Toy süfrəsi, arxiv şəkli

Toylara icazə veriləcək, amma masaların qiyməti beş dəfə baha olacaq

977
(Yenilənib 16:54 25.09.2020)
Rayon icra hakimiyyətləri şadlıq saraylarından toyların keçirildiyi zalların ölçülərinin onlara təqdim olunmasını istəyir, qonaqların sayını isə NK yanında Operativ Qərargah müəyyən edəcək.

Zülfiyyə Quluyeva, Sputnik Azərbaycan

BAKI, 24 sentyabr — Sputnik. Azərbaycanda el şənliklərinin keçirilməsinə icazə verilməsi gözlənilir. Bu barədə sosial şəbəkələrdə məlumatlar yayılıb. Yayılan xəbərlərə görə oktyabrın 18-dən sonra toyların keçirilməsinə icazə veriləcək. Hətta bununla bağlı şadlıq saraylarına məlumat da verilib.

Sputnik Azərbaycan toylarla bağlı yayılmış məlumatı dəqiqləşdirmək üçün şadlıq sarayları ilə əlaqə saxlayıb. Əlaqə saxladığımız şadlıq saraylarından bildiriblər ki, artıq rayon icra hakimiyyətləri onlardan el şənliklərinin keçirildiyi zallarla bağlı məlumatlar alıb. "Romance Palace" şadlıq evindən Sputnik Azərbaycan-a bildirdilər ki, Rayon İcra Hakimiyyəti əməkdaşları tərəfindən işlək şadlıq sarayları qeydə alınır:

"Bizə Rayon İcra Hakimiyyətindən müraciət etdilər ki, toyların keçirildiyi zalların ölçülərini onlara təqdim edək. Biz də zalların kvadratını ölçüb onlara təqdim etdik. Bizdə 3 korpus 6 zal var. Hər zal fərqli sayda qonaq sayı üçün nəzərdə tutulub. Amma bilmirik ki, hansı ölçüdə zalda nə qədər qonağın iştirak etməsinə icazə veriləcək. Qiymətlər 55 manatdan başlayıb 70-100 manat arasında dəyişir. Amma bizə 500 nəfərlik zala 150 qonağa icazə verilsə, bilin ki, buna razı olmayacağıq. Çünki astarı üzündən baha gəlir. Belə olsa, xərci borcunu ödəmir".

"İmperial" şadlıq sarayından isə bildirdilər ki, oktyabr ayına şadlıq saraylarının fəaliyyətinə icazə veriləcəyi barədə onlara da məlumat daxil olub. Şadlıq sarayının Cavid adlı administratoru Sputnik Azərbaycan-a bildirib ki, yerli rayon icra hakimiyyətinin əməkdaşları onlardan zalların ölçüsü, qonaq sayı barədə məlumatları tələb edib:

"Biz də nə məlumat tələb olunub zalın siyahısı ilə bağlı vermişik. Belə məlumat var ki, oktyabrın 18-dən sonra toylara müəyyən şərtlər əsasında icazə veriləcək. Bizdə oktyabr və noyabr aylarına yer yoxdur. Amma belə eşitmişik ki, 500 nəfərlik zala 250 nəfər qonağın qəbulu üçün icazə veriləcək".

Administrator bildirib ki, masanın qiyməti hazırda 40-45-55 manat arasında dəyişsə də, qonaq sayı Nazirlər Kabineti yanında Operativ Qərərgahın qərarından sonra məlum olacaq. O ki qaldı qonaq sayının qiymətə təsirinə, administrator adambaşına 3 manat olmaqla qiymətlərdə dəyişikliyin olacağını istisna etmədiyini söylədi.

"Badi-Səba Saray"-ın Azad adlı administratoru da toy üçün sifarişlərin qəbul olunduğunu söylədi. Bildirdi ki, oktyabr ayında toy üçün sifarişlər qəbul edilsə də, hələ ki toyların keçiriləcəyi tarix açıqlanmayıb: "Biz oktyabr üçün sifariş götürürük. Belə deyiblər ki, Məhərrəm ayı çıxandan sonra, oktyabrın 18-dən toyların keçirilməsinə icazə veriləcək. Əgər oktyabrda verilməsə, biz toy tarixlərini noyabr ayına keçirəcəyik. Biz də hazırlaşırıq".

"Arena saray"-ın özünü Rəşad adı ilə təqdim edən administratoru isə bildirdi ki, onlardan toyların keçiriləcəyi zalların sahəsi ilə bağlı məlumat alındığından sifariş qəbul edirlər:

"Bizdə zal 450 nəfər üçün nəzərdə tutulub. Amma bilmirik ki, nə qədər qonaq qəbuluna icazə veriləcək. Bu NK yanında Operativ Qərərgahın verəcəyi qərardan asılı olacaq". 

Şadlıq saraylarının ən çox yerləşdiyi Nizami rayonu olduğundan, Nizami Rayon İcra Hakimiyyəti ilə də əlaqə saxladıq. İcra Hakimiyyətinin İnformasiya təminatı və təhlil sektorunun müdiri Cavid Qafarov onda belə bir məlumat olmadığını söylədi.

Digər rayonların icra hakimiyyətlərində isə bununla bağlı sualımızı NK yanında Operativ Qərargaha ünvanlamağı məsləhət gördülər.

Səhiyyə Nazirliyinin baş infeksionisti Cəlal İsayev Sputnik Azərbaycan-a bildirib ki, toyların keçirilməsi ilə bağlı hələ bir qərar olmasa da, qapalı məkanlarda toyların təşkili müəyyən şətlər əsasında mümkün ola bilər: "Qapalı məkanlarda toyların təşkilinə çox diqqətlə yanaşmaq lazımdır. Çünki, toylarda qohum-əqraba toplaşır, biri-biriləri ilə görüşüb göz aydınlığı verirlər. Ona görə də, yoluxma sayına uyğun qərar verilə bilər. Əgər yoluxma az olarsa, tibbi maska, sosial məsafə və gigiyenik tədbirlərə əməl etməklə az sayda adamın iştirakı ilə toylar keçirilə bilər. Bu zaman mütləq şadlıq evinin sahəsi, havalandırma və sair nüanslar nəzərə alınmalıdır. Əvvəlki kimi 350-500 nəfəri bir zala yığıb toy etmək olmaz. Çox yaxın qohumların iştirakı ilə belə mərasimlər baş tuta bilər. Amma yenə də bu barədə qərarı Nazirlər Kabineti yanında Operativ Qərərgah verməlidir".

977
Teqlər:
operativ qərargah, icra hakimiyyəti, toy
Əlaqədar
Xalqımın toy kimi bir adəti var... Operativ Qərargah “toplantılara” icazə verəcəkmi?
Məşhur restoranda toy məclisi baha başa gəldi: Tutulanlar var
Xalq artisti toy təklifindən imtina edib
Nikaha daxil olmaq toy etməkdən də çətin oldu
Həkim sözü: "Artıq toyların keçirilməsinə icazə verilməlidir"
Elnur Hüseynov, arxiv şəkli

"Eurovision" ulduzlarından Gəncə terroru barədə klip

42
(Yenilənib 20:03 28.10.2020)
"Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

BAKI, 28 oktyabr — Sputnik. "Eurovision" mahnı müsabiqəsinin ulduzları Elnur Hüseynov və Fidan Hüseynova Ermənistanın Gəncədə törətdiyi terror aktları barədə klip çəkiblər. Sputnik Azərbaycan xəbər verir ki, "Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

Müğənni kliplə bağlı danışarkən bunları deyib: "Oktyabrın 4, 11 və 17-də Azərbaycanın hərbi əməliyyatlar zonasından kənarda yerləşən, əhalisinin sayına görə ikinci ən böyük şəhəri olan Gəncəyə üç raket hücumu nəticəsində 26 nəfər həlak olub. Həlak olanlar arasında 10 qadın və 6 uşaq var. Daha 138 nəfər yaralanıb. İndi informasiya müharibəsi gedir və hər kəsin öz silahı var: bizim mahnımız ingilis dilində olduğu üçün istədim ki, yenidən o mahnıya qayıdaq və bütün həqiqəti dünyaya çatdıraq. Bu arzumu Fidanın atası Yaqub müəllimə bildirəndə o, mənim ideyamı ürəkdən dəstəklədi".

Rejissor Ülviyyə Könül bildirib ki, bu klipin ərsəyə gəlməsində məqsəd həqiqəti bəşəriyyətə çatdırmaqdır: "Mənim fikrimcə, bu klip çox güclü material yaratmağa kömək edib, çünki bu mövzuya laqeyd qalmaq mümkün deyil".

Layihə müəlliflərinin sözlərinə görə, bu gün dünya birliyi anlamalıdır ki, Ermənistanın terrorçu qoşunları Azərbaycan ərazisində vuruşur, lakin Qarabağın hüdudlarından uzaqlarda dinc əhaliyə qarşı vəhşiliklər törədirlər.

Mahnının sözləri Cəlal Qurbanovundır. Misraları ingilis dilinə tərcümə etmiş şairə Nigar Həsənzadə deyir:

"Bu mahnı doğma Azərbaycanımızın övladlarına, müharibə nəticəsində həyatlarını itirmiş günahsız qurbanlara görə bizim ümumi harayımız və fəryadımızdır. Bu mahnı dünya birliyini həqiqətin gözünün içinə baxmağa, öz ambisiyalarını müvəqqəti də olsa, unutmağa, mənfur erməni diasporunun təsirinə uymamağa və terrorçu ermənilərin bəşəriyyət əleyhinə törətdiyi dəhşətli cinayətlərə görə onları mühakimə etməyə çağırışdır".

42
Mövzu:
Azərbaycan və Ermənistan arasında müharibə
Şəhid general Polad Həşimovun portreti, arxiv şəkli

Türkiyədə general Həşimovun adına park salındı - VİDEO

46
(Yenilənib 20:31 28.10.2020)
Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər

BAKI, 28 oktyabr - Sputnik. Ermənistan silahlı qüvvələrinin Tovuz rayonu istiqamətindən ölkəmizə xain hücumları nəticəsində şəhid olan Azərbaycan Silahlı Qüvvələrinin generalı Polad Həşimovun əziz xatirəsi Türkiyədə əbədiləşdirilib.

Sputnik Azərbaycan-ın məlumatına görə, Bursanın Osmanqazi rayonunun Dəmirtaş bölgəsində Polad Həşimovun adı verilən yeni park salınıb.

Parkın açılış mərasimi Azərbaycan və Türkiyənin dövlət himnləri səsləndirilməsi ilə başlayıb. Sonra şəhidlərimizin əziz xatirəsi bir dəqiqəlik sükutla yad olunub, onların ruhuna dualar oxunub.

Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər.

46
Əlaqədar
Türkiyədə Polad Həşimovun xatirəsi əbədiləşdirilir
"Təhlükəsizlik baxımından bizim üçün Türkiyənin önəmi qiymətsizdir" – Azərbaycanlı general
"Yeni şəhidlərimiz olmasın" - Polad Həşimovun portretini yaradan rəssam - VİDEO
Avropa İttifaqının bayrağı (Aİ), arxiv şəkli

Dağlıq Qarabağ münaqişəsinin sülh yolu ilə həllinə dair substantiv danışıqlara çağırdı

0
Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanon atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı bəyanat yayıb.

BAKI, 29 oktyabr - Sputnik. Avropa İttifaqı Rusiya, Fransa və ABŞ-ın vasitəçiliyi ilə atəşkəsə dair üç razılaşmadan sonra Dağlıq Qarabağ və ətrafında döyüşlərin hələ də davam etdiyini və daha çox mülki şəxslərin hədəf alınmasını qəbuledilməz hesab edir.

Sputnik Azərbaycan xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanonun atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı verdiyi bəyanatda bildirilib.

Bəyanatda, o da qeyd edilib ki, Avropa İttifaqı münaqişə tərəflərinə beynəlxalq humanitar hüquqa əsasən, mülki  şəxsləri qorumaq öhdəliklərini bir daha xatırladır.

"Avropa İttifaqı tərəfləri sonuncu dəfə 25 oktyabrda Vaşinqtonda razılaşdırıldığı kimi, gecikmədən Dağlıq Qarabağ münaqişəsinin sülh yolu ilə həllinə dair substantiv danışıqlara başlamağa çağırır", - deyə bəyanatda bildirilir.

0