Evin tikintisi zamanı

Aprel şəhidlərinin ailələrinə yeni ev tikdilər - FOTO

38
(Yenilənib 11:36 05.09.2020)
Mehriban Əliyeva bu ilin iyul ayında şəhid ailələrinin qəzalı vəziyyətdə olan evlərinin əvəzinə bütün məişət təminatı ilə birlikdə yeni fərdi yaşayış sahəsinin tikilib təhvil verilməsinə dair göstəriş verib.

Rahim Məmmədov, Sputnik Azərbaycan

BAKI, 5 sentyabr — Sputnik. Mingəçevirdə mənzil şəraiti çətin olan 2 şəhid ailəsi üçün yeni evlər tikilir. Fərdi yaşayış evləri 2016-cı ilin aprel döyüşlərində şəhid olan Adil Adilzadənin və Teymur Qasımovun Mingəçevirdə yaşayan ailələri üçün inşa edilir. Sputnik Azərbaycan xəbər verir ki, fərdi yaşayış evləri Birinci vitse-prezident Mehriban Əliyevanın göstərişinə əsasən tikilir. 

Mingəçevirdə inşa edilən fərdi yaşayış evlərində işlər sürətlə gedir. Artıq tikintidə hörgü işləri başa çatdığından mənzillərin fasadına suvaq vurulur. İş icraçısı Ziyad Ağayev Sputnik Azərbaycan-a işlərin gedişi barədə bunları bildirib:

"Əvvəlki köhnə ev sökülüb, əlbəttə. Köhnə evdən əsər-əlamət qalmayıb, demək olar ki. Yeni bir dizaynda ev tikilib hazırlanır. Birmərtəbəlidir, üç otaq, mətbəx, hamam və ayaqyolu var. Hazırda suvaq, kəmər işləri gedir, ondan sonra da 3-4 günə dam örtüyü vurulacaq. İşlər sürətlə gedir, yaxın zamada təhvil veriləcək”.

  • Evin tikintisi zamanı
    © Sputnik / Rahim Mammadov
  • Evin tikintisi zamanı
    © Sputnik / Rahim Mammadov
  • Evin tikintisi zamanı
    © Sputnik / Rahim Mammadov
1 / 3
© Sputnik / Rahim Mammadov
Evin tikintisi zamanı

Şəhid anası Gülnarə Qasımova Sputnik Azərbaycan-a dövlət qayğısını hər zaman hiss etdiklərini bildirib. O, Birinci vitse-prezidentə müraciətinə dərhal baxılaraq tez bir zamanda mənzilin tikintisinə başlanıldığını deyib.

“Hazırda kirayədə yaşayırıq, tezliklə yeni, rahat mənzilə köçəciyik. Mənzilimiz 1948-ci ildə tikilmişdi. Təmiz çökmüşdü, dağılıb-tökülürdü. Məktub yazdıq Mehriban xanım Əliyevaya, o da sağ olsun, müraciətimizə baxdı, bizim köhnə tikilinin dibindən sökülüb təzə ev inşa olunması üçün göstəriş verdi. Göz qabağındadır, hər şey yüksək səviyyədədir. Çox sağ olsunlar, çox razıyıq”, - G.Qasımova deyib.

Şəhid Adil Adilzadənin valideynlərinin yaşadığı mənzil də yenisi ilə əvəzlənir. Orada da son tamamlanma işləri görülür.

Qeyd edək ki, Heydər Əliyev Fondunun prezidenti Mehriban Əliyeva bu ilin iyul ayında şəhid ailələrinin qəzalı vəziyyətdə olan evlərinin əvəzinə bütün məişət təminatı ilə birlikdə yeni fərdi yaşayış sahəsinin tikilib təhvil verilməsinə dair göstəriş verib. Mingəçevirdə inşa edilən evlərin yaxın zamanlarda istifadəyə veriləcəyi gözlənilir.

38
Əlaqədar
FHN şəhidin iki övladını himayəyə götürüb
“Azəriqaz” təmas xəttində yaşayanların kommunal problemlərini həll edir
Vətən uğrunda canından keçənlərin uyuduqları məkan yenidən təmir olunur
Gənc heykəltaraş bu dəfə polkovnikin xatirəsini əbədiləşdirib
Mehriban Əliyeva Tovuzda şəhid olanların ailələri ilə bağlı göstəriş verdi

İtaliya sahillərində nəhəng balina cəmdəyi tapılıb video

4
(Yenilənib 11:57 22.01.2021)
İtaliyanın Sorrento limanı hövzəsində nəhəng balina cəmdəyi tapılıb. Hadisənin şahidlərinin çəkdiyi kadrları izləyin.

Xəbər verilir ki, dalğıcların təsadüfən onun balası ilə toqquşması nəticəsində bala onları balinanın öldüyü yerə aparıb çıxarıb. Balinanın uzunluğu 23 metr, çəkisi isə təxminən 70 tondur.

Ölmüş balinanın Neapol limanına çatdırılmasından sonra onun üzərində ekspertizanın aparılması və skeletinin muzeyə verilməsi planlaşdırılır.

4

Ölkədə son sutkada 162 yeni yoluxma faktı qeydə alınıb

5
Son sutka ərzində yeni yoluxma hallarının müəyyənləşdirilməsi ilə əlaqədar 6 522, ötən müddət ərzində isə ümumilikdə 2 354 473 test aparılıb.

BAKI, 23 yanvar - Sputnik. Azərbaycanda koronavirus (COVID-19) infeksiyasına 162 yeni yoluxma faktı qeydə alınıb, 705 nəfər müalicə olunaraq sağalıb.

Bu barədə Sputnik Azərbaycan-a Nazirlər Kabineti yanında Operativ Qərargahdan məlumat verilib.

Bildirilib ki, COVID-19 üçün götürülən analiz nümunələri müsbət çıxmış 8 nəfər vəfat edib.

İndiyədək ölkədə ümumilikdə 228 688 nəfərin koronavirus infeksiyasına yoluxması faktı müəyyən edilib, onlardan 219 724 nəfər müalicə olunaraq sağalıb, 3 072 nəfər vəfat edib, aktiv xəstə sayı 5 892 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 6 522, ötən müddət ərzində isə ümumilikdə 2 354 473 test aparılıb.

5