Məmur portfeli, arxiv şəkli

Mədəniyyət Nazirliyində daha bir təyinat Mətbuat xidmətinin rəhbəri bilindi

41
(Yenilənib 11:15 24.08.2020)
Bundan əvvəl Mədəniyyət Nazirliyinin İnformasiya və ictimaiyyətlə əlaqələr şöbəsinin müdiri vəzifəsini İntiqam Hümbətov tutub.

BAKI, 24 avqust — Sputnik. Mədəniyyət Nazirliyinə yeni təyinat olub. Belə ki, Məryəm Qafarzadə Mədəniyyət Nazirliyinin İnformasiya və İctimaiyyətlə əlaqələr şöbəsinin müdiri vəzifəsinə təyin olunub. Sputnik Azərbaycan xəbər verir ki, o, bundan əvvəl Gənclər və İdman Nazirliyində sektor müdiri olub.

Qeyd edək ki, bundan əvvəl Mədəniyyət Nazirliyinin İnformasiya və ictimaiyyətlə əlaqələr şöbəsinin müdiri vəzifəsini İntiqam Hümbətov tutub.

Xatırladaq ki, bir müddət öncə Prezident İlham Əliyevin sərəncamı ilə Mədəniyyət naziri Əbülfəs Qarayev vəzifəsindən azad edilib. Buna, nazirlikdə baş verən nöqsanlar səbəb olub. Mədəniyyət naziri vəzifəsini Anar Kərimov icra edir.

41
Avropa Şurasının binası qarşısında bayraqlar, arxiv şəkli

Azərbaycanlı deputatlar sabah Strasburqa gedirlər

4
AŞPA-nın qış sessiyasında Assambleya Bürosunun və Daimi Komitənin görülən işlər barədə hesabatı dinləniləcək, COVİD-19 vaksininin etik, leqal və praktiki tərəfləri və digər mövzularda fikir mübadiləsi aparılacaq.

BAKI, 23 yanvar — Sputnik. Milli Məclisin Beynəlxalq münasibətlər və parlamentlərarası əlaqələr komitəsinin sədri, Avropa Şurası Parlament Assambleyasındakı daimi nümayəndə heyətinin rəhbəri Səməd Seyidov və bir qrup deputat AŞPA-nın qış sessiyasında iştirak etmək üçün yanvarın 24-dən 29-dək Strasburqda səfərdə olacaqlar.

Bu barədə Sputnik Azərbaycan-a Milli Məclisin Mətbuat və ictimaiyyətlə əlaqələr şöbəsindən məlumat verilib.

Nümayəndə heyətinə deputatlardan Sevinc Fətəliyeva, Rafael Hüseynov, Sabir Hacıyev, Erkin Qədirli, Tural Gəncəliyev, Nigar Arpadarai və Kamal Cəfərov daxildirlər.

Sessiya dövründə Assambleya Bürosunun və Daimi Komitənin görülən işlər barədə hesabatı dinləniləcək, Assambleyanın monitorinq prosedurunun təkmilləşdirilməsı, Gürcüstanda keçirilmiş parlament seçkilərinin müşahidəsinin nəticələri, Monteneqro ilə post-monitorinq dialoqu, COVİD-19 vaksininin etik, leqal və praktiki tərəfləri, Xroniki və uzunmüddətli xəstəliklərlə məşğul olan şəxslərə qarşı ayrıseçkilik və digər mövzularda fikir mübadiləsi aparılacaq.

Tədbirlərdə Milli Məclisin deputatları gündəlikdəki məsələlərlə bağlı çıxışlar edəcək, fikirlərini bildirəcəklər.

4
Şəhid Murad İbrahimovun dəfn mərasimi

İtkin düşən 50 hərbçidən biri 113 gün sonra Gəncədə dəfn edilib

9
Vətən müharibəsinin gedişində şəhidlik zirvəsinə ucalan Murad İbrahimovun 1 yaşlı oğlu vətənə əmanət qalıb.

Rahim Məmmədov, Sputnik Azərbyacan

BAKI, 23 yanvar — Sputnik. Gəncə şəhərində dünyaya göz açan 28 yaşlı hərbçi Murad İbrahimov Vətən müharibəsi başlayan gündən MAXE kimi döyüşlərə qatılıb. İbrahimov sonuncu dəfə ailəsi ilə oktyabrın 2-də danışıb. Həmin gündən sonra Muraddan ailəsi xəbər ala bilməyib. Onun 44 günlük Vətən müharibəsində Murov istiqamətində gedən döyüşlərdə qəhrəmancasına şəhid olduğu bildirilir.

Sputnik Azərbaycan xəbər verir ki, bu gün Azərbaycan Ordusunun əsgəri M. İbrahimovun nəşi Gəncə şəhərinə gətirilib. Şəhidin yaşadığı evdə vida mərasimi keçirildikdən sonra , Gəncədəki şəhidlər xiyabanında dəfn edilib.

  • Şəhid Murad İbrahimovun dəfn mərasimi
    © Sputnik / Rahim Mammadov
  • Şəhid Murad İbrahimovun dəfn mərasimi
    © Sputnik / Rahim Mammadov
  • Şəhid Murad İbrahimovun dəfn mərasimi
    © Sputnik / Rahim Mammadov
1 / 3
© Sputnik / Rahim Mammadov
Şəhid Murad İbrahimovun dəfn mərasimi

Vida mərasimində Gəncə şəhər İcra Hakimiyyətinin rəhbərliyi, millət Vəkili Naqif Həmzəyev, Türkiyənin Gəncədə baş konsulu Zəki Öztürk, hərbçilər və şəhər ictimaiyyəti iştirak edib.

Murad İbrahimov Vətən müharibəsində itkin düşən 50 hərbçidən biridir. Gəncə şəhər sakini evli olub 1 yaşında oğlan övladı var.

 

9