Bakı metrosunda boş vaqon, arxiv şəkli

Metropoliten hazır vəziyyətdədir - Qalır qərarı gözləmək

116
"Mayın 9-da metropoliten sərnişindaşıma fəaliyyətini bərpa edəndə də metodiki göstərişlərə uyğun olaraq işini qurmuşdu. Başqa bir göstəriş olarsa, təbii ki, fəaliyyətimizdə bunu da tətbiq edəcəyik" - Bəxtiyar Məmmədov

Nigar İsgəndərova, Sputnik Azərbaycan

BAKI, 8 sentyabr — Sputnik. "Metropolitendə sərnişindaşıma dayandırılığı gündən biz hər gün hazırlıqlı rejimdəyik. Karantin qaydalarına əməl etməklə infrastruktur işlək və saz vəziyyətdədir. İşçi heyəti lazımi hazırlıq səviyyəsindədir. Yəni, öncələr sərnişindaşıma olduğu vaxtda necə idisə, indi də hazırlıq, nəzarət eyni səviyyədədir. Ümumiyyətlə, pandemiya başladığı gündən Nazirlər Kabinetinin metodiki göstərişlərinə uyğun olaraq işimizi qurmuşuq. Metropoliten iyulun 4-dən etibarən də eyni qayda ilə işini davam etdirir". Bu barədə Sputnik Azərbaycan-a açıqlamasında "Bakı Metropoliteni" Qapalı Səhmdar Cəmiyyətinin mətbuat katibi Bəxtiyar Məmmədov deyib.

Məmmədov bildirib ki, Operativ Qərargahın verdiyi qərarlara uyğun olaraq addımlar atılır: "Mayın 9-da metropoliten sərnişindaşıma fəaliyyətini bərpa edəndə də metodiki göstərişlərə uyğun olaraq işini qurmuşdu. Başqa bir göstəriş olarsa, təbii ki, fəaliyyətimizdə bunu da tətbiq edəcəyik".

Metropoliten sözçüsü bu müddətdə görülən işlərdən də danışıb: "Bildiyiniz kimi iki yeni qatar daha öncə xəttə buraxılmışdı. Daha iki yeni qatarla bağlı olaraq da qərar veriləcək. Ümumilikdə isə qeyd edim ki, 2020-2022-ci illərdə, yəni hər 3 ildə illik olaraq 20 vaqon olmaqla, ümumilikdə 60 vaqon gətiriləcək. Gətiriləcək vaqonlar istismar müddətini başa vuracaq vaqonları əvəzləyəcək".

Məmmədov həmçinin əlavə edib ki, "Cəfər Cabbarlı" stansiyasında təmir başlamışdı: "Hazırda həmin istiqamətdə görülən işlər özünün son mərhələsindədir".

116
Teqlər:
Metropoliten, Bakı Metropoliteni, metro
Azərbaycan hərbçiləri, arxiv şəkli

Müharibədə şəhid olmuş yaralanmış mədəniyyət işçilərinin ailələrinə yardım göstərilib

0
(Yenilənib 11:25 22.01.2021)
Müharibədə 10 nəfər mədəniyyət işçisi yaralanıb, ümumilikdə 162 nəfər mədəniyyət işçisinin yaxın qohumu şəhid olub.

BAKI, 22 yanvar — Sputnik. Vətən müharibəsi zamanı mədəniyyət müəssisələrində çalışan insanlar da könüllü ordu sıralarına yazılıb və onlardan 65 nəfəri səfərbərliyə cəlb olunub.

Sputnik Azərbaycan xəbər verir ki, tarixi zəfərlə başa çatan müharibədə 8 nəfər mədəniyyət işçisi şəhidlik zirvəsinə ucalıb. Müharibədə 10 nəfər mədəniyyət işçisi yaralanıb, ümumilikdə 162 nəfər mədəniyyət işçisinin yaxın qohumu şəhid olub. Ölkəmizin ərazi bütövlüyü uğrunda gedən döyüşlərdə şəhidlik zirvəsinə yüksəlmiş və yaralanmış mədəniyyət işçilərinin ailələrinə Mədəniyyət Nazirliyi və nazirliyin Həmkarlar İttifaqı tərəfindən maddi yardım göstərilib.

Şəhid ailələri və qazilərə qayğı bundan sonra da diqqətdə saxlanılacaq, bu istiqamətdə nazirlik tərəfindən layihə və tədbirlər həyata keçiriləcək.

0
Teqlər:
mədəniyyət xadimləri, müharibə, Qarabağ
Polis əməkdaşları, arxiv şəkli

Hələ onlar düşünən qədər "yumşalmamışıq" - polis saxladıqları barədə məlumat yaydı

10
Karantin rejiminin tətbiq edildiyi 5 şəhər və 12 rayonda quraşdırılmış xüsusi postlarda yoxlamalar davam edir. Yumşalma şərtləri elan olunsa da, görünən odur ki, iki mindən çox adam onları yanlış anlayıb

BAKI, 22 yanvar — Sputnik. Nazirlər Kabinetinin qərarı ilə yanvarın 18-dən tətbiq edilən yumşaldılmaları bəzi vətəndaşlarımız yanlış anlayıblar.

Daxili İşlər Nazirliyindən Sputnik Azərbaycan-a verilən məlumata görə, koronavirus (COVID-19) infeksiyasının yayılmasının qarşısının alınması məqsədilə karantin rejiminin tətbiq edildiyi 5 şəhər və 12 rayonda quraşdırılmış xüsusi postlarda hərbi qulluqçuları və polis əməkdaşları nəzarət-profilaktiki yoxlamaları davam etdirirlər.

Yanvarın 21-də postlardan müvafiq qaydada icazə almadan keçməyə cəhd göstərən 2059 nəqliyyat vasitəsi müəyyən olunaraq geri qaytarılıb. Eləcə də ölkə üzrə karantin rejimi qaydalarını pozan 1 nəfər barəsində inzibati həbs, 1677 nəfər barəsində digər inzibati tənbeh tədbirləri tətbiq olunub.

Eyni zamanda ev şəraitində müalicə təyin edilən 5 nəfər aktiv COVID-19 xəstəsi ictimai yerlərdə müəyyən olunub saxlanılaraq evə qaytarılıb. Onlardan 4 nəfər barəsində Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb. Hazırda istintaq araşdırmaları davam etdirilir.

DİN vətəndaşlardan tətbiq edilən izolyasiya tədbirlərini anlayışla qarşılamalarını, karantin rejimi qaydalarına riayət etmələrini xahiş edib.

10