Bakıda məktəbli formalarının satışı

Pulsuzunu hələ istəyən yoxdur. Məktəbli formaları necə satılır - REPORTAJ

153
(Yenilənib 12:06 25.08.2020)
Valideynlər arasında dərs ilinin tezliklə başlayacağına ən ümidli olanları birincilərin ata-analarıdır. Hər il Bakı Tikiş Evindən formalar alan deputatlar isə hələ bir qərara gəlməyiblər

Zülfiyyə Quluyeva, Sputnik Azərbaycan

BAKI, 25 avqust — Sputnik. Yeni tədris ilinin sentyabr ayında başlayıb-başlamayacağı hələ məlum olmasa da, Bakı Tikiş Evi (BTE) artıq məktəbli formalarının istehsalına və satışına başlayıb. Sputnik Azərbaycan yeni tədris ili ilə bağlı qərarın olmadığı dövrdə məktəbli formasına tələbatı, istehsalın nə dərəcədə zəruri olduğunu və satışdakı vəziyyəti araşdırıb.

© Sputnik / Zulfiyya Guluyeva
Bakıda məktəbli formalarının satışı

BTE-nin əsas ofisində yeni dərs ili ərəfəsində olduğu kimi qələbəlik müşahidə olunmasa da, forma almaq üçün tək-tək alıcılar müraciət edirdilər. Mağazaya gələn valideyn Tilla Əliyeva 1-ci sinfə gedən övladı üçün məktəbli forması seçməyə gəlmişdi. Həmsöhbətimiz deyir ki, 1-ci sinif şagirdlərinin məktəbə getməsi ilə bağlı məlumat olduğundan o, övladı üçün forma almağa gəlib: "Bizə sinif müəllimi məlumat verib ki, 1-ci siniflər məktəbə gedəcəklər. Ona görə gəlmişəm uşağa forma seçməyə".

BTE-də əvvəlki illərdən fərqli olaraq hər ölçüdə məktəbli forması tapmaq mümkün olsa da, formalar vitrində asılı qalıb. BTE-nin satış şöbəsinin rəisi Etibar Əzimov Sputnik Azərbaycan-a açıqlamasında bildirib ki, yuxarı sinif şagirdləri arasında məktəbli forması az-az alınır: "Yuxarı siniflər məktəbli formasını dəst şəklində almırlar. Kimisi gəlib yubka alır, kimisi də şalvar. Çünki yuxarı siniflər üçün dərslərin onlayn olması məsələsi var".

  • Bakıda məktəbli formalarının satışı
    © Sputnik / Zulfiyya Guluyeva
  • Bakıda məktəbli formalarının satışı
    © Sputnik / Zulfiyya Guluyeva
  • Bakıda məktəbli formalarının satışı
    © Sputnik / Zulfiyya Guluyeva
1 / 3
© Sputnik / Zulfiyya Guluyeva
Bakıda məktəbli formalarının satışı

E.Əzimovun sözlərinə görə, gün ərzində bir neçə dəst məktəbli forması satılır.

E.Əzimov deyir ki, hazırda BTE-nin satış mağazalarının hamısı fəaliyyət göstərmir: "Bizim 9 ünvanda mağazamız var. İri ticarət mərkəzlərində, "Mall"arda da mağazalarımız var. Hazırda pandemiya dövrü olduğu üçün o mağazaların heç biri işləmir. Yerdə qalan mağazalarda da istənilən ölçüdə məktəbli forması var. Bizdə qiymətlər də dəyişməyib. Sadəcə olaraq yeni tədris ili ilə bağlı heç bir qərar olmadığından valideynlər məktəbli forması almırlar. Amma biz aşağı siniflər üçün məktəbli forması istehsal edirik. Əlimizdə kifayət qədər xammal var. Əgər dərslərin açılacağı barədə qərar verilsə, istehsala başlayacağıq".

Satış şöbəsinin rəisi əvvəlki illərdən fərqli olaraq bu il pulsuz məktəbli forması əldə etmək üçün müraciət olunmadığını söylədi. O bildirdi ki, pandemiya dövrü olduğundan deputatlar və rayon icra hakimiyyətləri də BTE-dən forma almayıblar.

© Sputnik / Zulfiyya Guluyeva
Bakıda məktəbli formalarının satışı

O ki qaldı məktəbli formasının istehsalının davam etməsinə, E.Əzimov hazırda müəssisənin əsasən sifarişləri həyata keçirdiyini söyləyir. Onun sözlərinə görə, bəzi liseylər artıq BTE-yə məktəbli forması sifariş verib. Məktəbli formasının kütləvi satışı isə məktəblərin açılıb-açılmayacağından asılıdır.

153
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (432)
Əlaqədar
Qırxa yaxın işçisi COVID-19-a yoluxmuş müəssisə məktəbli forması tikir - təhlükə varmı?
Məktəblərin açılması ilə bağlı müəmma - Ekspert həyəcan təbili çalır
Məktəbliləri təmin edəcək əsas şirkət də qərar gözləyir: üç ssenariləri var
Hər dərdin çarəsi var: Məktəblərdə sıxlıq problemini həll etmək olar, yetər ki başlayaq
Qiymət dəyişməyəcək, amma tikilmir də: Məktəbli formaları ilə bağlı müəmma yaranıb
Pfizer-BioNtech peyvəndi, arxiv şəkli

ÜST iddia edir ki, vaksindən ölən yoxdur

8
ÜST nümayəndəsinin sözlərinə görə, peyvəndin bir neçə yan təsirləri qeydə alınıb, məsələn, anafilaktik şok kimi

BAKI, 20 yanvar - Sputnik. Koronavirus infeksiyasına qarşı peyvəndlərdən hələlik heç bir ölüm halı qeydə alınmayıb. Sputnik Azərbaycan RİA Novosti-yə istinadən bildirir ki, bunu Ümumdünya Səhiyyə Təşkilatının eksperti Mariancela Simao deyib. 

"Əlimizdə bazarda geniş istifadə olunan peyvənd var. Bu, Pfizer-dir. Və hələlik hazırda istifadə olunan vaksinlərdən heç bir ölüm halının şahidi olmamışıq, - o bildirib. 

ÜST nümayəndəsinin sözlərinə görə, bir neçə yan təsirlər qeydə alınıb, məsələn, anafilaktik şok kimi. Bəzi peyvənd olunmuş şəxslərdə isə ciddi allergiyalara meyllilik var. Belə hallarda mütləq tibb müəssisələrində nəzarət altında peyvənd vurdurmaq lazımdır, mütəxəssis söyləyib.  

Simao əlavə edib ki, ÜST vaksinlərin istənilən ciddi yan təsirini izləyir və öz tövsiyələrini yeniləyir. Hazırda koronavirus əleyhinə daha 12 preparatı təşkilatın ekspertləri qiymətləndirməlidirlər.

8
Teqlər:
ÜST, ölüm, Pfizer, vaksin
Mövzu:
Yeni tip koronavirus pandemiyası
Nyu-Yorkda divarda təsvir, arxiv şəkli

Koronavirusun daha bir ştammı aşkarlandı

10
(Yenilənib 23:39 20.01.2021)
Yeni ştammın təhlükə dərəcəsi barədə hazırda məlumat yoxdur. Bununla yanaşı, elm adamları yeni mutasiyanın nə qədər tez ötürüldüyünü təyin etməlidirlər

BAKI, 20 yanvar — Sputnik. Amerikanın Kaliforniya ştatında koronavirusun yeni ştammı aşkarlanıb. Sputnik Azərbaycan xarici mətbuata istinadla xəbər verir ki, virusun yeni forması CAL.20C "Britaniya" ştammının axtarışı zamanı müəyyən edilib.

Alınan biomateriallarda mutasiyaya uğramış koronavirus aşkar edilib. Mütəxəssislər virusun yeni variantının keçən ilin yayında ortaya çıxdığını, ancaq özünü payızda göstərdiyini düşünürlər. Hazırda CAL.20C geniş yayılıb.

Məlumata görə, mutasiyaya uğramış koronavirus yanvarın 13-də Los-Ancelesdəki bir laboratoriyada nümunələrin yarısından çoxunda müəyyən edilib.

"Ştamm həqiqətən burada meydana gəlib və onun tətil dövründə ortaya çıxmağa və yayılmağa imkanı olub", - deyə Cedars-Sinai Tibb Mərkəzinin əməkdaşlarından biri bildirib.

Yeni ştammın təhlükə dərəcəsi barədə hazırda məlumat yoxdur. Bununla yanaşı, elm adamları yeni mutasiyanın nə qədər tez ötürüldüyünü təyin etməlidirlər.

ABŞ-da koronavirus qurbanlarının sayı 400 min nəfəri keçib. Milad bayramından sonra ölümlərin sayı da kəskin şəkildə çoxalıb.

10
Teqlər:
mutasiya, ştamm, Koronavirus, epidemiya, COVID-19
Mövzu:
Yeni tip koronavirus pandemiyası