Dərzi Mehman Bayramov Azərbaycan bayrağı tikir

Qızıldan qiymətli hədiyyə: lənkəranlı usta Qarabağı əl işləriylə bəzəmək istəyir - FOTO

364
(Yenilənib 22:45 07.10.2020)
“Gəlib material verirlər, mən təmənnasız olaraq tikib təhvil verirəm. Material verməyənlər üçün isə pulsuz bayraq tikib hədiyyə edirəm”

Rahim Muradov, Sputnik Azərbaycan

BAKI, 7 oktyabr — Sputnik. Lənkəran rayonunun Kərgəlan kənd sakini dərzi Mehman Bayramov maraqlı təşəbbüsə əl atıb. Sputnik Azərbaycan-ın müxbirinə müsahibə verən Mehman usta çoxdandır bayraq tikməyə həvəsi olduğunu bildirdi:

“Mənim uşaqlıqdan dərziliyə böyük həvəsim olub. Artıq səkkizinci sinifdə oxuyanda əl tikiş maşını götürüb işləmişəm. 1985-ci ildə dərzilik üzrə təhsilimi bitirib, diplomumu alandan sonra bir müddət rayonda dərzi işlədim. Daha sonra uzun müddət Türkiyədə dərzi işləyəndən sonra yenidən Vətənə qayıtdım və kənddə işləməyə başladım. Üç ildir ki, bayraq tikirəm. Bələdiyyələr, kənd icra nümayəndəlikləri, seçki məntəqələri, bayramlarda məktəblər üçün sifariş veriblər, mən də zəhmət haqqımı alıb, tikib vermişəm. Sifarişlər həm bizim, həm də qonşu kəndlərdən olurdu. Özü də əvvəl hər ölçüdə tikirdim”.

  • Dərzi Mehman Bayramov Azərbaycan bayrağı tikir
    © Sputnik / Rahim Murad
  • Dərzi Mehman Bayramov Azərbaycan bayrağı tikir
    © Sputnik / Rahim Murad
  • Dərzi Mehman Bayramov Azərbaycan bayrağı tikir
    © Sputnik / Rahim Murad
  • Dərzi Mehman Bayramov Azərbaycan bayrağı tikir
    © Sputnik / Rahim Murad
  • Dərzi Mehman Bayramov Azərbaycan bayrağı tikir
    © Sputnik / Rahim Murad
  • Dərzi Mehman Bayramov Azərbaycan bayrağı tikir
    © Sputnik / Rahim Murad
  • Dərzi Mehman Bayramov Azərbaycan bayrağı tikir
    © Sputnik / Rahim Murad
1 / 7
© Sputnik / Rahim Murad
Dərzi Mehman Bayramov Azərbaycan bayrağı tikir

Müsahibimiz deyib ki, döyüşlərin başladığı ilk günlərdə Lənkərandan olan gənclərimiz orduya dəstək üçün sovqatlar aparan avtomobil karvanını Azərbaycan bayrağı ilə bəzəmək üçün ondan bayraq tikməsini istəyiblər.

"Bayraq üçün lazım olan parçaları gətirdilər ki, bayraq tikim. Mən tikdim, amma pul almadım. Mən də bundan həvəslənərək qərara aldım ki, pulsuz bayraq tikib cəbhəyə göndərim. Lənkərandan əsgərlərimiz üçün sovqat aparan qardaşlarımıza vermişəm, onlar da Füzuli istiqamətində olan əsgərlərimiz üçün aparıblar. Başqaları da gəlib material verirlər, mən təmənnasız olaraq tikib təhvil verirəm. Material verməyənlər üçün isə pulsuz bayraq tikib hədiyyə edirəm", - deyə Mehman Bayramov əlavə edib.

M.Bayramov əsasən 2 ölçüdə - 150x90 sm və 100x50 sm - bayraqlar tikir. "Allahın köməyi ilə mənim tikib göndərdiyim bayraqlar Qarabağda dalğalanacaq. Allah əsgərlərimizə kömək olsun, qələbə qazanıb sağ-salamat evlərinə qayıtsınlar", - deyən dərzi Azərbaycan bayrağını tikmək üçün əlində lazım olan qədər materialı olarsa və gecəni də yatmazsa, bir sutkaya 50 ədəd bayraq tikə biləcəyini vurğuladı.

364
Teqlər:
pulsuz, hədiyyə, bayraq, dərzi, Lənkəran
Əlaqədar
Tovuzun qocaman sakini Şuşa üçün bayraq tikir
O qürurlu an: əsgərimiz Azərbaycan bayrağını azad edilmiş Suqovuşana sancır - VİDEO
Ermənilər öz bayraqlarını Kolumbiyanınkı ilə səhv saldılar
Azərbaycan və Türkiyə şahinləri Gəncə üzərində bayraqlarımızı dalğalandırdılar - VİDEO
Türkiyədən daha bir dəstək - Amasyadakı dağ Azərbaycan bayrağına "bürünüb"
Elnur Hüseynov, arxiv şəkli

"Eurovision" ulduzlarından Gəncə terroru barədə klip

14
(Yenilənib 20:03 28.10.2020)
"Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

BAKI, 28 oktyabr — Sputnik. "Eurovision" mahnı müsabiqəsinin ulduzları Elnur Hüseynov və Fidan Hüseynova Ermənistanın Gəncədə törətdiyi terror aktları barədə klip çəkiblər. Sputnik Azərbaycan xəbər verir ki, "Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

Müğənni kliplə bağlı danışarkən bunları deyib: "Oktyabrın 4, 11 və 17-də Azərbaycanın hərbi əməliyyatlar zonasından kənarda yerləşən, əhalisinin sayına görə ikinci ən böyük şəhəri olan Gəncəyə üç raket hücumu nəticəsində 26 nəfər həlak olub. Həlak olanlar arasında 10 qadın və 6 uşaq var. Daha 138 nəfər yaralanıb. İndi informasiya müharibəsi gedir və hər kəsin öz silahı var: bizim mahnımız ingilis dilində olduğu üçün istədim ki, yenidən o mahnıya qayıdaq və bütün həqiqəti dünyaya çatdıraq. Bu arzumu Fidanın atası Yaqub müəllimə bildirəndə o, mənim ideyamı ürəkdən dəstəklədi".

Rejissor Ülviyyə Könül bildirib ki, bu klipin ərsəyə gəlməsində məqsəd həqiqəti bəşəriyyətə çatdırmaqdır: "Mənim fikrimcə, bu klip çox güclü material yaratmağa kömək edib, çünki bu mövzuya laqeyd qalmaq mümkün deyil".

Layihə müəlliflərinin sözlərinə görə, bu gün dünya birliyi anlamalıdır ki, Ermənistanın terrorçu qoşunları Azərbaycan ərazisində vuruşur, lakin Qarabağın hüdudlarından uzaqlarda dinc əhaliyə qarşı vəhşiliklər törədirlər.

Mahnının sözləri Cəlal Qurbanovundır. Misraları ingilis dilinə tərcümə etmiş şairə Nigar Həsənzadə deyir:

"Bu mahnı doğma Azərbaycanımızın övladlarına, müharibə nəticəsində həyatlarını itirmiş günahsız qurbanlara görə bizim ümumi harayımız və fəryadımızdır. Bu mahnı dünya birliyini həqiqətin gözünün içinə baxmağa, öz ambisiyalarını müvəqqəti də olsa, unutmağa, mənfur erməni diasporunun təsirinə uymamağa və terrorçu ermənilərin bəşəriyyət əleyhinə törətdiyi dəhşətli cinayətlərə görə onları mühakimə etməyə çağırışdır".

14
Mövzu:
Azərbaycan və Ermənistan arasında müharibə
Şəhid general Polad Həşimovun portreti, arxiv şəkli

Türkiyədə general Həşimovun adına park salındı - VİDEO

26
(Yenilənib 20:31 28.10.2020)
Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər

BAKI, 28 oktyabr - Sputnik. Ermənistan silahlı qüvvələrinin Tovuz rayonu istiqamətindən ölkəmizə xain hücumları nəticəsində şəhid olan Azərbaycan Silahlı Qüvvələrinin generalı Polad Həşimovun əziz xatirəsi Türkiyədə əbədiləşdirilib.

Sputnik Azərbaycan-ın məlumatına görə, Bursanın Osmanqazi rayonunun Dəmirtaş bölgəsində Polad Həşimovun adı verilən yeni park salınıb.

Parkın açılış mərasimi Azərbaycan və Türkiyənin dövlət himnləri səsləndirilməsi ilə başlayıb. Sonra şəhidlərimizin əziz xatirəsi bir dəqiqəlik sükutla yad olunub, onların ruhuna dualar oxunub.

Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər.

26
Əlaqədar
Türkiyədə Polad Həşimovun xatirəsi əbədiləşdirilir
"Təhlükəsizlik baxımından bizim üçün Türkiyənin önəmi qiymətsizdir" – Azərbaycanlı general
"Yeni şəhidlərimiz olmasın" - Polad Həşimovun portretini yaradan rəssam - VİDEO
İranın xarici işlər nazirinin müavini Abbas Əraqçi, arxiv şəkli

Abbas Əraqçi: "İran Azərbaycan ərazilərinin işğal olunmasına müxalif olub"

0
(Yenilənib 21:51 28.10.2020)
İran XİN başçısının müavini: Son günlərdə Azərbaycan Ordusunun döyüş meydanında əldə etdiyi qələbələr, işğal olunmuş ərazilərin bir hissəsinin azad edilməsi münasibətilə Sizi təbrik etmək istəyirəm.

BAKI, 28 oktyabr - Sputnik. "Cənab Prezident, mənə vaxt ayırdığınıza görə çox təşəkkür edirəm. Hər şeydən əvvəl bu gün Bərdə şəhərinin raket hücumuna məruz qalması ilə əlaqədar həyatını itirmiş mülki insanlara, dinc insanların ölümünə səbəb olmuş bu hadisə ilə əlaqədar, orada şəhid olmuş insanlarla əlaqədar Sizə, Azərbaycan xalqına, Azərbaycan dövlətinə başsağlığı vermək istəyirəm".

Sputnik Azərbaycan xəbər verir ki, bu fikirləri İran İslam Respublikası Prezidentinin xüsusi nümayəndəsi, Xarici İşlər nazirinin müavini Seyid Abbas Əraqçi Azərbaycan Respublikasının Prezidenti İlham Əliyevlə görüşü zamanı deyib.

"Siz də yaxşı bilirsiniz ki, İran İslam Respublikası elə ilk günlərdən Azərbaycanın ərazilərinin işğal olunmasına müxalif olub və Azərbaycanın ərazi bütövlüyünü dəstəkləyib. Mən özümə borc bilirəm, son günlərdə Azərbaycan Ordusunun döyüş meydanında əldə etdiyi qələbələr, işğal olunmuş ərazilərin bir hissəsinin azad edilməsi münasibətilə Sizi təbrik etmək istəyirəm. Bu yolda öz canını fəda edən bütün şəhidlər qarşısında baş əyirəm. Cənab doktor Həsən Ruhaninin isti salamlarını Sizə çatdırıram" , - Seyid Abbas Əraqçi bildirib.

Prezident İlham Əliyev isə öz növbəsində İran İslam Respublikasının Prezidenti Həsən Ruhaninin salamlarına görə minnətdarlığını bildirib, onun da salamlarını İranın dövlət başçısına çatdırmağı xahiş edib.

0