CƏMİYYƏT
Cəmiyyətin həyatında baş verən aktual hadisələr

BŞİH: Çimərliklərdə vətəndaşlara mütəmadi xəbərdarlıqlar edilir

Abunə olmaq
Bakı Şəhər İcra Hakimiyyəti insanların sərbəst çimə bilməməsi üçün bütün tədbirləri həyata keçirməyə davam edir.

BAKI, 6 sentyabr - Sputnik. Paytaxtda çimərlik mövsümünün sonu yaxınlaşmasına baxmayaraq vətəndaşların çimərliklərə istirahətə gəlişi davam edir.

Bakı Şəhər İcra Hakimiyyətindən verilən məlumata görə, bununla əlaqədar olaraq çimərliklərdə sosial məsafə saxlanılması, dezinfeksiyaedici vasitələrdən istifadə edilməsi, təmizliyə riayət edilməsi ilə bağlı  Bakı Şəhər və Rayon İcra Hakimiyyətlərinin struktur qurumları tərəfindən karantin şəraiti nəzərə alınaraq tədbirlər davam etdirilir, vətəndaşlara səsgücləndiricilər vasitəsi ilə bu barədə mütəmadi xəbərdarlıqlar edilir.

Şıxda - Sputnik Azərbaycan
HADİSƏ
Çimərlikdə həyəcanlı anlar: kimisi istirahətindən, birisi də maşınından oldu - VİDEO

Həmçinin ərazilərin dezinfeksiyası və tullantıların daşınması məsələləri ciddi nəzarətdə saxlanılıb, kommunal xidmətlərin işçiləri xüsusi rejimdə çalışaraq tullantıların vaxtında daşınmasını təmin edirlər. Hər bir çimərlikdə tullantıların və tibbi maskaların atılması üçün ayrı-ayrı konteynerlər qoyulub, dezinfeksiyaedici məhlullar olan guşələr yaradılıb.

Çimərlik mövsümünün sonu yaxınlaşdığından şənbə və bazar günlərində bura insan axınının çox olması nəzərə alınaraq xüsusi növbətçilik yaradılıb, gündəlik reydlər keçirilir, çimərliklərin fəaliyyətinə Bakı Şəhər İcra Hakimiyyəti və digər aidiyyəti qurumların nəzarəti artırılıb.

Çimərliklərə gələnlərin sayının tənzimlənməsi məqsədilə cimerlik.az portalı fəaliyyət göstərir. Burada hər çimərliyin tutumu ilə bağlı rəqəmlər əks olunur. İstirahətə gələn vətəndaşların sayını “Asan könüllüləri” qeydə alır və bura girişi tənzimləyirlər: "Görülən bütün işlərin əsas məqsədi vətəndaşları xəstəliyə yoluxmaqdan qorumaqdır. Buna görə də icra qurumları nümayəndələri tərəfindən bütün lazımı tədbirlər həyata keçirilir".

Xəbər lenti
0