İlan, arxiv şəkli

Bakıda bir məhəlləni ilanlar basıb, artıq kanalizasiyadan da çıxırlar

993
(Yenilənib 11:52 11.09.2020)
"Mütləq həmin ərazi tör-töküntüdən təmizlənməlidir. Əgər ərazidə söküntü materialları yığını, tullantılar varsa, orada təmizlik işləri aparılmalıdır ki, ilanların gizlənməsinə şərait olmasın".

Zülfiyyə Quluyeva, Sputnik Azərbaycan

BAKI, 11 sentyabr — Sputnik. Bakıda bir məhəlləni ilanlar basıb. Bu barədə Sputnik Azərbaycan-a həmin məhəllənin sakinləri məlumat veriblər. Nərimanov rayonu, Baksol qəsəbəsi, 2090-cı məhəllədə yaşayanlar bildiriblər ki, qonşu həyətdə sexlərin birinin ərazisində qazıntı işləri aparıldığından ilanlar məhəlləyə doluşub. Hətta kanalizasiya xətlərindən belə, ilanlar çıxır. Artıq ilanlar sakinlərin həyatı üçün təhlükəyə səbəb olub. Onların sözlərinə görə, həyətdə bir ilanı öldürüblər. Yaxınlıqdakı sexin həyətində də ilanlar görünüb. Sakinlər deyirlər ki, ilanlarla bağlı hansı quruma müraciət edəcəklərini bilmirlər.

Sputnik Azərbaycan ilanlarla bağlı sakinlərin hansı quruma müraciət etməli olduqlarını araşdırıb.

Bakı Şəhər İcra Hakimiyyətindən (BŞİH) Sputnik Azərbaycan-a bildiriblər ki, qurumun ilanları yığmaq üçün bir xidməti yoxdur. İcra hakimiyyətindən bunun üçün sakinlərin Respublika Gigiyena və Epidemiologiya Mərkəzinə (RGEM) müraciət etməli olduğunu bildirdilər. RGEM-in direktoru Vaqif Abdullayev isə Sputnik Azərbaycan-a bildirib ki, siçovul və sair gəmiricilərə qarşı qurum tərəfindən dərmanlama işi aparılsa da, ilanlarla bağlı GEM-in heç bir xidməti yoxdur.

© Sputnik / Stringer
Nərimanov rayonu, Baksol qəsəbəsi, 2090-cı məhəllə

Azərbaycan Milli Elmlər Akademiyası Zoologiya İnstitutunun fəlsəfə doktoru, biologiya elmləri namizədi Təvəkkül İsgəndərov Sputnik Azərbaycan-a açıqlamasında bildirib ki, İnstitutun da ilanları yığmaq üçün xidməti yoxdur: "Bizim institut elmi-tədqiqat institutudur. İlanları yığmaq üçün xidmətimiz yoxdur. Ümumiyyətlə, Azərbaycanda heç bir dövlət qurumu belə bir xidmət göstərmir. Halbuki buna ehtiyac var. Hətta Fövqəladə Hallar Nazirliyində də belə bir xidmət növü yoxdur. Ona görə də ümid qalır bu sahə üzrə ödənişli xidmətlərə. İlanları yığmaq üçün işçi heyəti olmalıdır, avtomobil, avadanlıqlar ayrılmalıdır. İşçini saxlamaq üçün vəsait ayrılmalıdır".

T.İsgəndərovun sözlərinə görə, ilanların məhəlləyə gəlməsinin səbəbi onların qışlamaq üçün yer axtarması ilə bağlıdır: "Görünür, yaxınlıqda ilanların gizləndikləri yeri dağıdıblar. İlanlar adətən tör-töküntü, səliqəsiz yerlərdə gizlənir. Artıq havalar soyuyur, ilanlar özlərinə qışlamaq üçün yer axtarırlar. Bu zaman harada səliqəsiz, abad olmayan yerlər varsa, oranı seçirlər. Heç vaxt abad ərazilərdə ilanlar olmur. Çünki onların gizlənməsi üçün şərait yoxdur".

O ki qaldı ilanların kanalizasiyadan çıxmasına, biologiya elmləri doktoru deyir ki, ilanlar rütubət olan yerləri sevir: "Görünür, kanalizasiyalarda onların qidalanması üçün qurbağalar, kərtənkələlər var. Bu da onları kanalizasiyalara cəlb edir".

© Sputnik / Stringer
Nərimanov rayonu, Baksol qəsəbəsi, 2090-cı məhəllə

T.İsgəndərov bildirir ki, kanalizasiyalarda yaşayan ilanlar zəhərsiz olur. Həmsöhbətimizin sözlərinə görə, bununla belə ilanların göründüyü ərazi diqqətdə saxlanılmalı, orada dərmanlama işləri aparılmalıdır: "Sakinlərin əlacı ona qalıb ki, sanqovşaqlara kəskin iyli təmizləyici maddələr töksünlər. İlanlar belə qoxuları sevmir. Həmin ərazidən uzaqlaşırlar".

Amma T.İsgəndərov ərazinin ilanlardan təmizlənməsi üçün bunun yetərli olmadığını söyləyir: "Mütləq həmin ərazi tör-töküntüdən təmizlənməlidir. Əgər ərazidə söküntü materialları yığını, tullantılar varsa, orada təmizlik işləri aparılmaldır ki, ilanların gizlənməsinə şərait olmasın. Həmçinin ilanyığanlarla danışmaq lazımdır ki, gəlib ərazidəki ilanları yığışdırsınlar".

Qeyd edək ki, Bakıda ilanların yığılması üçün Bioloji Müxtəliflik Mərkəzi tərəfindən xidmət göstərilir. Mərkəzin rəhbəri Babək İsgəndərov Sputnik Azərbaycan-a açıqlamasında bildirib ki, bu xidmətin adı ilanlara qarşı təhlükəsizlik xidmətidir. Amma xidmət ödənişlidir: "İlanların yığılması asan iş deyil. Bunun üçün işçi olmalı, avtomobil ayrılmalıdır. Biz illərdir ki, bu xidməti göstəririk".

Babək İsgəndərovun sözlərinə görə, xidmətin göstərilməsi üçün qiymətlər 50 manatdan 400 manatadək dəyişir:

"Elə olur ki, bir ərazini ilandan təmizləmək üçün bir neçə dəfə o ünvana getmək lazım gəlir. Bu baxır orada yaşayan ilanların sayına. Biz ilanları tutmaqla yanaşı, onların həmin yerə gəlməmələri üçün dərmanlama işləri də aparırıq. Sakinlər bizə müraciət edərlərsə, biz həmin ünvanda ilanları yığarıq".

B.İsgəndərov onu da bildirdi ki, bu yaxınlarda Nərimanov rayonu ərazisində gürzə ilanı öldürülüb.

993
Teqlər:
Respublika Gigiyena və Epidemiologiya Mərkəzi, məhəllə, Bakı, ilan
Əlaqədar
Pandemiya dövründə zəhərlənmələrin sayı açıqlandı
Ağcabədidə köçkün evləri uçub - FOTO
İnsanlar üçün ən təhlükəli varlıqlar adamları birinci pillədən saldılar
İlanın əzabları insanların ürəyini ağrıtdı - VİDEO
Dünya şokda – Çində yayılan dəhşətli virusun mənbəyi tapıldı
Azərbaycanın Birinci vitse-prezident Mehriban Əliyeva, arxiv şəkli

"Qoy Uca Tanrı hər bir azərbaycanlıya müqəddəs Qarabağ torpağını öpməyi nəsib etsin!"

0
(Yenilənib 21:03 29.09.2020)
"Bu gün biz azərbaycanlılar niyyətimizlə, hərəkət və dualarımızla misli görülməmiş birlik göstəririk. Ulu Tanrı Azərbaycan xalqına onun müqəddəs mübarizəsində yar olsun!"

BAKI, 29 sentyabr — Sputnik. Azərbaycan dövləti heç vaxt başqasının torpaqlarına iddialı olmayıb, heç zaman insanlığa qarşı cinayət törətməyib. Azərbaycan Ordusu başqa dövlətin torpaqlarına ayaq basmayıb, o, doğma torpağını qoruyur və onun uğrunda döyüşür!

Sputnik Azərbaycan xəbər verir ki, bu fikir Azərbaycan Respublikasının Birinci vitse-prezidenti Mehriban Əliyevanın rəsmi “Instagram” səhifəsində etdiyi paylaşımda yer alıb.

Paylaşımda daha sonra deyilir: “Ermənistanın növbəti silahlı təxribatına cavab verildi! Azərbaycan Ordusu öz Vətənini müdafiə edərək, uğurlu əks-hücum əməliyyatı keçirir və Azərbaycanın işğal altında olan ərazilərini azad edir. Azərbaycan dövlətinə və xalqına dəstək olaraq öz prinsipial və ədalətli mövqeyini nümayiş etdirən bütün insanlara, təşkilatlara və dövlətlərə dərin təşəkkürümü bildirirəm. İlk növbədə, qardaş Türkiyə xalqına və şəxsən Prezident Rəcəb Tayyib Ərdoğana minnətdaram. Onların həmrəyliyi və mənəvi dəstəyi bu gün hər bir azərbaycanlıya qürur hissi yaşadır.

Azərbaycanın bütün əsgərlərinin, zabitlərinin həyatı və sağlamlığı üçün dua edirəm!

Bu gün biz azərbaycanlılar niyyətimizlə, hərəkət və dualarımızla misli görülməmiş birlik göstəririk. Ulu Tanrı Azərbaycan xalqına onun müqəddəs mübarizəsində yar olsun!

Qoy Uca Tanrı hər bir azərbaycanlıya müqəddəs Qarabağ torpağını öpməyi nəsib etsin!

Allah şəhidlərimizə rəhmət etsin! Qəbirləri nurla dolsun!”.

0
Mövzu:
Azərbaycan və Ermənistan arasında müharibə
Əlaqədar
Hikmət Hacıyev: "Ermənistan radarlara baxsın"
Ermənistan ordusunun son günlərdə öldürdüyü azərbaycanlıların sayı açıqlandı
Azərbaycan Ordusunda tibbi təminat və təchizatla bağlı heç bir problem yoxdur
Daha bir vətəndaşımız Ermənistan ordusunun atdığı mərmidən həlak olub
Xarici ölkələrdə yaşayan məşhurlardan Azərbaycana və ordumuza dəstək gəldi
Komendant saatı, arxiv şəkli

Komendant saatını pozan şəxslər cərimə ya həbs edilə bilərlər

71
(Yenilənib 19:39 29.09.2020)
Onu da qeyd edim ki, komendant saatı tətbiq edilən ərazilərdə tətbiq edilmiş xüsusi giriş-çıxış rejiminin, habelə yaşayış və ya olduğu yeri seçmək hüququna qoyulmuş məhdudiyyətin pozulmasına görə yüz manat məbləğində cərimə tətbiq edilir

İradə Cəlilova, Sputnik Azərbaycan

BAKI, 29 sentyabr — Sputnik. Azərbaycanın müstəqillik tarixində ilk dəfədir ki, komendant saatı tətbiq edilir. Ötən gün sosial şəbəkələrdə komendant saatını pozan şəxslərin cəbhə bölgələrinə aparılması barədə məlumatlar yer almışdı.

Hərbi ekspert Ramil Məmmədli Sputnik Azərbaycan-a açıqlamasında bildirib ki, komendant saatını pozan şəxslər cəbhə bölgəsinə deyil, polis bölmələrinə aparılır və ya cərimə edilirlər: "Bəzi vətəndaşlar bunu normal qəbul edə bilmirlər. 1992-1993-cü illərdə olduğu kimi "oblava" kimi qiymətləndirirlər. Bu, səhv fikirdir. Bilirsiniz ki, qismən hərbi səfərbərlik elan edilib. Və cəbhə bölgələrinə ancaq hərbi vəzifəli şəxslər çağırılır. Komendant saatını pozan şəxslər qanunvericiliyə uyğun olaraq, müvafiq şəkildə cərimə edilirlər".

Hüquqşünas Fərid Həmidli Sputnik Azərbaycan-a açıqlamasında bildirib ki, ölkədə dünəndən hərbi rejimlə bağlı komendant saatı tətbiq edilib. Komendant saatını pozan şəxslərə xəbərdarlıq edilir, onlar cərimə edilə və ya həbs edilə bilərlər:

"İlk gün olduğu üçün vətəndaşlara komendat saatında, yəni saat 21.00-dan sonra küçədə, ictimai yerlərdə olduqlarına görə xəbərdarlıq edilə bilər və ya onlar 50 manat məbləğində cərimə edilə bilərlər. Əgər vətəndaş nəqliyyat vasitəsilə komendant saatını pozursa, fiziki şəxslərə xəbərdarlıq edilir və ya onlar otuz manatdan əlli manatadək məbləğdə, vəzifəli şəxslər yüz manatdan yüz əlli manatadək məbləğdə, hüquqi şəxslər min manatdan min beş yüz manatadək məbləğdə cərimə edilir".

F.Həmidli qeyd edib ki, komendant saatında yığıncaq, mitinq, küçə yürüşü və s. kütləvi şəkildə toplaşmaq qadağandır və iştirakçı şəxslər olan fiziki şəxslər üç yüz manatdan beş yüz manatadək məbləğdə cərimə edilirlər və ya işin halları və pozuntu törədənin şəxsiyyəti nəzərə alınmaqla otuz günədək müddətə inzibati həbs tətbiq olunur, vəzifəli şəxslər altı yüz manatdan doqquz yüz manatadək, hüquqi şəxslər dörd min manatdan altı min manatadək məbləğdə cərimə edilirlər.

"Onu da qeyd edim ki, komendant saatı tətbiq edilən ərazilərdə tətbiq edilmiş xüsusi giriş-çıxış rejiminin, habelə yaşayış və ya olduğu yeri seçmək hüququna qoyulmuş məhdudiyyətin pozulmasına görə yüz manat məbləğində cərimə tətbiq edilir", - deyə hüquqşünas bildirib.

Onun sözlərinə görə, vətəndaşların icazə vərəqələrinin və şəxsiyyətini təsdiq edən sənədlərinin yoxlanılmasına, qanunda nəzərdə tutulmuş əsaslarla onların şəxsi əşyalarına, mənzillərinə və nəqliyyat vasitələrinə baxış keçirilməsinə maneçilik törətməsinə görə fiziki şəxslər yüz manat məbləğində, vəzifəli şəxslər iki yüz manat məbləğində cərimə edilirlər.

Xatırladaq ki, sentyabrın 27-də Azərbaycan Respublikasının bütün ərazisində hərbi vəziyyət elan olunub.

Bu dövrdə Bakı, Gəncə, Sumqayıt, Yevlax, Mingəçevir, Naftalan şəhərlərində, Abşeron, Cəbrayıl, Füzuli, Ağcabədi, Beyləqan, Ağdam, Bərdə, Tərtər, Goranboy, Göygöl, Daşkəsən, Gədəbəy, Tovuz, Şəmkir, Qazax və Ağstafa rayonlarında saat 21:00-dan ertəsi gün saat 06:00-dək komendant saatı tətbiq edilib.

Daxili İşlər Nazirliyinin məlumatına görə, komendant saatının qüvvədə olduğu müddətdə şəxslər hərbi vəziyyət rejiminin tətbiq edildiyi inzibati ərazi vahidlərində yalnız xidməti vəsiqə əsasında və "icaze.e-gov.az" portalında qeydiyyatdan keçib xüsusi icazə aldıqda hərəkət edə biləcəklər.

Hərbi vəziyyət rejiminin tələblərini pozan, komendant saatının təmin olunmasına cəlb edilmiş polis əməkdaşlarının və hərbi qulluqçuların qanuni tələblərinə əməl etməyən şəxslər haqqında hüquqi məsuliyyət tədbirləri görüləcək.

71
Teqlər:
həbs, cərimə, saat, komendant, hərbi vəziyyət
Əlaqədar
Azərbaycan Prezidenti hərbi vəziyyətlə bağlı Fərman imzaladı
TƏCİLİ: Azərbaycanda hərbi vəziyyət tətbiq olunur
Bakıda ictimai nəqliyyatın hərəkəti hərbi vəziyyətə uyğunlaşdırılır