Tovuz sement istehsalı müəssisəsi

Tovuzluların "Big Ben"i, Bağırovun inanılmaz reaksiyası ekoloji bəhanə - FOTO

847
(Yenilənib 21:59 16.08.2020)
Burada 7 rəngdə sement istehsal olunub. Dünyanın 40-dan artıq ölkəsinə hazır məhsul göndərilib. Moskva metrosunun, Lenin mavzoleyinin, Leninqradın dekorativ işlərinin, İraqda, Misirdə su bəndlərinin tikintisində istifadə olunan ən yüksək markalı sement Tovuzdan gedib

İlham Mustafayev, Sputnik Azərbaycan

BAKI, 16 avqust — Sputnik. Bir vaxtlar SSRİ-nin ən böyük sement zavodlarından olan Tovuz sement istehsalı müəssisəsi rayon ərazisində 70 il fəaliyyət göstərib. 1912-ci ildə Bakı neftxudası Mantaşovun təşəbbüsü ilə tikilən zavodda işlədiyi bütün dövrlərdə yüksək keyfiyyətli sementi istehsal olunub.

Rayonun bir çox sahələrinin inkişafında, əhalinin maariflənməsi və avropa yönlü inkişafında sement zavodunun böyük xidməti olub. Belə ki, bir çox ölkələrdən buraya insanlar iş üçün gəlib, yerli əhali ilə birlikdə çalışaraq qaynayıb-qarışıblar. Ötən əsrin 80-ci illərindən sonra işini dayandıran zavod hazırda yararsız vəziyyətə düşsə də 40 metrdən artıq hündürlüyü olan möhtəşəm qülləsi hələ qalmaqdadır. Bu gün tikili rayon sakinlərinin, eləcə də qonaqların və turistlərin maraqla seyr etdiyi məkanlardan birinə çevrilib.

© Sputnik / Ilham Mustafa
Tovuz sement istehsalı müəssisəsi

Sputnik Azərbaycan-ın bölgə müxbirilə söhbətində araşdırmaçı Bəhruzər Rüstəmov burada yerli əhali ilə yanaşı, alman, rus, ukrayna və digər millətlərin nümayəndələrinin də çalışdığını, SSRİ-nin xarici ölkələrdə gördüyü tikinti işlərində məhz Tovuz sementindən istifadə olunduğunu danışıb.

“Burada 7 rəngdə sement istehsal olunub. Dünyanın 40-dan artıq ölkəsinə hazır məhsul göndərilib. Moskva metrosunun, Lenin mavzoleyinin, Leninqradın (Sankt-Peterburq) dekorativ işlərinin, İraqda, Misirdə su bəndlərinin tikintisində istifadə olunan ən yüksək markalı sement Tovuzdan gedib”, - deyə B.Rüstəmov məlumat verib.

© Sputnik / Ilham Mustafa
Araşdırmaçı Bəhruzər Rüstəmov

Araşdırmaçı rayonda ilk elektrik enerjisinin burada istifadə edildiyini, sonradan bir çox dövlət idarələrinə də işıq verildiyini bildirib. Eyni zamanda 6 kilometr məsafədən kəhriz gətirilib. Zavodun SSRİ dövründə fəaliyyəti müddətində bir çox respublikadan buraya mütəxəssis və işçilər gələrək işləyiblər. Onların Tovuzda yaşaması üçün böyük qəsəbə də salınıb. Xalq arasında o ərazi hələ də “Semzavod” adlandırılır.

B.Rüstəmov zavodla bağlı rayonda bir çox xatirə dolaşdığını, buranın Tovuz sakinlərinin həyatında önəmli yer tutduğunu da bildirib:

“O vaxt zavodun bir çox işləri fit səsilə tənzimlənirdi. Hər növbə dəyişəndə, nahar fasiləsinə çıxılanda fit çalınaraq bəyan edilirdi. Tovuz sakinləri də işlərini hər gün eşitdikləri bu səslə qururdular. O işlə nahara çıxırdılar, qoyun-quzunu örüşdən qaytarırdılar, qonaq gedirdilər. Hamı işini onun üstə qururdu”.
  • Tovuz sement istehsalı müəssisəsi
    © Sputnik / Ilham Mustafa
  • Tovuz sement istehsalı müəssisəsi
    © Sputnik / Ilham Mustafa
  • Tovuz sement istehsalı müəssisəsi
    © Sputnik / Ilham Mustafa
  • Tovuz sement istehsalı müəssisəsi
    © Sputnik / Ilham Mustafa
  • Tovuz sement istehsalı müəssisəsi
    © Sputnik / Ilham Mustafa
1 / 5
© Sputnik / Ilham Mustafa
Tovuz sement istehsalı müəssisəsi

Araşdırmaçı zavodun çox ciddi nizam-intizamla çalışdığını, hətta o vaxt Azərbaycan Kommunist partiyasının birinci katibi olan Mircəfər Bağırovun buraxılışı olmadığına görə zavoda girə bilmədiyini də söyləyib.

“Çox ciddi nizam-intizam olub bu zavodda. Giriş-çıxışa yalnız xüsusi buraxılış sənədilə icazə verilib. Hətta Mircəfər Bağırov birinci katib olan vaxt zavodu yoxlamağa gəlib. Lakin buraxılışı olmadığına görə gözətçi onu zavoda buraxmayıb. Nə qədər desələr ki, ölkənin rəhbəridir, gözətçi xüsusi buraxılışı olmayan heç kimi buraxa bilməyəcəyini bildirib. Hər kəs sonradan gözətçinin cəzalandırılacağını gözləsə də, iclasda Bağırov məsuliyyətinə görə onun işini qiymətləndirib”, - deyə araşdırmaçı yaddaşlara həkk olan xatirəni bölüşüb.

© Sputnik / Ilham Mustafa
Tovuz sement istehsalı müəssisəsi

Tovuz sement zavodu ekoloji tarazlığı pozma bəhanəsilə 1982-ci ildə bağlanıb. Ondan sonra dağılma prosesi başlayan zavodun hazırda yalnız 40 metrədək hündürlüyü olan möhtəşəm qülləsi qalıb. Qüllə tarixi abidə kimi qeydiyyata alınıb və dövlət tərəfindən qorunur.

847
Mövzu:
Azərbaycanın görməli yerləri, turizm obyektləri (59)
Əlaqədar
Bir zaman Bakını o məşhur etmişdi, indi "borcu" qaytarmaq zamanıdır - FOTO
Daha möhkəm: Bərpadan sonra İçərişəhərin Qala qapıları necə görünür
Bakı simvolu Gədəbəydə: dağ ortasında əlçatmaz qala necə görünür – VİDEO
Bir vaxtlar zamanının ən müasir doğum evi – indi isə təmir üzünə həsrətdir
Qızılın qəlpini, insanların çirkini aparan məkanlar: yenidən "doğulmaq" vaxt alacaq
 Türkiyə Prezidenti Rəcəb Tayyib Ərdoğan, arxiv şəkli

Azərbaycanlı qardaşlarımızın sayəsində Qarabağ səmasını ay-ulduz bəzəyir - Ərdoğan

5
(Yenilənib 19:25 05.12.2020)
"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi"

BAKI, 5 dekabr - Sputnik. "Ermənilər Azərbaycan torpaqlarına hücum edəndə bütün qəlbimiz və imkanlarımızla qardaşlarımızın imdadına yetişdik. Qarslılar bu erməniləri çox yaxşı tanıyırlar. Ortaq tariximiz, mədəniyyətimiz, inancımız və dil birliyimizin tələb etdiklərini gerçəkləşdirərək Dağlıq Qarabağ və ətrafındakı işğal altında olan Azərbaycan torpaqlarının azadlığına qovuşmasında bir zəhmətimiz oldu. Azərbaycanlı qardaşlarımızın mücadiləsi nəticəsində, həmd olsun, Qarabağ səmalarını əskilər deyil, ay-ulduzlu bayraqlar bəzəyir".

Sputnik Azərbaycan bildirir ki, bunu Türkiyə Prezidenti Rəcəb Tayyib Ərdoğan videobağlantı ilə qatıldığı Sarıkamış-Karakurt-Xorasan yolunun açılış mərasimində söyləyib. 

"Azərbaycan bayrağı şəhidlərimizin qəhrəmanlıqlarının timsalı olaraq Dağlıq Qarabağda qürurla dalğalanır. İnşallah, Naxçıvan ilə Azərbaycan arasındakı əlaqəni təmin edəcək dəhlizin açılmasıyla qardaşlarımızla birbaşa quru yolu əlaqəsi quracağıq", - deyən Ərdoğan əlavə edib ki, bu işdən ən çox faydanı da Qars görəcək. 

30 illik işğaldan sonra Azərbaycanın öz torpaqlarına yenidən qovuşmasının haqlı sevincini yaşadığını vurğulayan Ərdoğan deyib ki, Qarabağda qazanılan zəfər həm beynəlxalq hüquq, həm diplomatiya, həm də hərbi baxımdan Azərbaycana anasının ağ südü kimi halaldır. 

"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi. Bunu da ermənilər kimi mülki əhalini, yaşayış məntəqələrini hədəf alaraq deyil, legitimlik çərçivəsində gerçəkləşdirdi. Bu durumda bir gün əvvəl Minsk qrupu həmsədrlərindən olan Fransanın parlamentinin müzakirə elədiyi qətnamə qalmaqaldan da betər bir faciədir", - deyə Türkiyə lideri bildirib. 

Azərbaycan Prezidenti İlham Əliyevin: "Fransa, əgər erməniləri bu qədər çox sevirsə, özünün Marsel şəhərini onlara verə bilər" sözlərini xatırladan Ərdoğan heç bir dövlətin digərinin suverenliyinə bu dərəcədə alçaqcasına hücum etməsinin qəbul edilməyəcəyini söyləyib. 

5
Teqlər:
Rəcəb Tayyip Ərdoğan, Qars, Türkiyə, Azərbaycan, Qarabağ
Qandal, arxiv şəkli

Gəncədə narkotik satan alan şəxslər saxlanılıblar

5
(Yenilənib 18:33 05.12.2020)
Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb

BAKI, 5 dekabr — Sputnik. Gəncə Şəhər Baş Polis İdarəsinin (ŞBPİ) Cinayət Axtarışı İdarəsinin əməkdaşlarının keçirdikləri əməliyyat tədbirləri nəticəsində külli miqdarda narkotik vasitə dövriyyədən çıxarılıb.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, Gəncə şəhər sakinləri - 31 yaşlı Tahir Əliyev və əvvəllər məhkum olunmuş, 27 yaşlı Orxan Sadıqov saxlanılaraq ŞBPİ-yə gətiriliblər. Onların üzərinə baxış keçirilən zaman O.Sadıqovun üzərindən ümumi çəkisi 1 qram, T. Əliyevin üzərindən isə 2 qram narkotik vasitə olan "marixuana" aşkar edilərək götürülüb.

Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb.

Aparılan araşdırmalar zamanı həmin şəxslərə narkotik vasitə satan şəxsin əvvəllər məhkum olunmuş, Gəncə şəhər sakini, 1985-ci il təvəllüdlü Ramil Əliyev olduğu müəyyən edilib. Onun yaşadığı fərdi yaşayış evində keçirilən əməliyyat-axtarış zamanı üzərindən 15 ədəd kağız bükümlərdə, ümumi çəkisi 15 qram, evin dam örtüyünün altından isə ayrı-ayrı sellofan torbalarda və şüşə bankalarda qablaşdırlımış, ümumi çəkisi 4 kiloqram 025 qram qurudulmuş "marixuana" aşkar edilərək götürülüb.

Faklarla bağlı araşdırmalar davam etdirilir.

5
Teqlər:
Gəncə, narkotik maddə, narkotacir, narkotik