Kök kişi, arxiv şəkli

Kök kişilər yaxşı ata olurlar

164
(Yenilənib 00:09 08.09.2020)
Araşdırma zamanı iştirakçılar kişilərin şəkillərinə baxıblar və təsvir edilmiş kişilərin bu və ya digər pozitiv və ya neqativ davranış modelinə meylliliyi haqqında suallara cavab veriblər.

 

BAKI, 8 sentyabr — Sputnik. Alimlər kişilərin bədən quruluşu və onların valideynlik bacarıqları arasında əlaqəni aşkar ediblər.

Sputnik Azərbaycan "Daily Mail" nəşrinə istinadən xəbər verir ki, araşdırma nəticəsində artıq çəkili kişilərin yaxşı ata hesab edildiyi məlum olub.

Araşdırmada 800-dən çox insan iştirak edib. Onlara idmançı bədən quruluşu olan kişilərin, həmçinin azca çəkisi olan kişilərin şəkillərini göstəriblər. İştirakçılar qeyd ediblər ki, arıq kişilərin valideynlik bacarıqlarına etibar etmirlər.

Amma onlar kök kişiləri yaxşı ata olmağa daha çox meylli hesab ediblər. Missisipi Universitetindən olan alimlərin fikrincə, insanlar kök ataları daha az dominant qəbul edirlər, deməli, onlarla münasibətlər daha isti olur.

Araşdırma zamanı iştirakçılar kişilərin şəkillərinə baxıblar və təsvir edilmiş kişilərin bu və ya digər pozitiv və ya neqativ davranış modelinə meylliliyi haqqında – məsələn, fotoşəkildəki kişinin uşağa dərsləri ilə kömək etməyə hazır olduğu və ya əksinə, kişinin uşaqlardan qıcıqlandığı barədə suallara cavab veriblər.

Eyni zamanda, tədqiqat iştirakçıları çəkisi çox olan kişilərə də şübhə ilə yanaşıblar. Alimlərin sözlərinə görə, artıq çəki intizamın olmaması ilə əlaqələndirilir.

 

164
Teqlər:
arıqlıq, köklük, ata, kişi
Əlaqədar
Payız depressiyasını dəf etmək üçün ideal rejim
Qatqı maddələri, yoxsa qida əlavələri?
On doqquzuncu əsrdə doğulmuş qadın uzunömürlülüyün sirrini açdı
Artıq çəkinin olmaması sağlamlıq deyil
Elza Seyidcahan, arxiv şəkli

Seyidcahanın anası dələduzun hədəfinə tuş gəlib

2
(Yenilənib 13:38 19.09.2020)
"Mənim yox, anamın torpağıdır. Ev tikmək istəyirdi. Deyirdi qızları ilə bir yerdə qalsın. Bizə deməyib, sürpriz etmək istəyirmiş. Xəbərim olsaydı, onun aldadılmasına imkan verməzdim"

BAKI, 19 sentyabr — Sputnik. Əməkdar artist Elza Seyidcahan anasının aldadılaraq əlindən alınan torpaq sahəsindən söz açıb. Sputnik Azərbaycan xəbər verir ki, müğənni bu sözləri Space TV kanalında yayımlanan "Hər səhər" proqramında deyib. O bildirib ki, hələ də dələduz cəzasını çəkməyib:

"İş hələ də məhkəmədədir. Hər dəfə dələduz vaxt götürür. Hələ də cəzasını almayıb. Mənim yox, anamın torpağıdır. Ev tikmək istəyirdi. Deyirdi qızları ilə bir yerdə qalsın. Bizə deməyib, sürpriz etmək istəyirmiş. Xəbərim olsaydı, onun aldadılmasına imkan verməzdim".

2
Arşın mal alan - talış dilində

"Arşın mal alan" daha bir ölkədə nümayiş olunacaq

5
Səhnə əsərinin rejissoru Azərbaycan Dövlət Akademik Opera va Balet Teatrının baş rejissoru Hafiz Quliyev, rəssamı Tomiana Tomova Naçevadır.

BAKI, 19 sentyabr — Sputnik. Premyeranın keçirilməsi cari ilin oktyabr ayına planlaşdırılır

Üzeyir Hacıbəylinin anadan olmasının 135 illiyi münasibətilə Beynəlxalq Türk Mədəniyyəti və İrsi Fondu, Mədəniyyət Nazirliyi və Azərbaycanın Bolqarıstandakı Səfirliyinin təşkilatçılığı ilə Bolqarıstanın zəngin tarixə malik olan Kırcali şəhərində "Kadriye Latifova" Musiqili Teatrında dahi bəstəkarın "Arşın mal alan" musiqili komediyası tamaşaya hazırlanıb.

Sputnik Azərbaycan xəbər verir ki, səhnə əsərinin rejissoru Azərbaycan Dövlət Akademik Opera va Balet Teatrının baş rejissoru Hafiz Quliyev, rəssamı Tomiana Tomova Naçevadır.

Premyeranın keçirilməsi cari ilin oktyabr ayına planlaşdırılır.

5
Günəş, arxiv şəkli

İstirahət gününüz belə keçəcək

0
Sentyabrın 20-də Azərbaycanın rayonlarında havanın əsasən yağmursuz keçəcəyi, lakin bəzi dağlıq və dağətəyi rayonlarda şimşək çaxacağı, arabir yağış yağacağı ehtimalı var

BAKI, 19 sentyabr — Sputnik. Sentyabrın 20-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, lakin gecəyə doğru bəzi yerlərdə qısamüddətli az yağış yağacağı ehtimalı var. Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətindən Sputnik Azərbaycan-a verilən məlumata görə, mülayim şimal-qərb küləyi gündüz şimal-şərq küləyi ilə əvəz olunacaq.

Havanın temperaturu Abşeron yarımadasında gecə 18-20, gündüz 22-24, Bakıda gecə 18-20, gündüz 22-24 dərəcə isti olacaq. Atmosfer təzyiqi 761 mm civə sütunundan 764 mm civə sütununa yüksələcək, nisbi rütubət gecə 65-75, gündüz 40-45 faiz olacaq.

Sentyabrın 20-də Azərbaycanın rayonlarında havanın əsasən yağmursuz keçəcəyi, lakin bəzi dağlıq və dağətəyi rayonlarda şimşək çaxacağı, arabir yağış yağacağı ehtimalı var. Şərq küləyi əsəcək, arabir güclənəcək. Havanın temperaturu gecə 17-21, gündüz 25-29, dağlarda gecə 10-15, gündüz 17-21 dərəcə isti olacaq.

0