Su kranı

Prezident xəbərdarlıq etdi, dövlət qurumu vəd verdi - Lakin faciə davam edir

1077
Millət vəkili Sabir Rüstəmxanlı hesab edir ki, kəmərin çəkilməsi məsələsi noyabrın axırına kimi başa çatmayacaq.

İradə Cəlilova, Sputnik Azərbaycan

BAKI, 18 avqust — Sputnik. İyun ayından etibarən Xəzər dənizinin suyu Kür çayına qarışdığı üçün Neftçala və ətraf 38 kənd içməli suya möhtac qalıb.

Neftçalara Rayon İcra Hakimiyyəti, Azərsu ASC, AAYDA və digər qurumlar vətəndaşlara xüsusi avtomobilllərlə su daşıyır və onları su ilə təmin etməyə çalışırlar.

Neftçala sakinləri bu gün də vəziyyətin dəyişməz olaraq, qaldığını bildirirlər. Onların sözlərinə görə, bir tərəfdən ölkədə olan pandemiya və onun stresi, digər tərəfdən isə susuzluq onları çıxılmaz vəziyyətə salıb.

Neftçala və ətraf qəsəbələrə su günün müəyyən saatlarında xüsusi avtomobillərlə daşınaraq quyulara vurulur.

Azərsu ASC-nin mətbuat katibi Anar Cəbrayıllı bildirib ki, daha etibarlı mənbə olaraq Şirvan-Muğan magistral xəttindən Salyan ərazisinə 44 kilometr magistral xəttin tikintisinə artıq başlanılıb:

"Neftçalada vəziyyət hələ ki, olduğu kimi qalır: "Neftçalaya və 30-dan çox kənd və qəsəbəyə su avtomobillərlə daşınaraq təmin edilir".

Onun sözlərinə görə, hazırda Şirvan-Muğan su kəmərindən Neftçala şəhərinə su kəmərinin tikintisi davam etdirilir. Magistral kəmərin 20 kilometrdən çox hissəsi artıq tikilib.

"Noyabr ayına qədər su kəmərinin tikintinin başa çatdırılmaıs planlaşdırılır. Və sonra həmin kəmərdən Neftçalaya və ətraf kəndlərə su veriləcək" - deyə Cəbrayıllı bildirib.

Noyabr ayına qədər isə su neftçalalılara ancaq avtomobillərlə veriləcək.

Millət vəkili Sabir Rüstəmxanlı Sputnik Azərbaycan-a açıqlamasında bildirib ki, Neftçalada su problemi ilə bağlı dəfələrlə mətbuata məlumat verilib, Milli Məclisdə məsələ qaldırılıb, ölkə başçısına məktub ünvanlanıb: "Ölkədə su qıtlığı ilə bağlı müşavirə keçirildi. Və orada Neftçala məsələsi də müzakirə edildi. Ölkə başçısının tapşırığı ilə, əlavə su daşyan avtomobillər ayrıldı, Neftçalaya ayrıca su kəmərinin çəkilməsi müzakirə edildi. Bu məsələnin həlli üçün hələ keçən ilin dekabr ayından vəsait ayrılıb. Bu işlə Azərsu ASC məşğuldur. Ancaq təəssüf olsun ki, bu il aparılan müzakirələrə, çalınan həyəcan təbilinə, və s. baxmayaraq yayın qızmar günlərində Neftçalaya su kəmərinin çəkilişi başa çatdırılmadı".

S. Rüstəmxanlı qeyd edib ki, su kəmərinin çəkilişinin başa çatdırılmamasının müxtəlif səbəbləri var. Maliyyənin müəyyən hissəsinin gecikdirilməsi, layihələrə vaxtında başlanılmaması gecikməyə səbəb olub.

"İndi deyirlər ki, noyabr ayında Neftçalaya su çəkilişi başa çata bilər. Bu kəmər Neftçala şəhərinin və bəzi kəndlərinin içməli su problemini həll edə bilər. Amma əkin sahələrinin, heyvandarlığın su ilə təmin edilməsi tamam ayrı bir məslədir. Müşahidələrimə görə, əgər bu sahədə bir dönüş olmasa Kür çayından istifadədə bir qayda-qanun, ciddi nəzarət mexanizmi yaradılmasa, gələn il eyni faciə təkrar oluna bilər" - deyən millət vəkili qeyd eidb ki, bu məsələdə bir sıra qüsurlar var və öz həllini tapmalıdır.

Kürün dənizə tökülməsi, deltasının yanlış dəyişdirilməsi, orada gedən işlər, qazıntı-dərinləşdirmə prosesləri, Kür boyu olan saysız-hesabsız balıqçılıq təsərrüfatları, suvarma sistemi, (kimin gücü varsa daha çox su götürür, yerdə qalan təsərrüfatların susuz qalması) bunlar ciddi müzakirə olunmalı, nizmalanmalıdır.

S. Rüstəmxanlı hesab edir ki, artıq yağışlar başlayıb. Kürün suyu artacaq və şor su dənizə doğru qovulacaq. Heyvanların su ilə təmin edilmsi həll ediləcək.

"Suvarma azaldığına görə Kür suyu qaydasına düşəcək. Amma vəziyyət gələn il yenidən təkrar edilə bilər. Bu səbəbdən də gələn il ə qədər bu iş həll olunmalıdır" - deyə o bildirib.

S. Rüstəmxanlı hesab edir ki, kəmərin çəkilməsi noyabrın sonuna kimi başa çatmayacaq.

Çünki işin tempi sürəti onu göstərir ki, nikbin olmağa əsas yoxdur. Su kəməri gecikəcək: "Bununla yanaşı su kəməri Neftçalaya gəlib çatandan sonra onun paylaşma problemi də var. Neftçalada olan su paylayıcı kəmərin vəziyyəti gözdən keçirilməlidir. Orada yeni sistemlər qurulmalıdır. Bu da vaxt aparır. Bu işlər görülməsə, su Neftçalaya çatsa belə, paylanmasında problemlər olacaq".

1077
Bakıda maska taxmış şəxs

DİN koronavirusla bağlı əhaliyə müraciət etdi

0
"Bu təhlükəli infeksiyanın mövcudluğunu bir an belə unutmamalı, özümüzü, doğmalarımızı və ətrafımızdakı insanları qorumalıyıq".

BAKI, 27 oktyabr — Sputnik. Daxili İşlər Nazirliyi (DİN) koronavirus pandemtyası ilə bağlı əhaliyə müraciət edib.

Sputnik Azərbaycan həmin müraciəti təqdim edir:

"Koronavirusla mübarizəmiz davam edir. Bu təhlükəli infeksiyanın mövcudluğunu bir an belə unutmamalı, özümüzü, doğmalarımızı və ətrafımızdakı insanları qorumalıyıq. Biz qorxunc virusa birlikdə, karantin qaydalarına riayət etməklə qalib gələ bilərik".

0
Bakıda yağışlı hava

Sabah yağışlı dumanlı hava gözlənilir

3
Oktyabrın 28-də Azərbaycanın rayonlarında havanın əsasən yağmursuz keçəcəyi, lakin gecə və səhər bəzi yerlərdə yağış yağacağı, duman olacağı gözlənilir

BAKI, 27 oktyabr — Sputnik. Oktyabrın 28-də gözlənilən hava şəraiti ilə bağlı proqnoz açıqlanıb. Azərbaycan Ekologiya və Təbii Sərvətlər Nazirliyinin Milli Hidrometeorologiya Xidmətinin Sputnik Azərbaycan-a verdiyi məlumata görə, oktyabrın 28-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, gecə və səhər bəzi yerlərdə duman olacağı gözlənilir.

Mülayim cənub-şərq küləyi əsəcək. Havanın temperaturu Abşeron yarımadasında gecə 12-15, gündüz 19-21, Bakıda gecə 13-15, gündüz 19-21 dərəcə isti olacaq. Atmosfer təzyiqi normadan yüksək 770 mm civə sütunu, nisbi rütubət gecə 70-80, gündüz 45-50 faiz təşkil edəcək.

Oktyabrın 28-də Azərbaycanın rayonlarında havanın əsasən yağmursuz keçəcəyi, lakin gecə və səhər bəzi yerlərdə yağış yağacağı, duman olacağı gözlənilir. Mülayim şərq küləyi əsəcək.

Havanın temperaturu gecə 9-14, gündüz 19-24, dağlarda gecə 5-9, gündüz 11-16 dərəcə isti olacaq.

Tibbi-meteoroloji proqnoza gəlincə, oktyabrın 28-də Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün nisbətən əlverişlidir.

3
(2:07 / 16.42Mb / просмотров видео: 1)

Bir ay cəbhədə: Bakılılar əsgərlərimizə arzulamaq istədilər video

0
Artıq düz bir aydır ki, əsgərlərimiz ön cəbhədə əks-hücum əməliyyatlarını davam edir, torpaqlarımızı qarış-qarış qan-tərlə azad edirlər. Bakılıların cəbhədə vuruşan əsgərlərimizə nə arzu etmək istədiklərini videomuzda izləyin.

Artıq bir aydır ki, Azərbaycanın Ermənistan tərəfindən işğal edilmiş ərazilərində qızğın döyüşlər gedir. Əsgərlərimizin bizə yaşatdığı hər qələbə bizi sevindirir. Hal-hazırda bütün Azərbaycan xalqının duaları onların yanındadır.

Sputnik Azərbaycan bakılılara əsgərlərimizə öz ürək-dirək sözlərini çatdırmaq imkanı yaratmaq istəyib. Daha ətraflı – videomuzda izləyin.

Qeyd edək ki, 10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

0
Mövzu:
Azərbaycan və Ermənistan arasında müharibə