Nazirlər Kabineti yanında Operativ Qərargahın brifinqi, arxiv şəkli

Bu gün əhəmiyyətli qərar açıqlanacaq - Həm məktəblər, həm karantin rejimi ilə bağlı

276
(Yenilənib 14:01 27.08.2020)
Ölkəmizdə koronavirus pandemiyasına görə tətbiq edilən karantin rejiminin yenidən uzadılacağı gözlənilir.

Zülfiyyə Quluyeva, Sputnik Azərbaycan

BAKI, 27 avqust — Sputnik. Yeni tədris ilinin başlanması ilə bağlı Nazirlər Kabineti yanında Operativ Qərargahın bu gün saat 17:00 radələrində brifinqi keçiriləcək. Sputnik Azərbaycan-ın məlumatına görə, brifinqdə yeni Təhsil naziri Emin Əmrullayev də iştirak edəcək və bu barədə məlumat verəcək. 

Bu gün karantin rejiminin davam edib-etməyəcəyi barədə də qərar açıqlanacaq. Məlumatlara görə, ölkəmizdə koronavirus pandemiyasına görə ölkəmizdə tətbiq edilən karantin rejiminin uzadılacağı gözlənilir.

276
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (389)
PPX avtomobili, arxiv şəkli

Bərdədə koronavirus xəstəsi qayda pozub, məsuliyyətə cəlb edildi

1
(Yenilənib 15:34 05.12.2020)
Faktla bağlı Bərdə rayon prokurorluğunda Cinayət Məcəlləsinin 139-1.1-ci maddəsi ilə cinayət işi başlanaraq istintaqın aparılması üçün aidiyyəti üzrə Bərdə rayon Polis Şöbəsinə göndərilib

BAKI, 5 dekabr — Sputnik. Koronavirus infeksiyasının yayılmasının qarşının alınması məqsədi ilə ölkəmizdə elan edilən xüsusi karantin rejiminin müxtəlif yollarla pozulması hallarına qarşı prokurorluq orqanları tərəfindən kompleks və ardıcıl tədbirlər davam etdirilir.

Sputnik Azərbaycan Bərdə Rayon Prokurorluğunun məlumatına istinadla xəbər verir ki, Bərdə rayon sakini, 1996-cı il təvəllüdlü Alışanov Amil Ədalət oğlu COVID-19 virusu ilə bağlı test analizi verməklə testin nəticəsinin pozitiv olmasını bilə-bilə xüsusi karantin rejiminə əməl edərək həmin müddəti evdə keçirməli olduğu halda, 03.12.2020-ci il tarixdə yaşadığı evi qanunsuz tərk etməklə karantin rejimini kobud surətdə pozub, yeni növ koronavirus infeksiyasının yayılması üçün real təhlükə yaradıb.

Faktla bağlı Bərdə rayon prokurorluğunda Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanaraq istintaqın aparılması üçün aidiyyəti üzrə Bərdə rayon Polis Şöbəsinə göndərilib.

Hazırda iş üzrə zəruri istintaq hərəkətləri davam etdirilir.

1
Teqlər:
qayda, xəstə, COVID-19, Koronavirus, epidemiya
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (389)
Təqvim,  arxiv şəkli

Yeni ildə beş gün olmayacaq

9
(Yenilənib 15:37 05.12.2020)
Yanvarın 2-si şənbə gününə təsadüf etdiyindən, Əmək Məcəlləsinə əsasən, yanvarın 4-ü də qeyri-iş günü olacaq

BAKI, 5 dekabr - Sputnik. 2021-ci ildə Yeni il bayramı ilə əlaqədar qeyri-iş günləri məlum olub.

Sputnik Azərbaycan APA-ya istinadən bildirir ki, 31 Dekabr - Dünya Azərbaycanlılarının Həmrəylik günü, 1, 2 yanvar - Yeni il bayramı qeyri-iş günüdür.

2 yanvar şənbə gününə təsadüf etdiyindən, Əmək Məcəlləsinə əsasən, yanvarın 4-ü də qeyri-iş günü olacaq.

Beləliklə, Yeni il bayramı ilə əlaqədar 5 gün ardıcıl (31 dekabr, 1, 2, 3, 4 yanvar) iş olmayacaq.

9
Teqlər:
qeyri-iş günləri, bayram, Yeni il