Bakıda avtomobil hərəkatı, arxiv şəkli

Vaqif Əsədov: Bəzən vətəndaşlar saat 22.00-a qədər gecikirlər

561
(Yenilənib 22:50 02.10.2020)
Belə olan halda vətəndaşlar polis bölmələrində saat 06.00-ya qədər saxlanılır və onlara – fiziki şəxslərə 30-50 manat, vəzifəli şəxslərə 100-150 manat, hüquqi şəxslərə 1000-1500 manat məbləğində cərimə tətbiq edilir.

BAKI, 2 oktyabr — Sputnik. Bakı şəhər Dövlət Yol Polisi İdarəsi vətəndaşlara, avtomobil sahiblərinə və sürücülərə müraciət edib.

Bu barədə Sputnik Azərbaycan-a idarənin mətbuat xidmətinin rəisi, polis polkovniki Vaqif Əsədov məlumat verib.

O bildirib ki, Bakı şəhərində saat 21.00-dən ertəsi gün saat 6.00-a qədər komendant saatı tətbiq edildiyi üçün komendant saatı müddətində hər bir hərəkət iştirakçısı xidməti vəsiqəsi və ya icaze.e-gov.az portalında qeydiyyatdan keçməklə hərəkət etməlidir.

"Məlumat üçün bildirim ki, komendant postlarına giriş-çıxış edən hər bir hərəkət iştirakçısı əvvəlcədən ünvana qədər olan müddəti və məsafəni nəzərə alıb, komendant saatı başlayana qədər qalacaqları ünvana getməlidirlər. Yaxud işini başa çatdırmayan, eləcə də komendant saatı dövründə xüsusi icazəsi və ya şəxsiyyət vəsiqəsi olmayan şəxslər qaldıqları, olduqları ünvanı tərk etməməlidirlər".

Onun sözlərinə görə, komendant saatının tələblərini pozan vətəndaş, sürücü, sərnişin ərazi polis orqanlarında saxlanılır və İnzibati Xətalar Məcəlləsinin 517-ci maddəsinə əsasən inzibati tənbeh tədbiri həyata keçirilir.

V.Əsədov bildirib ki, bəzən vətəndaşlar məsafəni və ya müddəti nəzərə almayaraq, saat 22.00-a qədər yolda qalır, komendant saatının tələbini pozur.

Belə olan halda vətəndaşlar polis bölmələrində saat 06.00-a qədər saxlanılır və onlara – fiziki şəxslərə 30-50 manat, vəzifəli şəxslərə 100-150 manat, hüquqi şəxslərə 1000-1500 manat məbləğində cərimə tətbiq edilir.

"Bir daha vətəndaşlardan tələblərə uyğun hərəkət etmək xahiş edilir", - deyə V.Əsədov bildirib.

561
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

21
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

21
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

10
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

10