Məktəb

Azərbaycanda təhsil okeanda təkbaşına üzən gəmi ilə müqayisə edildi

145
Ekspert bildirir ki, repetitora müraciət etmək imkanı olmayan şagirdlərin ümidi teledərslərə qaldığından, teledərslərə individual yanaşma tətbiq edilməlidir.

Zülfiyyə Quluyeva, Sputnik Azərbaycan

BAKI, 15 oktyabr — Sputnik. Yeni tədris ili başlayandan ümumtəhsil müəssisələrində koronavirusa yoluxma halları aşkarlanır. Virusa yoluxma qeydə alınan məktəblər və siniflər müəyyən müddətə distant təhsilə keçir. Hərbi vəziyyətlə bağlı ölkəmizdə internetin verilməsində yaranan problemlər onlayn təhsildə ciddi problemlər yaradıb. Sputnik Azərbaycan koronavirusa görə distant təhsilə keçirilmiş məktəb və siniflərdə təhsil alan şagirdlərin təhsilini hazırkı vəziyyətdə necə davam etdirməli olduqlarını araşdırıb.

Təhsil üzrə ekspert Kamran Əsədov Sputnik Azərbaycan-a açıqlamasında bildirib ki, hazırki situasiyada təhsil okeanda təkbaşına üzən gəmiyə bənzəyir: "Məktəblərdə koronavirusa yoluxma səbəbindən distant təhsilə keçirilən məktəb və şagirdlərin ümidi hazırki situasiyada teledərslərədir. Teledərslərin saatı isə çox azdır. Belə bir vəziyyətdə şagirdin teledərsləri izləməkdən başqa çarəsi yoxdur".

K.Əsədov bildirir ki, yaranmış vəziyyətlə əlaqədar valideynlərin əksəriyyəti öz övladlarını repetitor hazırlığına qoyub:

"İnanın ki, 1-ci sinifdən repetitor hazırlığına gedən uşaqlar var. Hansı ki, onların valideynləri işlədiklərindən öz övladları ilə evdə məşğul ola bilmirlər. Sinif və məktəb koronavirusa görə bağlandıqda valideynin repetitora müraciət etməkdən başqa çarəsi qalmır. Vəziyyət elə həddə çatıb ki, valideynlər qazanclarının əhəmiyyətli hissəsini uşaqları üçün repetitor haqqına ödəyirlər. Ölkədə internetə əlçatanlıq aşağı, məktəb və yaxud sinif bağlı - belə halda valideyn məcburdur ki, uşağına ən azından əsas fənlərdən repetitor tutsun".

Ekspert bildirir ki, repetitora müraciət etmək imkanı olmayan şagirdlərin ümidi teledərslərə qaldığından, teledərslərə individual yanaşma tətbiq edilməlidir:

"Təhsil naziri, nazirliyin rəsmiləri məktəblərdə olmalıdırlar. Şagirdlərin başa düşməkdə çətinlik çəkdiyi dərslər teledərslərdə ətraflı izah edilməlidir. Teledərslərin saatı artırılmalıdır. Çox təəssüf ki, biz bunların heç birini görə bilmirik. Belə bir vəziyyətdə şagirdlər də, valideynlər də çətin durumda qalırlar.

Təhsil Nazirliyi isə yəqin ki, dərs ilinin sonunda şagirdləri finiş xəttinə özünün gətirib çatdırdığını açıqlayacaq. Halbuki, hazırkı şəraitdə Təhsil Nazirliyi şagirdlərin təhsil alması üçün heç bir yeni layihə və proqram üzərində işləyərək yeniliklər tətbiq etmir. Nazirliyin kabinetdən təhsili idarətməsinin ağır nəticəsini isə şagird və valideynlər çəkirlər. Bu gün təhsilin əsas yükü Təhsil Nazirliyinin yox, valideynlərin çiynindədir".

Təhsil Nazirliyinin İctimaiyyətlə əlaqələr şöbəsinin rəhbəri Cəsarət Valehov isə Sputnik Azərbaycan-a açıqlamasında bildirib ki, koronavirusa görə təhsil dayandırılan məktəb və siniflərin şagirdləri Virtual məktəbə qoşulmaq və teledərsləri izləməklə təhsillərini davam etdirə bilərlər:

"Məktəblərdə şagird sayı çoxdur. Hər şagirdə individual yanaşmaq praktiki baxımdan mümkün deyil. Şagirdlərimiz ona görə də teledərsləri izləməli, Virtual məktəbə qoşulmalıdırlar. Təhsil Nazirliyi pandemiya dövründə və hərbi şəraitdə təhsilə əlaçatanlığın təmin olunması üçün bütün mümkün vasitələrdən istifadə edir".

Qeyd edək ki, Təhsil Nazirliyinin orta məktəblərdə koronavirusa yoluxma halları ilə bağlı son açıqladığı rəqəmlərdə qeyd olunub ki, indiyə qədər ölkə üzrə 10 məktəb, 55 sinifdə tədris dayandırılıb və distant təhsilə keçirilib. Daha 52 şagird və 16 işçidə koronavirus aşkarlanıb. Dünən distant təhsilə keçmiş siniflərin sayı isə 15 olub, daha 10 məktəb də distant təhsilə keçib. Bu rəqəm hər gün artmaqda davam edir.

145
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

21
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

21
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

10
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

10