Çağrı mərkəzinin əməkdaşı, arxiv şəkli

Xəritələri sevdik: Daha "Həsən ağanın qohumu olmağa" gərək qalmayacaq

124
Dövlət qurumları "ASAN müraciət" informasiya sistemi vasitəsilə daxil olmuş şikayətlərə "Vətəndaşların müraciətləri haqqında" qanun ilə müəyyən edilmiş qaydada baxılmanı təmin edəcək.

Xalid Məmmədov, Sputnik Azərbaycan

BAKI, 30 avqust — Sputnik. Dövlət başçısı avqustun 21-də "ASAN müraciət" informasiya sisteminin yaradılması haqqında sərəncam imzalayıb. Sputnik Azərbaycan xəbər verir ki, sərəncama əsasən, ictimai xarakter daşıyan kommunal, yol və nəqliyyat problemləri, infrastrukturun cari təmiri, abadlaşdırılması və təmizliyi ilə bağlı şikayətlərin elektron xəritə üzərində qeyd edilməklə operativ surətdə aidiyyəti dövlət qurumlarına göndərilməsini və həmin şikayətlərə baxılmanın nəticələrinin izlənilməsini təmin edən "ASAN müraciət" informasiya sistemi yaradılacaq.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi "ASAN müraciət" informasiya sisteminin operatoru müəyyən ediləcək.

Sənədi şərh edən Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov Sputnik Azərbaycan-a deyib ki, "ASAN müraciət" informasiya sisteminin yaradılmasında əsas məqsəd müraciətlərin daha asan və mobil yolla tətbiq olunmasına, bu müraciətlərin dövlət qurumları arasında daha qısa zamanda paylaşılmasına nail olmaqdır: "Bu sistemin mobil versiyası yaranacaq. Artıq vətəndaş qısa zamanda kommunal xidmətlər və digər problemlərlə bağlı bu mobil versiyadan istifadə etməklə "ASAN Xidmət"ə problemləri və şikayətləri təqdim edə biləcək. Bu, imkan verəcək ki, şikayətlərin qısa zamanda təqdimatı həyata keçirilsin, vətəndaş şikayətləri mobil şəkildə bu sistemdən istifadə etməklə və qeydiyyata alınmasına nail olunmaqla təqdim etsin".

Onun sözlərinə görə, digər tərəfdən bu, imkan verəcək ki, "ASAN Xidmət" problemləri qısa zamanda qeydiyyatını aparmaqla uyğun dövlət qurumlarına təqdim etsin: "Ən vacib məqamlardan biri də ondan ibarətdir ki, bu addım vətəndaş müraciətlərinə, şikayətlərinə necə baxıldığını, problemin həll edilib-edilmədiyini monitorinq etmək, araşdırmaq imkanı verəcək. Bu sistem kommunal sahədə olan şikayətlərin daha qısa zamanda araşdırılması və nəticələrinə nəzarətin gücləndirilməsi və nəticələrin ictimailəşdirilməsi baxımından da çox vacibdir. Çünki bu zaman artıq ictimai nəzarət mexanizmləri də elektron olaraq formalaşmış olacaq".

"Bu model müasir çağırışlara uyğundur. Bu, digər formalarda bir sıra Şərqi Avropa ölkələrində təqdim olunmağa başlayıb. Belə bir mexanizmin asan model çərçivəsində Azərbaycanda tətbiq edilməsi təqdirəlayiqdir və problemlərin həllinə birbaşa yardım göstərəcək", - deyə deputat bildirib.

Qeyd edək ki, sərəncama əsasən, Prezident yanında Vətəndaşlara Xidmət və Sosial İnnovasiyalar üzrə Dövlət Agentliyi "ASAN müraciət" informasiya sistemini və onun mobil tətbiqini formalaşdırmalı, "ASAN müraciət" informasiya sisteminin digər dövlət informasiya ehtiyatları və sistemləri ilə Elektron Hökumət İnformasiya Sistemi vasitəsilə əlaqələndirilməsini, habelə yerli icra hakimiyyəti orqanlarının "ASAN müraciət" informasiya sisteminə çıxışını təmin etməlidir.

Dövlət orqanları (qurumları) "ASAN müraciət" informasiya sistemi vasitəsilə daxil olmuş şikayətlərə "Vətəndaşların müraciətləri haqqında" qanun ilə müəyyən edilmiş qaydada baxılmanı təmin edəcək.

Elektron xəritələr son zamanların trendinə çevrilməkdədir. Bu yaxınlarda Əmək və Əhalinin Sosial Müdafiəsi Nazirliyindən bildirilib ki, qurumun tabeliyində olan Dövlət Məşğulluq Agentliyi tərəfindən ölkənin məşğulluq xəritəsi hazırlanır. Xəritə elektron informasiya sistemlərindən toplanmış məlumatlar nəticəsində yaradılır. Məlumat bazasında ölkənin bütün inzibati ərazi bölgüsü üzrə əsas məşğulluq göstəriciləri, əmək resursları, məşğul əhali, muzdla işləyənlər, fərdi sahibkarlar, torpaq pay mülkiyyətçiləri, onların sektoral bölgüsü, işsiz şəxslər, ərazi məşğulluq proqramlarının icra vəziyyəti və sairə aid informasiyalar toplanacaq.

124
Əlaqədar
Dövlətə şikayət eləmək asanlaşdı
Qazı olmayanlar, bu xəbəri oxuyun, bəlkə, siyahıda sizin də adınız var?
Sakinlərin gözü yolda, rəsmilər "yaxşı olacaq" deyir - Qarşıdan da yağışlar gəlir
Prezident "ASAN müraciət" informasiya sisteminin yaradılması haqda Sərəncam imzaladı
Bir manatın da ardınca qaçacaqsan - fırıldaqçılar qara əməllərinə dövləti bulaşdırırlar
Həkim, arxiv şəkli

İrandan 22 həkim könüllü olaraq döyüş bölgəsində fəaliyyət göstərmək üçün müraciət edib

3
(Yenilənib 18:26 21.10.2020)
Biz həkimlər Azərbaycan Respublikasına könüllü olaraq gəlməyə, döyüş zonalarında yaralanan sivil xalqa və hərbçilərə tibbi yardım göstərməyə və onları müalicə etməyə hazır olduğumuzu diqqətinizə çatdırmaq istərdik.

Eldar Tanriverdiyev, Sputnik Azərbaycan

BAKI, 21 oktyabr — Sputnik. İranda müxtəlif sahələrdə çalışan 22 həkim Azərbaycanda döyüş zonalarında könüllü olaraq fəaliyyət göstərmək üçün Azərbaycan Respublikasının İran İslam Respublikasındakı səlahiyyətli səfirinə müraciət ünvanlayıb.

Bu barədə Sputnik Azərbaycan-a İranın Azərbaycandakı səfirliyindən məlumat verilib.

© Embassy of Iran in Baku
Döyüş bölgəsində fəaliyyət göstərmək üçün müraciət edən iranlı həkimlər

Müraciətdə qeyd edilib: "Diqqətinizə çatdırmaq istərdik ki, biz, İranın mütəxəssis həkimləri Azərbaycan Respublikasının hörmətli dövlətini və xalqını yeni qələbələrlə təbrik edib, eləcə də, hərbçilərin və sivil xalqın şəhid edilməsi ilə əlaqədar dərin hüznlə başsağlığı verərək Azərbaycan Respublikası Ordusuna və əsgərinə yeni qələbələr arzulayırıq. Biz həkimlər Azərbaycan Respublikasına könüllü olaraq gəlməyə, döyüş zonalarında yaralanan sivil xalqa və hərbçilərə tibbi yardım göstərməyə və onları müalicə etməyə hazır olduğumuzu diqqətinizə çatdırmaq istərdik".

3
Teqlər:
müraciət, kömək, İran, iranlı, Həkimlər, ölənlər və yaralılar, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Bir gecədə üç nəvəsini itirən Sənayət nənə: “Ləman bu il tələbə olacaqdı” – video
Mehriban Əliyeva Gəncənin vurulması haqda: "İnsanlığa qarşı cinayətdir"
Qəlbimiz Azərbaycanla döyünür - Türkiyə müxalifətinin lideri
Ermənistan Ağdamın kəndlərinə mərmi yağdırdı, iki mülki şəxs xəsarət aldı
Atılan mərmilər daha bir Tərtər sakinini yaralayıb - video
Qarabağ klubunun futbolçuları, arxiv şəkli

"Qarabağ" qardaş Türkiyəni seçdi

8
(Yenilənib 17:48 21.10.2020)
Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarının neytral ərazidə keçirilməsi ilə bağlı qərarından apelyasiya şikayəti verib.

BAKI, 21 oktyabr — Sputnik. Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarını keçirmək istədiyi ölkənin adını açıqlayıb.

Sputnik Azərbaycan "Report"a istinadən xəbər verir ki, Avropa Futbol Assosiasiyaları İttifaqının (UEFA) İcraiyyə Komitəsi dünən Azərbaycan və Ermənistanın Dağlıq Qarabağdakı hərbi əməliyyatlarla əlaqədar ölkələrində UEFA-nın himayəsi altında ev oyunlarının keçirilməsinə qadağa qoyulması barədə qərar qəbul edib.

"Qarabağ" klubunun direktoru Emrah Çelikel bəyan edib ki, bu halda komandası ev oyunlarını qardaş Türkiyədə keçirmək istəyir.

"İndi üç neytral ərazi var – Kipr, Macarıstan və Polşa, ancaq bizim alternativ seçim təklif etmək imkanımız var. Avropa Liqasının qrup mərhələsindəki rəqiblərimizi Türkiyənin şəhərlərindən birində qəbul etmək istəyirik", – deyə E.Çelikel bildirib.

Komandanın bu seçimini əsaslandıran klub direktoru qeyd edib ki, Avropa İttifaqı ərazisindəki oyunlar üçün futbolçulara viza almaq lazım gəlir, bu prosedur isə xeyli vaxt tələb edir. Türkiyə ilə Azərbaycan arasında vizasız-gediş gəliş sistemi qüvvədə olduğundan, oyun qardaş ölkənin stadionlarından birində keçirilsə, sənədləşmə işlərinə əlavə vaxt lazım gəlməyəcək.

E.Çelikel klubun UEFA İcraiyyə Komitəsinin qərarından apelyasiya şikayəti verəcəyini də vurğulayaraq bildirib ki, Avropa kuboku oyunlarının Bakıda keçirilməsinə heç bir təhdid yoxdur.

Qeyd edək ki, "Qarabağ" klubu oktyabrın 22-də Avropa Liqasının qrup mərhələsi çərçivəsində ilk oyununu Tel-Əvivdə yerli "Makkabi" klubuna qarşı keçirəcək. Bir həftə sonra isə futbolçularımız Bakıda İspaniyanın "Villarreal" komandasını qəbul etməli idi.

8
Teqlər:
qrup mərhələsi, Avropa Liqası, Türkiyə, Qarabağ futbol klubu
Əlaqədar
UEFA rəhbərliyi Bakının AVRO-2020 siyahısından çıxarılacağını istisna etmir
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"