Sığınacaq, arxiv şəkli

Pandemiya dövründə sosial sığınacaqlara müraciətlər artıb

24
(Yenilənib 23:38 25.08.2020)
Birlik sədri bildiri ki, pandemiya dövründə iş yerlərinin itirilməsi aztəminatlı ailələrin güzəranına təsirsiz ötüşməyib

Zülfiyyə Quluyeva, Sputnik Azərbaycan

BAKI, 25 avqust — Sputnik. Koronavirus pandemiyası dövründə Azərbaycanda məişət zorakılığı qurbanlarının sığınacaqlarına müraciət artıb. Bu barədə Sputnik Azərbaycan-a açıqlamasında Azərbaycan Uşaqlar Birliyinin sədri Kəmalə Ağazadə məlumat verib. O bildirib ki, mart ayından etibarən Birliyin sığınacağına 100-dən çox müraciət olub: "Həmin qadınlar uşaqlarına baxa bilmədikləri üçün sığınacağa müraciət ediblər. Amma biz zorakılıq qurbanlarını sığınacağa qəbul edirik. Buna görə o ailələrdən 35-ə qədərinə ayda iki dəfə olmaqla yardımlar edilib".

K.Ağazadə bildirib ki, pandemiya dövründə iş yerlərinin itirilməsi aztəminatlı ailələrin güzəranına təsirsiz ötüşməyib.

"Təmiz Dünya Qadınlara Yardım" İctimai Birliyinin rəhbəri Mehriban Zeynalova da Sputnik Azərbaycan-a açıqlamasında pandemiya dövründə Birliyin sığınacağına müraciətlərin artdığını söyləyib. O bildirib ki, Birliyə pandemiya dövründə 200-ə yaxın müraciət olub: "Bu müraciətlərin çoxu bizə aid deyildi deyə onları Əmək və Əhalinin Sosial Müdafiəsi Nazirliyinə istiqamətləndirdik. Onlardan eləsi var idi ki, kirayə qaldıqları mənzillərdən çıxarılmışdı. Bir saat əvvəl daha bir üçuşaqlı ana uşaqlarına baxmağa maddi imkanının olmadığı ilə bağlı zəng etmişdi. Çalışırıq ki, imkan daxilində köməklik göstərək".

24
Xalq artisti Faiq Ağayev, arxiv şəkli

Faiq Ağayev anasını klipə çəkdi, məşhurları oxutdu - VİDEO

4
(Yenilənib 13:24 16.01.2021)
Klipdə Çingiz Abdullayev, Mələkxanım Əyyubova, Nərgiz Cəlilova, Sənubər İsgəndərli, Rafael Ağayev, Dilarə Əliyeva, Elnarə Xəlilova və digər məşhurlar da yer alıblar

BAKI, 16 yanvar — Sputnik. Xalq artisti Faiq Ağayevin Azərbaycanın Vətən Müharibəsində əldə etdiyi əzəmətli, tarixi Qələbəsinə həsr olunan "Sən qalibsən" klipi təqdim edilib.

Sputnik Azərbaycan xəbər verir ki, mahnının sözləri və musiqisi Xanim İsmayılqızıya aiddir.

Klipə kifayət qədər məşhur simalarla yanaşı, Faiq Ağayevin anası Səfiyyə Ağayeva da çəkilib. Siyahıda Çingiz Abdullayev, Mələkxanım Əyyubova, Nərgiz Cəlilova, Sənubər İsgəndərli, Rafael Ağayev, Dilarə Əliyeva, Elnarə Xəlilova, PRoMete, Kamran Ağabalayev, Leyla Quliyeva, Samir Bayramlı və Əli Paşayevin adları var.

4
Teqlər:
qələbə, Qarabağ, klip, Faiq Ağayev
Koronavirus testi, arxiv şəkli

Xaricə gedənlərlə bağlı müəmma: hələ baş vaksinasiyaya qarışıb

5
(Yenilənib 13:05 16.01.2021)
“Əslinə qalsa, bu proseslərlə bağlı suallara mərhələ-mərhələ cavab veriləcək. Əsas odur ki, vaksinasiyaya başlanılsın” - Şahmar Mövsümov

BAKI, 16 yanvar — Sputnik. “Xaricə səfər zamanı koronavirusa görə test tələbi hələlik mütləqdir. Ancaq peyvənd olunacaq şəxsin xarici ölkələrə səfəri zamanı test tələb olunub-olunmayacağı barədə hələlik qəti fikir söyləyə bilmərəm”.

Sputnik Azərbaycan-ın məlumatına görə, bunu Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov bildirib. Ş.Mövsümovun sözlərinə görə, hələ ki bu məsələyə  baxılmayıb: “Əslinə qalsa, bu proseslərlə bağlı suallara mərhələ-mərhələ cavab veriləcək. Əsas odur ki, vaksinasiyaya başlanılsın”.

5
Mövzu:
Azərbaycanda COVID-19 əleyhinə vaksinasiya