Arxeoloji qazıntılar, arxiv şəkli

Qoruqlarımıza əl gəzdirəcəklər, Basqalda arxeoloji park açılacaq

9
(Yenilənib 12:41 18.08.2020)
"Xınalıqda tarixi evlərin bərpası nəzərdə tutulur. Xınalıq özü o evlərdən ibrət kompleks kimi qeydiyyatdadır. Bu kompleksin tamlığını saxlamaq üçün həmin evlərin layihələndirilməsi yekunlaşıb. Yaxın vaxtlarda bərpa işlərinə başlanacaq”

Zülfiyyə Quluyeva, Sputnik Azərbaycan

BAKI, 18 avqust — Sputnik. Azərbaycanda bir sıra qoruq ərazilərində turizm infrastrukturunun inkişafı üçün işlərə başlanılıb. Sputnik Azərbaycan-ın məlumatına görə, bu barədə Dövlət Turizm Agentliyinin Qoruqları İdarəetmə Mərkəzinin İdarə Heyətinin sədri Azadə Hüseynova məlumat verib.

O bildirib ki, hal-hazırda müxtəlif qoruqlarda iş aparılır: "Prezidentin 2018-ci ildə Basqalla bağlı imzaladığı sərəncama əsasən, Basqalın turizm infrastrukturunun inkişafı üçün işlərə başlanılıb. Burada mədəni irsin qorunması şərtilə bərpa işləri aparılır. Qaz xətləri yerin altına salınır, elektrik xətləri yenilənir. Daş yollar, tarixi evlərin damları bərpa edilir. Basqalın turizm konsepisiyasına uyğun olaraq tarixi meydanında sənətkarlara məxsus 7 dükan və invertar nömrəsi olan tarixi hamam da bərpa olunur. Basqalın mədəni irsinin araşdırılması üçün arxeoloji işlər aparılıb. Bu zaman orada qədim dövrə aid məscidin qalıqları tapılıb. Həmin ərazidə gələcəkdə arxeoloji parkın açılması nəzərdə tutulur”.

Azadə Hüseynovanın sözlərinə görə, Xınalıq qoruğu YUNESCO-nun mədəni irsinin ilkin siyahısına salınıb: "UNESCO-nun siyahısına salınması üçün böyük potensialı var. Xınalıqda tarixi evlərin bərpası nəzərdə tutulur. Xınalıq özü o evlərdən ibarət kompleks kimi qeydiyyatdadır. Bu kompleksin tamlığını saxlamaq üçün həmin evlərin layihələndirilməsi yekunlaşıb. Yaxın vaxtarda bərpa işlərinə başlanacaq”.

Mərkəzin İdarə Heyətinin sədri  onu da bildirib ki, Şəki Yuxarıbaş qoruğunda tarixi abidələrin layihələndirilməsi işlərinə də başlanılıb.

9
Mövzu:
Azərbaycanın görməli yerləri, turizm obyektləri (55)
Əlaqədar
İH başçısı şimal regionunda turizmin inkişafına yönəlik layihənin detallarını açıqladı
Tovuzluların "Big Ben"i, Bağırovun inanılmaz reaksiyası və ekoloji bəhanə - FOTO
Prezidentin sərəncamı sərvətlərimizi üzə çıxardı
Vətənimin seyrinə çağırıram elləri - Onun sayəsində dünya ölkəmizin gözəlliklərini tanıyır
Odlar diyarının simvolu olan məkanın ərazisi kiçildildi: evi olanlar dincəldilər
Bakıda maska taxmış şəxs

DİN koronavirusla bağlı əhaliyə müraciət etdi

0
"Bu təhlükəli infeksiyanın mövcudluğunu bir an belə unutmamalı, özümüzü, doğmalarımızı və ətrafımızdakı insanları qorumalıyıq".

BAKI, 27 oktyabr — Sputnik. Daxili İşlər Nazirliyi (DİN) koronavirus pandemtyası ilə bağlı əhaliyə müraciət edib.

Sputnik Azərbaycan həmin müraciəti təqdim edir:

"Koronavirusla mübarizəmiz davam edir. Bu təhlükəli infeksiyanın mövcudluğunu bir an belə unutmamalı, özümüzü, doğmalarımızı və ətrafımızdakı insanları qorumalıyıq. Biz qorxunc virusa birlikdə, karantin qaydalarına riayət etməklə qalib gələ bilərik".

0
Bakıda yağışlı hava

Sabah yağışlı dumanlı hava gözlənilir

3
Oktyabrın 28-də Azərbaycanın rayonlarında havanın əsasən yağmursuz keçəcəyi, lakin gecə və səhər bəzi yerlərdə yağış yağacağı, duman olacağı gözlənilir

BAKI, 27 oktyabr — Sputnik. Oktyabrın 28-də gözlənilən hava şəraiti ilə bağlı proqnoz açıqlanıb. Azərbaycan Ekologiya və Təbii Sərvətlər Nazirliyinin Milli Hidrometeorologiya Xidmətinin Sputnik Azərbaycan-a verdiyi məlumata görə, oktyabrın 28-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, gecə və səhər bəzi yerlərdə duman olacağı gözlənilir.

Mülayim cənub-şərq küləyi əsəcək. Havanın temperaturu Abşeron yarımadasında gecə 12-15, gündüz 19-21, Bakıda gecə 13-15, gündüz 19-21 dərəcə isti olacaq. Atmosfer təzyiqi normadan yüksək 770 mm civə sütunu, nisbi rütubət gecə 70-80, gündüz 45-50 faiz təşkil edəcək.

Oktyabrın 28-də Azərbaycanın rayonlarında havanın əsasən yağmursuz keçəcəyi, lakin gecə və səhər bəzi yerlərdə yağış yağacağı, duman olacağı gözlənilir. Mülayim şərq küləyi əsəcək.

Havanın temperaturu gecə 9-14, gündüz 19-24, dağlarda gecə 5-9, gündüz 11-16 dərəcə isti olacaq.

Tibbi-meteoroloji proqnoza gəlincə, oktyabrın 28-də Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün nisbətən əlverişlidir.

3
(2:07 / 16.42Mb / просмотров видео: 1)

Bir ay cəbhədə: Bakılılar əsgərlərimizə arzulamaq istədilər video

0
Artıq düz bir aydır ki, əsgərlərimiz ön cəbhədə əks-hücum əməliyyatlarını davam edir, torpaqlarımızı qarış-qarış qan-tərlə azad edirlər. Bakılıların cəbhədə vuruşan əsgərlərimizə nə arzu etmək istədiklərini videomuzda izləyin.

Artıq bir aydır ki, Azərbaycanın Ermənistan tərəfindən işğal edilmiş ərazilərində qızğın döyüşlər gedir. Əsgərlərimizin bizə yaşatdığı hər qələbə bizi sevindirir. Hal-hazırda bütün Azərbaycan xalqının duaları onların yanındadır.

Sputnik Azərbaycan bakılılara əsgərlərimizə öz ürək-dirək sözlərini çatdırmaq imkanı yaratmaq istəyib. Daha ətraflı – videomuzda izləyin.

Qeyd edək ki, 10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

0
Mövzu:
Azərbaycan və Ermənistan arasında müharibə