* AZƏRBAYCAN *
Torpaq sahəsi, arxiv şəkli

Bələdiyyə torpağından istifadə müddəti qədər olmalıdır? 49 il, yoxsa...

2318
(Yenilənib 17:20 21.09.2020)
"Bütün bələdiyyə ərazilərində torpaq resursları eyni həcmdə deyil. Elə bələdiyyələr var ki, orada torpaq resursları məhduddur. Belə olanda bələdiyyə maksimum səmərəlilik prinsipindən çıxış etməlidir. Bunu da ancaq yerli əhali ilə razılaşdırmaqla edə bilər".

Xalid Məmmədov, Sputnik Azərbaycan

BAKI, 21 sentyabr — Sputnik. Torpaqdan müvəqqəti istifadə qısamüddətli və uzunmüddətli olur. Qısamüddətli müvəqqəti istifadə 15 ilədək müəyyən oluna bilər. Uzunmüddətli müvəqqəti istifadə dövlət və bələdiyyə mülkiyyətində olan torpaqlar üçün 15 ildən 49 ilədək müəyyən oluna bilər.

Bəs torpaq resursları məhdud olan bələdiyyə ərazilərində 49 il uzun müddət deyilmi? Torpaqların istifadəsində yerli sakinlər üçün müddət məsələsi problem yarada bilərmi?

"Mülki cəmiyyətə doğru" Mərkəzin rəhbəri Abil Bayramov Sputnik Azərbaycan-a deyib ki, torpaqların istifadəsində, dövriyyəsində müddət ilə bağlı məsələ problem deyil:

"İstifadə müddətinin nə qədər olmasından asılı olmayaraq əsas məsələ torpaqlardan səmərəli və ilk növbədə yerli əhalinin mənafeləri nəzərə alınmaqla istifadə olunmasıdır. Bələdiyyələr qərarlarını qəbul edən zaman ictimai iştirakçılıq təmin olunmalıdır, yəni ilk növbədə vətəndaşlarla razılaşdırılmış qərarlar qəbul edilməlidir. Belə olan zaman torpaqdan istifadə müddətinin nə qədər olması problem yaratmaz".

O bildirib ki, bizdə bələdiyyələr yerli sakinlərin rəyini nəzərə almadan qərarlar qəbul etdiyinə görə torpaqların istifadəsində müddət məsələsi problem yarada bilir: "Amma hər hansı bir qərar, o cümlədən torpaqlardan istifadə ilə bağlı qərar qəbul olunan zaman yerli sakinlərin rəyi nəzərə alınarsa, müddət məsələsi problem yaratmaz. Amma təəssüf ki, bələdiyyələr qərar qəbul edəndə yerli əhalinin rəyini nəzərə almırlar, yəni problem daha çox bununla bağlıdır. Yerli özünü idarəetmə orqanlarının elə xüsusiyyəti də ondan ibarətdir ki, qəbul edilən qərarlar mütləq razılaşdırılmış, yerli əhalinin mənafeyini nəzərə alan qərarlar olmalıdır. Torpaq tükənən resursdur. Bu mənada torpaqlara münasibətdə xüsusi həssaslıq olmalıdır".

"Əsas problem yerli səviyyədə qərarların qəbul olunmasında ictimai iştirakçılığın təmin edilməməsidir. Yerli sakinlər bələdiyyənin istənilən qərarını mübahisələndirə bilərlər. Bu, həm məhkəmə qaydasında, həm də yerli sakinlərin bələdiyyədən hesabat tələb etməsi formasında ola bilər. İctimai nəzarət olmadan bu qərarların effektivliyini təmin etmək mümkün deyil. Vətəndaşlar bələdiyyədən tələb edə bilərlər ki, qəbul etdiyi qərarı əsaslandırsın", - deyə o qeyd edib.

Mərkəzin rəhbəri bildirib ki, torpaqdan istifadə ilə bağlı xüsusi məhdudiyyət yoxdur: "Başlıca məsələ torpağın təyinatına uyğun istifadə edilməsidir. Üstəgəl həmin istifadənin bələdiyyə büdcəsinə nə dərəcədə gəlir gətirmə potensialı qiymətləndirilməlidir. Bütün bu məsələlər kompleks qiymətləndiriləndən sonra torpaqlar ilə bağlı qərarlar qəbul olmalıdır. Həm bələdiyyənin fəaliyyətində, həm də qərarların qəbulunda sərbəstlik prinsipi təmin olunmalıdır. Eyni zamanda yerli əhalinin maraqları nəzərə alınmalı, ictimai iştirakçılıq, hesabatlılıq və s. təmin olunmalıdır".

"Bütün bələdiyyə ərazilərində torpaq resursları eyni həcmdə deyil. Elə bələdiyyələr var ki, orada torpaq resursları məhduddur. Belə olanda bələdiyyə maksimum səmərəlilik prinsipindən çıxış etməlidir. Bunu da ancaq yerli əhali ilə razılaşdırmaqla edə bilər. Hətta bələdiyyələr ildə bir dəfə torpaqların dövriyyəsi ilə bağlı hesabat verməlidir və demək olar ki, belə hesabatlılıq yoxdur", - deyə o əlavə edib.

İqtisadi Resursların Öyrənilməsi Mərkəzinin sədri Ruslan Atakişiyev isə Sputnik Azərbaycan-a deyib ki, torpaqların çox qısa müddətə, yəni 2-3 ilə istifadəyə verilməsi düzgün olmaz:

"Məsələn, şəxs vəsait yatırıb meyvə bağları salıbsa, onun bəhrəsini sonra görəcək, yəni bu, vaxt aparır. Digər bir misal olaraq şəxs 7 illik kredit götürərək bağlar salıbsa, o bir müddət sonra gəlir götürməyə başlayacaq. Əgər torpaq 2-3 illiyə istifadəyə verilsə, o zaman oraya pul qoymağa maraqlı olmazlar. Yəni torpaqları daha qısa müddətə istifadəyə versək, problem həll edilməyəcək. Əksinə, insanlar bu yerlərə vəsait qoymağa maraqlı olmayacaqlar. Torpağı istifadəyə götürən şəxs hər hektara görə illik 20 manat vergi ödəyir".

"Lakin əgər şəxs torpağı götürüb istifadə etmirsə, təyinatına uyğun istifadə etmirsə, torpağı ondan almaq olar. Amma ümumilikdə bu məsələlər təhlil edilməli, araşdırılmalı, optimal yollar seçilməlidir", - deyə o əlavə edib.

Qeyd edək ki, torpaqların istifadəyə verilməsi qaydaları və şərtləri Azərbaycanın torpaq və mülki qanunvericiliyi ilə tənzimlənir. Bələdiyyə mülkiyyətində olan torpaqların hər hansı hüquqla hüquqi və fiziki şəxslərə verilməsi bələdiyyələrin qərarı və tərəflər arasında bağlanmış müqavilə əsasında həyata keçirilir. Müqavilədə tərəflərin hüquqları və vəzifələri, torpaq sahəsinin hüquqi statusu, öhdəliklər, servitutlar və digər məhdudiyyətlər, müqaviləyə xitam verilməsinin əsasları və torpaqların istifadəsi və mühafizəsi üzrə başqa şərtlər nəzərdə tutulur.

Torpaq mülkiyyətçiləri, istifadəçiləri və icarəçiləri olan hüquqi və fiziki şəxslər torpaq sahəsi üzərində öz hüquqlarını həyata keçirərkən ətraf təbii mühitə, başqa şəxslərin hüquqlarına və mənafelərinə zərər vurmamalıdırlar.

2318
Teqlər:
əhali, yerli, problem, istifadə, torpaq, bələdiyyə
Əlaqədar
Prokurorluq: Ağacların qırılmasına bələdiyyə sədri göstəriş verib
Üfunəti tüstü ilə ört-basdır etməyin qiyməti üç min manatdır
İlin hər fəslində təhlükəylə üz-üzəyik: qapıya asılanı yiyəsi vaxtında aparsa...
Üzünə həsrət qaldığımız təbiət: Bizə cəllad lazım deyil, özümüz özümüzü məhv edəcəyik
Vətəndaşdan pul tələb edən bələdiyyə sədri və sabiq icra nümayəndəsi tutuldu
Koronavirusa qarşı Oxford/AstraZeneca vaksini, arxiv şəkli

 Virusoloq: Hindistan ştammından qorunmaq üçün beş dəfə çox anticisim lazımdır

4
(Yenilənib 21:37 24.06.2021)
Həkim infeksionist Yevgeni Timakov COVID-19-un Hindistan ştammının niyə təhlükəli olması, peyvəndlərdən sonra xəstələnmə riski və pandemiyanın nə vaxt bitəcəyi barədə Sputnik-ə danışıb.

BAKI, 24 iyun - Sputnik. “Virus ehtimal olunduğundan daha sürətli mutasiyaya uğrayır. Əvvəllər virus bizim immun sərhədimizi keçə bilmirdi. Bəli, onlar patogen idi, ciddi kovidsonrası sindromlar yaradırdı, ancaq onlara əhalinin 30%-i həssas idi – bu virusla, hətta xəstələrlə sıx təmasda olarkən onlar yoluxmurdular. Bu, virusun xoşuna gəlmədi və o, öz xüsusiyyətlərini dəyişərək bizə adaptasiya olmağa qərar verdi”, - “Lider-təbabət” tibb mərkəzinin baş həkimi, tibb elmləri namizədi, infeksionist Yevgeni Timakov Sputnik agentliyinə müsahibəsində deyib.

Virus nə zaman dəyişdi

O izah edib ki, Uhan koronavirusu ötən ilin payızında dəyişməyə başlayıb. Əvvəlcə bu, daha təhlükəli və aqressiv Britaniya ştammına döndü və bütün dünyaya yayılmağa başladı. Virus əlverişli şəraitə düşdü. Sonra isə hər bir ölkənin öz mutasiyası başlandı.

“Epidemioloji cəhətdən əhəmiyyətli mutasiyalar Rusiyada da vardı – Sibir və Şimal-qərb ştammları əmələ gəldi. Ancaq onlar sonradan yayılmadı – o qədər də patogen əsaslı olmadı. İsti ölkələrdə - Braziliya, Cənubi Afrika, Hindistanda yaranan mutasiyalar isə o dərəcədə dəyişdi ki, çox təhlükəli oldu. Hazırda ən patogen ştamm Hindistan ştammıdır, onun artıq beş mutasiyası var”, - infeksionist deyib.

Doktor Timakovun sözlərinə görə, ən qorxulusu odur ki, Hindistan ştammı insanın immunitet baryerlərini aşa bilir, immunitetdən maskalanır və xəstəliyin klinik şəklini dəyişir. Virus özünü adi KRVİ kimi aparır, ancaq daha ciddi proseslərə səbəb olur.

COVID-i dayandırmaq əsasdır, yoxsa?

“Bəs onu necə dayandırmaq olar?” sualına Yevgeni Timakov belə cavab verib ki, əsas məsələ bu deyil, əsas məsələ - əhalinin çox olduğu yerlərdə, xüsusilə özü üçün rahat məkanlarda onsuz da hazırlıqsız olan immun hədlərini aşmağa başlayan daha ciddi ştammın yaranmasından qacınmaqdır.

“O insanlar immuniteti zəif olanlar, təkrar yoluxanlar, artıq koronavirus infeksiyasına qarşı immuniteti olanlardır. O isə həmin immunitetdən yan keçdi və o adamları yoluxdurdu. İndi görürük ki, Hindistanda delta ştammından başqa, artıq daha aktiv delta+ ştammı da yaranıb. İndi əsas məsələ ondan qorunmaq deyil, illər uzunu qorxu ilə yaşamamaq üçün ümumiyyətlə bu pandemiyanı necə bitirməkdir.  Bunun üçün insanların orqanizmində aktiv virusneytrallaşdırıcı anticisimlər formalaşdırılmalıdır”, - infeksionist əmindir.

COVID-19-un Hindistan ştammına yoluxmamaq üçün orqanizmdə aniticisimlərin sayı normadan beş dəfə çox olmalıdır, Timakov qeyd edir. Eyni zamanda o, antitelllərin sayı azalmamış peyvənd olunmağı məsləhət bilir.  Həkimin sözlərinə görə, anticisimlərin yüksək səviyyəsi olarkən də peyvəndlənmək olar, tədqiqat göstərib ki, bütün ölkələrdə və bütün platformalarda bu, təhlükəsizdir.

Anticisimləri ən yaxşı nə yaradır

Yevgeni Timakov ayrıca qeyd edib ki, “Sputnik V” çox effektivdir, o, anticisimləri xəstəlik keçirilən orqanizmlərdən dəfələrlə çox artıra bilir.

“Təkcə “Sputnik” deyil, bütün vaksinlər, platformalar xəstəlik keçirən orqanizmlərdən 1.3-1.5 dəfə çox virusneytrallaşdırıcı anticisim yarada bilir.  Vaksin orqanizmdə daha effektivdir, - mütəxəssis deyir. – Yoluxub sağalmaq, süni ventilyasiya aparatına qoşulmaq yox, postkovid sindromu daha qorxuludur. 50 yaşdan yuxarı adamlarda bu, hər hansısa formada var. O, qana, qan hüceyrələrinə, endotelilərə, damarlara, əsəb sisteminə, ümumiyyətlə, orqanizmimizə təsir edir.  Bunun hamısı koviddir. Və ona yoluxmamaq üçün yeganə dərman vaksindir”.

Vaksin özündə heç bir virus daşımır və ətrafdakılar üçün yoluxucu deyil, Timakov əlavə edib. Ancaq peyvənd olunmuş insanın orqanizmində birinci və ikinci peyvənd arasında virusneytrallaşdırıcı anticisim yaranmaya da bilər. Ona görə də o xəstələnə bilər. Bu, peyvənd olunmuş insanların bir qisminə - 2-30%-nə aiddir, ancaq bu, baş verə bilər.

“İki peyvənddən sonra da xəstələnmək olar, ancaq vaksin ciddi ağırlaşmalardan, xəstənin xəstəxanaya düşməsindən qoruyur. Məhz peyvənd olunmuş insanlarda simptomlar daha yüngül formada keçir, hətta elə olur ki, insan özündə kovid olduğunu heç bilmir də, - Yevgeni Timakov deyir. – Ancaq bu o demək deyil ki, virus orqanizmdə yoxdur. Əgər peyvəndlənmiş insan koronavirus infeksiyasına yoluxsa, yenə də ətrafdakılar üçün təhlükəli olacaq”.

Təbibin sözlərinə görə, Rusiya və keçmiş SSRİ-nin bir sıra ölkələri vaksinasiyada çox geri qalırlar – 10%-dən də çox insan peyvəndlənib.

Virusoloq bir sıra dövlətlərin hökumətlərinin vaksinasiyanın aktivləşdirilməsi üzrə apardığı tədbirləri doğru sayır.

Koronavirus pandemiyasına nəzarəti o zaman ələ almaq olacaq ki, ilkin vaksinasiya stabil aparılsın, Yevgeni Timakov deyir. Sonra isə virusneytrallaşdırıcı anticisimləri bir dəfəlik vaksin dozaları ilə dəstəkləyəcəyik. Ancaq onun fikrincə, buna ən azı iki il gərək olacaq.

“Virus tamamilə bizə adaptasiya olmağa məcbur olacaq, bizdə isə həmin vaxta qədər yaxşı kollektiv immunitet yaranacaq”, - doktor Timakov deyib.

Eləcə də oxuyun:

4
Teqlər:
Hindistan, ştamm, vaksin, Koronavirus, epidemiya, COVID-19
Mövzu:
Yeni tip koronavirus pandemiyası
Kondisioner, arxiv şəkli

Şadlıq saraylarında kondisionerlər məsələsi

29
(Yenilənib 20:52 24.06.2021)
Qida Təhlükəsizliyi Agentliyi toylarda kondisionerlərə məhdudiyyətin qoyulub-qoyulmadığı ilə bağlı suallara cavab verib.

BAKI, 24 iyun — Sputnik. Son günlərdə şənlik mərasimlərinin keçirildiyi məkanlarda kondisioner və havalandırma sistemlərin işləyib-işləməyəcəyi geniş müzakirə mövzusudur. Qida Təhlükəsizliyi Agentliyindən Sputnik Azərbaycan-a verilən məlumata görə, Nazirlər Kabinetinin qəbul etdiyi qərara əsasən 50 nəfərə qədər şəxsin iştirakı ilə təşkil olunan şənlik mərasimləri "İctimai iaşə müəssisələrində koronavirus infeksiyasının (COVID-19) profilaktikasına dair Metodiki Göstərişlər"ə uyğun olaraq tənzimlənir.

Əlavə olaraq, 50 nəfərdən 150 nəfərə qədər olan şənlik mərasimlərinin keçirilməsi ilə bağlı əlavə metodiki göstərişlər təsdiq olunaraq yaxın günlərdə ictimaiyyətin diqqətinə çatdırılacaqdır. Bildirmək istərdik ki, sözügedən göstərişlərdə kondisionerlərə və havalandırma sistemlərinə dair heç bir məhdudiyyət müəyyən edilməyib. Qaldırılan digər məsələlərdən biri də fərdi yaşayış evlərinin həyətlərində keçirilən şənlik mərasimləri ilə bağlıdır.

AQTA bununla bağlı bildirir ki, həyətlərdə, bağ yerlərində şənlik mərasimlərinin keçirilməsinə yalnız "İctimai iaşə müəssisələrində koronavirus infeksiyasının (COVID-19) profilaktikasına dair Metodiki Göstərişlər"də müəyyən olunmuş tələblərə riayət edildiyi və qonaq sayı 50 nəfərə qədər olduğu halda icazə verilir.

Qeyd edək ki, toylarda monitorinq edəcək qurumlar sırasında AQTA-nın da adı var. Bu qurum monitorinq zaman "İctimai iaşə müəssisələrində koronavirus infeksiyasının (COVID-19) profilaktikasına dair metodiki göstərişlər"ə riayət olunması məsələsi yerindəcə qiymətləndiriləcək. Personalın COVID-19 pasportuna malik olub-olmaması, qoruyucu maska taxıb-taxmamaları və s. tələblər bu qurumun məkdaşları tərəfindən monitorinq ediləcək.

Məlumat üçün onu da bildirək ki, Nazirlər Kabineti iyulun 1-dən Azərbaycanda şənlik mərasimlərinin (toy, nişan, ad günləri və s.) keçirilməsinə icazə verilməsi haqqında qərar qəbul edib. 50 nəfərdən 150 nəfərə qədər şəxslərin iştirakı ilə təşkil olunan şənlik mərasimlərində koronavirus infeksiyasının idarə olunması ilə bağlı nəzarəti təmin etmək məqsədilə müntəzəm yoxlamalar aparılacaq.

50 nəfərə qədər şəxslərin iştirakı ilə təşkil olunan şənlik mərasimlərində iştirakçılardan COVID-19 pasportu tələb olunmayacaq. 150 nəfərdən artıq iştirakçısı olan şənlik mərasimlərinin keçirilməsi növbəti yumşalma barədə qərar qəbul olunanadək qadağan edilir. Keçiriləcək tədbirin tarixinə ən azı 5 gün qalmış tədbirin keçirilmə tarixi, başlama və bitmə vaxtı (saat 0:00-dan gec olmamaq şərtilə), qonaq sayı barədə məlumatlar icaze.e-gov.az portalına daxil edilməlidir. Portal üzərindən qeydiyyata salınmayan və barəsində müvafiq məlumat daxil edilməyən şənlik mərasimlərinin keçirilməsi qadağandır.

Monitorinqlər zamanı aşkar olunacaq nöqsanlarla bağlı inzibati tədbirlər həyata keçiriləcək. Qoyulacaq tələbləri pozan sahibkarlıq subyektlərinə qarşı sərt tədbirlər görüləcək. Şənlik mərasimlərinin keçirilməsinə məsuliyyəti həm məclis sahibi, həm də ictimai iaşə müəssisəsinin rəhbəri daşıyırlar.

İnzibati Xətalar Məcəlləsinə əsasən epidemiya əleyhinə rejimin, sanitariya-gigiyena və karantin rejimlərinin pozulmasına görə fiziki şəxslər 200 manatdan 400 manatadək məbləğdə, vəzifəli şəxslər 4000 manatdan 5000 manatadək məbləğdə cərimə edilir, yaxud işin hallarına görə, xətanı törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, hüquqi şəxslər beş min manatdan on bir min manatadək məbləğdə cərimə edilir.

Hüquqi şəxslər tərəfindən pozuntu halı təkrar baş verdiyi təqdirdə şənlik mərasimi keçirilən müəssisənin fəaliyyətinin dayandırılmasına dair qanunvericiliklə müəyyən edilmiş hallarda qərar qəbul edilə bilər.

29
BNA avtomobilləri

Tikinti şirkəti BNA-nın avadanlığını dağıtdı - Sərnişin sürücülər problem yaşadı

0
(Yenilənib 21:30 24.06.2021)
Təbriz küçəsi və ətraf ərazilərdə svetoforların, müşahidə kameralarının və avtobus dayanacaqlarındakı "BakıKart" ödəmə terminallarının işi tamamilə dayanıb.

BAKI, 24 iyun — Sputnik. Bakı şəhəri Nərimanov rayonu Təbriz küçəsində Nəqliyyatı İntellektual İdarəetmə Mərkəzinə aid çox funksiyalı paylayıcı qutu zədələnərək tam yararsız hala salınıb. Bu barədə Bakı Nəqliyyat Agentliyindən Sputnik Azərbaycan-a verilən məlumatda deyilir:

""Nərimanov ESTATE" tikinti şirkəti nəqliyyat axınının düzgün idarə olunması baxımından mühüm əhəmiyyət kəsb edən avadanlığı qeyri-qanuni olaraq tikinti sahəsinə daxil edərək çəpərləyib.

Üzərində avadanlığın Bakı Nəqliyyat Agentliyinə məxsus olması və onun zədələnməməsi barədə xəbərdarlıq olmasına baxmayaraq tikinti şirkəti buna məhəl qoymayıb. 23.06.2021 tarixində isə "Nərimanov ESTATE" şirkəti tərəfindən tikinti sahəsində aparılan iş zamanı idarəetmə lövhəsini dağıdıb. Tikinti şirkətinin məsuliyyətsiz və qanuna zidd əməli nəticəsində Təbriz küçəsi və ətraf ərazilərdə ümumilikdə sahə avadanlıqlarının işində o cümlədən iki yol ayrıclarında svetoforda, müşahidə kameralarının və avtobus dayanacaqlarındakı "BakıKart" ödəmə terminallarının işi tamamilə dayanıb.

Təəssüflə bildiririk ki, yol ayrıcından svetoforun işləməməsi səbəbindən Təbriz-Əhmədbəy Ağaoğlu küçlərinin kəsişməsində yol nəqliyyat hadisəsi də qeydə alınıb. Qeyd olunan məsələylə bağlı hüquqi addımların atılmasına başlanılıb. Müvafiq aktlar tərtib olunaraq digər zəruri sənədlərlə birgə hüquq mühafizə oqranlarına təqdim olunacaq.

Bu cür halların mütəmadi olaraq baş verdiyini nəzərə alaraq bir daha bildiririk ki, hüquqi və fiziki şəxslər dövlət əmlakı hesab edilən ən əsası isə hərəkətin təhlükəsizliyi baxımından mühüm əhəmiyyət kəsb edən sahə avadanlıqlarına qarşı son dərəcə diqqətli və məsuliyyətli olmalıdır. Bu cür avadanlıqların əhəmiyyətinin nəzərə alınmadığı kiçik bir nüans sonda yüzlərlə insanın lüzumsuz yerə əziyyət çəkməsinə hətta həyatlarının təhlükə altına düşməsinə səbəb olur".

0