Əkin sahəsində yanğın, arxiv şəkli

Alovun da yaxşısı olurmuş! Amma yandıranda da elə yandırın ki...

1668
(Yenilənib 16:55 24.08.2020)
Ekspertin fikrincə, əkin sahələrinin yandırılması torpaq sahələrinə zərər verməklə yanaşı, ətraf üçün də böyük təhlükə yaradır. Bununla bağlı aidiyyəti qurumlar dəfələrlə sahibkarlara müraciət edib.

İradə Cəlilova, Sputnik Azərbaycan

BAKI, 24 avqust — Sputnik. Kənd təsərrüfatında məhsul yığımından sonra əkin sahələri çox zaman yandırılır. Təsərrüfat sahibləri bunu torpağın küllə gübrələndiyi, ziyanvericilərin məhv edildiyi, bir sözlə, faydalı olduğu üçün etdiklərini iddia etsələr də, ekspertlər hesab edirlər ki, əkin sahələrinin yandırılması torpaqların münbitliyinin itirilməsinə səbəb olur. Belə ki, əkin sahəsi yandırılan zaman bitki qalıqları, humus qatı, torpaq mikroflorası və mikrofaunası yanır, məhsuldarlıq aşağı düşür.

Kənd təsərrüfatı üzrə ekspert Kərəm Əliyevin Sputnik Azərbaycan-a dediyinə görə, əkin sahələrinin yandırılması kənd təsərrüfatına yararlı torpaqların münbit qatının korlanmasına səbəb olur. Torpaq məhsuldarlığını itirir: "Bundan başqa, əkin sahələrinin yandırılması yaxınlıqda olan meşə sahələrini, yaşayış sahələrini də yanğın təhlükəsi ilə qarşı-qarşıya qoyur. Yanğınlar zamanı yüksək gərginlikli elektrik xətləri də zərər görür”.

"Bəzən sahələri yandıranlar düşünür ki, sahəni yandırmaq torpağa aqrotexniki baxımdan faydalıdır. Kül torpağa gübrə effekti təsiri göstərir. Bundan başqa, belə düşünülür ki, yanğın zamanı gəmirici və həşəratlar məhv olur. Amma başa düşmək lazımdır ki, bu sadəcə elmə əsaslanmayan fikirdir. Torpağın yandırılması zamanı torpağa çox zərər dəyir. Torpağın münbitliyinin geri qaytarılması üçün illər lazım olur" – deyən ekspertin fikrincə, yanğın zamanı atmosfer havası çirklənir və ətraf mühitə güclü zərər dəyir.

"Əkin sahələrinin yandırılması daha çox taxıl yığımı zamanı baş verir. Sahələrin yandırılması bütün ölkə ərazisində özünü göstərir. Düzdür, hər dəfə bunun yolverilməz olması ilə bağlı fermerlərə xəbərdarlıq edilir. Ancaq təəssüflər olsun ki, belə hallara yenə rast gəlinir", – deyə o qeyd edib.

Hüquqşünas Fərid Həmidlinin sözlərinə görə, əkin sahələrinin yandırılması İnzibati Xətalar Məcəlləsinin 244-1 maddəsi ilə tənzimlənir. Belə ki, əkin yerlərinin yandırılmasına görə fiziki şəxslərin 400 manatdan 600 manatadək, vəzifəli şəxslərin 1500 manatdan 2000 manatadək, hüquqi şəxslərin 5000 manatdan 6000 manatadək məbləğdə cərimə edilməsi nəzərdə tutulub.

Bununla yanaşı, "Torpaqların münbitliyi haqqında" Azərbaycan Respublikasının Qanununun 9-cu maddəsinin ikinci hissəsində qeyd edilir ki, əkin yerinin yandırılması qadağandır.

Ekspertin fikrincə, əkin sahələrinin yandırılması torpaq sahələrinə zərər verməklə yanaşı ətraf üçün də böyük təhlükə yaradır. Bununla bağlı aidiyyəti qurumlar dəfələrlə sahibkarlara müraciət edib.

Təhlükəsizlik məsələləri üzrə ekspert Elmar Nurəliyev Sputnik Azərbaycan-a açıqlamasında bildirib ki, əkin sahələrinin, otaqların, tarlaların insanlar tərəfindən aidiyyəti üzrə müvafiq qurumlarla məsləhət edilmədən yandırılması və nəzarətsiz qalması genişmiqyaslı yanğınlara səbəb ola bilər: "Bu səbəbdən də, əkin sahəsinə od vurub yandırmazdan öncə ərazi üzrə kənd təsərrüfatı şöbəsinə və ekologiya idarəsinə məlumat vermək lazımdır. Təbii ki, bu qurumlar yanğının həm həmin ərazidəki torpaqların sonrakı istifadə üçün zərərli olub-olmadığını bildirəcək, həm də burada təhlükəsizlik tədbirləri görmək üçün lazımi məsləhət və tövsiyələri, inzibati işləri görəcəklər. Bundan sonra hava şəraiti nəzərə alınmalıdır, yəni hava küləkli, yaxud normadan yüksək istidirsə, sahəyə od vurmaq məqsədəuyğun deyil. Bu yanğının istiqamətini dəyişə və fəsadlara yol açar. Əgər ərazidən yüksək gərginlikli elektrik xətləri keçirsə, ərazi meşə sahəsi və yaşayış məntəqəsinə yaxın yerləşirsə, bunu ekologiya idarəsinə məlumat vermədən, təhlükəsizlik tədbirləri görmədən etmək olmaz. Ərazi üzrə ekologiya idarəsinin nümayəndələri ehtiyac duyarsa FHN-in yanğından mühafizə bölməsinə məlumat verəcəklər və lazım olan bütün təhlükəsizlik tədbirləri görüldükdən sonra yandırmağa başlamaq olar. Bilmək lazımdır ki, yandırılacaq ərazi perimetr boyu şumlanıb yanacaq otlardan ayrılmalıdır. Bu, yanğının digər sahələrə keçməsinin qarşısını alar". 

Ekspert qeyd edib ki, ümumiyyətlə yandırılacaq ərazinin coğrafi relyefinə, yaxınlıqda olan obyektlərə, strateji əhəmiyyətli qurğu və mexanizmlərə diqqət yetirilməlidir.

"Yandırılması nəzərdə tutulan ərazinin yaxınlığından magistral qaz xətti, yüksək gərginlikli elektrik xətləri, yanacaqdoldurma məntəqələri və s. bu kimi təhlükə potensialı yüksək olan obyektlər ola bilər. Təbii ki, belə nüanslara diqqət etmək lazımdır. Daha sonra yandırılacaq ərazi ehtiyat su çənləri ilə təmin edilməli, yanacaq ərazi tullanılmış konservant polietilen qablardan, sellofan, kauçuk və rezindən təmizlənməlidir. Çünki bunlar kimyəvi tərkibə malikdir və toksiki xarakter daşıyır. Həm ekologiyaya ziyan vurur, həm də insanlarda zəhərlənməyə səbəb olur. Ən sonda yanğın tam söndürüldükdən və buna əmin olduqdan sonra ərazini tərk etmək lazımdır", – deyə E.Nurəliyev bildirib.

1668
Xalq artisti Brilliant Dadaşova, arxiv şəkli

Xalq artistinin yazdığı şərh izləyiciləri özündən çıxardı

2
(Yenilənib 16:57 21.09.2020)
İzləyicilər B.Dadaşovaya "Xalq olmasaydı, siz ulduzlar da olmazdınız. Biz bilirik, kimin ətini yeyirik" kimi rəylər yazıblar. Bir izləyici isə ona oğlu Cahad Hacıyevin karantin vaxtı qaydaları pozub, "Fairmont Baku"da istirahət etdiyini deyib

Şahpəri Abbasova, Sputnik Azərbaycan

BAKI, 21 sentyabr — Sputnik. Xalq artisti Brilliant Dadaşovanın "İnstagram"da "show news" səhifəsində yazdığı şərh tənqid edilib. Sputnik Azərbaycan xəbər verir ki, səhifədə yerləşdirilən "Haberglobal TV"nin Azərbaycan-Ermənistan gərginliyi barədə hazırladığı süjetə müğənni şərh yazıb.

Dadaşovanın "Onsuz da bir-birinin ətini yeyən cəmiyyətə çevrilirik. İndi burada qoşub-düzülmüş dedi-qodu yazsaydız, bəh-bəhlə təhqir etmək üçün şərhlər ard-arda düzülərdi. Təhqir, alçaltma propaqandası, gəl, görəsən. Allah özü yaxşıları qorusun. Yaxşı insanların gözəl əməlləri sayəsində Azərbaycan bu sınaqdan da çıxar", - sözləri tənqidlə qarşılanıb.

Посмотреть эту публикацию в Instagram

Публикация от Show News (@show_news)

İzləyicilər B.Dadaşovaya "Xalq olmasaydı, siz ulduzlar da olmazdınız. Biz bilirik, kimin ətini yeyirik" kimi rəylər yazıblar. Bir izləyici isə ona oğlu Cahad Hacıyevin karantin vaxtı qaydaları pozub, "Fairmont Baku"da istirahət etdiyini deyib.

Tənqidlərə bir-bir reaksiya verən müğənni bunları yazıb:

"Sizə yox, musiqi mədəniyyətimizə qulluq edirəm və tək mən yox! Əmim Məlik Dadaşovdan tutmuş, atamın xalası Hökümə Nəcəfova, babamın əmisi oğlu Hüseyin Ərəblinski və bütöv ziyalı ailəmiz - hərəmiz öz sahəmizdə Azərbaycanımıza xidmət etmişik. Oğlumun daşı bir sənin başına düşməmişdi. Guya Azərbaycan xalqını sevirsən? Elə isə oğlum sənin millətindən deyil? Sən kimsən ki, mənim yazımı müzakirə edirsən?! Özün şəxsiyyət ol, öz fikrini yaz. Sənin xalqın kimdir, bilmirəm, amma mənim öz xalqım elə mədəni, gözəl, yaxşı niyyətli, ürəyində rəhm olan Azərbaycan xalqıdır.

Hər şeydən xəbərdarsan, amma oğlum "Fairmont" oteldə olmadığı halda, onu guya orada olubmuş kimi qələmə verənlərdənsən. Yazıq, Allah sənin kimiləri xoşbəxt etsin ki, pislik etməyə vaxtın və həvəsin olmasın.

Baxın görün, ilk yazdığım şərh dərhal öz təsdiqini tapdı. Bizə qarşı sadəcə silahlı hücum deyil, həm də "güclü" təşkil edilmiş informasiya müharibəsi aparılır! Və biz bu dəqiqə o hücumlara cavab vermək məcburiyyətində qalmış azərbaycanlılarıq".

2
Teqlər:
sosial şəbəkə, Brilliant Dadaşova, xalq artisti
Əlaqədar
Xalq artisti Billiant Dadaşova müflişləşdi
Yenə öz xislətlərini göstərdilər - Ermənilər bu mahnımıza da "hücum" etdilər
Xalq artisti evini satışa çıxarıb
Məleykə Əsədova: "Lotereya oynadım, pulumu toplayıb Bakıda ev aldım
İllər əvvəl medianın gündəmindən düşməyən qalmaqalla bağlı ilginc fakt ortaya çıxıb

Şəhidimiz torpağa tapşırıldı - FOTO

41
(Yenilənib 16:55 21.09.2020)
Şəhid çavuşa doğulduğu Tovuz rayon Qazıqulu kəndində vida mərasimi keçirilib və o, kənd qəbiristanlığında torpağa tapşırılıb.

İlham Mustafayev, Sputnik Azərbaycan

BAKI, 21 sentyabr — Sputnik. Sentyabrın 21-də saat 09:20 radələrində Ermənistan-Azərbaycan dövlət sərhədinin Tovuz istiqamətində düşmənin növbəti təxribatı nəticəsində Azərbaycan Ordusunun müddətdən artıq həqiqi hərbi hərbi qulluqçusu 1982-ci il təvəllüdlü kiçik çavuş Məmmədov Elşən Əli oğlu şəhid olub.

  • Şəhid Məmmədov Elşən Əli oğlunun dəfn mərasimi
    © Sputnik / Ilham Mustafa
  • Şəhid Məmmədov Elşən Əli oğlunun dəfn mərasimi
    © Sputnik / Ilham Mustafa
  • Şəhid Məmmədov Elşən Əli oğlunun dəfn mərasimi
    © Sputnik / Ilham Mustafa
  • Şəhid Məmmədov Elşən Əli oğlunun dəfn mərasimi
    © Sputnik / Ilham Mustafa
1 / 4
© Sputnik / Ilham Mustafa
Şəhid Məmmədov Elşən Əli oğlunun dəfn mərasimi

Sputnik Azərbaycan bildirir ki, şəhid çavuşa doğulduğu Tovuz rayon Qazıqulu kəndində vida mərasimi keçirilib. O, doğulduğu kənddə dəfn olunub.

Mərasimdə minlərlə insan iştirak edib. İştirakçılar arasında rayon rəhbərliyi, ictimaiyyət nümayəndələri, döyüş yoldaşları olub.

Qeyd edək ki, Elşən Məmmədov ailəli idi və özündən sonra 3 oğul övladı qalıb.

Tovuz istiqamətində gərginlik

İyulun 12-si günorta saatlarından etibarən Ermənistan silahlı qüvvələrinin bölmələri Tovuz rayonunun Azərbaycan-Ermənistan  dövlət sərhədində  atəşkəs rejimini kobud surətdə pozaraq Azərbaycan SQ-nin mövqelərini artilleriya qurğularından atəşə tutublar. Azərbaycan ordusunun mövqelərinin ələ keçirilməsi məqsədilə Ermənistanın hərbi hissələri hücuma keçməyə cəhd göstərib. Cavab tədbirlərilə onlar itki verərək geri oturdulublar. 
Ermənilərin hücumunu dəf edərkən AR SQ-nin müddətdən artıq xidmət keçən hərbi qulluqçuları serjant Sadıqov Vüqar Lətif oğlu, baş əsgər Məmmədov Elşad Dönməz oğlu və əsgər Daşdəmirov Xəyyam Məhəmməd oğlu şəhid olublar.
İyulun 13-nə keçən gecə sərhəddə vəziyyət yenidən gərginləşib. Ermənistanın silahlı qüvvələri Tovuz rayonunun Ağdam kəndini 120 mm-lik minomyotlardan atəşə tutub. Azərbaycan ordusu artilleriya, minomyot və tankları hərəkətə gətirərək dəqiq atəşlə Ermənistan SQ-nin hərbi hissəsinin ərazisində yerləşən dayaq məntəqəsi, artilleriya qurğuları, avtomobil texnikası və canlı qüvvəsini məhv edib.
Döyüşlər zamanı Azərbaycan ordusunun hərbçisi, baş leytenant Mahmudov Rəşad Rəşid oğlu şəhid olub.
İyulun 14-ü səhər Azərbaycan ordusunun mövqeləri və yaşayış məntəqələri yenidən atəşə tutulub. Hücumun dəf edilməsi zamanı general-mayor Polad Həşimov və polkovnik İlqar Mirzəyev, mayorlar Namiq Əhmədov və Anar Novruzov, gizirlər  İlqar Zeynallı və Yaşar Babayev, müddətdən artıq xidmət keçən Elçin Mustafazadə şəhid olublar.
İyulun 16-da Ermənistan SQ Azərbaycan mövqelərinə yenidən hücum etməyə cəhd göstərib. Tovuz rayonunun Dondar Quşçu, Ağdam və Vahidli kəndləri iriçaplı silahlardan və minomyotlardan atəşə tutulub.
Döyüşlər zamanı hərbçimiz, müddətdən artıq hərbi xidmət keçən əsgər İsmayılov Nazim Əfqan oğlu şəhid olub.

41
Teqlər:
erməni təxribatı, təxribat, Ermənistan, dəfn, Ağdam kəndi, Tovuz, Azərbaycan ordusu, çavuş, şəhid
Əlaqədar
Azərbaycan Ordusunun çavuşu şəhid olub
XİN Azərbaycan Ordusunun çavuşunun şəhid olması ilə bağlı açıqlama yaydı
Ordumuzun əsgəri yaralanıb
Ceyhun Bayramov Ermənistanın sərhəddə törətdiyi təxribatlara münasibət bildirib
Qarabağın azərbaycanlı icması: "Xalqımıza silah yönəldərək nəyə nail olmaq istəyir?"