Məktəbli formaları, arxiv şəkli

Məktəbliləri təmin edəcək əsas şirkət qərar gözləyir: üç ssenariləri var

441
(Yenilənib 16:17 10.08.2020)
Tədris prosesinin bərpası halında çatışmayan məktəb forması dəstlərinin tikilməsi üçün fabriklərin anbarlarında hazır məhsul və parça ehtiyatları var

BAKI, 10 avqust — Sputnik, Zarina Orucəliyeva. Tədris prosesinin bərpası halında tikiş fabrikləri şagirdləri oktyabr üçün yeni məktəb formaları ilə təmin etməyə hazırdır. Bu barədə Sputnik Azərbaycan-a "Bakı Tekstil Fabriki" MMC-nin rəhbəri Səkinə Babayeva məlumat verib.

Qeyd edək ki, yaxın bir ay ərzində Nazirlər Kabineti növbəti tədris ilinin başlanma müddəti, həmçinin tədris formatı haqqında qərar qəbul etməlidir. Bu qərarı yalnız valideynlər deyil, məktəbli formasının tikilməsi prosesinin hələ də başlamadığı tikiş fabrikləri də gözləyir.

Abşeron rayonunun və ölkənin bir sıra regionlarının məktəblilərini geyimlə təmin edən fabrikin rəhbəri Babayevanın sözlərinə görə, müəssisənin anbarında təxminən 30-35 min dəst hazır məktəbli forması var. Lakin bu, yeni tədris ili üçün tələb olunan formaların təxminən yarısıdır. Müəssisənin ixtiyarında tekstil ehtiyatı və kifayət qədər dərzi var ki, bu da məktəbli formasının tikilişini dərhal təşkil etməyə imkan verir.

"Düşünürəm ki, bir ay ərzində bütün çatışmayan formaları tikmək olar. Əsas odur ki, birinci sinfə gedən uşaqları forma ilə təmin etmək lazımdır. Digər şagirdlərdə hələ keçən ildən formalar qalıb. Məktəblərlə də danışıqlara getmək olar ki, onlar valideynlərə dərslərin başlanmasından sonra da forma almağa vaxt versinlər", - Babayeva qeyd edib.

Bundan başqa, "Bakı Tekstil Fabriki" artıq tədarükçü tərəfdaşları ilə də danışıqlar aparıb. Beləliklə, dövlət sifarişi daxil olduqdan sonra parça 15-20 gün ərzində konveyerə ötürüləcək.

"Bu gün şəxsən mənim üçün məktəbli formasından çox, pandemiya dövründə təhlükəsizlik məsələləri vacibdir. Uşaqların qorxmadan məktəbə gedə bilməsi vacibdir. Bir ay işləyəndən sonra məktəblərin yenidən bağlanması qorxusu olsa, heç kəs forma almayacaq. Belə olan halda bu forma nəyə lazımdır? Valideynlər, ilk növbədə, uşağın qidalanmasının qayğısına qalırlar", - Babayeva hesab edir.

Bu gün müəssisə ölkədə karantin rejiminin necə yumşaldılmasından asılı olaraq üç iş ssenarisinə hazırlaşır: əyani şəkildə oxuyacaq siniflərin şagirdləri üçün forma tikmək; məktəblərdə dərslərin öz vaxtında başlanması halında istehsalı təcili olaraq işə salmaq; karantin şəraitində müəssisəni təhlükəsiz olaraq işə salmaq.

Bundan əvvəl "Bakı Tikiş Evi"nin şöbə müdiri Etibar Əzimov müəssisənin anbarlarındakı tikilmiş forma və parça ehtiyatları barədə danışıb. Ancaq istehsalın yenidən başlanmasından hələ ki, burada söhbət getmir. "Bakı Tikiş Evi"ndə də Nazirlər Kabinetinin dərs ilinin başlanması ilə bağlı müvafiq qərarını gözləyirlər.

441
Əlaqədar
Qiymət dəyişməyəcək, amma tikilmir də: Məktəbli formaları ilə bağlı müəmma yaranıb
Təhsil Nazirliyinə 7 milyon manat vəsait ayrıldı - CƏDVƏL
Təhsillə bağlı qərar verməkdə çətinlik var
Hər kəs oxuyacaq - Nazirlik yeni tədris ili məsələsinə aydınlıq gətirdi

Qubadlı quş uçuşundan - FOTO

1
(Yenilənib 11:49 26.10.2020)
Qubadlı rayonunun tarix muzeyində saxlanılan nadir eksponatlar ermənilər tərəfindən oğurlanmış və rayonun ərazisindəki digər tarixi abidələrə ziyan verilib

BAKI, 26 oktyabr — Sputnik. Azərkosmos Qubadlının işğaldan azad olunduqdan sonra "Azersky" peyki ilə çəkilmiş təsvirini paylaşıb. Sputnik Azərbaycan-ın məlumatına görə, diqqətə çatdırılır ki, işğal altında qaldığı illərdə Qubadlı rayonunun qiymətli ağac növlərindən ibarət meşələri, böyük ehtiyata malik yeraltı sərvətləri, mineral maddələrlə zəngin su mənbələri erməni işğalçıları tərəfindən talan olunub.

Qubadlı rayonunun tarix muzeyində saxlanılan nadir eksponatlar ermənilər tərəfindən oğurlanmış və rayonun ərazisindəki IV-V əsrə aid "Gavur dərəsi"ndəki ibadətgah, "Qalalı" və "Göyqala" abidələri və XIV əsrə aid "Dəmirçilər Türbəsi", Hacı Bədəl körpüsü və digər tarixi abidələrə ziyan verilib. Ali Baş Komandan cənab İlham Əliyevin qətiyyətli mövqeyi sayəsində işğaldan azad olunmuş torpaqlarımıza həyat qayıdır, bu torpaqlarda üçrəngli dövlət bayrağımız dalğalanır. Ölkəmizin ərazi bütövlüyünün tam təmin olunması uğrunda davam edən haqlı mübarizədə qələbə qazanacağımıza əminik. Biz zəfər çalacağıq! Biz qalib gələcəyik! Qarabağ Azərbaycandır!

1
Teqlər:
erməni təxribatı, Ermənistan-Azərbaycan, Dağlıq Qarabağ münaqişəsi, Qubadlı
Mövzu:
Azərbaycan və Ermənistan arasında müharibə
Əlaqədar
Sumqayıtda Qələbə gecəsi: Qubadlının azad edilməsi xəbərini xalq belə qarşıladı – video
Qubadlı şəhəri işğaldan azad edildi - Prezident
Bakı limanında gəmilər Qubadlının işğaldan azad olunması şərəfinə qələbə fiti verdilər
Ağdam və Laçındakı bölmələrimizin atəşə tutulması davam edir
(0:49 / 6.24Mb / просмотров видео: 45)

Sumqayıtda Qələbə gecəsi: Qubadlının azad edilməsi xəbərini xalq belə qarşıladı video

36
Keçən gecə dövlət başçısı Qubadlı şəhərinin işğaldan azad olunduğu barədə məlumat verdi. Bu xəbərin Sumqayıt şəhərində necə qarşılandığını videomuzdan izləyin.

Komendant saatının qüvvədə olmasına baxmayaraq ötən gecə Sumqayıt sakinləri Qubadlı şəhərinin işğaldan azad olunmasını qeyd etmək üçün küçələrə çıxıblar. Xatırladaq ki, 1993-cü ildə Qubadlı rayonundan məcburi köçkün düşmüş insanların böyük bir qismi Sumqayıt şəhərində məskunlaşıb.

Qeyd edək ki, oktyabrın 25-də Prezident İlham Əliyev Azərbaycan Silahlı Qüvvələrinin bir aydan da qısa müddətdə Hadrut qəsəbəsi, Füzuli, Cəbrayıl, Zəngilan, Kəlbəcər və Qubadlı rayonlarının bir hissəsini işğaldan azad etdiyini bildirib.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

Oktyabrın 21-də Füzuli rayonunun Gecəgözlü, Aşağı Seyidəhmədli, Zərgər kəndləri, Cəbrayıl rayonunun Balyand, Papı, Tulus, Hacılı, Tinli kəndləri, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndləri işğaldan azad edilib.

Oktyabrın 22-də Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndləri, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndləri və Ağbənd qəsəbəsi işğaldan azad olunub.

Oktyabrın 23-də Qubadlı rayonunun Zilanlı, Kürd Mahrızlı, Muğanlı və Alaqurşaq, Xocavənd rayonunun Dolanlar, Bünyadlı, Cəbrayıl rayonunun Dağ Tumas, Nüsüs, Xələfli, Minbaşılı, Veysəlli, Zəngilan rayonunun Vənədli və Mirzəhəsənli kəndləri işğaldan azad edilib.

Oktyabrın 25-də Zəngilan, Cəbrayıl, Qubadlı rayonlarının bir neçə kəndi və Qubadlı şəhəri işğalçılardan azad edilib.

 

36
Mövzu:
Azərbaycan və Ermənistan arasında müharibə