Polis

Bakı sakini Cəlilabadda silahla saxlanıldı

13
Keçirilən şəxsi axtarış zamanı O.Hacızadənin əlindəki çantadan "Parabellum" markalı tapança, həmin silaha aid 1 ədəd sandıqça və 9 ədəd patron aşkar olunaraq götürülüb.

BAKI, 17 avqust — Sputnik. Cəlilabad Rayon Polis Şöbəsinin əməkdaşları tərəfindən əllərdə qanunsuz saxlanılan odlu silah-sursatın aşkar edilməsi istiqamətində növbəti uğurlu əməliyyat tədbiri həyata keçirilib.

Sputnik Azərbaycan Daxili İşlər Nazirliyinin Mətbuat Xidmətinin Lənkəran regional qrupundan verilən məlumata istinadla xəbər verir ki, Cəlilabad RPŞ-nin əməkdaşları tərəfindən daxil olmuş məlumat əsasında keçirilən əməliyyat tədbiri nəticəsində üzərində qanunsuz olaraq odlu silah gəzdirməkdə şübhəli bilinən Bakı şəhər sakini Orxan Hacızadə Bakı-Ələt-Astara avtomobil yolunun Cəlilabad rayonu ərazisindən keçən hissəsində saxlanılıb. Keçirilən şəxsi axtarış zamanı O.Hacızadənin əlindəki çantadan "Parabellum" markalı tapança, həmin silaha aid 1 ədəd sandıqça və 9 ədəd patron aşkar olunaraq götürülüb.

Faktla bağlı Cəlilabad RPŞ-də araşdırma aparılır.

13
Tikinti işləri, arxiv şəkli

Tikintidə istifadə olunan kranlarla bağlı ekspertiza aparılmalıdır - FHN

14
(Yenilənib 11:04 19.09.2020)
Yükqaldırıcı kranın kimə məxsus olmasından asılı olmayaraq texniki nəzarətin təşkili və onun icrasına nəzarət tikinti şirkəti tərəfindən əmrlə təyin olunmuş cavabdeh şəxslər tərəfindən həyata keçirilməlidir.

Zülfiyyə Quluyeva,Sputnik Azərbaycan

BAKI, 19 sentyabr — Sputnik. Hündürmərtəbəli yaşayış binasının inşasında istismar olunan yükqaldırıcı kranların təhlükəsiz istismarını təmin etmək birbaşa tikinti işləri aparan şirkətin vəzifələrinə aiddir. Bu barədə Sputnik Azərbaycan-ın sorğusuna Fövqəladə Hallar Nazirliyindən verilən məlumatda bildirilib:

"Hündürmərtəbəli yaşayış binasının tikintisində istismar olunacaq yükqaldırıcı kran bu sahə üzrə ixtisaslaşmış və lisenziyası olan müəssisə tərəfindən quraşdırılmalı, sonra tam texniki sınaq aparılaraq quraşdırma aktı ilə birlikdə sifarişçiyə təhvil verilməlidir. Kranın təhlükəsiz istismarını təmin etmək məqsədilə tikinti şirkəti tərəfindən kranın texniki sazlığına və təhlükəsiz istismarına mühəndis texniki işçilərdən cavabdeh şəxslər təyin edilməli və ya tikinti şirkəti ilə kranlara servis xidməti göstərmək üçün ixtisaslaşmış texniki bazaya və lisenziyaya malik üçünçu bir tərəflə müqavilə bağlanmalıdır. İstismarda olan qülləli kran texniki təhlükəsizlik sertifikatı ilə təmin edilməlidir.

Yükqaldırıcı kranın kimə məxsus olmasından asılı olmayaraq texniki nəzarətin təşkili və onun icrasına nəzarət tikinti şirkəti tərəfindən əmrlə təyin olunmuş cavabdeh şəxslər tərəfindən həyata keçirilməli, tikinti meydançasında yüklərin yerlərinin dəyişdirilməsi zamanı təhlükəsizliyin təmin edilməsi üçün tikinti şirkəti tərəfindən iş icra layihəsi tərtib olunmalıdır. Qeyd edək ki, kranın texniki təhlükəsizlik sertifikatının alınması üçün ekspert rəyi vermək səlahiyyəti olan lisenziyalı təşkilat tərəfindən ekspertiza işləri aparılmalı və texniki təhlükəsizlik sertifikatı alınması üçün FHN-in Sənayedə İşlərin Təhlükəsiz Görülməsi və Dağ-mədən Nəzarəti Dövlət Agentliyinə təqdim olunmalıdır".

14
Политолог Арзу Нагиев

Millət vəkili: “Azərbaycanda korrupsiyaya qarşı mübarizə davam etməkdədir”

1
(Yenilənib 10:18 19.09.2020)
Milli Məclisin deputatı, Korrupsiyaya qarşı mübarizə üzrə Komissiyasının üzvü Arzu Nağıyev deyir ki, komissiyanın ilk iclasında korrupsiya ilə mübarizə çərçivəsində beynəlxalq təşkilatlarda təmsilçilik məsələsi müzakirə edilib
Arzu Nağıyev: “İlk iclasın məqsədi sədrin seçilməsi idi”

Sentyabrın 15-də Azərbaycan Respublikasının Korrupsiyaya qarşı mübarizə üzrə Komissiyasının yeni tərkibdə ilk iclası videoformatda keçirilib. İclasda Azərbaycan Respublikası Prezidentinin Administrasiyasının rəhbəri Samir Nuriyev Komissiyanın sədri seçilib.

Milli Məclisin deputatı, Korrupsiyaya qarşı mübarizə üzrə Komissiyasının üzvü Arzu Nağıyev Sputnik Azərbaycan-a deyir ki, komissiyanın sentyabrın 15-də keçirilən ilk iclasının məqsədi sədrin seçilməsi idi:

“İclas ərzində komissiya üzvləri öz istiqamətlərinə uyğun olaraq çıxışlar etdilər. Eyni zamanda korrupsiya ilə mübarizə çərçivəsində beynəlxalq təşkilatlarda təmsilçilik məsələsi müzakirə edildi. Prezident İlham Əliyevin apardığı islahatlar və korrupsiya ilə mübarizə məsələləri iclasda öz əksini tapdı. Bu gün də Azərbaycanda korrupsiyaya qarşı mübarizə davam etməkdədir”.

Arzu Nağıyevin geniş şərhinə audiofaylda qulaq asa bilərsiniz 

1
Restoran, arxiv şəkli

Bu yerlərdə karantin şərtləri kobud şəkildə pozuldu

0
(Yenilənib 12:14 19.09.2020)
Nöqsanlara yol vermiş sahibkarlıq subyektləri barədə İnzibati Xətalar Məcəlləsinə uyğun olaraq tədbirlər görülüb.

BAKI, 19 sentyabr — Sputnik. İqtisadiyyat Nazirliyi sahibkarlıq subyektlərində pandemiya dövrünün zəruri qayda və tələblərinə əməl olunmasına nəzarət məqsədilə monitorinqləri davam etdirir. Bu barədə Sputnik Azərbaycan-a nazirlikdən məlumat daxil olub.

Məlumatda həmçinin deyilir ki, son monitorinq zamanı Bakının Binəqədi rayonunda "Bəyaz gecələr kafesi"ndə, "Lider RA" MMC-yə məxsus "Selofan paket istehsalı obyekti"ndə, Rövşən Rzayevə, Miriş Miriyevə məxsus mağazalarda, Xəzər rayonunda "Qastronom market"də, "Həsən şirniyyat evi"ndə, "Qlobus dəftərxana", "Atlas hovuz inşaat" mağazalarında, Sabunçu rayonunda "İstanbul lahmacun"da, İradə Bədəlovaya məxsus şirniyyat mağazasında, Suraxanı rayonunda "Günəşli kafe"də, Rəhman Qurbanova məxsus kafedə, Yasamal rayonunda "Şah market"də, "Buzov dönər"də, "Nanə restoran"da epidemiya əleyhinə rejimin, sanitariya-gigiyena tələblərinin pozulduğu müəyyən edilib.

Bundan başqa, paytaxtın Qaradağ rayonunda "Qardaşlar kafe"də, Eldar Heydərova, Gülsüm Nəbiyevaya məxsus ərzaq mağazalarında, Nərimanov rayonunda "Yaz geyim", "Armada elektrik" mağazalarında, "Gilyançay", "Pivbar", "Şah ət" iaşə obyektlərində, Nizami rayonunda "Rahat market"də, "Sirab market"də, "İstanbul lahmacun restoran"da, Xətai rayonunda Südabə Zamanovaya, Toğrul Səlimzadəyə, İlyas Quliyevə, Mahir Abbaslıya məxsus pərakəndə ticarət obyektlərində, Səbail rayonunda "Firuzə qızıl mağazası"nda, "Hit woman" mağazasında, "Sunset kafe"də, "Palma kafe"də, "Coffee station" iaşə obyektində, "Meh kafe"də, "Dəli Kür kafesi"ndə, "Uğur kafesi"ndə, "Dəniz restoranı"nda, Nəsimi rayonunda "Kafe Praqa"da, "Saraclı kafe"də, Sumqayıt şəhərində "Zirvə restoranı"nda, "Gəmiqaya restoranı"nda, "Tamet istehsalı sexi"ndə, Abşeron rayonunda "Babək kafesi"ndə, "A klub restoranı"nda, ümumilikdə, 128 obyektdə epidemiya əleyhinə rejimin, sanitariya-gigiyena tələblərinin pozulduğu üzə çıxıb.

Nöqsanlara yol vermiş sahibkarlıq subyektləri barədə İnzibati Xətalar Məcəlləsinə uyğun olaraq tədbirlər görülüb.

0