Onlayn təhsil, arxiv şəkli

Diplom almaq heç bu qədər asan olmamışdı - Yenilik

1224
(Yenilənib 14:15 19.08.2020)
"Yeni qanunda distant təhsilin diplomunun tanınması məsələsi öz əksini tapacaq. Elə pandemiyasız da distant təhsilin imkanlarından istifadə etməliyik"

Zülfiyyə Quluyeva, Sputnik Azərbaycan

BAKI, 19 avqust — Sputnik. Azərbaycanda distant təhsil diplomları tanınacaq. Sputnik Azərbaycan-a açıqlamasında bu məlumatı Milli Məclisin Elm və Təhsil Komissiyasının üzvü Etibar Əliyev verib. Deputat bildirib ki, bu məsələ yeni qəbul olunacaq "Ali Təhsil haqqında" qanunda öz əksini tapacaq: "Ali Təhsil haqqında qanun hələki qəbul olunmayıb. Birinci oxunuşdan da keçməyib. Amma tezliklə qəbulu gözlənilir. Pandemiya dövrü bu qanunun qəbulunu xeyli sürətlənəcək. Çünki, pandemiya dövründə distant təhsil məsələsi gündəmə gəlib. Köhnə qanunda isə distant təhsil məsələsi yoxdur. Yeni qanunda distant təhsilin diplomunun tanınması məsələsi öz əksini tapacaq. Xüsusilə pandemiya dövründə distant təhsil formasının tətbiqi çox vacibdir. Elə pandemiyasız da distant təhsilin imkanlarından istifadə etməliyik" - deyə deputat Sputnik Azərbaycan-a açıqlamasında bildirib.

Sputnik Azərbaycan distant təhsilin ölkəmizdəki ali təhsil müəssisələrində tətbiqinin nə qədər real olduğunu araşdırıb.

Təhsil Nazirliyi yanında İctimai Şuranın məsul katibi, Azərbaycan Gənc Alim, Aspirant və Magistrlər Cəmiyyətinin sədri İlqar Orucov da Sputnik Azərbaycan-a açıqlamasında bildirdi ki, pandemiya dövründə ali təhsil müəssisələrinin distant təhsilə keçməsi ilə bağlı problemləri gündəmə gəlib. Həmsöhbətimiz deyir ki, dünyanın tətbiq etdiyi distant təhsil formatının Azərbaycanda da reallaşdırılması dövrün tələbidir: "Azərbaycan ali təhsil müəssisələri içərisində hələki bu infrastrukturu tam quran ancaq UNEC-dir. Pandemiya dövründə bu ali təhsil müəssisəsi məhz distant təhsilə hazır olduğu üçün vəziyyətdən çıxmağı bacardı. Artıq Azərbaycanda distant təhsillə bağlı təcrübə var. Mart ayından ənənəvi təhsilə fasilə veriləndən, digər ali təhsil ocaqları virtual təhsilə qoşulsalar da, bu distant təhsil qədər effektli olmadı. Türkiyədə ali təhsil müəssisəsi var ki, onun 100-150 min tələbəsi var. Onların hamısı ənənəvi təhsil almırlar, bir qismi məhz distant təhsil alır. Distant təhsil tələbələr üçün həm də ən sərfəli təhsil növüdür. Azərbaycanda bir çox ali təhsil müəssisələri illərdir inkişafdan geri qalıb. Halbuki, ali məktəb əmək bazarı üçün kadr hazırlayırlarsa, mütləq yenilikləri tətbiq etməlidir. Bu yolla onlar xaricdən də xeyli tələbə cəlb edib gəlirlərini artıra bilərlər".

Azərbaycan ali məktəblərinin diplomları, arxiv şəkli
© Sputnik / Anar Mustafayev

Amma İ. Orucov deyir ki, pandemiya dövründə ali məktəblərin distant təhsil istiqamətində işə başlayıblar. O, bildirib ki, ali təhsil müəssisələri müəllim kontingentində İKT bacarıqları olan gənc müəllimlərə yer verməlidirlər. Onun sözlərinə görə, artıq ADA Universiteti, Azərbaycan-Fransız Universiteti (UFAZ) təlim-tədris prosesinin məsafədən təşkilini təmin edirlər: "Digər ali təhsil müəssisələri də distant təhsillə bağlı iş aparırlar. Yeni tədris ilindən ali məktəblərin bir çoxu distant təhsil infrastrukturunu quraraq bu işə başlayacaqlar".

Qeyd edək ki, UNEC Azərbaycanda distant təhsilin tətbiqi üçün lazımi infrastrukturu quran ilk ali təhsil ocağıdır. Universitetin Marketinq və Kommunikasiya Departamentinin İctimaiyyətlə Əlaqələr şöbəsinin rəhbəri Elnarə Ömərova Sputnik Azərbaycan-a bildirib ki, pandemiya dövründə təhsilin davamlılığının təmin edilməsi məqsədilə UNEC də bütün dərslər distant formada təşkil edilib. Onun sözlərinə görə, distant təhsilə qoşulmaq üçün mobil telefon interneti yetərlidir: "UNEC EXTERN" Mərkəzində yaradılmış yüksək səviyyəli, Avropa standartlarına uyğun infrastruktur, həm də professor-müəllim heyətinin peşəkarlığı, distant təhsilin verilməsi üçün şərait yaradır".

E. Ömərova deyir ki, universitetin distant təhsil vermək imkanı olsa da, bundan əsasən pandemiya dövründə yararlanıb: "Azərbaycan Dövlət İqtisad Universitetində distant təlimlər aparılıb. Hətta buna görə sertifikatlar verilib. Universitetimizdə Çin dili distant tədris edilir. Amma ölkə üzrə distant təhsilə başlanılmadığından, UNEC-də distant təhsilin tətbiqi ləngiyir".

1224
Teqlər:
diplom, təhsil, distant, Distant Təhsil Sistemi
Məktəb, arxiv şəkli

Uşaqlar hansı yaşdan etibarən maska taxmalıdırlar?

27
Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisləri belə hesab edirlər ki, 12 yaşdan başlayaraq uşaqlarda virusa qarşı həssaslıq yaranır.

BAKI, 24 oktyabr — Sputnik. Bütün dünyadan koronavirus epidemiyası yayıldığı gündən bu yana hansı yaşdan etibarən uşaqların maska taxmalı olduqları məsələsi də ən çox müzakirə olunan mövzulardan biridir. Rusiyalı ekspert bu suala dəqiq cavab verib.

Sputnik Azərbaycan RİA Novosti-yə istinadən bildirir ki, mütəxəssislər 12 yaşdan etibarən bütün uşaq və yeniyetmələrin maska taxmasını tövsiyə edirlər. Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisi belə hesab edir ki, bu yaşdan başlayaraq uşaqlarda virusa qarşı həssaslıq yaranır. Mütəxəssisin sözlərinə görə, bununla belə, uşaqlar COVID-19 virusunun aktiv daşıyıcıları hesab olunmurlar. Müşahidələr göstərir ki, bu virus əksər hallarda uşaqlara böyüklərdən yoluxur.

27
Koronavirus modeli, arxiv şəkli

Koronavirus daha tez öldürməyə başlayıb

43
Alimlər eyni zamanda SARC –CoV-2 –nin mutasiya edə bildiyini də təsdiqləyib. Onların fikrincə, mutasiya xəstəliyin ağırllaşmasına səbəb olmasa da, sürətlə yayılmasına səbəb ola bilər.

BAKI, 24 oktyabr — Sputnik. Koronavirus pandemiyasının ikinci dalğasında virusun ağırlaşmış formasında olan xəstələr birinci dalğa ilə müqayisədə daha tez ölür.

Sputnik Azərbacan Rusiya mətbuatına istinadla xəbər verir ki, bu barədə Britaniyanın fövqəladə hallar üzrə elmi məsləhət qrupunun hesabatında deyilir.

Alimlər bütün ölkə üzrə xəstəxanalarda olan 76700 sakinin məlumatlarını təhlil edərək bu nəticəyə gəlib.

Belə ki, avqustun 1-nə olan dövr ərzində koronavirusn əlamətləri müşahidə edilən gündən etibarən ağırlaşaraq ölümlə nəticələnmə 13 gün ərzində baş verirdi. Hazırda bu dövr qısalıb və ölümlə nəticələnmə bir həftəyə baş verir.

Alimlərin fikrincə, bu neqativ dinamika xəstəliyin müalicəsinin inkişafı ilə əlaqəlidir. Belə ki, hazırda həkimlər daha çox xəstənin həyatını xilas edə bilir. Xəstəlikdən ölənlər isə digər sağlamlıq problemləri olan zəif orqanizmi olan şəxslərdir.

Alimlər eyni zamanda SARC–CoV-2–nin mutasiya edə bildiyini də təsdiqləyib. Onların fikrincə, mutasiya xəstəliyin ağırllaşmasına səbəb olmasa da, sürətlə yayılmasına səbəb ola bilər.

43
Ginnesin Rekordlar kitabının sertifikatı, arxiv şəkli

Çinli iki metr yarıma yaxın boyu ilə Ginnesin Rekordlar Kitabına düşmək istəyir - VİDEO

0
14 yaşlı Keyu Ren Çinin Sichuan əyalətində yaşayan orta məktəb şagirdidir. Ən yüksək qapılardan keçəndə belə başını əyməli olan Ren, bəzən yeriməkdə çətinlik çəkir.

BAKI, 24 oktyabr — Sputnik. Çində yaşayan 14 yaşlı Keyu Ren 2 metr 21 santimetr boyu ilə Ginnesin Rekordlar Kitabına düşmək üçün müraciət edib.

Sputnik Azərbaycan "TRThaber"ə istinadla xəbər verir ki, Keyu Ren Çinin Sichuan əyalətində yaşayan orta məktəb şagirdidir. 14 yaşlı Reni yaşıdlarından fərqləndirən ən vacib xüsusiyyət 2 metr 21 santimetr uzunluğunda olmasıdır. Ən yüksək qapılardan keçəndə belə başını əyməli olan Ren, bəzən yeriməkdə çətinlik çəkir.

Ren 13-18 yaş kateqoriyasında 2 metr 21 santimetr hündürlüyündə Rekordlar Kitabına namizəd kimi göstərilib. Ren müsbət cavab alacağını gözləyir.

Qeyd edək ki, indiyədək dünyada ən uzun yeniyetmə kimi 2015-ci ildə 2 metr 15 santimetr boyu ilə ABŞ-dan olan Kevin Bradford Rekordlar Kitabına düşüb.

0