Ağdam rayonu Əhmədağalı kəndinin ərazisindəki kəhriz quyusu

Məşhur Qarabağ kəhrizlərinin suyu yenidən qaynamağa başladı

73
Layihəyə uyğun olaraq, 4 il ərzində 8 mindən çox məcburi köçkün ailəsinin sıx məskunlaşdığı 8 rayon və şəhərdə kəhrizlər bərpa ediləcək

Musa Muradlı, Sputnik Azərbaycan

BAKI, 9 sentyabr — Sputnik. Vaxtilə məhsuldar Qarabağ torpaqlarının suvarılmasında əsasən kəhrizlərdən istifadə olunub. Kankanların mühəndisliyi sayəsində yeraltı suların torpağın üzərinə çıxarılması yolu ilə əkin sahələri suvarılıb. Sonradan suvarmada artezian quyularından istifadə və kanalların çəkilməsi kəhrizlərə olan tələbatı heçə endirmişdi. Kəhrizlər, demək olar ki, tarixin bir parçasına çevrilməklə istifadə olunmurdu. Lakin günümüzdə suya olan tələbatın artması kəhrizlərin yenidən istismarı ideyası aktuallaşdırıb. Ağdam rayonu Əhmədağalı kəndinin ərazisindəki kəhriz quyularının yenidən, müasir texnoloji üsullardan istifadə olunmaqla yenidən qurulmağa başlanılıb.

© Sputnik / Musa Muradli
Ağdam rayonu Əhmədağalı kəndinin ərazisindəki kəhriz quyusu

Sputnik Azərbaycan-ın layihə mühəndisi Rəvan Mehdiyevdən əldə etdiyi məlumata görə, “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafı” layihəsi Beynəlxalq Miqrasiya Təşkilatının (BMqT) Koreya Beynəlxalq Əməkdaşlıq Agentliyinin (KOICA) maliyyə dəstəyi ilə həyata keçirilir. 4 illik layihəyə əsasən, Ağdam rayonun  ərazisindəki kəhrizlər yenidən istismara veriləcək. Ümumilikdə isə 2018-ci ildən icrasına başlanılan dördillik layihə çərçivəsində məcburi köçkünlərin sıx məskunlaşdıqları Ağdam, Ağcabədi, Bərdə, Füzuli, Gəncə, Qazax, Goranboy və Göygöl rayonlarında ənənəvi və dayanıqlı su təchizatı sistemi olan 40 kəhrizin bərpası nəzərdə tutulur.

Rəvan Mehdiyevin bildirdiyinə görə, layihənin əsas məqsədi məcburi köçkünlərin məskunlaşdığı icmalarda həyat şəraitinin və su təminatının yaxşılaşdırılmasıdır: "Layihəyə uyğun olaraq, 4 il ərzində 8 mindən çox məcburi köçkün ailəsinin sıx məskunlaşdığı 8 rayon və şəhərdə kəhrizlər bərpa ediləcək. Kəhrizlərin bərpası ilə məcburi köçkün ailələrinin içməli və suvarma su təchizatı yaxşılaşdırılacaq".

© Sputnik / Musa Muradli
Ağdam rayonu Əhmədağalı kəndinin ərazisindəki kəhriz quyusu

Layihə planına uyğun olaraq görüləcək işlərdən danışan layihə mühəndisi bildirib ki, 2022-ci ilədək Ağdam rayonunda 17 kəhrizin bərpası həyata keçiriləcək. Kəhriz quyularının bərpasına uyğun olaraq, baş quyularda və sutoplayıcı tunellərdə texniki göstəriciləri öyrənmək, suvermə qabiliyyətini yoxlamaq, suyun keyfiyyətini müəyyən etmək məqsədilə tədqiqat-qazma işləri aparılıb.

“Hazırda Əhmədağalı kəndi ərazisində yerləşən, Mirəşelli kəndinə aid “Şəmsi” və Kolqışlaq kəndinə aid olan “Çinarlı” kəhrizlərində ənənəvi üsulla bərpa işləri həyata keçirilir. Kəhriz quyuları xüsusi texnika vasitəsilə qazılır. Təmizləmə işləri aparıldıqdan sonra kəhriz quyuları və tunellərində dəmir-beton həlqələr quraşdırılır", - deyə layihə mühəndisi görülmüş işlər barədə məlumat verib.

© Sputnik / Musa Muradli
Ağdam rayonu Əhmədağalı kəndinin ərazisindəki kəhriz quyusu

Kəhrizlərin bərpasında ilk dəfə olaraq yeni texnoloji metodologiya da tətbiq edilir. Rəvan Mehdiyev qeyd edib  ki, kəhriz tunelləri üfüqi qazma avadanlıqları vasitəsilə qazılır və dəmir-beton həlqələr deyil, plastik borular quraşdırılır. Bununla da kəhrizlərin ətraf mühitin təsiri amillərinə dayanıqlığı artırılır.

Onu da qeyd edək ki, bu ay Ağdam rayonunda daha iki  - “Qozlu” və “Heyvalı” kəhrizlərində bərpa işlərinə başlanılması planlaşdırılır. Bunun üçün layihə-smeta sənədlərinin hazırlanması, kəhriz bərpa qruplarının formalaşdırılması, texniki-təchizat məsələləri həll olunub.

73
Əlaqədar
Dədə-baba qaydası boğazımızı quru, mədəmizi boş qoya bilər: torpağı kimə verməli?
Təki pul olsun prinsipi işə yaramadı: məsələni sayğacla çözmək də alınmır
Ermənistan Azərbaycanın sərhəd kəndlərinin suyunu kəsib - FOTO
Vaxtında edilmiş ixtira: Cəlilabad sakini azərbaycanlıları su qıtlığından qurtaracaq
Dama-dama qızıl olar: Yevlaxlı fermerlər yeni üsula keçiblər
Bakıda supermarketin fəaliyyəti, arxiv şəkli

Mağazalara yeni cərimə xəbərdarlığı

1
(Yenilənib 16:31 22.09.2020)
Mal dəyişdirilən vaxt satışda uyğun mal yoxdursa, istehlakçı dəyəri yenidən hesablamaqla istənilən başqa malı almaq, qaytarılan malın dəyəri məbləğində pulu geri götürmək və ya satışa uyğun mal gələn kimi onu dəyişdirmək hüququna malikdir

BAKI, 22 sentyabr — Sputnik. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti "Alınan mallar geri qaytarılmır" kimi lövhələr asan mağaza sahiblərinə müraciət edib.

Dövlət Xidmətindən Sputnik Azərbaycan-a bildirilib ki, son zamanlar bir sıra ticarət obyektlərində "Alınan mallar geri qaytarılmır" kimi lövhələrin asılması halları müşahidə olunur. "İstehlakçıların hüquqlarının müdafiəsi haqqında" qanuna əsasən, istehlakçı aldığı malda zəmanət müddəti ərzində qüsur, saxtalaşdırma aşkar edərsə, satıcıdan aşağıdakılardan birini tələb edə bilər:

- lazımi keyfiyyətli mala dəyişdirməyi;

- satış qiymətini uyğun məbləğdə azaltmağı;

- malın qüsurlarının icraçının (satıcının, istehsalçının) hesabına aradan qaldırılmasını və ya qüsurların aradan qaldırılması üçün istehlakçının və ya üçüncü şəxslərin çəkdiyi xərclərin əvəzinin ödənilməsini;

- malın, həmin mala uyğun digər modelli (markalı, tipli və sair) mal ilə, dəyəri yenidən hesablanma şərtilə əvəz edilməsini;

- müqavilənin ləğv edilməsini və çəkdiyi zərərin ödənilməsini.

Satıcı istehlakçının sadalanan tələblərindən birini yerinə yetirməyə borcludur.

Satıcı (icraçı) istehlakçını maraqlandıran malın (xidmətin) qiyməti, istehlak xassələri (ərzaq malları barəsində isə, həm də tərkibi, yararlılıq müddəti, kaloriliyi, sağlamlıq üçün zərərli maddələrin normativ sənədlərin tələbləri ilə müqayisəli miqdarı), əldə edilməsi şərtləri, təminat öhdəlikləri və iddiaların irəli sürülməsi, malın işlədilməsi, saxlanılması və təhlükəsiz istifadəsi üsulları və qaydaları barədə istehlakçıya zəruri və düzgün məlumat verməlidir. Satılan mal barədə yanlış və ya kifayət qədər dolğun olmayan məlumatın verilməsi, istehlakçının lazımi xassələrə malik olmayan malı (işi, xidməti) almasına səbəb olubsa, bu zaman onun müqaviləni ləğv etmək və itkilərin ödənilməsini tələb etmək hüququ var.

Lazımi keyfiyyətli qeyri-ərzaq malı (qanunvericiliklə qaytarılması və dəyişdirilməsi qadağan olunan mallar - qızıl və qızıl məmulatları, şəxsi gigiyena əşyaları, uşaq oyuncaqları, parfümer-kosmetika malları, kişi, qadın və uşaq çimərlik paltarları, bağçayaşlı və yeni doğulan uşaqlar üçün alt paltarları və sair istisna olmaqla) öz formasına, ölçüsünə, rənginə görə istehlakçıya yaramırsa və ya digər səbəblərə görə təyinatı üzrə istifadə oluna bilməzsə, istehlakçı həmin malı alınma günü sayılmamaq şərtilə 14 gün ərzində digər lazımi keyfiyyətli uyğun mala dəyişdirmək hüququna malikdir. Bu zaman mal əmtəə görünüşü, istehlak xassələri, plombu, yarlığı alındığı kimi saxlanılmaqla, həmçinin kassa çeki və ya mal alınan zaman verilən digər sənədlərlə birlikdə təqdim olunmalıdır.

Mal dəyişdirilən vaxt satışda uyğun mal yoxdursa, istehlakçı dəyəri yenidən hesablamaqla istənilən başqa malı almaq, qaytarılan malın dəyəri məbləğində pulu geri götürmək və ya satışa uyğun mal gələn kimi onu dəyişdirmək hüququna malikdir.

Antiinhisar və İstehlak Bazarına Nəzarət Dövlət Xidməti mağaza sahiblərini qanunvericiliyin tələblərinə əməl etməyə, istehlakçıların qanunvericiliklə qorunan hüquqlarını pozmamağa çağırır, belə hallar müəyyən ediləcəyi təqdirdə onlara qarşı qanunvericiliyə uyğun olaraq ciddi məsuliyyət tədbirlərinin həyata keçiriləcəyini bildirir.

İnzibati Xətalar Məcəlləsinin 444.2-ci maddəsinə əsasən, satılmış malların dəyişdirilməsi və ya geri qaytarılması qaydalarının pozulmasına görə 600 manatdan 900 manatadək məbləğdə cərimə nəzərdə tutulur.

1
Teqlər:
cərimə, müştəri, sahibkar, sahib, satıcı, istehlak malları, aksizli mallar, ərzaq malları, idman malları, mağaza
Əli qandallanmış kişi polis bölməsində, arxiv şəkli

Oğurlanan Yevlax sakini xəstəxanada ölüb

11
(Yenilənib 16:10 22.09.2020)
R.Ramazanovdan lüləsi və qundağı kəsilmiş "İJ-58" markalı ov tüfəngi, 5 ədəd patron, 2 ədəd nunçaqa, 1 ədəd xəncər və 2 ədəd bıçaq götürülüb

BAKI, 22 sentyabr — Sputnik. Yevlax şəhərində yaşayan C.Xəlilovu döyərək zorla saxlamaqda, həyat yoldaşından 1000 manat aldıqdan sonra buraxmaqda şübhəli bilinən X.Balayev və R.Ramazanov saxlanılıblar, daha bir nəfərin şəxsiyyəti müəyyən edilib.

Sputnik Azərbaycan Daxili İşlər Nazirliyinin məlumatına istinadla xəbər verir ki, sentyabrın 11-də Yevlax şəhərində yaşayan, əvvəllər məhkum olunmuş Ceyhun Xəlilovun daxili qanaxma ilə Yevlax şəhər mərkəzi xəstəxanasına yerləşdirilməsi və sentyabrın 14-də orada ölməsi faktı ilə bağlı rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib.

C.Xəlilovun həyat yoldaşı izahatında ərinin avqustun 23-də Abşeron rayonu ərazisində naməlum şəxslər tərəfindən döyülməsini bildirib.

Təxirəsalınmaz istintaq və əməliyyat tədbirləri nəticəsində hadisəni törətməkdə şübhəli bilinən Xırdalan şəhər sakinləri X.Balayev və əvvəllər məhkum olunan R.Ramazanov saxlanılıblar, daha bir nəfərin şəxsiyyəti müəyyən edilib.

R.Ramazanovdan lüləsi və qundağı kəsilmiş "İJ-58" markalı ov tüfəngi, 5 ədəd patron, 2 ədəd nunçaqa, 1 ədəd xəncər və 2 ədəd bıçaq götürülüb.

Araşdırmalarla onların cari il avqust ayının 23-də C.Xəlilovu R.Ramazanovun yaşadığı evə aparıb döyərək orada zorla saxlamaları, həyat yoldaşından 1000 manat aldıqdan sonra buraxmaları müəyyən edilib.

Faktla əlaqədar Cinayət Məcəlləsinin 127, 182 və 228-ci maddələri ilə cinayət işi başlanıb.

11
Teqlər:
ov tüfəngi, döyülmə, insan oğurluğu, Yevlax
Əlaqədar
Qubada ot tayalarını yandıraraq kəndlilərə ziyan vuran şəxslər müəyyən edilib
Silahlı şəxslərə qarşı əməliyyat keçirildi
Neftçalada qızın qeyri-etik şəkillərini yayan şəxs həbs edilib
Azərbaycanlı müğənni Vilayət Eyvazova müraciət etdi: Məni döyüblər
Doqquz il əvvəl törədilmiş cinayətin üstü açıldı - Zaqatalada