Ofis, arxiv şəkli

Bir manatın da ardınca qaçacaqsan - fırıldaqçılar qara əməllərinə dövləti bulaşdırırlar

967
(Yenilənib 20:02 20.08.2020)
"İşədüzəltmə sahəsində xidmət göstərən fırıldaqçı şirkətlər üçün vahid reyestrin yaradılması heç bir effekt verməyəcək. Gərək vətəndaşlar özləri ayıq-sayıq olsunlar"

Zülfiyyə Quluyeva,Sputnik Azərbaycan

BAKI, 20 avqust — Sputnik. Azərbaycanda məşğulluqla bağlı bir sıra tədbirlər görülsə də, hələ də işədüzəltmə adı altında fırıldaqçılıqla məşğul olan agentliklər öz fəaliyyətini davam etdirir. Əvvəllər işə düzəltmək adı ilə vətəndaşlardan 20-30 manat alan işədüzəltmə agentlikləri indi qiyməti artıraraq 40-45 manata çatdırıblar.

Bu günlərdə daha bir işədüzəltmə şirkətinin nümayəndəsi vətəndaşı aldadaraq onun 45 manatını mənimsəyib. Bu barədə Sputnik Azərbaycan-a danışan zərərçəkmiş Tahir Salmanov bildirib ki, internetdə "Liman" konserv zavodunun iş elanını gördükdən sonra 050-647-44-13 nömrəsi ilə əlaqə saxayıb. Şirkətin Maqsud adlı işçisi onun WhatsApp nömrəsinə iş barədə məlumat göndərərək elektron hökumət portalında qeydiyyatdan keçiriləcəyini, işə düzəlmək üçün 45 manat ödənilməli olduğunu söyləyib: "Mənə yazılı göndərilən məlumatda qeyd edilir ki, iş alınmasa, o pul geri qaytarılacaq. Bundan sonra mənim WhatsApp nömrəmə pulun ödənilməli olduğu bank hesabı göndərildi. Mən həmin şəxsin verdiyi bank hesabına pul ödədim. Özü ilə əlaqə saxlayıb pulu ödədiyimi söylədim. Bildirdi ki, mənimlə əlaqə saxlayacaqlar. İyulun 29-dan bu günədək həmin adamdan nə səs var, nə soraq. Əlaqə nömrəsinə də zəng çatmır.

Sözün açığı, mən bunun fırıldaq olduğuna inanmadım. Çünki bank hesabı olan şəxslərin bu cür fırıldağa əl atacaqları inandırıcı deyildi. Axı indi hansı dövrdür ki, insanları WhatsApp nömrəsində yazışma olduğu, bank hesabının kimə məxsus olduğu məlum olduğu halda aldadasan. Həmin şəxsin WhatsApp yazışması, səs yazısı, ödədiyim pulun bank hesabının qəbzi belə məndə var. Çox təəssüf ki, vətəndaşları elektron hökümət portalının linkini göndərərək iş təklifinin ciddi olduğuna inandırırlar. Mən də elə buna inanıb onların tələsinə düşdüm".

Sputnik Azərbaycan zərərçəkmiş şəxsin şikayətinə əsasən, Maqsud adlı şəxslə əlaqə saxlamağa cəhd etsə də, nömrəyə zəng çatmayıb. "Liman" konserv zavodu barədə isə internetdə heç bir məlumat aşkarlanmayıb.

Qeyd edək ki, Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi ölkə üzrə məşğulluğa dair məlumatları, ölkənin məşğulluq xəritəsini, məşğul şəxslərin reyestrini özündə birləşdirəcək "Əmək münasibətləri və məşğulluq" altsistemini hazırlayır. Altsistem işəgötürənlər, işə qəbul olunanlar, mərkəzi və yerli icra hakimiyyəti orqanları, hüquqi və fiziki şəxslər üçün vahid əmək münasibətləri paltforması rolunu oynayacaq. Məqsəd işçilərlə işəgötürənlər arasında elektron əmək müqaviləsinin bağlanması, rəqəmsal kadr uçot sisteminin yaradılması, əməyin təşkili və mühafizəsində beynəlxalq standartların tətbiqi, zərərli iş yerlərinin attestasiyası, əməyin hesablanması və ödənilməsinin qanunvericiliyə uyğun təşkili və s. sahələrdə işəgötürənlərə zəruri və çevik dəstəyi verməkdir.

Bəs görəsən, bu sistem işədüzəltmə sahəsində fırıldaqçılığın qarşısını ala biləcəkmi?

Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin mətbuat katibi Əsmər Nəcməddinqızı Sputnik Azərbaycan-a bildirib ki, reyestr fəaliyyətə başladıqdan sonra işədüzəltmə şirkətlərinin qeydiyyat prosesinə başlanacaq: "Azərbaycan Respublikasında işaxtaran və işsiz şəxslərin işə düzəlməsində vasitəçilik fəaliyyəti yalnız hüquqi şəxslər tərəfindən Qanunun tələbləri nəzərə alınmaqla həyata keçirilməlidir. Hazırda işədüzəltmə agentlikləri fərdi sahibkar olaraq fəaliyyət göstərirlər və vergi orqanlarına hesabat verirlər. Amma “Məşğulluq haqqında” yeni Qanunda işədüzəltmədə vasitəçilik fəaliyyəti həyata keçirən şəxslərin fəaliyyətinə nəzarət mexanizmi nəzərdə tutulub. Belə ki, bu məsələ ilə bağlı vahid informasiya bazası yaradılacaq və qarşılıqlı məlumat mübadiləsi aparılacaq.

Örtülü bazarın tavanı çökür - İşədüzəltmə şirkətləri nəzarətə götürüləcək>>

Həmçinin işədüzəltmədə vasitəçilik fəaliyyəti ilə məşğul olan hüquqi şəxslərin elektron reyestri yaradılacaq.

Hazırda bu istiqamətlə müvafiq işlər aparılır. “Məşğulluq Strategiyasının həyata keçirilməsinə dair 2020–2025-ci illər üçün Tədbirlər Planı”na əsasən, həmin reyestrin yaradılması 2020–2021-ci illərdə təmin olunacaq. Reyestr əsasında vahid informasiya bazası yaradıldıqdan sonra işədüzəltmədə vasitəçilik fəaliyyəti həyata keçirən hüquqi şəxslərlə qarşılıqlı məlumat mübadiləsi aparılacaq.

Şirkətlər onlara müraciət edən işaxtaran və işsiz şəxslər, eyni zamanda işlə təmin etdikləri şəxslər barədə məlumatları və onlarda olan mövcud vakansiya siyahısını da reyestrə daxil edəcəklər. Yeni sistem vətəndaş narazılığının, pərakəndə fəaliyyətin və qeyri-qanuni halların qarşısını alacaq.

Onu da qeyd edək ki, qanunun tələblərini pozmaqla işədüzəltmədə vasitəçilik fəaliyyətini həyata keçirən hüquqi şəxslər qanunla müəyyən edilmiş qaydada məsuliyyət daşıyırlar. O ki qaldı hansısa vətəndaşın işədüzəltmə şirkəti tərəfindən aldadılaraq vəsaitinin mənimsənilməsinə, həmin şəxslər belə hallarla üzləşdikdə aidiyyatı üzrə müraciət edə bilərlər".

Vətəndaşların Əmək Hüquqlarının Müdafiəsi Liqasının sədri Sahib Məmmədov Sputnik Azərbaycan-a açıqlamasında bildirib ki, vahid reyestr yaratmaqla işədüzəltmə sahəsində fırıldaqçılıqla məşğul olan şəxslərin qarşısını almaq mümkün olmaycaq: "İndi dövr dəyişib. İnternet əsridir. Nazirlik vahid reyestr yaratmaqla işədüzəltmə xidməti göstərən şirkətləri öz nəzarəti altında saxlamaq istəyir. Bu isə müəyyən bürokratik əngəllərə səbəb olacaq. İşədüzəltmə sahəsində xidmət göstərən fırıldaqçı şirkətlər üçün vahid reyestrin yaradılması heç bir effekt verməyəcək. Belə şəxslər əvvəl bir ofis açıb fəaliyyət göstərirdilərsə, bundan sonra işlərini sosial şəbəkə, internet üzərindən davam etdirəcəklər. Bunun qarşısını almaq çətindir. Gərək vətəndaşlar özləri ayıq-sayıq olsunlar. Belə dələduzlara inanmasınlar".

S.Məmmədov deyir ki, nazirlik bundansa effektiv sorğu xidməti yaratsa, daha yaxşı olar: "Nazirlik işədüzəltmə sahəsində dövlət qurumları və özəl sektorla partnyorluq edən şirkətləri araşdıraraq siyahısını hazırlaya bilər. Vətəndaş nazirliyə müraciət edərək işədüzəltmədə vasitəçilik edən həmin şirkət barədə məlumat ala bilər. Fikrimcə, bu daha effektiv olar. Bu sahədə bu cür dələduzluqların qarşısını almağın yoluna gəldikdə, vətəndaşların ayıq-sayıq olması və belə hallarla qarşılaşdıqda polisə müraciət etməsindədir.

Çox təəssüf ki, belə hallarda insanlar 20-30 manatın arxasınca getmirlər. Elə fırıldaqçıların da dələduzluğu buna hesablanıb. Onlar başa düşürlər ki, vətəndaş 20-30 manat üçün polisə müraciət etməyəcək. Çünki vaxtı itəcək, yola pul ödəyəcək və sair. Kütləvi şikayət olmadığı halda belə fırıldaqçıların tapılması mümkün deyil. Gərək ən azı 100 nəfər həmin şəxslə bağlı polisə müraciət etsin".

Daxili İşlər Nazirliyinin mətbuat katibi Ehsan Zahidov Sputnik Azərbaycan-a açıqlamasında bildirib ki, vətəndaşlar belə halda ərazi üzrə polis idarəsinə müraciət etsinlər: "Vətəndaşlar çalışsınlar ki, belə fırıldaqçıların qurbanı olmasınlar. Amma artıq onların tələsinə düşüb aldanıblarsa, mütləq polisə müraciət etsinlər. Bu halda polis şikayət üzrə araşdırmaya başlaya bilər".

967
Əlaqədar
Qazandığımızı tam itirə bilərik: təşəbbüsü robotlara verməklə...
Dünyanın ən bədbəxt iqtisadiyyatları: inanılmaz reytinq
Heç kim pulsuz qalmayacaq - İşsizlikdən sığorta fondunun büdcəsi artırılır
Dəyişikliyin astanasındayıq: ənənəvi peşələr əhəmiyyətini itirəcək
Ciddi böhranın ayaq səsləri eşidilir – Amma bu dəfə heç nə bizdən asılı deyil
Xudafərin körpüsü, arxiv şəkli

Xudafərin körpüsünün dünyada tanınması ilə bağlı əhəmiyyətli addım atılacaq

15
(Yenilənib 17:36 21.10.2020)
Məşhur abidə UNESCO-nun Dünya Mədəni İrs Siyahısına salınması məqsədilə tədbirlər həyata keçiriləcək

BAKI, 21 oktyabr — Sputnik. Müstəsna universal dəyəri, təkrarolunmaz landşaftı, yüksək memarlıq-mühəndis həlli, eləcə də iki ölkə ərazisində yerləşdiyi nəzərə alınaraq Xudafərin körpülərinin UNESCO-nun Dünya Mədəni İrs Siyahısına salınması məqsədilə Azərbaycan Respublikası İran İslam Respublikası ilə birgə tədbirlərin həyata keçirilməsini nəzərdə tutur.

Sputnik Azərbaycan xəbər verir ki, bu barədə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti bəyanat verib.

Tikilmə tarixinə görə dövrünün möhtəşəm mühəndis qurğularından olan Xudafərin körpüləri Azərbaycan Respublikası ilə İran İslam Respublikasının dövlət sərhədində yerləşən möhtəşəm tarixi abidədir.

Xudafərin körpüləri Araz çayının şimal və cənub sahillərini birləşdirir. Tarixi İpək yolunun üzərində yerləşən 11 tağlı körpü XI-XII əsrlərdə, 15 tağlı körpü isə XIII əsrdə inşa olunub. Azərbaycan memarlığının unikal abidələrindən olan Xudafərin körpüləri Yaxın və Orta Şərq regionunun ən əzəmətli, ən məşhur körpülərindən hesab olunur. Xudafərin körpüləri Böyük İpək Yolunun inkişafında mühüm rol oynamış və hərbi-strateji cəhətdən də müstəsna əhəmiyyətə malik olub.

15 aşırımlı körpünün antik dövrdə inşa edilmiş digər bir körpünün dayaqları üzərində tikildiyi ehtimal edilir. Coğrafi mövqeyinin əlverişli olması, yəni sahillərinin sal qayalarla əhatələnməsi burada körpünün tikilməsinə şərait yaradıb. Körpünün tağları bişmiş kərpicdən yığılsa da, doldurucu kimi çay daşından istifadə edilib. 15 aşırımlı körpüdən 750 metr aralıda yerləşən 11 aşırımlı körpünün tikinti materialı kimi yonulmuş sal qaya daşlarından istifadə edilib.

Qeyd edək ki, 1993-cü ildə Cəbrayıl rayonu Ermənistan Respublikası silahlı qüvvələri tərəfindən işğal edildikdən sonra Xudafərin körpüləri dağıntılara məruz qalıb. Cari il oktyabrın 18-də rəşadətli Azərbaycan Ordusu 1993-cü ildə Ermənistan Respublikasının silahlı qüvvələri tərəfindən işğal edilmiş Cəbrayıl rayonunun ərazisində yerləşən dünya əhəmiyyətli tarix-memarlıq abidəsi olan Xudafərin körpülərini işğaldan azad edib. Xudafərin körpülərinin üzərində 27 ildən sonra yenidən Azərbaycan Respublikasının üçgəngli bayrağı ucaldılıb.

15
Əlaqədar
İlham Əliyev: Xudafərin körpüsünün üzərində Azərbaycan bayrağı qaldırıldı
Mədəniyyət Nazirliyi tərəfindən beynəlxalq təşkilatlara müraciət ünvanlanıb
Həm Azərbaycanın, həm də İranın arzusu reallaşır - "Xudafərin" hidroqovşağından şad xəbər
Ermənistan Xudafərin istiqamətində əməliyyat keçirməyə qadir deyil - MN
MN: Ermənilər qorxularından Xudafərinlə bağlı cəfəngiyyat yayırlar
Cəbrayıl rayonunun işğaldan azad olunan ərazilərində Azərbaycan Bayrağı dalğalanı

Paşinyandan etiraf: Azərbaycan bizim kapitulyasiyamızdan başqa heç nəyə razı deyil

49
Ermənistan Baş naziri dövlət strukturları və yerli özünüidarə orqanlarının rəhbərlərinə könüllü dəstələrin yaradılması barədə təlimatla müraciət edib.

BAKI, 21 oktyabr — Sputnik. "Bu gün Azərbaycan Qarabağın kapitulyasiyasından başqa heç nəyə razı deyil. Bu arada ermənilər bunun onlar üçün nə anlama gələcəyini yaxşı anlayırlar". Sputnik Azərbaycan xəbər verir ki, bunu Ermənistanın Baş naziri Nikol Paşinyan "Facebook"da canlı yayımda müraciətində bildirib.

Bundan əlavə, Ermənistan Baş naziri dövlət strukturları və yerli özünüidarə orqanlarının rəhbərlərinə könüllü dəstələrin yaradılması barədə təlimatla müraciət edib.

Qeyd edək ki, bu gün Ermənistanın xarici işlər naziri Zöhrab Mnatsakanyan son on gündə üçüncü dəfə Moskvaya səfər edib. Azərbaycanın Xarici işlər naziri Ceyhun Bayramov da bu gün Rusiya paytaxtında rusiyalı həmkarı Sergey Lavrovla görüşüb.

Bir qədər öncə isə Paşinyan Facebook-da canlı yayım açaraq: "Hazırkı mərhələdə Qarabağ məsələsinin diplomatik yolla həlli yoxdur və hələ uzun müddət də olmayacaq", - deyə bildirib.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Sergey Lavrov və Ceyhun Bayramov, arxiv şəkli
© Photo : The Ministry of Foreign Affairs of the Russian Federation

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

49
Teqlər:
etiraf, Nikol Paşinyan, erməni təxribatı, Ermənistan-Azərbaycan, Dağlıq Qarabağ münaqişəsi
Əlaqədar
"Oğullarımla birgə döyüşə getməyə hazıram" – cəbhəyanı kəndlərdə mərmidən qorxmurlar
Necə qaçdılarsa, yada düşmədi: ermənilərin döyüş meydanında "unutduğu" texnika - FOTO
Milli Məclis Qarabağ münaqişəsi ilə bağlı videomüraciət yayıb
Rusiya XİN: döyüşlər dərhal dayandırılmalıdır
MN: “Ermənistan SQ-nin qüvvələrinin 556-cı alayının taboru sıradan çıxarılıb”

Bank soyğunçusu 18 nəfəri girov götürdü, yarım milyon istəyir

0
Beş yüz min dollar pul tələb edən soyğunçunun şəxsiyyətini müəyyənləşdirmək mümkün olmayıb. O, indi də helikopter istəyir

BAKI, 21 oktyabr — Sputnik. Gürcüstandakı banklardan birini soymağa çalışan şəxs 18 nəfəri girov götürüb. Sputnik Gürcüstan-ın verdiyi məlumata görə, soyğunçu 500 min dollar pul, maşın və helikopter tələb edib. Gürcüstan Daxili İşlər Nazirliyinin yaydığı yazılı məlumatda bildirilir ki, Zuqdidi şəhərində bir banka girən silahlı şəxs orada işləyən insanları girov götürüb. Soyğunçunun şəxsiyyəti hələ müəyyənləşdirilməyib. Bildirilir ki, onun əlində qumbara var və tələblərinin 18:00-dək yerinə yetirilməsini istəyir.

Açıqlamada o da bildirilir ki, hadisə yerinə xüsusi təyinatlı polis dəstəsi göndərilib və girov götürülən şəxslərin xilas olunması üçün əməliyyat keçirilir.

0