Leyla Fətəliyeva

Stereotipləri qıran qadın: Təhdidlər istehzalar xaçmazlı bərbərə mane olmayıb

2228
(Yenilənib 18:03 07.09.2020)
Leyla Fətəliyeva bir çox çətinlikləri dəf edib - öz oğullarını yedizdirmək naminə səyyar bərbər xidməti göstərmək qərarına gəlib və öz xidmətlərini evdə təklif edir.

BAKI, 7 sentyabr — Sputnik, Kəmalə Əliyeva. Xaçmaz rayonundan olan səyyar qadın bərbəri Leyla Fətəliyeva haqqında çəkilən qısametrajlı film sosial şəbəkə istifadəçilərinin diqqətini cəlb edib. Şərhçilərin əksəriyyəti fəxr edirlər ki, üç uşağı olan boşanmış qadın, uzun illər keçmiş əri tərəfindən zorakılığa məruz qalmasına, yaxınlarının tətbiq etdiyi məhdudiyyətlərə və adamların tənələrinə baxmayaraq, irəli getməyə özündə cəsarət tapa bilib. Leyla Fətəliyeva özü haqqında Sputnik Azərbaycan-a danışıb.

Dediyinə görə, onun həyat hekayəsinin qaynar müzakirələrə səbəb olacağını və bir çox insanın ona dəstək verəcəyini heç düşünməyib. Fətəliyeva Xaçmaz rayonunda anadan olub və böyüyüb. Məktəbi bitirdikdən sonra valideynləri ona təhsilini davam etdirməyə icazə verməyiblər. O, lal-kar adama ərə getməyə məcbur olub.

"Onunla evlənməkdən imtina edə bilmədim, çünki ona çox yazığım gəldi. Mən özüm, xoşbəxtliyim haqqında düşünmədim. Ərim naminə, hətta onunla ünsiyyət qurmaq üçün lal-karların jest dilini öyrəndim. O, həmişə məni və öz anasını döyürdü. Birinci oğlum doğulandan sonra ondan boşanmaq istədim, amma valideynlərim və qohumlarım bunu etməyə icazə vermədilər. Mən səkkiz il dözdüm. Üçüncü oğlum doğulandan sonra boşanmaq qərarımı qətiləşdirdim, çünki əks təqdirdə o, məni öldürəcəkdi", - deyə Fətəliyeva etiraf edib.

Qadının valideynləri vəfat edəndən sonra onun getməsi sadəcə mümkün olmayıb. O, boşandıqdan sonra da keçmiş həyat yoldaşının evində, onunla birlikdə yaşamağa məcbur olub. İndi əri Leylaya əl qaldırmağa cürət etmir, qorxur ki, ona cavab zərbəsi vura bilər. Çünki Leyla özünü ərinin hücumlarından qorumaq üçün kikboksinq üzrə məşğələlərə qatılıb. Bununla belə, hər dəfə Leyla evdə olmayanda kişi uşaqları vurur.

Посмотреть эту публикацию в Instagram

Публикация от xanoğlan novruz (@xanoglan_novruz)

"Boşandıqdan sonra mən bir şəkildə yaşamaq məcburiyyətindəyəm. Bacılarım, qardaşlarım var, amma onların hər birinin öz ailəsi var, ona görə də onlardan kömək istəyə bilmərəm. Kiməsə yük olmaq istəmirəm. Keçmiş ərimdən 3 uşağa görə cəmi 76 manat aliment alırdım və indi də alıram. Amma bu pulla yaşamaq mümkün deyil. Qohumlarımdan heç biri mənə kömək etmir. Rayonumuzdakı gözəllik salonlarından birinin sahibəsi haqqımda yaxşı bildiyinə görə mənə ustalarından birinin şagirdi olmağa imkan yaratdı ki, nəyisə öyrənim", - deyə Fətəliyeva bildirib.

Yeni işi öyrənən qadın bu salonda işləməyə başlayıb. Ancaq tezliklə oradan getməyə məcbur olub. Çünki uşaqlarla da məşğul olmaq, onları məktəbə, eləcə də müxtəlif idman kurslarına aparmaq lazım idi. İkinci işində də o, uzun müddət qala bilməyib. Sahibi onun daimi icazə xahişlərindən bezib və Fətəliyevanı işdən qovub. Bundan sonra Leyla səyyar bərbər olmaq qərarına gəlib.

Посмотреть эту публикацию в Instagram

Публикация от leyla xaçmaz (@velo_berber)

"Uşaqlar doğulduqdan sonra velosiped sürməyi öyrəndim. Mənə bir çox müştərilər zəng edirdilər, iş yerimi soruşurdular, hamıya cavab verirdim ki, artıq evdə xidmət göstərirəm. Azərbaycanda indiyə qədər velosipedlə gəzərək səyyar bərbər xidməti göstərən şəxs olmayıb. Qohumlarım eşidəndə ki, mən velosipedlə gedərək adamlara evində xidmət göstərirəm, zəng vurub hədələyirdilər. Amma onların nə dediyinin mənim üçün əhəmiyyəti yox idi. Mən yalnız uşaqlarımı yedirtmək və onlara yaxşı təhsil vermək haqqında düşünürəm. Həmçinin şadam ki, rayondakı mövcud stereotipləri qıra bildim", - deyə Fətəliyeva etiraf edib.

Qadın təkcə öz regionunda deyil, bütün ölkədə tanınmağa müvəffəq olub. O, yalnız qadınların saçların kəsib, boyayıb, formaya salmır, həm də kişilərin saçını necə qaydaya salmağı öyrənib. Əvvəllər bunu təcrübədə öyrənmək istəyib. Lakin təəssüf ki, qadın olduğuna görə, rayondakı bərbər kişilərin heç biri onu öyrətmək istəməyib. O, bu işi internetdəki videoçarxlara baxaraq öyrənir. Bundan başqa, Bakıda məşhur stilistlərin master-klasslarına da baş çəkir.

Посмотреть эту публикацию в Instagram

Публикация от leyla xaçmaz (@velo_berber)

"Mənim hər gün işim olur. Tez-tez uşaqları da özümlə götürürəm, amma adətən həmişə ortancıl oğlum mənimlə gedir. O, bu peşəni sevir və ona görə də mənə kömək edir. Çox istəyirəm ki, onlar sevdikləri işlə məşğul olsunlar. Böyük oğlum tezliklə altıncı, ortancıl dördüncü, ən kiçik oğlum isə ikinci sinfə gedəcək. Mən yalnız onlar üçün yaşayıram", - deyə Fətəliyeva əlavə edib.

O, uşaqları ilə rahat yaşaya biləcəyi şəxsi evə sahib olmağı arzulayır.

2228
Əlaqədar
YARAT-dan olan dicey qız: Azərbaycanda zövqlər bir qədər pisdir
On doqquzuncu əsrdə doğulmuş qadın uzunömürlülüyün sirrini açdı
Ömrünü işə həsr edən qadın: Ailəsiz katib, Brejnevlə görüş və “Ana” poeması
Hər ötən qatarın səsində bir qadının yarı ömrü döyünür - FOTO
Azərbaycanda yeganə stimpanker lazımsız avtomobil hissələrindən xariqələr yaradır
Pulemyot atəşi, arxiv şəkli

Cəbhədə gərgin gecə: atəşkəs 69 dəfə pozuldu

0
(Yenilənib 09:35 24.09.2020)
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan və snayper tüfənglərindən də istifadə etməklə sutka ərzində atəşkəs rejimini 69 dəfə pozub

BAKI, 24 sentyabr — Sputnik. Ermənistan Respublikası Berd rayonunun Ayqepar, Mosesqex və Çinari kəndlərində yerləşən mövqelərdən Tovuz rayonunun Əlibəyli, Ağdam və Koxanəbi kəndlərində yerləşən mövqelərimiz atəşə tutulub.

Sputnik Azərbaycan Müdafiə Nazirliyinə istinadən bildirir ki, Tərtər rayonunun işğal altında olan Göyarx, Ağdam rayonunun Yusifcanlı, Mərzili, Füzuli rayonunun Qaraxanbəyli, Aşağı Seyidəhmədli, Qorqan, Kürdlər, Horadiz, Cəbrayıl rayonunun Mehdili kəndləri yaxınlığında, həmçinin Goranboy, Tərtər, Ağdam və Füzuli rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

0
Mövzu:
Azərbaycan və Ermənistan arasında müharibə
Əlaqədar
Cəbhədəki son vəziyyətlə bağlı rəsmi açıqlama
Mövlud Çavuşoğlu: "Ermənistanı ağlını başına toplamağa çağırıram"
Azərbaycan parlamentinin spikeri: "Rusiyanın əlindən gələni əsirgəməyəcəyinə ümid edirik"
Ərdoğan İlham Əliyevə başsağlığı verdi, dəstəyini bildirdi
Paşinyana yol göründü: Ermənistan müxalifəti ümummili mitinq keçirəcək

Heç yenisindən özümüzü qoruya bilmirik, köhnəsi özünü yetirib

7
(Yenilənib 09:00 24.09.2020)
"Bu zaman orqanizm iki düşmənlə mübarizə aparmalı olur. Ona görə də koronovirusa və eyni zamanda mövsümi infeksiyaya yoluxmaq təhlükəli sayılır"

Zülfiyyə Quluyeva, Sputnik Azərbaycan

BAKI, 24 sentyabr — Sputnik. "Koronavirus pandemiyası dövründə mövsümi infeksion xəstəliklərin baş qaldırması vəziyyəti daha da çətinləşdirəcək". Bu barədə yerli mətbuata pediatr Vaqif Qarayev bildirib. O, deyib ki, payız mövsümü ilə bağlı respirator infeksiyalar baş qaldırdıqca, koronavirusla mübarizə çətinləşəcək. Onun sözlərinə görə, həkimlər də, müəllimlər də, valideynlər də çıxılmaz vəziyyətdə qalacaq.

"The Daily Telegraph" qəzeti də mövsümi qripə və yeni koronavirus infeksiyasına eyni vaxtda yoluxmanın (super infeksiya) insanın ölüm riskini xeyli artırdığına dair Böyük Britaniyanın "Public Health England" (PHE) hökumət xidmətinə istinadən məlumat yayıb. Məlumatda qeyd edilir ki, yanvardan aprel ayına qədər xəstəxanalara yerləşdirilən pasiyentlərin xəstəlik tarixçəsinin tədqiqi zamanı "super infeksiyaya" yoluxanlarda ölüm səviyyəsinin 43 faizə çatdığı məlum olub. Halbuki təkcə koronavirusa yoluxanlar arasında bu göstərici 23 faiz təşkil edir.

"İnsanlar hələ də qripin soyuqdəyməyə bənzədiyini düşünür, lakin bu, belə deyil. Əgər siz hər iki infeksiyaya yoluxsanız ciddi problemləriniz olacaq", - deyə qripli pasiyentlər xəstəxanaya yerləşdirilən zaman koronavirusa yoluxma təhlükəsinə diqqət çəkən PHE-nin tibbi direktoru İvonn Doyl bildirib.

Qeyd edək ki, artıq ölkəmizdə yeni tədris ilinin ilk həftəsindən koronavirusa yoluxma halları aşkarlanıb. Bəs görəsən uşaqlar arasında koronovirusla yanaşı mövsümi infeksiyalara yoluxma hallarının qarşısının alınması üçün hansı tədbirlər görülməlidir?

Sputnik Azərbaycan-a bununla bağlı açıqlama verən Səhiyyə Nazirliyinin baş pediatrı Nəsib Quliyev bildirib ki, iki infeksiya orqanizmə düşdükdə xəstəlik daha da ağır keçir: "Bu zaman orqanizm iki düşmənlə mübarizə aparmalı olur. Ona görə də koronovirusa və eyni zamanda mövsümi infeksiyaya yoluxmaq təhlükəli sayılır".

Bununla belə baş pediatr indidən payız-qış mövsümündə vəziyyətin çətin olacağını söyləməyin tez olduğunu bildirir. N.Quliyev deyir ki, hava soyuyanda mövsümi xəstəliklər də artır. Amma koronavirusa görə aparılan qorunma tədbirləri hər birimizi mövsümlə yayılan viruslardan da qorumuş olur: "Bu, bir gümandır. İnsanları xəbərdar edirlər ki, havalar soyuyanda viruslara qarşı ehtiyatlı olun. Çünki, mövsümlə bağlı virusların törətdikləri xəstəliklər daha da artır. Amma nəzərə almalıyıq ki, biz indiyə qədər etmədiklərimizi edirik. Koronavirusa görə aparılan tədbirlər sayəsində həm də digər viruslara qarşı da qorunuruq. Ona görə də tək koronavirusun yox, digərlərinin də yayılması ehtimal ki, az olacaq. Bu gün əksəriyyətimiz maska taxıb məsafəni qorumaqla yanaşı gigiyenaya əməl edirik. Bu tədbirlər bizi mövsümi viruslardan da qoruyur".

N.Quliyev ölkəmizə gətirilməsi planlaşdırılan mövsümi qripə qarşı peyvəndin də bu baxımdan böyük əhəmiyyətinin olacağını söyləyir. Baş pediatr bildirir ki, bu peyvəndlərin epidemioloji vəziyyətlə bağlı uşaqlara vurulması da zəruridir: "Artıq məktəblilər arasında koronavirusa yoluxma halları var. Payız mövsümündə şagirləri mövsümi viruslardan qorumaq da lazımdır. Hələ ki bu peyvəndlərin kimlərə vurulacağı bəlli deyil. Güman ki, risk qrupuna daxil olan şəxslər peyvənd ediləcək. Əlbəttə ki, yaşlı şəxslər ön plandadır. Daha sonra xidmət sahələrində çalışanlar vaksin edilməlidir. Qripə qarşı peyvəndlə orqanizmi mövsümi viruslardan müdafiə etmək olar. Amma bununla yanaşı, deyilən tələblərə də əməl edilməlidir. İnsanlar mütləq havaya uyğun geyinməli, qidalanmalarına diqqət etməlidirlər. Uşaqları səhər məktəbə ac yola salmaq olmaz. Bu onların immun sistemini zəiflədir. Təəssüf ki, bəzi valideynlər uşaq məktəbə gecikməsin deyə onu ac yola salır. Bu isə onun orqanizminin xəstəliklərə qarşı müdafiəsini zəiflədir".

Tibb Universitetinin Tədris Cərrahiyyə Klinikasının dosenti Ədalət Rüstəm də Sputnik Azərbaycan-a açıqlamasında bildirib ki, koronavirusa mövsümi qriplə eyni anda yoluxma xəstənin vəziyyətini ağırlaşdıra bilər: "Ola bilər ki, adi qripi insan yüngül keçirsin. Amma koronavirusa yoluxub həmçinin qripə yoluxma insanın səhhətini daha ağırlaşdırır. Çünki iki virusla orqanizmin mübarizə aparması çətin olur. Ona görə də, insanlar özlərini pandemiya dövründə mövsümi xəstəliklərdən də qorumalıdırlar. Orqanizm virusdan zəiflədikdə müqavimət zəifləyir. Belə halda isə ölüm riski artır".

7