CƏMİYYƏT
Cəmiyyətin həyatında baş verən aktual hadisələr

Nikaha daxil olmaq toy etməkdən də çətin oldu

© Official website of President of Azerbaijan RepublicZAQS
ZAQS - Sputnik Azərbaycan
Abunə olmaq
"Bizdə reaktiv yoxdur, bunu nazirlik səviyyəsində də bilirlər. Ona görə də ərazidə yaşayan vətəndaşlardan qan analizi götürə bilmirik. Vətəndaş "ASAN xidmət" mərkəzinə müraciət etsin"

Zülfiyyə Quluyeva, Sputnik Azərbaycan

BAKI, 9 sentyabr — Sputnik. Bakıda nikaha daxil olmaq istəyən şəxslərin icbari tibbi müayinədən keçməsi üçün reaktiv tapılmır. Bu barədə Sputnik Azərbaycan-a vətəndaşlar şikayət ediblər. Vətəndaş Əfruzə Ağayeva Sputnik Azərbaycan-a açıqlamasında bildirib ki, nikaha daxil olmaq üçün Nəsimi rayonu üzrə 20 saylı poliklinikaya müraciət edib. 

Вор во время проникновения в чужой дом - Sputnik Azərbaycan
HADİSƏ
Toy qadağasının daha bir fəsadı - Nişanlı qızın cehizlərini oğurladılar
Poliklinikadan ona bildiriblər ki, qeydiyyatda olduğu Əlibəy Hüseynzadə 100 ünvanı poliklinikanın ərazisinə düşmür. Ona rayon 3 saylı poliklinikasına müraciət etmək tövsiyə edilib. 3 saylı poliklinikadan isə Nəsimi rayonu üzrə nikaha daxil olmaq istəyən şəxslərin icbari tibbi müayinədən keçməsinin yalnız bir poliklinikaya - 20 saylı poliklinikaya həvalə olunduğunu bildiriblər.

Sputnik Azərbaycan problemi araşdırmaq üçün Nəsimi rayon 20 saylı poliklinika ilə əlaqə saxlayıb. Poliklinikadan Sputnik Azərbaycan-a bildirilib ki, nikaha görə tibbi müayinə üçün analiz reaktiv olmadığı üçün aparılmır: "Bizdə reaktiv yoxdur, bunu nazirlik səviyyəsində də bilirlər. Ona görə də ərazidə yaşayan vətəndaşlardan qan analizi götürə bilmirik. Vətəndaş "ASAN xidmət" mərkəzinə müraciət etsin".

Qeyd edək ki, poliklinikalarda qan analizinin nəticəsi daha tez verildiyi üçün nikaha təcili daxil olmaq istəyən şəxslər əsasən qeydiyyatda olduqları ünvan üzrə poliklinikalara üz tuturlar. Poliklinikalar isə reaktiv olmadığı üçün analiz götürməkdən imtina edirlər. "ASAN xidmət" mərkəzlərində isə bu müayinənin cavabı iki həftədən tez verilmir.

Səhiyyə Nazirliyindən isə sorğumuza cavab veriləcəyi bildirilib.

Xəbər lenti
0