Bakı Beynəlxalq Avtovağzal Kompleksi

Cibimizə yeni "darğalar" gəlib: rayona neçəyə getməyimizə onlar qərar verirlər

301
(Yenilənib 14:57 11.09.2020)
"Gediş haqqı, əlbəttə ki, sərf eləmir. Avtobuslar işləmir, əlacsız qalıb taksilərə minirik. Onlar da əvvəl 10 manata apardıqları yolu indi 20 manata qaldırıblar. Amma başqa çarəmiz də yoxdur. Bakıda qalası deyilik ki, evimizə getməliyik, ya yox?"

Zülfiyyə Quluyeva, Sputnik Azərbaycan

BAKI, 11 sentyabr — Sputnik.

- Xaçmaza neçəyə aparırsınız?

- Adambaşı 20 manata. İki yerim qalıb, 10 dəqiqəyə çıxıram, gəlin əyləşin.

Bakı Beynəlxalq Avtovağzal Kompleksinin qarşısından rayonlara taksi xidməti göstərən minik avtomobilləri sürücülərinin dedikləri bu qiymət sərnişinlərin ürəyincə olmasa da razılaşmaqdan başqa çarələri də yoxdur. Sərnişinlərin dili ilə desək, "avtobuslar işləmir, qalıblar taksilərin ümidinə"...

© Sputnik / Irade JELIL
Bakı Beynəlxalq Avtovağzal Kompleksinin qarşısından rayonlara taksi xidməti

Sputnik Azərbaycan rayonlara və əks istiqamətə gediş-gəlişə qoyulmuş qadağanın sərnişindaşımada qiymətlərə təsiri ilə bağlı reportajı təqdim edir.

Bakı Beynəlxalq Avtovağzal Kompleksinin qarşısında hərə bir istiqamətə sərnişin axtarır. Biz də yaxın rayonlardan birinə gediş qiyməti ilə maraqlanmaq üçün sürücülərə yaxınlaşırıq. Sürücü əvvəlcə Xaçmaza 20 manata apardığını söyləsə də, gediş haqqının ucuzlaşdığını söyləyir. Burada sürücülərlə söhbət zamanı öyrənirik ki, qiymətlər əsasən turizm bölgələri üçün bahadır. Digər istiqamətlərə isə qiymətlərdə ucuzlaşma var. Sürücü Anar Kazımov deyir ki, Bakı-Yevlax-Bərdə-Tərtər istiqamətinə gediş adambaşına 15 manatdır. Amma sürücü and-aman edir ki, rayonlara yollar bağlı olduqda bir sərnişini 30 manata aparıb: "Əvvəla, onu deyim ki, rayonlara yollar açılandan sərnişin azalıb. Sərnişin sayında azalma olduğu üçün qiymətlər avtomatik aşağı düşüb. Rayona aparmağa sərnişin tapmırıq. Əsas turizm bölgələrinə gediş haqqı bahadır".

© Sputnik / Irade JELIL
Bakı Beynəlxalq Avtovağzal Kompleksinin qarşısından rayonlara taksi xidməti
Digər sürücülər də sərnişin qıtlığından şikayətlənirlər: "Yollar bağlı olanda sərnişin daha çox idi. İndi rayona gedən yoxdur. Əvvəl gedişə bir adama 30-40 manat alırdıq. İndi 15 manata sərnişin tapmırıq".

Sürücülərin sözlərinə görə, Şəki-İsmayıllı-Qəbələ, Quba-Qusar-Xaçmaz istiqamətlərinə adambaşı gediş haqqı 20 manatdan başlayır. Digər bölgələrə isə qiymətlər elə də baha deyil. Sürücülərin sözlərinə görə, sərnişin olmadığından Kürdəmir, Göyçay istiqamətinə 10 manatdan sərnişin aparmağa da razıdırlar. Rəhman adlı sürücü də bildirir ki, bəzi rayonlara gediş haqqı qiymətləri dəyişsə də, digərlərində ucuzlaşmayıb.

Sərnişinlər isə qiymətlərin bahalığından narazılıq edirlər. Bakıdan Xaçmaza gedən sərnişin Səmayə Səfərova deyir ki, qızı ilə Xaçmazın Xudat kəndinə gedir. O, ikisinə birlikdə 40 manat xərci çıxdığını söyləyir: "Gediş haqqı, əlbəttə ki, sərf eləmir. Avtobuslar işləmir, əlacsız qalıb taksilərə minirik. Onlar da əvvəl 10 manata apardıqları yolu indi 20 manata qaldırıblar. Amma başqa çarəmiz də yoxdur. Bakıda qalası deyilik ki, evimizə getməliyik, ya yox? Məcburuq 40 manat verib gedək".

© Sputnik / Irade JELIL
Bakı Beynəlxalq Avtovağzal Kompleksinin qarşısından rayonlara taksi xidməti

Qeyd edək ki, Bakı Beynəlxalq Avtovağzal Kompleksinin qarşısından müxtəlif istiqamətlərə minik avtomobilləri ilə yanaşı, "Vito" markalı mikroavtobuslar da çıxır. Onlarda da gediş haqqı, demək olar ki, eynidir.

Bakı Beynəlxalq Avtovağzal Kompleksinin mətbuat katibi Pərvin Məmmədova isə Sputnik Azərbaycan-a açıqlamasında bildirib ki, avtovağzalın qarşısından rayonlara sərnişindaşıma ilə məşğul olan taksilərə qurum tərəfindən heç bir nəzarət edilmir.

© Sputnik / Irade JELIL
Bakı Beynəlxalq Avtovağzal Kompleksinin qarşısından rayonlara taksi xidməti

"Velotrek" kimi tanınan Ticarət Mərkəzinin qarşısından da rayonlara sərnişin daşınır. Burada da qiymətlər, demək olar ki, eynidir. Gəncə-Goranboy istiqamətinə bir sərnişin üçün gediş haqqı 20 manatdır. Sürücülər sentyabrın 8-dək Goranboya bir sərnişini 30 manatdan aşağı aparmadıqlarını söyləyirlər. Onların sözlərinə görə, gediş haqqı endirilib. Buna səbəb isə yollar bağlı olanda əlavə ödədikləri pulların ciblərində qalmasıdır. Türabə Mollayeva adlı sərnişin Sputnik Azərbaycan-a rayonlara gediş haqqının bahalığından narazılıq edir: "Biz 8 manata getdiyimiz yolu 20 manata getmək məcburiyyətində qalmışıq. Taksilər "at oynadır". İstədikləri qiyməti qoyurlar. Çünki bilirlər ki, sərnişinlər əlacsızdırlar. Avtobus yox, ümidimiz ancaq taksiyədir. Hansı qiyməti desələr, onu da verib getməliyik".

301
Teqlər:
Bakı Beynəlxalq Avtovağzalı, Bakı, süni qiymət artımı, qiymət artımı, gediş haqqı, gediş-gəliş, rayonlar, taksi
Əlaqədar
Bakıya və rayonlara gediş-gəliş açıldı
Regionlarda taksilərdə qiymət artımı gözlənilirmi?
Turistik zonalarda avtobusların sayı artırılacaq
"Taksi məsələsi"nə yenidən baxılacaq: Hikmət Babayev barəsində inzibati tədbir görülüb
Türkiyədə epidemioloji vəziyyət

Məşhur aktyorun koronavirus tədbiri - tez-tez test etdirir

7
Aktyor ötən ay 750 min TL-yə (təxminən 168 min manat) aldığı treyleri çəkiliş meydanında saxlayır və yalnız ondan istifadə edir.

BAKI, 27 fevral — Sputnik. Aktyor Kıvanç Tatlıtuğ tərəf-müqabili Özge Özpirinçci ilə baş rolunu paylaşdığı "Bir Denizaltı Hikayesi" serialının çəkilişləri zamanı koronavirus səbəbi ilə bəzi tədbirlər görüb.

Sputnik Azərbaycan Türkiyə mətbuatına istinadən xəbər verir ki, aktyor çəkiliş heyətinin onun üçün hazırladığı treyleri (təkərlər üstündə ev - red.) qəbul etməyib.

Aktyor ötən ay 750 min TL-yə (təxminən 168 min manat) aldığı treyleri çəkiliş meydanında saxlayır və yalnız ondan istifadə edir. 37 yaşlı aktyor tez-tez koronavirus testi etdirərək virusa yoluxub-yoluxmadığını yoxlayır.

7
Teqlər:
test, Koronavirus, COVID-19, serial, aktyor, Türkiyә
Mövzu:
Yeni tip koronavirus pandemiyası
Kitabxana

Azərbaycan yazıçıları Sankt-Peterburqun nüfuzlu ədəbiyyat müsabiqəsində iştirak edəcəklər

4
(Yenilənib 21:37 27.02.2021)
Elçin Hüseynbəylinin "On üçüncü həvari - 141-ci Don Juan" və Şərif Ağayarın "Arzulardan sonrakı şəhər" romanları layihəyə salınıb.

 

BAKI, 27 fevral — Sputnik. Bu il Sankt-Peterburqdakı Mayakovski adına kitabxanada keçirilən "Oxuyan Peterburq" layihəsində iki azərbaycanlı yazıçı da iştirak edəcək.

Sputnik Azərbaycan xəbər verir ki, Elçin Hüseynbəylinin "On üçüncü həvari - 141-ci Don Juan" və Şərif Ağayarın "Arzulardan sonrakı şəhər" romanları layihəyə salınıb.

4
Teqlər:
Rusiya, müsabiqə, azərbaycanlı, yazıçı, kitab
Dollar əskinasları və cüzdan, arxiv şəkli

Amerikalı milyarder düzgün investisiya etməyin sirlərini bölüşdü

0
(Yenilənib 23:11 27.02.2021)
Uorren Baffet fiksə edilmiş gəlir alətlərinə yatırım edənləri "kədərli gələcəyin" gözlədiyini bildirib.

BAKI, 27 fevral - Sputnik. Amerikanın Berkshire Hathaway holdinq şirkəti banisi Uorren Baffetin illik ismarıcını yayıb.

Sputnik Azərbaycan-ın məlumatına görə, ismarıcda milyarder pərakəndə investorlara tövsiyələrini qeyd edib.

Onun sözlərinə görə, kapitalın əsasını "vaxt, daxili sakitlik, geniş diversifikasiya və əməliyyat sayı ilə komissiyaların minimuma ebdirilməsi" təşkil edir. 

"Aksiyalara sahib olmaq - müsbət məbləğlə oyun oynamaqdır. Hövsələli və ağıllı, portfel yığmış meymun S&P 500 siyahısından olan şirkətlərin yerləşdirildiyi nişangaha 50 ox atsa, vaxt keçdikdən sonra gəlir götürəcək, kapitalı artacaq, düzdür, gərək bu zaman şirnikib aktivlərə dəyişiklik eləməyə".

O həmçinin qeyd edib ki, hazırda istiqrazlar üçün yaxşı vaxt deyil, çünki ABŞ Maliyyə Nazirliyinin onillik istiqrazları, məsələn, 2020-ci ilin sonunda 1981-ci ilin sentyabrındakı gılirliliklə müqayisədə 94 faiz düşmüşdü. Baffet fiksə edilmiş gəlir alətlərinə yatırım edənləri isə "kədərli gələcəyin" gözlədiyini bildirib.

0
Teqlər:
ABŞ, sirr, milyarder, investisiya, investor