Lotu Qulinin mirası uğrunda mübarizə: Qanuni oğrular bir-birlərinə düşmən oldular

34
(Yenilənib 14:35 14.09.2020)
Qulinin mirası uğrunda onun ən yaxın silahdaşı 36 yaşlı Maxare Qvaramiya və Ded Xasanın oğru ailəsinin "minqrel" qolunun ağsaqqalı 63 yaşlı qanuni oğru Merab Mzarelua toqquşub

BAKI, 14 sentyabr — Sputnik. Lotu Quli adı ilə tanınan azərbaycanlı qanuni oğru Nadir Səlifovun Türkiyədə öldürülməsindən sonra onun tərəfdarları arasında parçalanma baş verib.

Bu barədə Sputnik Azərbaycan "Praym Kraym" nəşrinə istinadən xəbər verir.

Qəzetin məlumatına görə, Qulinin mirası uğrunda onun ən yaxın silahdaşı 36 yaşlı Maxare Qvaramiya (Matsi) və Ded Xasanın oğru ailəsinin "minqrel" qolunun ağsaqqalı 63 yaşlı qanuni oğru Merab Mzarelua (Duyake) toqquşub.

Qulinin yanında hakimiyyəti dadmağa imkanı olmuş Matsi onu Duyake ilə bölüşmək istəməyib. Bundan sonra Duyake rəqibini nüfuzdan salmaq üçün qondarma bəhanədən istifadə edərək qanuni oğru Kaxa Makalatiyanı ona qarşı qaldırmağa çalışıb.

Matsi bunu öyrəndikdən sonra Duyakeni görüşə çağırıb, orada onu yalançı adlandırıb və vurub. Sonra isə iştirak edən digər avtoritetlərin yanında açıq şəkildə bəyan edib ki, Duyake artıq oğru deyil.

Lotu Quli 2020-ci il avqustun 19-da Türkiyədə restoranda qətlə yetirilib. Qatil kriminal dairələrdə Xan Əhmədlinski adı ilə tanınan Xaqan Zeynalov olub. Zeynalov Qulinin etimadını qazanıb və ona yaxın şəxslərdən biri sayılıb.

Qatil əvvəlcə Türkiyə polisinə Qulini şəxsi düşmənçilik zəminində vurduğunu desə də, sonradan bunu etmək üçün bir neçə milyon dollar aldığını etiraf edib. Lakin ona vəd edilən mükafat ödənilməyib.

34
Əlaqədar
Azərbaycanlı kriminal avtoritet "Lotu Quli" Türkiyədə qətlə yetirilib
"Lotu Quli"nin qətli ilə bağlı yeni sensasion detallar üzə çıxdı
Cəbrayıl rayonunun işğaldan azad olunan ərazilərində Azərbaycan Bayrağı dalğalanı

Paşinyandan etiraf: Azərbaycan bizim kapitulyasiyamızdan başqa heç nəyə razı deyil

19
Ermənistan Baş naziri dövlət strukturları və yerli özünüidarə orqanlarının rəhbərlərinə könüllü dəstələrin yaradılması barədə təlimatla müraciət edib.

BAKI, 21 oktyabr — Sputnik. "Bu gün Azərbaycan Qarabağın kapitulyasiyasından başqa heç nəyə razı deyil. Bu arada ermənilər bunun onlar üçün nə anlama gələcəyini yaxşı anlayırlar". Sputnik Azərbaycan xəbər verir ki, bunu Ermənistanın Baş naziri Nikol Paşinyan "Facebook"da canlı yayımda müraciətində bildirib.

Bundan əlavə, Ermənistan Baş naziri dövlət strukturları və yerli özünüidarə orqanlarının rəhbərlərinə könüllü dəstələrin yaradılması barədə təlimatla müraciət edib.

Qeyd edək ki, bu gün Ermənistanın xarici işlər naziri Zöhrab Mnatsakanyan son on gündə üçüncü dəfə Moskvaya səfər edib. Azərbaycanın Xarici işlər naziri Ceyhun Bayramov da bu gün Rusiya paytaxtında rusiyalı həmkarı Sergey Lavrovla görüşüb.

Bir qədər öncə isə Paşinyan Facebook-da canlı yayım açaraq: "Hazırkı mərhələdə Qarabağ məsələsinin diplomatik yolla həlli yoxdur və hələ uzun müddət də olmayacaq", - deyə bildirib.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Sergey Lavrov və Ceyhun Bayramov, arxiv şəkli
© Photo : The Ministry of Foreign Affairs of the Russian Federation

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

19
Teqlər:
etiraf, Nikol Paşinyan, erməni təxribatı, Ermənistan-Azərbaycan, Dağlıq Qarabağ münaqişəsi
Əlaqədar
"Oğullarımla birgə döyüşə getməyə hazıram" – cəbhəyanı kəndlərdə mərmidən qorxmurlar
Necə qaçdılarsa, yada düşmədi: ermənilərin döyüş meydanında "unutduğu" texnika - FOTO
Milli Məclis Qarabağ münaqişəsi ilə bağlı videomüraciət yayıb
Rusiya XİN: döyüşlər dərhal dayandırılmalıdır
MN: “Ermənistan SQ-nin qüvvələrinin 556-cı alayının taboru sıradan çıxarılıb”
Polis əməkdaşları, arxiv şəkli

Daxili İşlər Nazirliyi əhaliyə xəbərdarlıq etdi

13
"Xatırladırıq ki, bilərəkdən yalan məlumatlar verməklə insanlar arasında təşvişə və süni ajiotaja səbəb olacaq hərəkətlərə yol verən şəxslər barəsində ən ciddi məsuliyyət tədbirləri görüləcək".

BAKI, 21 oktyabr — Sputnik. Vətəndaşlar tərəfindən daxili işlər orqanlarına edilən bütün müraciətlər operativ şəkildə araşdırılır və nəticəsindən asılı olaraq müvafiq tədbirlər görülür.

Sputnik Azərbaycan xəbər verir ki, bu barədə Daxili İşlər Nazirliyinin Mətbuat Xidmətinin məlumatında deyilir.

"Əhalinin nəzərinə bir daha çatdırırıq ki, qanunvericiliyə uyğun olaraq təhlükəsizlik tələblərinin pozulması, insanların həyatına və sağlamlığına, ictimai asayişə təhlükə yarada biləcək və ya terror şübhəsi halları ilə bağlı dərhal Daxili İşlər Nazirliyinin "102" Xidməti Zəng mərkəzinə məlumat verilməlidir", - deyə məlumatda bildirilir.

Nazirliyinin məlumatında həmçinin qeyd olunur: "Bununla yanaşı, xatırladırıq ki, bilərəkdən yalan məlumatlar verməklə insanlar arasında təşvişə və süni ajiotaja səbəb olacaq hərəkətlərə yol verən şəxslər barəsində ən ciddi məsuliyyət tədbirləri görüləcək".

13