Yağışlı hava, arxiv şəkli

Yağış, sürət, tıxac cəbhəyə gedən yardımlar - diqqətli olmaq lazımdır

57
(Yenilənib 19:14 05.10.2020)
"Bu, yanlış addımdır. Hər bir kəs bilməlidir ki, istənilən qəza şəraitinin yaranması üçün yüksək sürət əsas amildir. Diqqətli olmaq lazımdır".

İradə Cəlilova, Sputnik Azərbaycan

BAKI, 5 oktyabr — Sputnik. Son günlər paytaxtın küçə və prospektlərində böyük tıxaclar müşahidə edilir. Xüsusən Bakı-Sumqayıt yolunda, Ziya Bünyadov, Neftçilər prospekti, Sabunçu-Zabrat yolunda tıxaclar saatlarla davam edir.

Bu gün səhər isə hava yağışlı olduğu üçün bəzi ərazilərdə, xüsusən Bakı-Sumqayıt yolunda hərəkət saatlarla dayanıb.

Yolda dəmiryol körpüsünün tikintisi aparıldığı və yolun yaş olması, sürüşməyə səbəb olduğu üçün bütün avtomobillər sürəti azaldaraq hərəkət edir, bu da tıxacın müddətini artırır.

Nəqliyyat məsələləri üzrə ekspert Elməddin Muradlı Sputnik Azərbaycan-a açıqlamasında bildirib ki, yağışlı havalarda tıxac müxtəlif səbəblərdən yaranır.

"Yağışlı havalarda yollar yaş və sürüşmə ehtimalı olduğunu görə sürücülər avtomatik olaraq təhlükədən yayınmaq üçün sürəti azaldır. Çünki quru yol ilə yaş yolun əyləc məsafəsi eyni olmur. Buna görə də yollarda ötürücülük qabiliyyəti aşağı düşür və tıxac müşahidə edilir", - deyən ekspert vurğulayıb ki, yağışlı günlərdə sürücülərin diqqət etdiyi əsas məqamlardan biri elə sürət həddinin tənzimlənməsidir.

Bununla yanaşı, yağışlı günlərdə yollardakı vəziyyət nəzərə alınaraq, təkərlərin də necə olduğuna fikir verilməlidir. Belə ki, yeyilmiş, aşınmış, "keçəlləşmiş" təkərlərin asfaltda sürüşmə ehtimalı daha böyük olur.

"Yəni əgər quru asfaltda avtomobili 10 metr qalmış saxlamaq olurdusa, yağışlı havalarda bu məsafə 15-16 metr olur. Yağışlı havalarda hesab düzgün aparılmadığına görə həmin 5 metr məsafədə toqquşma ehtimalı artır. Bu səbəbdən də sürücülər daha diqqətli olmalıdırlar", - deyən E.Muradlı bildirib ki, müharibə şəraiti ilə əlaqədar əsgərlərimizə yardım aparan şəxslərin sosial şəbəkələrdə mənzil başına tez çata bilmək üçün daha sürətli avtomobil idarə etdikləri qeyd edilir.

"Bu, yanlış addımdır. Hər bir kəs bilməlidir ki, istənilən qəza şəraitinin yaranması üçün yüksək sürət əsas amildir. Diqqətli olmaq lazımdır".

57
Teqlər:
Bakı, sürət, yol, yağış
Bakıda maska taxmış şəxs

Yoluxanların sayı artdı, sərtləşməyə hazır olun!

9
Azərbaycanda koronavirus xəstələrinin 40 min 272 nəfəri müalicə olunaraq sağalıb, 635 nəfər vəfat edib. Aktiv xəstə sayı 4972 nəfərdir.

BAKI, 20 oktyabr — Sputnik. Azərbaycanda bu gün koronavirus infeksiyasına 584 yeni yoluxma faktı qeydə alınıb, 128 nəfər müalicə olunaraq sağalıb və evə buraxılıb.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Son sutkada 5 nəfər COVID-19-dan vəfat edib. Hazırkı dövrədək ölkəmizdə 45 min 879 nəfərin koronavirus infeksiyasına yoluxması faktı müəyyən edilib. Onlardan 40 min 272 nəfər müalicə olunaraq sağalıb, 635 nəfər vəfat edib. Aktiv xəstə sayı 4972 nəfərdir.

Ötən müddət ərzində 1 milyon 241 min 664 test aparılıb. Bugünkü test sayı isə 9028-dir.

9
Əməliyyat, arxiv şəkli

Hərbi əsirlərdən transplantasiya məqsədilə orqan götürülməsi qadağan edilib

9
(Yenilənib 21:00 20.10.2020)
Canlı donor və onun tərəfindən transplantasiyanın həyata keçirilməsinə verilmiş məlumatlandırılmış razılıq haqqında məlumatlar canlı donorlar reyestrinə daxil edilir.

Xalid Məmmədov, Sputnik Azərbaycan

BAKI, 20 oktyabr — Sputnik. Canlı donordan donor orqan götürülməsinə qoyulan məhdudiyyət müəyyən edilib.

Sputnik Azərbaycan xəbər verir ki, bu, Milli Məclisin bu gün keçirilən plenar iclasında üçüncü oxunuşda müzakirəyə çıxarılan "İnsan orqan və toxumalarının donorluğu və transplantasiyası haqqında" qanun layihəsində əksini tapıb.

Qanun layihəsinin 18-ci maddəsinə (Canlı donordan donor orqanın götürülməsinə məhdudiyyət) əsasən, resipiyentin sağlamlığı üçün təhlükə törədən xəstəliyi olan şəxslərdən orqan götürülməsi qadağandır. Bu xəstəliklərin siyahısı müvafiq icra hakimiyyəti orqanının müəyyən etdiyi orqan (qurum) tərəfindən müəyyən olunur.

18 yaşına çatmayan şəxsdən transplantasiya məqsədilə orqan və toxumaların (sümük iliyi, kök hüceyrələr istisna olmaqla) götürülməsi qadağandır.

18 yaşına çatmayan şəxsdən sümük iliyi və kök hüceyrələrinin götürülməsinə onun valideynlərinin razılığı ilə yol verilir.

Resipiyentin qulluq tabeliyində və ondan fiziki, mənəvi, maddi cəhətdən asılı olan və ya həbsdə olan şəxslərdən, daha əvvəl orqan donoru olmuş şəxslərdən, hamilə qadınlardan, valideyn himayəsindən məhrum uşaqlardan, hərbi əsirlərdən və fəaliyyət qabiliyyəti olmayan şəxslərdən transplantasiya məqsədilə orqan götürülməsi qadağandır.

Canlı donordan transplantasiya üçün cüt orqanlardan birini, tək orqanlardan isə o miqdarda və həcmdə götürmək olar ki, donorun həyatı üçün təhlükəli hallar, yaxud onun sağlamlığında bərpa olunmaz pozğunluqlar yaranmasın.

Qanun layihəsi səsə qoyularaq qəbul edilib.

Qeyd edək ki, canlı donor - öz orqanlarını xəstəliyi olan şəxslərə transplantasiya məqsədilə könüllü olaraq verən fəaliyyət qabiliyyətli on səkkiz yaşına çatmış (sümük iliyi və kök hüceyrələri istisna olmaqla) sağlam şəxsdir.

Orqanın götürülməsi əməliyyatından əvvəl canlı donor arvadının (ərinin) və ya digər yaxın qohumlarının birinin şahidliyi ilə forması müvafiq icra hakimiyyəti orqanının müəyyən etdiyi orqan (qurum) tərəfindən təsdiq edilmiş məlumatlandırılmış razılıq ərizəsini yazıb imzalamalıdır.

Canlı donor və onun tərəfindən transplantasiyanın həyata keçirilməsinə verilmiş məlumatlandırılmış razılıq haqqında məlumatlar canlı donorlar reyestrinə daxil edilir.

Bu qanun Azərbaycanda insan orqanlarının və toxumalarının (bundan sonra - orqanlar) donorluğunun və onların transplantasiyasının hüquqi əsaslarını, donorların, resipiyentlərin, orqan transplantasiyası sahəsində fəaliyyət göstərən tibb müəssisələrinin və tibb işçilərinin hüquqlarını və vəzifələrini müəyyən edir, bu sahədə yaranan münasibətləri tənzimləyir.

9