Məktəbli, arxiv şəkli

Mal hazırdır, qərar yox: uşaqlarımıza məktəbə rəngarəng geyinməyə izn verəcəklərmi? - FOTO

353
(Yenilənib 17:54 05.09.2020)
Təhsil Nazirliyinin təqdim etdiyi nümunələr əsasında hazırlanan məktəbli formalarının cəmiyyətə yeni kimi təqdim olunmasını Bakı Tekstil Fabrikinin diektoru pisləyib. İddiaya görə, həmin formalardan illərdir Bakı məktəblərində istifadə olunur

Zülfiyyə Quluyeva, Sputnik Azərbaycan

BAKI, 5 sentyabr — Sputnik. Məktəblilər üçün yeni geyim formaları hazırlanıb. Bu barədə Sputnik Azərbaycan-a Bakı Tikiş Evinin (BTE) satış şöbəsinin müdiri Etibar Əzimov məlumat verib. O bildirib ki, yeni geyim formaları Təhsil Nazirliyinin təqdim etdiyi nümunələr əsasında hazırlanıb. Amma koronavirus pandemiyası olduğundan nazirliyə təqdim olunmayıb.

E.Əzimovun sözlərinə görə, bu layihədə həm yay, həmçinin də qış geyim formaları yer alıb: "Biz onların hər ikisini hazırlamışıq. Yay geyim formaları qısaqol köynək və ətəkdən ibarətdir. Qış geyim formasında isə uzunqol köynək, ətək və cibli, zəncirbəndli jaket yer alıb. Bizim hazırladığımız geyim formalarında rənglər müxtəlifdir. Çalışmışıq ki, geyimlərin, formaların rəngləri verilən tələbə və məktəblilərin zövqünə uyğun olsun. Hələ ki geyim nümunələri nə nazirliyə, nə də ki valideynlərə təqdim olunub. Çünki ortaya pandemiya düşdü. Yəqin ki, bu məsələ tədris ili başlayandan sonra yenidən müzakirə olunacaq".

© Sputnik / Zulfiyya Guluyeva
Məktəblilər üçün yeni geyim forması

E.Əzimov deyir ki, bir neçə müəssisənin hazırladığı geyim formaları müzakirəyə çıxarıldıqdan sonra təhsil müəssisəsinin Pedaqoji Şurasının qərarı ilə müəyyən ediləcək: "Bu hələ o demək deyil ki, bizim hazırladığımız geyim formalarını məktəblərdə şagirdlər geyinəcəklər. Son qərarı pedaqoji şuralar verəcək. Amma biz bu məsələdə ixtisaslaşmışıq. Hazırda da məktəblər bizim hazırladığımız geyimlərdən istifadə edirlər".

Qeyd edək ki, artıq bu ildən 2020-2021-ci tədris ili üzrə şagirdlərin geyim formalarının təsvirlərini müəyyən edən layihəyə dair ictimai rəyin öyrənilməsinə başlanılmışdı. Layihəyə görə, qızlar üçün yay geyim forması qısaqol köynək və ətəkdən, qış geyim forması isə uzunqol köynək, ətək və önü zəncirbəndlə bağlanan cibli jaketdən ibarət olacaq. Oğlanlar üçün yay fəslində tətbiq edilən geyim forması qısaqol köynək və şalvardan, qış geyim forması isə uzunqol köynək, şalvar və önü zəncirbəndlə bağlanan cibli jaketdən ibarət olacaq.

Geyim formaları elementlərinin aşağıdakı rənglərdə hazırlanması nəzərdə tutulur:

- Ətək və şalvar - qara, tünd-qəhvəyi, tünd-boz, tünd-göy və qəhvəyi-yaşıl;

- Köynək - ağ, dəri, mavi, açıq-yaşıl və açıq-sarı;

- Jaket - tünd-boz, qəhvəyi, tünd-göy, tünd-yaşıl və açıq-gəhvəyi.

  • Məktəblilər üçün yeni geyim forması
    © Sputnik / Zulfiyya Guluyeva
  • Məktəblilər üçün yeni geyim forması
    © Sputnik / Zulfiyya Guluyeva
  • Məktəblilər üçün yeni geyim forması
    © Sputnik / Zulfiyya Guluyeva
  • Məktəblilər üçün yeni geyim forması
    © Sputnik / Zulfiyya Guluyeva
1 / 4
© Sputnik / Zulfiyya Guluyeva
Məktəblilər üçün yeni geyim forması

Geyim formasının rəngi ümumi təhsil müəssisəsinin Pedaqoji Şurasının qərarı ilə müəyyən ediləcək. Ümumi təhsil müəssisəsində yalnız bir geyim forması tətbiq edilə bilər. Dövlət ümumi təhsil müəssisələrinin şagirdləri məktəbdə və təntənəli məktəb tədbirlərində (məktəbdən kənarda olsalar belə) müəyyən edilmiş geyim formasını geyinməlidirlər. Layihə ilə bağlı rəy və təkliflər "Məktəbli forması" yazılmaqla office@edu.gov.az elektron poçtuna göndərilir. Təhsil Nazirliyi valideynləri, şagirdləri, müəllimləri, müxtəlif ictimai birlikləri və bütün maraqlı tərəfləri müzakirəyə çıxarılmış məktəbli formasının layihəsinə dair rəy, irad və təkliflərin göndərilməsində fəal olmağa dəvət edib.

© Sputnik / Zulfiyya Guluyeva
Məktəblilər üçün yeni geyim forması

Xatırladaq ki, "Nazirlər Kabineti tərəfindən təsdiqlənən "Ümumtəhsil məktəblərinin nümunəvi nizamnaməsi"ndə hər bir məktəbdə vahid məktəbli geyiminin olması əks olunub. Ancaq hansı məktəbli formasının olmasının pedaqoji şuranın valideynlərlə, valideyn komitəsi ilə məsləhətləşmə əsasında müəyyən edilməsi nəzərdə tutulub. Hətta bu ilin fevral ayında Təhsil Nazirliyi yanında İctimai Şurada ümumi təhsil müəssisələrində məktəbli formasının tətbiqinə dair müzakirələr keçirilib. Həmin müzakirədə istehsalçı şirkətlərin mütəxəssisləri və KİV nümayəndələri iştirak ediblər. Görüşdə məktəbli formasının tətbiqi mövzusunun ictimai müzakirəsinin vacibliyi bildirilib. Təhsil Nazirliyi tərəfindən bu məsələyə ciddi yanaşıldığı, məktəbli formasının tətbiqi ilə bağlı nazirlik tərəfindən geniş müzakirələr aparıldığı qeyd edilib.

Bakı Tekstil Fabrikinin diektoru Səkinə Babayeva isə Sputnik Azərbaycan-a açıqlamasında bildirib ki, yeni kimi ictimaiyyətə təqdim olunan məktəbli geyimləri neçə illərdir ki, BTF tərəfindən hazırlanır və məktəblilər həmin formaları geyinirlər:

"Bizim müəssisə tərəfindən istehsal olunan qısaqol köynəklər, eləcə də yeni dizaynda hazırlanmış geyimlər, cibli jaketlər illərdir ki, Bakı, Abşeron və Sumqayıtın bir sıra məktəblərində tətbiq olunur. Bu formaları cəmiyyətə yeni kimi təqdim etmək düzgün deyil. Biz həmin formaları hansı illərdə hansı məktəblərdə məktəblilərin geyindiyini sübut edən şəkilləri də ictimaiyyətə təqdim edə bilərik.

Düşünürəm ki, məktəbli formalarının istehsalını bir tikiş evinə həvalə etmək düzgün deyil. Ölkəmizdə çoxlu sayda tikiş müəssisələri var. Onların çoxu müasir formada və şagirdlərin zövqünü oxşayan forma hazırlamaq iqtidarındadır. Sadəcə bu sahədə monopoliyanı aradan qaldırmaq, məktəblərə seçimdə sərbəstlik vermək lazımdır ki, onlar həm qiymətdə, həmçinin də keyfiyyətdə daha üstün olan tikiş müəssisəsinin istehsal etdiyi formalardan istifadə etsinlər".

353
Teqlər:
"Bakı Tikiş Evi" (BTE) ASC, məktəbli forması, məktəbli
Əlaqədar
Pulsuzunu hələ istəyən yoxdur. Məktəbli formaları necə satılır - REPORTAJ
Qonşuya baxıb, oda yaxılmaq - bizimkilər də sosial paket arzusundadırlar
Qırxa yaxın işçisi COVID-19-a yoluxmuş müəssisə məktəbli forması tikir - təhlükə varmı?
Məktəbliləri təmin edəcək əsas şirkət də qərar gözləyir: üç ssenariləri var
Sputnik-in qaldırdığı məsələyə nazirlikdən operativ reaksiya verildi
(0:49 / 6.24Mb / просмотров видео: 21)

Sumqayıtda Qələbə gecəsi: Qubadlının azad edilməsi xəbərini xalq belə qarşıladı video

19
Keçən gecə dövlət başçısı Qubadlı şəhərinin işğaldan azad olunduğu barədə məlumat verdi. Bu xəbərin Sumqayıt şəhərində necə qarşılandığını videomuzdan izləyin.

Komendant saatının qüvvədə olmasına baxmayaraq ötən gecə Sumqayıt sakinləri Qubadlı şəhərinin işğaldan azad olunmasını qeyd etmək üçün küçələrə çıxıblar. Xatırladaq ki, 1993-cü ildə Qubadlı rayonundan məcburi köçkün düşmüş insanların böyük bir qismi Sumqayıt şəhərində məskunlaşıb.

Qeyd edək ki, oktyabrın 25-də Prezident İlham Əliyev Azərbaycan Silahlı Qüvvələrinin bir aydan da qısa müddətdə Hadrut qəsəbəsi, Füzuli, Cəbrayıl, Zəngilan, Kəlbəcər və Qubadlı rayonlarının bir hissəsini işğaldan azad etdiyini bildirib.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

Oktyabrın 21-də Füzuli rayonunun Gecəgözlü, Aşağı Seyidəhmədli, Zərgər kəndləri, Cəbrayıl rayonunun Balyand, Papı, Tulus, Hacılı, Tinli kəndləri, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndləri işğaldan azad edilib.

Oktyabrın 22-də Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndləri, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndləri və Ağbənd qəsəbəsi işğaldan azad olunub.

Oktyabrın 23-də Qubadlı rayonunun Zilanlı, Kürd Mahrızlı, Muğanlı və Alaqurşaq, Xocavənd rayonunun Dolanlar, Bünyadlı, Cəbrayıl rayonunun Dağ Tumas, Nüsüs, Xələfli, Minbaşılı, Veysəlli, Zəngilan rayonunun Vənədli və Mirzəhəsənli kəndləri işğaldan azad edilib.

Oktyabrın 25-də Zəngilan, Cəbrayıl, Qubadlı rayonlarının bir neçə kəndi və Qubadlı şəhəri işğalçılardan azad edilib.

 

19
Mövzu:
Azərbaycan və Ermənistan arasında müharibə
Bakı, Bayraq meydanı, Kristal zalı

Rəsmi Bakı: "Üçüncü dəfədir ki, Ermənistan atəşkəs rejimini açıq şəkildə pozur"

12
(Yenilənib 11:09 26.10.2020)
Atəşkəsin pozulması və bölgədə gərginliyin davam etməsinə görə bütün məsuliyyət Ermənistanın hərbi-siyasi rəhbərliyinin üzərindədir

Eldar Tanriverdiyev, Sputnik Azərbaycan

BAKI, 26 oktyabr — Sputnik. "26 oktyabr tarixində saat 08.05-də yeni humanitar atəşkəsi kobud şəkildə pozaraq, Ermənistan silahlı qüvvələri Azərbaycan ordusunun Laçın rayonunun Səfiyan kəndindəki bölmələrini artilleriya atəşinə tutub. Daha sonra Tərtər rayonunun Tərtər şəhəri və kəndləri Ermənistan silahlı qüvvələrinin intensiv atəşinə məruz qalıb". Sputnik Azərbaycan xəbər verir ki, bu barədə Azərbaycan Respublikasının Xarici İşlər Nazirliyinin (XİN) Mətbuat xidməti idarəsinin yaydığı açıqlamada bildirilir.

"26 oktyabr tarixində saat 08.05-də yeni humanitar atəşkəsi kobud şəkildə pozaraq, Ermənistan silahlı qüvvələri Azərbaycan ordusunun Laçın rayonunun Səfiyan kəndindəki bölmələrini artilleriya atəşinə tutub. Daha sonra Tərtər rayonunun Tərtər şəhəri və kəndləri Ermənistan silahlı qüvvələrinin intensiv atəşinə məruz qalıb.

Növbəti, üçüncü dəfədir ki, Ermənistan atəşkəs rejiminə əhəmiyyət vermir və onu açıq şəkildə pozur; 10 oktyabr Moskva birgə bəyanatı, 18 oktyabr Parisin vasitəçilik səyləri ilə öhdəliyin yenidən elan edilməsi və 24 oktyabr tarixində Vaşınqtonda təcili humanitar atəşkəsin həyata keçirilməsi razılığı Ermənistan tərəfindən pozulur. Bu, növbəti dəfə Ermənistan tərəfindən məqsədli şəkildə öz öhdəliklərinə məhəl qoyulmamasının və beynəlxalq vasitəçilərin səylərinə açıq hörmətsizliyin göstəricisidir.

Görünür, Ermənistan Baş nazirinin bəyan etdiyi kimi, bu ölkə münaqişənin diplomatik həlli yolunu görmür və başlıca məqsədi Azərbaycanın ərazilərinin hərbi işğalını davam etdirməkdir.

Azərbaycan öz öhdəliklərinə sadiqdir və razılaşdırılmış humanitar atəşkəsə hörmət nümayiş etdirir.

Atəşkəsin pozulması və bölgədə gərginliyin davam etməsinə görə bütün məsuliyyət Ermənistanın hərbi-siyasi rəhbərliyinin üzərindədir", - deyə açıqlamada bildirilir.

12
Teqlər:
atəşkəs, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Azərbaycan Ordusu atəşkəs rejiminə tam riayət edir - MN
Ermənistan dinc sakinlərimizi yenidən atəşə tutub
Hikmət Hacıyev: “Ermənistanın baş naziri yenidən yalan danışır”
Ağdam və Laçındakı bölmələrimizin atəşə tutulması davam edir
Lavrov: "Moskva Qarabağ münaqişəsinin hərbi yolla həllinə qarşıdır"

Prezidentin köməkçisi Ermənistanın müdafiə nazirini ifşa etdi

0
(Yenilənib 11:22 26.10.2020)
Ermənistan müdafiə nazirinin yanında Azərbaycan Respublikası Dövlət Sərhəd Xidmətinin hərbi geyimində olan erməni əsgərlərin oturması Ermənistan müdafiə nazirliyinin rəhbərliyi altında bu kimi Bollivud tipli saxta filmlərin çəkilməsi faktını sübut edir

Eldar Tanrıverdiyev, Sputnik Azərbaycan

BAKI, 26 oktyabr — Sputnik. Ermənistan müdafiə nazirliyi tərəfindən Ermənistan müdafiə nazirinin erməni əsgərlərlə fotosu yayılmışdır. Fotoda Ermənistan müdafiə nazirinin yanında əyləşən ayaqyalın erməni əsgərin hərbi geyimi Azərbaycan Respublikası Dövlət Sərhəd Xidmətinin hərbi geyimi ilə eynilik təşkil etməsi ciddi şübhələr doğurmuşdur. Bir neçə dəqiqədən sonra Ermənistan müdafiə nazirliyinin mətbuat xidməti tərəfindən həmin fotoşəkillər rəsmi ünvanlardan silinmişdir.

Sputnik Azərbaycan xəbər verir ki, bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

Hikmət Hacıyev bildirib ki, həmçinin, xarici kütləvi informasiya vasitələrində kəşfiyyat məlumatlarına istinadən Azərbaycanın işğal olunmuş Şuşa şəhərinə PKK terrorçularının yerləşdirilməsi və onlara Azərbaycan silahlı qüvvələrinin hərbi geyimlərinin geyindirilməsi barədə ciddi xəbərlər öz əksini tapıb:

"Xatırlatmaq istərdik ki, bir müddət əvvəl Ermənistan tərəfindən tamamilə qeyri-peşəkar formada Azərbaycan Respublikası Dövlət Sərhəd Xidmətinin hərbi geyimlərində olan əcnəbi muzdlular haqqında saxta video hazırlanmış və bu guya Azərbaycan tərəfdə muzdluların vuruşması kimi qələmə verilmişdi. Təəssüflə qeyd etməliyik ki, faktı yoxlamadan bəzi nüfuzlu media qurumları bu saxta məlumata istinad etmişdilər.

Ermənistan müdafiə nazirinin yanında Azərbaycan Respublikası Dövlət Sərhəd Xidmətinin hərbi geyimində olan erməni əsgərlərin oturması Ermənistan müdafiə nazirliyinin rəhbərliyi altında bu kimi Bollivud tipli saxta filmlərin çəkilməsi faktını sübut edir.

Hadrut rayonu ərazisində guya iki nəfər erməni hərbi əsirin öldürülməsinin səhnələşdirilməsi də Ermənistan müdafiə nazirliyi və ona tabe strukturların zəngin yaradıcılıq qabiliyyətinin nəticəsidir. Ciddi araşdırma aparmadan BBC-nin onlayn resursunda erməni əsilli müəllifin dili ilə bu saxta fakta yer ayrılması ciddi təəssüf doğurur.

Ermənistan rəhbərliyinin və kriminal xunta rejiminin hər hansı mənəvi-etik məhdudiyyətləri yoxdur. Ermənistan tərəfi PKK terrorçularına və Ermənistan əsgərlərinə Azərbaycan silahlı qüvvələrinin hərbi geyimlərini geyindirərək onlar tərəfindən mülki erməni əhaliyə qarşı hərbi cinayətlərin törədilməsini təşkil edə və sonradan bütün propaqanda resurslarını cəlb edərək məsuliyyəti Azərbaycanın üzərinə atmağa da cəhd göstərə bilər. Döyüş şəraitində məhv edilən və Azərbaycan silahlı qüvvələrinin hərbi formasi geyindirilmiş PKK terrorçularını isə guya Azərbaycan tərəfdən vuruşan muzdlular kimi təqdim edə bilər.

1988-ci ildə SSRİ DTX-nın dəstəyi ilə Ermənistan xüsusi xidmət orqanlarının Sumqayıtda erməni kriminal Eduard Qriqoryanın rəhbərliyi altında mülki erməni əhalisinə qarşı poqromların təşkil edilməsi və sonradan buna görə Azərbaycanın günahlandırılması faktını çox yaxşı xatırlayırıq.

Azərbaycanın işğal olunmuş ərazilərində yaşayan mülki erməni əhalisini Ermənistan silahlı qüvvələrinin və kriminal xunta rejiminin bu kimi potensial təxribatlarına qarşı ayıq-sayıq olmağa, hərbi obyektlərdən kənar durmağa çağırırıq.

Ali Baş Komandan, Prezident İlham Əliyev tərəfindən qeyd olunduğu kimi, Azərbaycanın mülki erməni əhalisi ilə heç bir işi yoxdur.

Azərbaycan silahlı qüvvələrinin nəzarətində olan ərazilərə keçmək istəyən mülki əhaliyə və erməni hərbçilərə humanizm prinsipləri və Cenevrə konvensiyaları əsasında bütün zəruri humanitar dəstək göstərməyə hazırıq".

0
Teqlər:
Hikmət Hacıyev, ifşa, yalan, Ermənistan Müdafiə Nazirliyi, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Azərbaycan Ordusu atəşkəs rejiminə tam riayət edir - MN
Rəsmi Bakı: "Üçüncü dəfədir ki, Ermənistan atəşkəs rejimini açıq şəkildə pozur"
Laçının Səfiyan kəndindəki bölmələrimiz artilleriya atəşinə tutulub
Ermənistan dinc sakinlərimizi yenidən atəşə tutub
Tural Gəncəliyev erməni icmasına müraciət etdi