Qayalıqlar üzərində boya ilə yazılmış yazılar

Qədim yurdun müasir Qobustanı: kötücələrimiz şəkil əvəzinə dil çözəcəklər - FOTO

157
(Yenilənib 16:10 05.09.2020)
Əsrik dərəsinə üz tutan turistlər müxtəlif rəngli boyalardan istifadə etməklə qayalıqlar üzərində maraqlı görüntülər yaradıblar

İlham Mustafayev, Sputnik Azərbaycan

BAKI, 5 sentyabr — Sputnik. Qayalar üzərinə yazılan müxtəlif ismarıclar, etiraflar və adlar… Bura bir tərəfini Zəyəmçayın yuduğu, bir tərəfini isə Kiçik Qafqazın ucsuz-bucaqsız sıldırım qayalıqlarının qoruduğu Əsrik dərəsidir.

Təbiətin bəxş etdiyi füsunkar gözəlliyi, sərin bulaqları, buludlara qədər uzanan meşələri ilə yanaşı, bu məkan həm də müasir insan izlərini özündə qoruyub saxlayır. Söhbət qayalıqların üzərindəki daş kitabələrdən gedir. Bu kitabələr nə mixi əlifba ilə, nə heroqliflərlə, nə də küt alətlərlə yazılıb. Dərəyə üz tutan turistlər sadə üsulla - müxtəlif rəngli boyalardan istifadə etməklə qayalıqlar üzərində maraqlı görüntülər yaradıblar. Yazılar, əsasən gənc turistlərin duyğularının ifadəsi, ismarıcları ilə diqqət çəkir.

  • Qayalıqlar üzərində boya ilə yazılmış yazılar
    © Sputnik / Ilham Mustafa
  • Qayalıqlar üzərində boya ilə yazılmış yazılar
    © Sputnik / Ilham Mustafa
  • Qayalıqlar üzərində boya ilə yazılmış yazılar
    © Sputnik / Ilham Mustafa
  • Qayalıqlar üzərində boya ilə yazılmış yazılar
    © Sputnik / Ilham Mustafa
  • Qayalıqlar üzərində boya ilə yazılmış yazılar
    © Sputnik / Ilham Mustafa
  • Qayalıqlar üzərində boya ilə yazılmış yazılar
    © Sputnik / Ilham Mustafa
  • Qayalıqlar üzərində boya ilə yazılmış yazılar
    © Sputnik / Ilham Mustafa
1 / 7
© Sputnik / Ilham Mustafa
Qayalıqlar üzərində boya ilə yazılmış yazılar

Yazılar arasında yer adlarına və avtomobil nömrələrinə də rast gəlinir. Bu da təbii ki, Əsrik dərəsinə ölkənin dörd bir yanından səyahət edənlərin çoxluğundan xəbər verir.

Kilometrlərlə uzanan dərənin insan əli çatan yerləri, demək olar ki, qalmayıb. Artıq yeni ismarıclar köhnələrin üzərinə həkk olunub. Bəzi yazılar hətta daha yuxarı və çıxılması üçün risk tələb edən yerlərə yazılıb.

© Sputnik / Ilham Mustafa
Dəmir hasarda boya ilə yazı

Ənənəyə çevrilən qayaüstü yazılar daha çox restoran sahiblərinin işinə yarayıb. Son vaxtlar bu yazılar arasında istirahət məkanlarının reklamlarına da rast gəlmək mümkündür.

Düzdür, bu cür yazılara başqa yerlərdə - parklarda, yol kənarlarındakı divarlarda tez-tez rast gəlinsə də, nədənsə Əsrik dərəsindəki yazılar ilk baxışda Qobustandakı daş kitabələri xatırladır. Elə buna görə də qədim yurdun əzəmətli qayalarına həkk olunan rəngbərəng sözlər həm dərəni ziyarətə gələnlərdə, həm də yerli sakinlərdə xüsusi maraq doğurur.

157
Mövzu:
Azərbaycanın görməli yerləri, turizm obyektləri (55)
Əlaqədar
Gizli oazis: Qobustan rayonunda gözlərdən uzaq istirahət məkanı - FOTO
Tovuzluların "Big Ben"i, Bağırovun inanılmaz reaksiyası və ekoloji bəhanə - FOTO
Hər qarışından tarix boylanan qəsəbə: Orada “Kasıb Piri” və “Əli daşı” kimi möcüzələr var
Su qədər ömrün olsun: Tağıyevin əməllərini indi elə savabla yaşadırlar - FOTO
Vətənimin seyrinə çağırıram elləri - Onun sayəsində dünya ölkəmizin gözəlliklərini tanıyır
Qarabağ klubunun futbolçuları, arxiv şəkli

"Qarabağ" qardaş Türkiyəni seçdi

2
(Yenilənib 17:48 21.10.2020)
Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarının neytral ərazidə keçirilməsi ilə bağlı qərarından apelyasiya şikayəti verib.

BAKI, 21 oktyabr — Sputnik. Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarını keçirmək istədiyi ölkənin adını açıqlayıb.

Sputnik Azərbaycan "Report"a istinadən xəbər verir ki, Avropa Futbol Assosiasiyaları İttifaqının (UEFA) İcraiyyə Komitəsi dünən Azərbaycan və Ermənistanın Dağlıq Qarabağdakı hərbi əməliyyatlarla əlaqədar ölkələrində UEFA-nın himayəsi altında ev oyunlarının keçirilməsinə qadağa qoyulması barədə qərar qəbul edib.

"Qarabağ" klubunun direktoru Emrah Çelikel bəyan edib ki, bu halda komandası ev oyunlarını qardaş Türkiyədə keçirmək istəyir.

"İndi üç neytral ərazi var – Kipr, Macarıstan və Polşa, ancaq bizim alternativ seçim təklif etmək imkanımız var. Avropa Liqasının qrup mərhələsindəki rəqiblərimizi Türkiyənin şəhərlərindən birində qəbul etmək istəyirik", – deyə E.Çelikel bildirib.

Komandanın bu seçimini əsaslandıran klub direktoru qeyd edib ki, Avropa İttifaqı ərazisindəki oyunlar üçün futbolçulara viza almaq lazım gəlir, bu prosedur isə xeyli vaxt tələb edir. Türkiyə ilə Azərbaycan arasında vizasız-gediş gəliş sistemi qüvvədə olduğundan, oyun qardaş ölkənin stadionlarından birində keçirilsə, sənədləşmə işlərinə əlavə vaxt lazım gəlməyəcək.

E.Çelikel klubun UEFA İcraiyyə Komitəsinin qərarından apelyasiya şikayəti verəcəyini də vurğulayaraq bildirib ki, Avropa kuboku oyunlarının Bakıda keçirilməsinə heç bir təhdid yoxdur.

Qeyd edək ki, "Qarabağ" klubu oktyabrın 22-də Avropa Liqasının qrup mərhələsi çərçivəsində ilk oyununu Tel-Əvivdə yerli "Makkabi" klubuna qarşı keçirəcək. Bir həftə sonra isə futbolçularımız Bakıda İspaniyanın "Villarreal" komandasını qəbul etməli idi.

2
Teqlər:
qrup mərhələsi, Avropa Liqası, Türkiyə, Qarabağ futbol klubu
Əlaqədar
UEFA rəhbərliyi Bakının AVRO-2020 siyahısından çıxarılacağını istisna etmir
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"

Hikmət Hacıyevdən Paşinyana cavab: Münaqişənin danışıqlar yolu ilə həllini dəstəkləyirik

12
(Yenilənib 18:14 21.10.2020)
Ermənistan baş nazirinin bu açıqlaması iki ölkənin xarici işlər nazirlərinin Rusiyanın təşəbbüsü ilə Moskvaya işgüzar səfərindən dərhal sonraya və ABŞ-ın təşəbbüsü ilə Vaşinqtonda xarici işlər nazirləri səviyyəsində keçiriləcək görüşdən öncəyə təsadüf edir.

BAKI, 21 oktyabr - Sputnik. Ermənistan Baş nazirinin münaqişənin diplomatik həlli yoxdur deyə açıqlaması növbəti dəfə onu nümayiş etdirir ki, Ermənistan danışıqlar yolu ilə münaqişənin həllində tamamilə maraqlı deyildir. Bu açıqlama ilə Ermənistan rəhbərliyi özü etiraf edir ki, Ermənistanın məqsədi Azərbaycanın işğal olunmuş ərazilərini işğal altında saxlamaqdır.  Bununla, rəsmi Yerevanın münaqişənin danışıqlar yolu ilə həlli barədə açıqlamalarının riyakarlıqdan başqa bir şey olmadığı bir daha öz təsdiqini tapmış olur. 

Sputnik Azərbaycan bildirir ki, bunu Azərbaycan Respublikası Prezidentin köməkçisi, Prezident Administrasiyası xarici siyasət məsələləri şöbəsinin müdiri Hikmət Hacıyev deyib.

O qeyd edib ki, Ermənistanın baş naziri məsuliyyətsiz şəkildə və öz siyasi ambisiyaları naminə bütün mülki hakimiyyət orqanlarını, mülki insanları total silahlanmaya çağıraraq hərbi əməliyyatlara sövq edir. Ermənistanın bu rəsmi mövqeyi humanitar atəşkəs rejiminin kimin tərəfindən pozulmasını sübut edir və regionda vəziyyətin daha da gərginləşməsinə xidmət edir.    

Azərbaycanın Gəncə şəhərini SCUD tipli ballistik raketlərlə, digər şəhər və rayonlarının sakinlərini raket və artilleriya ilə daim atəşə tutmaq barədə əmr verən şəxs tərəfindən bu kimi açıqlamanın verilməsi əslində təəccüb doğurmamalıdır.  

Ermənistan baş nazirinin bu açıqlaması iki ölkənin xarici işlər nazirlərinin Rusiyanın təşəbbüsü ilə Moskvaya işgüzar səfərindən dərhal sonraya və ABŞ-ın təşəbbüsü ilə Vaşinqtonda xarici işlər nazirləri səviyyəsində keçiriləcək görüşdən öncəyə təsadüf edir.

Prezident İlham Əliyev tərəfindən beynəlxalq mediaya verdiyi son müsahibələrində və açıqlamalarında Azərbaycanın danışıqlara və münaqişənin diplomatik yollarla həllinə hazırlığını dəfələrlə bəyan etmişdir.    

Azərbaycanın münaqişənin həlli ilə bağlı konstruktiv mövqeyinin fonunda beynəlxalq ictimaiyyət, xüsusilə ATƏT-in Minsk Qrupunun həmsədr ölkələri Ermənistan rəhbərliyinin bu açıqlamasından nəticə çıxarmalıdır. Ermənistan rəhbərliyinin bu açıqlaması eyni zamanda münaqişənin diplomatik yolla həlli istiqamətində beynəlxalq ictimaiyyət tərəfindən atılan addımlara hörmətsizlikdir.  

Azərbaycan Respublikası BMT Təhlükəsizlik Şurasının qətnamələrinə əsasən mövcud yol xəritəsinə uyğun olaraq münaqişənin danışıqlar yolu ilə həllini dəstəkləyir. 

12
Teqlər:
Nikol Paşinyan, diplomatiya, Hikmət Hacıyev, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Paşinyandan etiraf: Azərbaycan bizim kapitulyasiyamızdan başqa heç nəyə razı deyil
Paşinyan: "Hazırkı mərhələdə Qarabağ məsələsinin diplomatik yolla həlli yoxdur"
Paşinyan indi də İranı Qarabağ münaqişəsinin həllinə çəkmək istəyir
Vəziyyətləri qəlizdir - Bütün keçmiş prezidentləri görüşürlər
Ermənistan xarici işlər naziri yenə Moskvaya gedib - son on gündə üçüncü dəfə