Gəncənin “Nəbatat bağı”

Gəncəli professorun "Nəbatat bağı": dünyanı balaca həyətə sığdırmaq istəyir

1301
(Yenilənib 15:45 05.09.2020)
Şəhər içindəki bu gözəl mənzərə hər hansı xarici filmdə deyil, reallıqda, Zaur Həsənovun əl əməyi nəticəsində ərsəyə gəlib

Rahim Məmmədov, Sputnik Azərbaycan

BAKI, 6 sentyabr — Sputnik. Ölkənin ikinci böyük şəhərinində yaşayan elmlər doktoru, professor Zaur Həsənov öz həyətində kiçik bir Nəbatat bağı salıb. Burada həm yerli, həm də xaricdən gətirilən ağaclar əkilib. Gəncə sakini bir neçə il ərzində xaricdə yetişən Ərgivan (İuda ağacı), yapon ağcaqaynı, hind yasəməni, sarmaşan kolxedia və digər dekorativ bitkiləri öz həyətində bitirə bilib.

Zaur Həsənov Sputnik Azərbaycan-la söhbətində yerli növlərdən cənub bölgəsində yetişən limon, naringi yetişdirdiyini də deyib. Onun sözlərinə görə, şəhər ərazisində ərsəyə gətirdiyi bağ bir çoxları tərəfindən Nəbatat bağı da adlandırılır:

© Sputnik / Rahim Mammadov
Gəncənin “Nəbatat bağı”

“Nəbatat bağı kimi, çalışmışıq, müəyyən forma verək ki, gələn, görən üçün göz oxşayan mənzərə yaransın. Həm quşlardan, həm də bitkilərin özlərindən kimsə normal bir zövq almaq imkanına malik olsun. Əsasən uşaqlarım, nəvələrim üçündür. Nəvələrim bu bağın içində gəzirlərsə, mənim üçün böyük bir işdir”.

Professor Zaur Həsənov bağda dekorativ ağaclarla yanaşı,12 müxtəlif növ quş da bəsləyir. Maraqlı məqam ondan ibarətdir ki, həmin canlılar nömrələnmiş qəfəslərdə saxlanır. Onların bəsləndiyi yuvaların önündə keçmişdə istifadə edilən lampalar qoyulub, bir növ nağıllar aləmindəki kimi.

© Sputnik / Rahim Mammadov
Gəncənin “Nəbatat bağı”

Gəncədə kiçik bir həyətdə yaradılan maraqlı məkanda Zaur Həsənov ölkədə az-az rast gəlinən quşların bəsləndiyini də deyib. Burada ağ tovuzquşu, müxtəlif qırqovul və kəklik növləri var.

“Tovuz quşları var. Üç növ tovuzquşudur - Qafqazdır, Qaraqənd deyirik, bir də ağ tovuzquşu. Yemi adi yemdir, xırdalara qırma buğda veririk, böyüklər isə buğdanın özü ilə qidalanırlar. Qəfəslər nömrələnib, 39-da kəklikdir, 40-da qırqovuldur və s. Növlərin hamısını kataloqda qeyd eləmişik. Gələn olanda deyirəm ki, get 40-da filan işi filan elə", - professor danışır.

© Sputnik / Rahim Mammadov
Gəncənin “Nəbatat bağı”

Görənlərin diqqətini çəkən Gəncənin “Nəbatat bağı” insanın ruhunu dincəldir. Quşların səsi, fərqli görünüşü isə bu məkanı seyr edənə xüsusi zövq verir. Bir sözlə, şəhər içində bu gözəl mənzərə hər hansı xarici filmdə deyil, reallıqda, Zaur Həsənovun əl əməyi nəticəsində ərsəyə gəlib.

1301
Mövzu:
Azərbaycanın görməli yerləri, turizm obyektləri (59)
Əlaqədar
Bakıya "həbs olunanların" pənah yeri: karantin stresini atmağın ən gözəl yolu - FOTO
Zaqatala sakini özü də bilmədən xərçəng xəstəliyinin dərmanını yetişdirib
Yüzilliklər ərzində dünyaya hökm etmiş imperiyanın mirası Azərbaycana nə qazandıracaq?
Gizli oazis: Qobustan rayonunda gözlərdən uzaq istirahət məkanı - FOTO
İnsanların karantin sıxıntısından qurtulmaq üçün üz tutduqları məkan - Mamırlı şəlalə
Kino lenti, arxiv şəkli

"Kinematoqrafiya uğurlarına görə" beynəlxalq mükafatına kim layiq görüldü?

13
(Yenilənib 23:58 01.12.2020)
Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər.

BAKI, 1 dekabr — Sputnik. "Narimanfilm" kinostudiyasının direktoru, Azərbaycan Respublikası Əməkdar mədəniyyət işçisi Nəriman Məmmədov 2020-ci il noyabrın 27-də 13-cü Global Film Festival Noida və "MARWAН STUDIOS" (Hindistan) tərəfindən kinematoqrafiyanın irəliləyişi işində göstərdiyi əməyinə görə "Kinematoqrafiya uğurlarına görə" beynəlxalq mükafatı ilə təltif olunub.

Sputnik Azərbaycan-ın məlumatına görə, 13-cü Global Film Festival Noida 2020-ci il noyabr ayının 26-28 tarixlərində Hindistanda, Noida şəhərində yerləşən "MARWAН STUDIOS"-da keçirilmişdir. Bu, tələbələr, entuziastlar və kino professionalları daxil olmaqla, bütün dünya kinematoqrafiya cəmiyyəti ilə birlikdə kinonun gücünü tərənnüm edən ən böyük və tanınmış festivallardan biridir. Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər. Festivalın prezidenti məşhur Hindistan rejissoru, prodüseri, jurnalisti, həmçinin, Asiya Kino və Televiziyası Akademiyasının təsisçisi və prezidenti cənab Sandip Marvadır.

13
Teqlər:
tələbələr, rejissor, Hindistan, prodüser, mükafat
Quşlar

Quş qripi ilə bağlı epizootoloji monitorinqlər keçirilib

7
(Yenilənib 23:48 01.12.2020)
Monitorinqlər zamanı çöl quşlarından götürülmüş patoloji materiallar və ev quşlarından alınan diaqnostik nümunələr AQTİ-nin Mərkəzi Baytarlıq Laboratoriyasında müayinə olunub.

BAKI, 1 dekabr — Sputnik. Respublika ərazisini yüksək patogen quş qripi xəstəliyindən qorumaq məqsədilə mövsümü epizootoloji monitorinqlərə başlanılıb. İlk monitorinq 2-6 noyabr 2020-ci il tarixlərində Azərbaycan Respublikası Qida Təhlükəsizliyi Agentliyi, Azərbaycan Respublikası Ekologiya və Təbii Sərvətlər Nazirliyi, Azərbaycan Respublikası Kənd Təsərrüfatı Nazirliyi yanında Aqrar Xidmətlər Agentliyinin və Azərbaycan Qida Təhlükəsizliyi İnstitutunun nəzdində fəaliyyət göstərən laboratoriyaların əməkdaşlarının iştirakı ilə keçirilib. Agentlikdən Sputnik Azərbaycan-a verilən məlumata görə, çöl quşları arasında monitorinqlər Abşeron yarmadasını, Şirvan Milli Parklarının ərazisini, Ağzıbir ovçuluq təsərrüfatını və Qızılağac Milli Parkı ilə yanaşı, su-bataqlıq ərazilərini, eləcə də respublikamızın dənizsahili zonalarını əhatə edib. Eyni zamanda, Bakı şəhərindəki, Abşeron, Şabran, Salyan və Lənkəran rayonlarındakı ailə təsərrüfatlarında müxtəlif növ quşdan, o cümlədən Bakı və Sumqayıt şəhərlərindəki, Abşeron, Salyan, Neftçala, Sabirabad, Lənkəran, Cəlilabad, Xızı və Siyəzən rayonlarında yerləşən sənaye əsaslı iri və kiçik həcmli quşçuluq müəssisələrində ev quşundan diaqnostik materiallar götürülərək laboratoriya müayinələrinə cəlb edilib.

Monitorinqlər zamanı çöl quşlarından götürülmüş patoloji materiallar və ev quşlarından alınan diaqnostik nümunələr AQTİ-nin Mərkəzi Baytarlıq Laboratoriyasında müayinə olunub. Müayinə zamanı yüksək patogen quş qripi xəstəliyinin törədicisi aşkar edilməyib.

Qeyd edək ki, keçirilən monitorinqlər çərçivəsində xəstəlik əlamətləri müşahidə edilən quşlara və ya quş cəsədinə rast gəlinməyib.

7