Kitab mağazası, arxiv şəkli

"Qarabağ Azərbaycandır" kitabı nəşrə hazırlanır

30
(Yenilənib 23:43 09.10.2020)
"Orada əhalinin miqrasiyası, hansı vaxtlarda Azərbaycan ərazisinə ermənilərin miqrasiyası və məskunlaşmasının müxtəlif illər üçün xəritəsi veriləcək"

Zülfiyyə Quluyeva, Sputnik Azərbaycan

BAKI, 10 oktyabr — Sputnik. Azərbaycanlı alimlər "Qarabağ Azərbyacandır" kitabını çapa hazırlayırlar. Bu barədə Sputnik Azərbaycan-a açıqlamasında AMEA-nın akademik Həsən Əliyev adına Coğrafiya İnstitutunun direktoru Ramiz Məmmədov məlumat verib.

İnstitut direktoru deyib ki, akademik İsa Həbibbəylini rəhbərliyi ilə Qarabağın Azərbaycan olması ilə bağlı kitab hazırlanır: "Bu kitabların biri Yerevan şəhərinin Azərbaycan şəhəri olması, digəri isə Qarabağın Azərbaycanın olması ilə bağlıdır. Coğrafiya İnstitutu da daxil olmaqla Akademiyanın müxtəlif institutları bu kitabın üzərində işləyirlər. Orada əhalinin miqrasiyası, hansı vaxtlarda Azərbaycan ərazisinə ermənilərin miqrasiyası və məskunlaşmasının müxtəlif illər üçün xəritəsi veriləcək. Orada görünəcək ki, ermənilər azərbaycanlılara nisbətən o torpaqlarda tarixlə 5 faiz təşkil ediblər".

30
Teqlər:
Karabakh is Azerbaijan, Qarabağ Azərbaycandır, kitab, Azərbaycan, Qarabağ

Ağdam rayonunun Şelli kəndi - VİDEO

2
Noyabrın 10-da imzalanmış üçtərəfli bəyanata görə, erməni işğalçıları Ağdam rayonunu 2020-ci il noyabrın 20-də tərk ediblər

BAKI, 16 yanvar — Sputnik. Müdafiə Nazirliyi erməni işğalından azad olunan Ağdam rayonunun Şelli kəndindən videogörüntülər hazırlayıb.

Sputnik Azərbaycan həmin görüntüləri təqdim edir.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

2
Teqlər:
video, kənd, Ağdam
Evdən icazəsiz çıxan koronavirus xəstəsi

Gəncədə 30 nəfərə cinayət işi açıldı

2
(Yenilənib 16:30 16.01.2021)
Orxan Məmmədov koronavirus testinin nəticəsi pozitiv çıxmasına baxmayaraq avtoyuma məntəqəsinə gələrək orada işləyib

BAKI, 16 yanvar — Sputnik. Gəncə sakini Orxan Məmmədov koronavirus testinin nəticəsinin pozitiv çıxması, özünü təcrid edərək yaşadığı evdə müalicə almalı olduğu halda şəhər ərazisində fəaliyyət göstərən avtoyuma məntəqəsinə gələrək, orada işlyib. Müştərilərlə mütəmadi təmasda olaraq onlara infeksiyaya yoluxma təhlükəsi yaratdığından polis əməkdaşları tibbi prosedurları gözləməklə onu yaşadığı evə göndəriblər.

Daxili İşlər Nazirliyinin Mətbuat Xidmətinin Gəncə regional qrupundan Sputnik Azərbaycan-a verilən məlumata görə, bundan başqa, polislər şəhər ərazisindəki stasionar postda xidmət aparan zaman ayrı-ayrılıqda şəhər sakinləri Elnurə Verdiyeva və Sənan Hacıyevin də təcrid qaydalarına riayət etməyərək, sağalmadan yaşadığı evlərini tərk etdiklərini aşkar edib. Vətəndaşlara pandemiya barədə ümumi məlumat verilərək yaşadıqları evlərə göndəriliblər.

Koronavirus pandemiyasının qarşısının alınması məqsədilə aparılan tədbirlər nəticəsində Gəncə şəhərində ümumilikdə 30 nəfərin xəstəliyə yoxluxduğu halda yaşayış yerini tərk etməsi aşkarlanıb ki, həmin şəxslər barəsində Gəncə şəhər Baş Polis İdarəsinin İstintaq və Təhqiqat İdarəsində Azərbaycan Respublikasının Cinayət Məcəlləsinin 139-1. (Epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanıb, araşdırmalar davam etdirilir.

2
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar