Hind narı

Qaxda qəribə ekzotik meyvə yetişdirildi

2116
(Yenilənib 19:59 31.08.2020)
Qax sakini indiyədək ölkəyə xaricdən gətirilən ekzotik meyvə-tərəvəzləri öz bağında yetişdirmək qərarına gəlib. Hindistan narı və armudvari balqabaq artıq məhsul verib.

İbrahim Həşimov, Sputnik Azərbaycan

BAKI, 31 avqust — Sputnik. Qax rayonunun Qorağan kənd sakini Süleyman Süleymanov həyətində bölgəyə xas olmayan Hind narı yetişdirib. Təsərrüfat sahibi Sputnik Azərbaycan-a bildirib ki, bitkinin toxumlarını 2 il əvvəl əldə edib. Bu il əkib və ilk ilindəcə məhsul götürüb.

"Bu il əkdim. Məhsul da göz qabağındadır. Mən bunu hobbi olaraq yetişdirirəm. İldən-ilə yeni-yeni meyvələr və bitkilər artırıram. Onları yetişdirmək istəyənlərə verirəm. Mənə elə gəlir ki, Hind narına düzgün qulluq edilsə, onu hər adam yetişdirə bilər", - deyə Süleymanov bildirib.

  • Hind narı
    © Sputnik / Ibrahim Hashimov
  • Armudabənzər balqabaq
    © Sputnik / Ibrahim Hashimov
  • Hind narı
    © Sputnik / Ibrahim Hashimov
  • Payızda məhv olan bitki
    © Sputnik / Ibrahim Hashimov
  • Armudabənzər balqabaq
    © Sputnik / Ibrahim Hashimov
1 / 5
© Sputnik / Ibrahim Hashimov
Hind narı

Həyətini gülüstana çevirən Süleyman Süleymanovun yetişdirdiyi digər maraqlı bitki isə armudvari balqabaqdır. Bu balqabaqdan əsasən suvenir kimi istifadə edilir:

"Yarısı sarımtıl, yarısı isə yaşıldır. Bərk formadadır. Dekorativ kimi istifadə olunur. Bunun üst sarımtıl hissəsi səliqə ilə kəsilib götürülür və içərisi təmizlənir. Sonra isə üst hissə aşağıya yapışdırılır. Nəticədə də qədəh alınır. Bunu da bu il yetişdirmişəm".

Qorağan kənd sakininin yetişdirdiyi qeyri-adi bitkilərdən biri də sarmaşıq gülüdür. Digər dekorativ bitkilərdən fərqli olaraq, o, hər il payızda tamamilə məhv olur.

© Sputnik / Ibrahim Hashimov
Qorağan kənd sakini Süleyman Süleymanov

"Sarmaşıq gülü noyabrda məhv olub gedir. Sonrakı ilə yenidən toxumunu səpirəm", - Süleymanov bildirib.

Kənd sakini onu da əlavə edib ki, yeni bitkilər axtarışındadır və gələn il qeyri-adiliyi ilə seçilən bitkilərin sayını daha da artıracaq.

2116

Bir neçə şəhər rayonda sərtləşdirilmiş xüsusi karantin rejiminin müddəti uzadıldı

0
Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır

BAKI, 5 dekabr - Sputnik. Azərbaycanda sanitar-epidemioloji vəziyyəti nəzərə alaraq Nazirlər Kabineti yanında Operativ Qərargah bəzi şəhər və rayonlarda sərtləşdirilmiş xüsusui karantin rejiminin müddətinin uzadılmasına dair qərar qəbul edib.

Sputnik Azərbaycan-ın məlumatına görə, bununla bağlı Nazirlər Kabineti “Xüsusi karantin rejimi ilə bağlı əlavə tədbirlər barədə” 336 nömrəli Qərarda müvafiq dəyişiklik edib.

Dəyişikliyə əsasən, Şəki, Lənkəran şəhərlərinin, Qax, Zaqatala, Biləsuvar, Cəlilabad, Masallı, İsmayıllı, Quba, Xaçmaz rayonlarının inzibati ərazisində Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır.

Qeyd edək ki, əvvəl bu müddət dekabrın 7-si saat 06:00-dək müəyyən edilmişdi.

0
Teqlər:
Xaçmaz, Quba, İsmayıllı, Masallı, Cəlilabad, Biləsuvar, Zaqatala, Qax, Lənkəran, Şəki, sərt karantin rejimi
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Stasionar telefon, arxiv şəkli

Müdafiə Nazirliyində valideynlər üçün fasiləsiz qaynar telefon xətləri açıblar

2
(Yenilənib 16:14 05.12.2020)
Vətəndaşlar qeyd olunan nömrələrə zəng edərək onları maraqlandıran suallarla bağlı müraciət edə bilərlər

BAKI, 5 dekabr - Sputnik. Hərbi qulluqçuların valideynlərini və yaxınlarını narahat edən məsələlərlə bağlı müraciətləri qəbul etmək məqsədilə Müdafiə Nazirliyində sutka ərzində fasiləsiz qaynar telefon xətləri fəaliyyət göstərir.

Sputnik Azərbaycan bildirir ki, bu barədə Müdafiə Nazirliyinin məlumatında deyilir.
"Bir daha bildiririk ki, vətəndaşlar (012) 912, (012) 538-61-31, (012) 404-76-34 nömrəli telefonlara zəng edərək onları maraqlandıran suallarla bağlı müraciət edə bilərlər", - məlumatda qeyd olunur.

2
Teqlər:
qaynar xətt, valideynlər, hərbçilər, telefon, Müdafiə Nazirliyi