Məktəbli forması

Məktəblərin açılması ilə bağlı müəmma - Ekspert həyəcan təbili çalır

1004
(Yenilənib 13:52 21.08.2020)
Tanınmış təhsil eksperti ilə məktəbli forması istehsal edən müəssisələrin nümayəndələri əks mövqedədirlər. İkincilər təbii ki, formanın satışının tərəfdarıdırlar.

Zülfiyyə Quluyeva, Sputnik Azərbaycan

BAKI, 21 avqust — Sputnik. Koronavirus pandemiyası dövründə bu tədris ili dərslərin necə təşkil olunacağı sual altında olsa da, artıq məktəbli formasının satışına başlanılıb. Belə ki, Bakı Tikiş Evi (BTE) tərəfindən məktəbli formasının satışı aparılır.

Təhsil eksperti Kamran Əsədov Sputnik Azərbaycan-a açıqlamasında məktəbli formalarının pandemiya dövründə satışının riskli olduğunu söyləyib. O, bildirib ki, şagirdlər üçün koronavirus riski olduğu üçün məktəblərdə dərslərin necə aparılacağı hələ bilinmir. Bu halda şagirdləri məktəbli forması almaq üçün mağazalara aparmaq təhlükəlidir: "Mən təklif edirəm ki, şagirdlər bu il məktəbə köhnə forma ilə getsinlər. Məktəbli formalarının satış yerlərində sıxlıq olur. Ölçü uyğun gəlmədiyindən bu formalar alındıqdan sonra dəyişdirilir. Beləcə formaya yüz nəfərin əli dəyir. Yaxşı olardı ki, bu tədris ili məktəbli formaları satılmasın. Çünki, şagirdlərin təması baxımından məktəblərdə dərslərin təşkili müzakirə olunur. Belə halda şagirdlərin, valideynlərin forma üçün həmin mağazalara axışması virusun yayılması baxımından da risk yaradır. Mən də öz övladlarıma yeni forma almayacağam".

BTE-nin satış şöbəsinin rəisi Etibar Əzimov Sputnik Azərbaycan-a açıqlamasında bildirib ki, məktəbli formalarının həm satışı həmçinin də istehsalı davam edir: "Məktəbli formasının satışı zamanı virus yayılması kiminsə öz fikridir. Biz mağazalarda lazımi dezinfeksiyaedici məhlullar qoymuşuq. Məktəbli forması əldən-ələ gəzmir. Kimə nə ölçü lazımdırsa, onu da satıcılar verir. Biz hər gün evə alış-veriş edirik. Geyim mağazaları da artıq fəaliyyətə başlayıb. Bəyəm bizim evə aldığımız digər əşyalarda virus gəlir? Virus əşyaların üzərində uzun müddət qalmır. Ona görə də düşünmürəm ki, məktəbli formasının satışı şagirdlər üçün virus təhlükəsi yarada".

E. Əzimov bildirib ki, əsasən 1-ci siniflər üçün məktəbli forması istehsal edilir. Amma bizə məlumat verildikdən sonra artıq yuxarı siniflər üçün də forma istehsalına başlanılıb: "Bu gün əsas 1-cilər üçün forma alınır. Amma yuxarı siniflər də gəlib tək-tək forma alırlar. Kimisi şalvar alır, kimisi köynək, ətək alır. Bu günlərdə liseylərdən biri bütün sinif üçün forma sifariş verib. Biz hazırda da forma istehsalını davam etdiririk".

Bakı Tekstil Fabrikinin direktoru Səkinə Babayeva Sputnik Azərbaycan-a açıqlamasında bildirib ki, hazırda anbarda kifayət qədər məktəbli forması var. Valideynlər müraciət edib forma ala bilərlər.  

1004
Pfizer-BioNtech peyvəndi, arxiv şəkli

ÜST iddia edir ki, vaksindən ölən yoxdur

8
ÜST nümayəndəsinin sözlərinə görə, peyvəndin bir neçə yan təsirləri qeydə alınıb, məsələn, anafilaktik şok kimi

BAKI, 20 yanvar - Sputnik. Koronavirus infeksiyasına qarşı peyvəndlərdən hələlik heç bir ölüm halı qeydə alınmayıb. Sputnik Azərbaycan RİA Novosti-yə istinadən bildirir ki, bunu Ümumdünya Səhiyyə Təşkilatının eksperti Mariancela Simao deyib. 

"Əlimizdə bazarda geniş istifadə olunan peyvənd var. Bu, Pfizer-dir. Və hələlik hazırda istifadə olunan vaksinlərdən heç bir ölüm halının şahidi olmamışıq, - o bildirib. 

ÜST nümayəndəsinin sözlərinə görə, bir neçə yan təsirlər qeydə alınıb, məsələn, anafilaktik şok kimi. Bəzi peyvənd olunmuş şəxslərdə isə ciddi allergiyalara meyllilik var. Belə hallarda mütləq tibb müəssisələrində nəzarət altında peyvənd vurdurmaq lazımdır, mütəxəssis söyləyib.  

Simao əlavə edib ki, ÜST vaksinlərin istənilən ciddi yan təsirini izləyir və öz tövsiyələrini yeniləyir. Hazırda koronavirus əleyhinə daha 12 preparatı təşkilatın ekspertləri qiymətləndirməlidirlər.

8
Teqlər:
ÜST, ölüm, Pfizer, vaksin
Mövzu:
Yeni tip koronavirus pandemiyası
Nyu-Yorkda divarda təsvir, arxiv şəkli

Koronavirusun daha bir ştammı aşkarlandı

10
(Yenilənib 23:39 20.01.2021)
Yeni ştammın təhlükə dərəcəsi barədə hazırda məlumat yoxdur. Bununla yanaşı, elm adamları yeni mutasiyanın nə qədər tez ötürüldüyünü təyin etməlidirlər

BAKI, 20 yanvar — Sputnik. Amerikanın Kaliforniya ştatında koronavirusun yeni ştammı aşkarlanıb. Sputnik Azərbaycan xarici mətbuata istinadla xəbər verir ki, virusun yeni forması CAL.20C "Britaniya" ştammının axtarışı zamanı müəyyən edilib.

Alınan biomateriallarda mutasiyaya uğramış koronavirus aşkar edilib. Mütəxəssislər virusun yeni variantının keçən ilin yayında ortaya çıxdığını, ancaq özünü payızda göstərdiyini düşünürlər. Hazırda CAL.20C geniş yayılıb.

Məlumata görə, mutasiyaya uğramış koronavirus yanvarın 13-də Los-Ancelesdəki bir laboratoriyada nümunələrin yarısından çoxunda müəyyən edilib.

"Ştamm həqiqətən burada meydana gəlib və onun tətil dövründə ortaya çıxmağa və yayılmağa imkanı olub", - deyə Cedars-Sinai Tibb Mərkəzinin əməkdaşlarından biri bildirib.

Yeni ştammın təhlükə dərəcəsi barədə hazırda məlumat yoxdur. Bununla yanaşı, elm adamları yeni mutasiyanın nə qədər tez ötürüldüyünü təyin etməlidirlər.

ABŞ-da koronavirus qurbanlarının sayı 400 min nəfəri keçib. Milad bayramından sonra ölümlərin sayı da kəskin şəkildə çoxalıb.

10
Teqlər:
mutasiya, ştamm, Koronavirus, epidemiya, COVID-19
Mövzu:
Yeni tip koronavirus pandemiyası