Şuşada məscid, arxiv şəkli

Qarabağın gələcəyi daha çox ekoturizmə bağlı olacaq - Samir Dübəndi

86
(Yenilənib 10:08 09.10.2020)
Samir Dübəndi: "Başqa dövlət tərəfindən işğal olunmuş əraziyə invesitisiya qoyaraq hotellər tikmək qanunsuz fəaliyyət və cinayətdir"

Nigar İsgəndərova, Sputnik Azərbaycan

BAKI, 8 oktyabr — Sputnik. Cəbhə istiqamətində gedən döyüşlərin 27 senyabr tarixindən etibarən yeni mərhələyə qədəm qoyması və Azərbaycan ordusunun uğurla irəliləməsi bir sıra kəndlərin, əraizlərin işğaldan azad olunması, Cəbrayıl şəhərinin də azad olunması turizm sektorunda çalışanlara zəngin torpağı, təbiəti olan Qarabağın turizm potensialı haqda düşünməyə imkan verir.

Azərbaycan Hotellər və Restoranlar Assosiasiyası idarə heyətinin sədri Samir Dübəndi Sputnik Azərbaycan-a açıqlamasında Qarabağın turizm potensialından bəhs edib: "Hazırda əsas hədəfimiz işğalda olan torpaqlarımızın azad olunmasıdır. Bu gün şanlı ordumuz uğurla irəliləyir. Ümid edirik ki, tezliklə böyük mədəni irs daşıyıcımız olan bu torpaqlar bizə geri qayıdacaq".

"Dağlıq, meşəlik əraziləri əhatə edən Qarabağın turizm potensialı da çox yüksəkdir", - deyən həmsöhbətimiz qeyd edir ki, bu torpaqlar eyni zamanda da mineral və termal su mənbələri ilə də zəngin bir ərazidir. Erməni mənbələrinə istinad edən ekspert bildirir ki, bu gün Qarabağ ərazisində 50 hotel var. Burada bir neçə xarici şirkətin də adı çəkilir.

"Düşünürəm ki, gələcəkdə Azərbaycan ərazilərində bu şirkətlərin fəaliyyəti qadağan olunacaq. Çünki başqa dövlət tərəfindən işğal olunmuş əraziyə invesitisiya qoyaraq hotellər tikmək qanunsuz fəaliyyət və cinayətdir", - deyə Dübəndi bildirib.

Onun fikrincə, gələcəkdə həmin hotel və infrastukturun aqibətinin necə olacağını zaman göstərəcək. Rəqəmlərə gəldikdə isə, Ermənistan Xarici İşlər Nazirliyinin bəyanatlarında ötən illər ərzində təxminən 15-16 min turistin Ermənistan vasitəsilə Dağlıq Qarabağa gəldiyi bildirilir. Ermənilərin bu illər ərzində orada infrastruktur formalaşdırmağa çalışmalarına baxmayaraq, bu, elə də böyük rəqəm deyil. Lakin torpaqlar işğaldan azad olduqdan, Qarabağ təhlükəsiz zonaya çevridikdən sonra orada turizmi inkişaf etdirmək olar:

"Hələlik ilkin mərhələdə turizmdən danışmaq mümkün olmayacaq. Çünki ilkin mərhələdə görüləcək digər işlər var. İlk növbədə ərazilər minadan təmizlənməli, infrastruktur yenilənməlidir. Ermənilər bilirdilər ki, gec-tez bu əraziləri boşaldacaqlar. Ona görə də həmin ərazilərdə geniş infrastuktur layihələr həyata keçirilməyib. Müqayisə üçün deyim ki, ötən il Göygöl Milli Parkımız 5 min turist qəbul edib. Təkcə ölkədə daxili turizmdən danışsaq, ötən il bu rəqəm yarım milyonla 700 min arasında dəyişib".

Ekspert bildirir ki, Qarabağda turizmin inkişafı üçün sıra kadrların əməyindən istifadə edilməlidir. Dövlət, özəl sektor, alimlərin birgə səyi sayəsində Dağlıq Qarabağın sıfırdan turizm potensialı işlənib hazırlanmalıdır. Onlar Qarabağın həm təbii, həm də antropogen turizm resurslarını nəzərdən keçirməlidirlər.

"Düşünürəm ki, təbiətinin zənginliyinə görə Qarabağın gələcəyi daha çox ekoturizmə bağlı olacaq. Bundan məharətlə istifadə etsək, Qarabağı dünyada mühüm ekoloji turizm məkanlarından birinə çevirəcəyik. Ola bilsin, dövlət bu istiqmaətdə xüsusi proqram da qəbul etsin", - deyə Dübəndi bildirib.

Turizmçi hesab edir ki, Qarabağ turziminin inkişafı üçün yeni marşrutlar yaradılmalıdır. Dağlıq ərazi olduğundan, dağçılıq və alpinizm turizmi xüsusi qeyd edilməlidir. Bundan başqa, gəzintilər, aktiv və ekstremal turizmi inkişaf etdirmək olar.

S.Dübəndi Qarabağda turizmin inkişafı ilə yanaşı ermənilər tərəfindən saxtalaşdırılan abidələrin də öz tarixlərinə qovuşmasının vacibliyini dilə gətirib.

86
Bakıda maska taxmış şəxs

Yoluxanların sayı artdı, sərtləşməyə hazır olun!

9
Azərbaycanda koronavirus xəstələrinin 40 min 272 nəfəri müalicə olunaraq sağalıb, 635 nəfər vəfat edib. Aktiv xəstə sayı 4972 nəfərdir.

BAKI, 20 oktyabr — Sputnik. Azərbaycanda bu gün koronavirus infeksiyasına 584 yeni yoluxma faktı qeydə alınıb, 128 nəfər müalicə olunaraq sağalıb və evə buraxılıb.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Son sutkada 5 nəfər COVID-19-dan vəfat edib. Hazırkı dövrədək ölkəmizdə 45 min 879 nəfərin koronavirus infeksiyasına yoluxması faktı müəyyən edilib. Onlardan 40 min 272 nəfər müalicə olunaraq sağalıb, 635 nəfər vəfat edib. Aktiv xəstə sayı 4972 nəfərdir.

Ötən müddət ərzində 1 milyon 241 min 664 test aparılıb. Bugünkü test sayı isə 9028-dir.

9
Əməliyyat, arxiv şəkli

Hərbi əsirlərdən transplantasiya məqsədilə orqan götürülməsi qadağan edilib

9
(Yenilənib 21:00 20.10.2020)
Canlı donor və onun tərəfindən transplantasiyanın həyata keçirilməsinə verilmiş məlumatlandırılmış razılıq haqqında məlumatlar canlı donorlar reyestrinə daxil edilir.

Xalid Məmmədov, Sputnik Azərbaycan

BAKI, 20 oktyabr — Sputnik. Canlı donordan donor orqan götürülməsinə qoyulan məhdudiyyət müəyyən edilib.

Sputnik Azərbaycan xəbər verir ki, bu, Milli Məclisin bu gün keçirilən plenar iclasında üçüncü oxunuşda müzakirəyə çıxarılan "İnsan orqan və toxumalarının donorluğu və transplantasiyası haqqında" qanun layihəsində əksini tapıb.

Qanun layihəsinin 18-ci maddəsinə (Canlı donordan donor orqanın götürülməsinə məhdudiyyət) əsasən, resipiyentin sağlamlığı üçün təhlükə törədən xəstəliyi olan şəxslərdən orqan götürülməsi qadağandır. Bu xəstəliklərin siyahısı müvafiq icra hakimiyyəti orqanının müəyyən etdiyi orqan (qurum) tərəfindən müəyyən olunur.

18 yaşına çatmayan şəxsdən transplantasiya məqsədilə orqan və toxumaların (sümük iliyi, kök hüceyrələr istisna olmaqla) götürülməsi qadağandır.

18 yaşına çatmayan şəxsdən sümük iliyi və kök hüceyrələrinin götürülməsinə onun valideynlərinin razılığı ilə yol verilir.

Resipiyentin qulluq tabeliyində və ondan fiziki, mənəvi, maddi cəhətdən asılı olan və ya həbsdə olan şəxslərdən, daha əvvəl orqan donoru olmuş şəxslərdən, hamilə qadınlardan, valideyn himayəsindən məhrum uşaqlardan, hərbi əsirlərdən və fəaliyyət qabiliyyəti olmayan şəxslərdən transplantasiya məqsədilə orqan götürülməsi qadağandır.

Canlı donordan transplantasiya üçün cüt orqanlardan birini, tək orqanlardan isə o miqdarda və həcmdə götürmək olar ki, donorun həyatı üçün təhlükəli hallar, yaxud onun sağlamlığında bərpa olunmaz pozğunluqlar yaranmasın.

Qanun layihəsi səsə qoyularaq qəbul edilib.

Qeyd edək ki, canlı donor - öz orqanlarını xəstəliyi olan şəxslərə transplantasiya məqsədilə könüllü olaraq verən fəaliyyət qabiliyyətli on səkkiz yaşına çatmış (sümük iliyi və kök hüceyrələri istisna olmaqla) sağlam şəxsdir.

Orqanın götürülməsi əməliyyatından əvvəl canlı donor arvadının (ərinin) və ya digər yaxın qohumlarının birinin şahidliyi ilə forması müvafiq icra hakimiyyəti orqanının müəyyən etdiyi orqan (qurum) tərəfindən təsdiq edilmiş məlumatlandırılmış razılıq ərizəsini yazıb imzalamalıdır.

Canlı donor və onun tərəfindən transplantasiyanın həyata keçirilməsinə verilmiş məlumatlandırılmış razılıq haqqında məlumatlar canlı donorlar reyestrinə daxil edilir.

Bu qanun Azərbaycanda insan orqanlarının və toxumalarının (bundan sonra - orqanlar) donorluğunun və onların transplantasiyasının hüquqi əsaslarını, donorların, resipiyentlərin, orqan transplantasiyası sahəsində fəaliyyət göstərən tibb müəssisələrinin və tibb işçilərinin hüquqlarını və vəzifələrini müəyyən edir, bu sahədə yaranan münasibətləri tənzimləyir.

9
Zəngilan rayonu

Zəngilan şəhəri 27 il sonra - quş uçuşundan

0
(Yenilənib 21:30 20.10.2020)
Azərkosmos" işğaldan azad edilən Zəngilan şəhərinin peyk görüntüsünü paylaşıb: Zəngilanın təbiəti, tarixi abidələri ermənilər tərəfindən məhv edilib.

BAKI, 20 oktyabr — Sputnik. "Azərkosmos" işğaldan azad edilən Zəngilan şəhərinin peyk görüntüsünü paylaşıb.

Sputnik Azərbaycan-ın məlumatına görə, görüntü peyk operatorunun Facebook səhifəsində dərc olunub. "Azərkosmos" bu barədə yazıb:

"Ali Baş Komandan İlham Əliyev bu gün yeni zəfər müjdəsi verdi. Zəngilan şəhəri 27 ildən sonra düşmənin işğalından azad olundu. Zəngilan şəhərinin "Azersky" peykindən bu gün çəkilmiş təsvirini sizinlə bölüşürük. Zəngilan rayonunda dünyanın nadir təbiət incilərindən olan çinar ağacları ilə zəngin Bəsitçay Dövlət təbiət qoruğu bu illər ərzində ermənilər tərəfindən vəhşicəsinə dağıdılıb və talan edilib. İşğalçıların ekologiyaya etdiyi dağıdıcı təsir nəticəsində bölgənin flora və faunasına ciddi ziyan dəyib".

"Azərkosmos" həmçinin qeyd edib ki, Zəngilan rayonunun ərazisində orta əsrlərə aid və öz memarlıq üslubuna görə seçilən səkkizguşəli Yəhya ibn Məhəmməd türbəsi də təəssüf ki, işğalçıların dağıtdığı tarixi mədəniyyət abidələrimiz sırasındadır. Bu gün ölkəmizin uğurlu siyasəti və qüdrətli ordusu illərdir səbirsizliklə gözlədiyimiz torpaqlarımızın azad olunması xəbərləri ilə xalqımızı sevindirir, tezliklə tam qələbə çalmağımıza inamımızı daha da artırır.

Biz zəfər çalacağıq! Biz qalib gələcəyik! Qarabağ Azərbaycandır!

0