vəziyyəti bilsin. Bilsin ki, biz torpaqlarımızı nəyin bahasına işğalçılardan azad edirik. Bilsin ki, əgər Ermənistana bu 27-28 il ərzində maliyyə, hərbi, siyasi yardım göstərilməsəydi, çoxdan torpaqlarımız işğalçılardan azad olunardı, özü də sülh yolu ilə. İndi baxın, erməni əsgərləri döyüş meydanından necə qaçır. Bütün bu görüntülər var. İndi bu görüntülərin bir hissəsi, sadəcə olaraq, mətbuatda öz əksini tapır. Amma bu, çox geniş bir videoməlumatdır. Əgər bu silahlar olmasaydı, bu siyasi dəstək olmasaydı, Ermənistan bizim torpaqlarımızı işğal altında saxlaya bilərdimi! Əlbəttə ki, yox", - deyə Prezident bildirib.

İlham Əliyev bəyan edib ki, Azərbaycan öz torpaqlarında vuruşur və Ermənistan ərazisinə keçməyib:

"Mən demişəm, biz onları qovuruq və qovacağıq. Azərbaycanın qarşısında heç kim dura bilməz. Biz haqlıyıq, biz öz torpağımızda vuruşuruq, öz ərazi bütövlüyümüzü bərpa edirik, Ermənistan ərazisinə keçməmişik, belə fikrimiz yoxdur. Belə fikir olsaydı çoxdan bunu edərdik. Bunu etmək üçün o qədər böyük səy göstərmək də lazım deyil".

Xatırladaq ki, oktyabrın 25-də Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi ilə Müdafiə Nazirliyinin Mərkəzi Komanda Məntəqəsində Müdafiə Nazirliyinin rəhbər heyəti və cəbhə bölgəsində yerləşən birlik komandirlərinin iştirakı ilə operativ müşavirə keçirilib.

0
Əlaqədar
Ali Baş Komandanın rəhbərliyi ilə operativ müşavirə keçirilib
Prezident Azərbaycan xalqını əmin etdi: "Haqq yolumuzdan dönməyəcəyik!"