Açar ustası Abdulla Bayramov

Hətta cinayətkarların həsəd apardığı sənətkar - Onun milyonçu olmasına halallığı mane olur

9397
(Yenilənib 08:25 16.08.2020)
Abdulla usta ilə söhbət zamanı məlum oldu ki, iş təcrübəsi ərzində ona həqiqi müştərilərlə yanaşı başqa məqsədlə də sifariş vermək istəyənlər olub.

İlham Mustafayev, Sputnik Azərbaycan

BAKI, 16 avqust — Sputnik. Xüsusi peşələr var ki, onlarla məşğul olanlar polis tərəfindən nəzarətdə olurlar. Bu peşənin sahblərinə hətta cinayətkarlar da həsədlə baxırlar. Hər iki qütbün daim diqqət mərkəzində olan bu insanlar qarşıları heç bir bağlı qapı ilə kəsilməyən açar ustalarıdı. Onların ideal oğrulara xas qabliyyətləri çox olsa da müsahibim olan Abdulla Bayramov bcarığını yalnız xeyir işlərə sərf edir. Qazax şəhərində yaşayan açar ustası 30 ilə yaxındır açarların bərpası, bağlı qapıların açılması, zədələnmiş kilidlərin təmiri ilə məşğul olur. Təsadüf nəticəsində bu sahəyə gələn A. Bayramov öz təxəyyülü sayəsində öyrəndiyi sahədə respublikanın ən tanınmış sənətkarlarndan birinə çevrilib. Sənəti ilə yanaşı qazandığı etibar isə bir çox açarsız qapıları da üzünə açıb. Bu səbəbdən Tovuz, Qazax, Ağstafa rayonlarında yerləşən bütün banklarda zədələnmiş kilidləri, bağlı qalmış seyflərin açılması yalnız ona etibar edilir. Bu sənətin uzun ömürlülüyünün gözütoxluqda olduğunu deyən açar ustası uzun illər sınağa çəkildikdən sonra etibar qazandığını söyləyir:

© Sputnik / Ilham Mustafa
Açar ustası Abdulla Bayramov

“Hələ o dövrlərdə kameralar yox idi. Açıq seyflərlə dolu olan otaqda təkbaşına buraxırdılar.  Seyflərin içində pul saxlayırdılar ki, görək götürəcəkmi. Fərqli tərəflərdən bərkə- boşa salandan sonra qənaətə gəldilər ki, etibar etmək olar. Bu səbəbdən bölgədə olan bütün banklar ancaq mənlə əməkdaşlıq edirlər” – deyr açar ustası.

Abdulla usta ilə söhbət zamanı məlum oldu ki, iş təcrübəsi ərzində ona həqiqi müştərilərlə yanaşı başqa məqsədlə də sifariş vermək istəyənlər olub. Lakin o heç vaxt rəsmi çəkilmiş, plastilin üzərinə hopdurulmuş açarları təmir etməyib. Hətta dəfələrlə artıq pul təklif edilsə belə bu işləri görməyib. Bağlı qalan evlərin, avtomobillərin qapılarının açılmasında isə sahibinin iştirakı olmadan etmədiyini danışan A.Bayramov bu işdən heç vaxt yorulmadığını deyir:

  • Açar ustası Abdulla Bayramov
    © Sputnik / Ilham Mustafa
  • Açar ustası Abdulla Bayramov
    © Sputnik / Ilham Mustafa
  • Açar ustası Abdulla Bayramovun alətləri
    © Sputnik / Ilham Mustafa
  • Açar ustası Abdulla Bayramov
    © Sputnik / Ilham Mustafa
1 / 4
© Sputnik / Ilham Mustafa
Açar ustası Abdulla Bayramov

“Bütün açarlar eyni olsa bəlkə bezərdim. Amma müxtəlif açarlar, fərqli kilidlər gəlir. Bir də görüsən təmir üçün 30 illik təcrübəmdə rast gəlmədiyim kilid gətirirlər. Onların heç birini geri qaytarmıram. İnternetdən axtarış verib başqalarının təcrübəsindən yararlanıram. Bu günə kimi heç bir kilidi aşılmamış buraxmamşam”- deyə açar ustası işi haqda məlumat verir.

71 yaşı olmasına baxmayaraq A.Bayramov bu gün də gənclik həvəsilə çalışır. O, hər bir bağlı qalmış evin, yaxud avtomobilin qapısını açmağından xüsusi zövq alır. Çox vaxt sevindirdiyi insanların sevincindən pay almağı pul almaqdan daha üstün tutduğunu söyləyir.

9397
Teqlər:
Tovuz, açar, Ağstafa, Qazax, usta
Koronavirusa yoluxanan xəstələrin müalicə aldığı hospital, arxiv şəkli

COVID-19-la bağlı dəhşətli proqnoz: iki milyon insan ölə bilər

13
(Yenilənib 23:42 25.09.2020)
Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

BAKI, 25 sentyabr — Sputnik. Ümumdünya Səhiyyə Təşkilatı (ÜST) effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyini istisna etməyib.

Sputnik Azərbaycan RİA Novosti-yə istinadən bildirir ki, bu barədə ÜST-ün səhiyyə sahəsində fövqəladə hallar üzrə proqramının direktoru Maykl Rayan mətbuat konfransında deyib.  

“Sözsüz ki, bunu təsəvvür etmək çətindir, ancaq bu, mümkün ola bilər. Çünki biz 9 ay ərzində bir milyon insan itirmişik. Yaxın 9 ay ərzində vaksinin peyda olacağına da ayıq başla yanaşırıq”, - Rayan effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyi ehtimalı ilə bağlı suala cavab verərkən söyləyib.

Onun sözlərinə görə, hazırda problemlər var, xüsusən bunlar peyvəndin maliyyələşdirilməsi, istehsalı və qiymətləndirilməsi ilə bağlıdır.

Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

13
Teqlər:
vaksin, peyvənd, ölüm, ÜST, dünya, Koronavirus, epidemiya, COVID-19
Mövzu:
Dünyanı cənginə almış bəla
Əlaqədar
Şagirdlər koronavirusa harada yoluxublar? Nazirlikdən cavab
Türkiyədə dəhşət saçan ağcaqanadlar Azərbaycana gələ bilər, amma virus gətirməyəcək
Moskva meri distant iş rejiminə keçməyə çağırıb: Soyuqlar yaxınlaşır, xəstəlik artacaq
Rus virusoloq amerikalı həmkarını təkzib etdi: Denge ilə SARS-CoV-2 qohum deyillər
Təəccüblü kəşf: bu xəstəliyə yoluxmaq koronavirusa qarşı immunitet yaradır
Bakıda restoranların fəaliyyəti

Cərimələr effekt verir - Agentlik rəsmisi belə deyir

5
(Yenilənib 21:48 25.09.2020)
"Çünki cərimə tətbiq edilən obyektlərdə təkrar yoxlamalar zamanı uyğunsuzluq hallarının pozulmasında azalmalar var" - AQTA rəsmisi

Nigar İsgəndərova, Sputnik Azərbaycan

BAKI, 25 sentyabr — Sputnik. "Böyük Britaniyada pandemiya dövründə inzibati cərimələrin tətbiq olunmasından öncə və tətbiqindən sonrakı rəqəmlər ölkədə yoluxma sayının 40-60 faizədək azalmasını aşkara çıxardı. Bizdə xəbərdarlıq, maarifləndirmə olduğu halda eyni obyektdə təkrar nöqsanlar aşkarlanır. Lakin cərimə tətbiqindən sonra sahibkarlıq obyektində təkrar uyğunsuzluq hallarına rast gəlinmir".

Sputnik Azərbaycan-ın xəbərinə görə, pandemiya şəraitində mehmanxanalarda, eləcə də kafe və restoranlarda xidmətin təşkili ilə bağlı həyata keçirilən nəzarət tədbirləri haqda Azərbaycan Qida Təhlükəsziliyi Agentliyinin sədr müşaviri Elxan Mikayılov danışıb.

O bildirib ki, cərimələrin tətbiqi həmin sahibkarlıq subyektlərini daha məsuliyyətli çalışmağa vadar edir: "Çünki cərimə tətbiq edilən obyektlərdə təkrar yoxlamalar zamanı uyğunsuzluq hallarının pozulmasında azalmalar var".

"Biz KİV-dən istifadə etməklə çox geniş təbliğat işləri görürük. Bu posterləri bütün sahibkarlıq subyektlərinə elektron şəkildə göndəririk. Biz iki həftə ərzində mehmanxanalarda apardığımız monitorinqlərdə yalnız maarifləndirmə işləri gördük. Növbəti mərhələdə isə nəzarətə başladıq və tələblərə əməl etməyənlər cərimələndilər", - E.Mikayılov əlavə edib.

O bildirib ki, daha çox aşkarlanan faktlar sırasında insanların bir masa ətrafında daha çox cəmlənməsi, işçilərin maskalardan düzgün istifadə etməməsi, müştərilərin maskasız hərəkəti yer alır: "Biz ehtiyat maskalarının verilməməsi halları ilə də rastlaşırıq. Bundan başqa, bəzi ictimai-iaşə mərkəzlərində dezinfeksiya ilə bağlı problemlərlə qarşılaşırıq".

5
Teqlər:
qaydalar, Koronavirus, epidemiya, COVID-19, karantin, maska, sahibkarlıq subyektləri, cərimələr, AQTA
Əlaqədar
Toyla yasın fərqi "olar-olmaz" məsələsində gündəmə gəldi
Toyuq əti ilə bağlı şok məlumat - Ayaqqabı boyası ilə boyanırmış
Ekspert: “Dönərxanalar mənşəyi bilinməyən ətlərdən istifadə edir”
Otellərin mətbəx, restoran və barlarında hansı qaydalara əməl edilməlidir?
Ölkəmizə milyonlar gətirəcək məhsulun xaricə ixracını əngəlləyən qurumun adı açıqlandı