İnsanlar Bakının mərkəzində, arxiv şəkli

On bir milyona doğru: Altı aya yetmiş üçəm

16
(Yenilənib 17:12 15.09.2020)
Dövlət Statistika Komitəsi, bu ilin altı ayı ərzində əhali artımı, doğum, ölüm və nikahlarla bağlı statistikanı açıqlayıb.

BAKI, 15 sentyabr — Sputnik. Azərbaycan əhalisinin sayında əhəmiyyətli artım baş verib. Dövlət Statistika Komitəsindən Sputnik Azərbaycan-a verilən məlumata görə, ölkә әhalisinin sayı ilin әvvәlindәn 33514 nәfәr vә ya 0,3 faiz artaraq 2020-ci il avqust ayının 1-i vәziyyәtinә 10100622 nәfәrә çatıb. Әhalinin ümumi sayının 52,8 faizini şәhәr, 47,2 faizini kәnd sakinlәri, 49,9 faizini kişilәr, 50,1 faizini isә qadınlar tәşkil edir. Bir kvadrat kilometrә düşәn әhalinin sayı 117 nәfәr olub.

Bu ilin yanvar-iyul ayları әrzindә Әdliyyә Nazirliyinin rayon (şәhәr) qeydiyyat şöbәlәri tәrәfindәn 70390 doğulan körpә qeydә alınıb. Əhalinin hәr 1000 nәfәrinә düşən bu göstәrici 12,1 tәşkil edir.

Doğulanların 53,3 faizi oğlan, 46,7 faizi isә qız uşaqlarıdır. Körpәlәrdәn 1896-sı әkiz, 69-u isә üçәm doğulanlardır.

Cari ilin 7 ayında ölkәdә 37426 ölüm halı qeydә alınıb vә әhalinin hәr 1000 nәfәrinә ölüm sәviyyәsi 6,4 tәşkil edib.

2020-ci ilin yanvar-iyul aylarında qeydiyyat şöbәlәri tәrәfindәn 20611 nikah vә 8285 boşanma halı qeydә alınıb. Əhalinin hәr 1000 nәfәrinә nikahların sayı 3,5, boşanmaların sayı isә 1,4 olub.

Bu ilin yanvar-iyul ayları әrzindә Daxili İşlәr Nazirliyi vә Dövlәt Miqrasiya Xidmәtinin müvafiq qurumları tәrәfindәn daimi yaşamaq üçün Azәrbaycana 947 nәfәr gәlәn, Azәrbaycandan isә 397 nәfәr gedәn qeydә alınaraq, miqrasiya saldosu müsbәt 550 nәfәr tәşkil edib.

16
Teqlər:
Ədliyyə Nazirliyi, nikah, əhali, Dövlət Statistika Komitəsi, Azərbaycan
Fəhlə

Ən çox hansı işçilərin hüququ pozulur?

3
(Yenilənib 12:43 28.01.2021)
Müraciətlərin araşdırılması zamanı 955 halda əmək qanunvericiliyinin tələblərinin yerinə yetirilməməsi faktı aşkar edilib

BAKI, 28 yanvar — Sputnik. Ötən il Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinə vətəndaşlar tərəfindən ərizə formasında daxil olan 10102 müraciət araşdırılaraq cavablandırılıb.

Nazirlikdən Sputnik Azərbaycan-a verilən məlumata görə, vətəndaşlar əsasən emal, tikinti, topdan və pərakəndə ticarət, avtomobillərin təmiri, ictimai iaşə və s. sahələrdə əmək münasibətləri ilə bağlı müraciət ediblər.

Müraciətlərin araşdırılması zamanı 955 halda əmək qanunvericiliyinin tələblərinin yerinə yetirilməməsi faktı aşkar edilib. Aşkar edilən hüquq pozuntularının aradan qaldırılması üçün Xidmət tərəfindən qanunvericiliyə uyğun tədbirlər görülüb, həmçinin işəgötürənlərə əmək qanunvericiliyinin müvafiq məsələlərlə bağlı tələblərinə dair ətraflı məlumatlar verilib.

3
Ovçu

Azərbaycanda Milli Parkın əməkdaşlarını güllələdilər

19
(Yenilənib 12:43 28.01.2021)
Qızılağac Milli Parkının üç əməkdaşı iş başında olarkən güllələnib. Faktla bağlı Lənkəran rayon Prokurorluğunda araşdırma başlayıb

BAKI, 28 yanvar — Sputnik. Yanvarın 27-də Qızılağac Milli Parkının mühafizə yegerləri və mühafizə müfəttişinə qarşı zor tətbiq olunması ilə bağlı Lənkəran rayon Prokurorluğuna məlumat daxil olub. Rayon prokurorluğundan Sputnik Azərbaycan-a verilən məlumata görə, həmin gün saat 23 radələrində Qızılağac Milli Parkının mühafizə yegerləri Zahir Bəşirov, Ceyhun Mustafayev və mühafizə müfəttişi Natiq Rzazadənin qanunsuz ov edən şəxslərin müəyyən edilməsi məqsədilə parkda xidməti vəzifələrini icra edərkən naməlum şəxs onlara ov tüfəngindən atəş açıb. İnsident zamanı işçilər xəsarət alıblar.

Faktla bağlı Lənkəran rayon Prokurorluğunda Cinayət Məcəlləsinin 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə cinayət işi başlanıb.

İş üzrə hadisə yerinə baxış keçirilib, müvafiq ekspertizalar təyin olunub, şahidlər dindirilib və digər zəruri prosessual hərəkətlər yerinə yetirilib. Hazırda cinayət işi üzrə təqsirli şəxslərin tam dairəsinin müəyyənləşdirilərək məsuliyyətə cəlb edilməsi istiqamətində zəruri istintaq-əməliyyat tədbirləri davam etdirilir.

19
Teqlər:
cinayət, güllələnmə, əməkdaş, Qızılağac Milli Parkı