Həyət evləri, arix şəkli

Təklif çox, müştəri az, qiymətlər enib - turizm cənnətində kirayə bazarı dad deyir

1331
(Yenilənib 11:27 09.08.2020)
Gürcüstana keçid qapımız olan Balakəndə də turistlərin sayı təqribən 50 faiz azalıb. Amma rieltor Azər Səmədzadə bildirir ki, bu, digər rayonlardan fərqli olaraq kirayə qiymətlərinə təsir etməyib.

İbrahim Həşimov, Sputnik Azərbaycan

BAKI, 9 avqust — Sputnik. Pandemiyanın daha çox təsir etdiyi sahələrdən biri də ev kirayəsidir. Karantin rejimi səbəbindən vətəndaşların bir bölgədən digərinə, xüsusilə də paytaxt Bakıdan rayonlara gedə bilməməsi kirayə ev bazarını “öldürüb”. Sputnik Azərbaycan-ın məlumatına görə, hər yay turist axını ilə üzləşən şimal-qərb bölgəsi bu il qonaq üzünə həsrət qalıb. Bu azalma həyət evlərini kirayə verənlərə ciddi təsir edib. Rieltor İzzət Hafizov deyir ki, ötən ilin müvafiq dövrü ilə müqayisədə Qax rayonuna gələn turistlərin sayında 80 faiz azalma var. Evlərin çoxu boş olduğu üçün qiymətlər 20 faiz azalıb.

“Ötən il həyət evləri günlük 50 manata verilirdi. Gələn çox olduqda isə tələbatın artması səbəbindən sahibləri evləri bəzən 60 manata da təklif edirdilər. Bu il də evlər ilkin olaraq 50 manatdan təklif edilir. Lakin istirahətə gələn az olduğundan bir günü 40 manatdan da verilir. İndi gün ərzində 2-3 nəfər kirayə ev üçün müraciət edir. Keçən il isə bir gündə 20-yə yaxın müraciət olurdu. Hətta bir çox hallarda boş ev tapa bilmirdik”.

Şimal-qərb bölgəsinin səfalı güşələrindən olan Zaqatala rayonunda da turistlərə az rast gəlinir. Rieltor İlkin Mirzayinin sözlərinə görə, əvvəlki illərdə başqa ölkələrdən, xüsusilə Gürcüstan və Türkiyədən də qonaqlar olurdu. Bu il isə Zaqatalaya üz tutan turistlər əsasən Bakıdandır.

“Xarici turistlər qiymətə yox, komforta üstünlük verirdilər. Bu da qiymətlərin artımı ilə nəticələnirdi. Bu il isə həmin turistlər gəlmədikləri üçün rəqabət olmadı. Qonaqlarımız Bakıdan olur. O da çox az. Qiymətlər günlük 10-15, hətta 20 manat enib. Əvvəl həyət evlərinin kirayə qiyməti şəraitindən asılı olaraq 50-100 manat arasında dəyişirdi. Bu il isə 50 manatlıq ev 30 manat, 100 manatlıq isə 60-70 manat olub. Əvvəl bəzən boş ev tapa bilmədiyimiz üçün turistləri otellərdə yerləşdirmək məcburiyyətidə qalırdıq. İndi isə həmin evlərin əksəriyyəti boş qalıb”.

Gürcüstana keçid qapımız olan Balakəndə də turistlərin sayı təqribən 50 faiz azalıb. Amma rieltor Azər Səmədzadə bildirir ki, bu, digər rayonlardan fərqli olaraq kirayə qiymətlərinə təsir etməyib.

“Bu il qonaqlarımız əsasən Bakı, Gəncə, Ağcabədi və Yevlaxdandır. Əgər ev 10 günlük tutulsa, bir günü 20 manatdan hesablanır. 2-3 günlük tutanlar üçün isə 30-40, bəzən də 50 manata kirayə verilir”.

Azər Səmədzadənin sözlərinə görə, kirayə qiymətləri dəyişməsə də, evlərin və torpağın satışında 30 faiz ucuzlaşma var. Buna səbəb isə son vaxtlarda ev və torpaq satanların sayının artmasıdır.

“Ev satanlar əsasən Bakıda yaşayıb, burada da daşınmaz əmlakı olanlardır. Torpağı isə əsasən yerli əhali satır. Soruşanda da gəlirləri olmadığı üçün daşınmaz əmlakı satmaq məcburiyyətində qaldıqlarını bildirirlər. Bəzən görürəm ki, bir küçədə yanaşı olan 3 ev satılır. Satan çox, alıcı isə az olduğu üçün qiymətlər belə enib”.

1331
Əlaqədar
Kirayə bazarında böhran: İcarədar işsizlikdən dad edir, sahibkar “verməlisən” deyir
On milyonlarla dolları Azərbaycandan Türkiyəyə yönəldən - SƏBƏB
Əmlak bazarında son vəziyyət - qiyməti saxlamaq naminə söküntü başlayacaq
Müxtəlif ölkələrdə mənzil kirayələmək neçəyə başa gəlir
"Ölmüş" biri ilə birlikdə yaşayarsınız? - Xəbəriniz yoxdur, amma yaşayırsınız
5G K9 robotu, arxiv şəkli

Robotlar insanlar üçün niyə qorxuludur - alimlərdən ilginc cavab

24
(Yenilənib 20:47 20.09.2020)
Alimlər qeyd ediblər ki, üzləri qavrama qabiliyyəti psixologiya üçün son dərəcə vacibdir. Autizmdə və bəzi xəstəliklərdə bu, yox olur və bu sahədə aparılan yeni araşdırmalar effektiv terapiyanın yolunu müəyyən edə bilər.

BAKI, 20 sentyabr — Sputnik. Emori Universitetinin psixoloqları insanların robotlardan qorxma səbəblərini müəyyən ediblər.

Sputnik Azərbaycan xarici mətbuata istinadla xəbər verir ki, hələ 1970-ci illərdən insanabənzər "canlı" modellərin müşahidəçilərdə xoş olmayan hisslər yaratdığı nəzərə çarpmışdı.

Bu hal "şər vadilər effekti" adlanırdı. Yeni araşdırmanın müəllifləri bunun səbəblərini müəyyən etməyə çalışıblar. Bunun üçün onlar insanların yad simaları necə qəbul etdiyini izləyiblər.

Könüllülərə insan şəkilləri, mexaniki robotlar və androidlər göstərilərək, onlardan "canlı" miqyasda qiymətləndirilməsi istənilib. Qiymətləndirmə bir neçə millisaniyə çəkib.

Nəticələr göstərdi ki, insanlar canlı bir üzü cansız bir üzdən 400 millisaniyədə fərqləndirə bilirlər. "İnsan şəklindəki" robotların isə üzünü beyin əvvəlcə canlı kimi qəbul edir, lakin sonra qarşısında süni bir cisim olduğunu anlayır.

Araşdırma müəlliflərinin fikrincə, dəhşət hissinin yaranması böyük ehtimalla qəbul edilən canlılığın azalması ilə bağlıdır.

Alimlər qeyd ediblər ki, üzləri qavrama qabiliyyəti psixologiya üçün son dərəcə vacibdir. Autizmdə və bəzi xəstəliklərdə bu, yox olur və bu sahədə aparılan yeni araşdırmalar effektiv terapiyanın yolunu müəyyən edə bilər.

24
Teqlər:
robot
Əlaqədar
Robotlar bu sahələrdə insanları sıxışdırıb çıxaracaqlar
Robotlar da yatmalıdır
İnsanlar kimə lazımdır? Rusiya gələcək robot ordusunun avanqardını yaradıb
Qazandığımızı tam itirə bilərik: təşəbbüsü robotlara verməklə...
“Ey, insan! Qorxursan?” – Robot öz məqaləsində sual edir

Günəş olsa, parkda işıqlar sönməyəcək: Burada axırıncı dəfə işıq sovet dövründə yanıb

133
(Yenilənib 20:25 20.09.2020)
Naftalanda və regionda ilk-alternativ enerji mənbələrindən istifadə olunan park turistlərin və yerli sakinlərin marağına səbəb olur

Rahim Məmmədov, Sputnik Azərbaycan

BAKI, 20 sentyabr — Sputnik. 

İllərdir turizm şəhəri olan Naftalanda yerləşən Qələbə parkında işıqlandırma sistemi yox idi. Sakinlər burada gündüz rahat gedib dincələ bilirdilərsə, gecə oradan keçmək insanda hünər tələb edirdi. Qaranlığa qərq olan park, bir neçə gündü işıqılığa çıxıb.

Kurort şəhəri olan Naftalan tək nefti ilə deyil, təmiz havası, səliqəli parkları ilə seçilir. Sputnik Azərbaycan xəbər verir ki, şəhərdə turistlərin və yerli sakinlərin diqqətini çəkən pilot layihə həyata keçirilib. Abadlıq-quruculuq işləri çərçivəsində illərdən bəri işıqsız qalmış, şəhərin ən böyük parklarından sayılan Qələbə parkında yerli və xarici istehsalçıların birgə məhsulu olan yeni işıqlandırma sistemi quraşdırılıb. İşıqlar günəş enerjisi ilə qidalanan lampa və solar batareyalarla təchiz olunub.

"Naftalanda turistlərimiz də olur, qonaqlarımız da gəlir. İndiyə qədər parka gecə çıxmaq olmurdu, çünki işıqlar yanmırdı, qaranlıq olurdu. Şükür indi müasir işıqlar qoyulub. Bu işıqlandırma sistemi qənaətlidir. Digər bölgələrdə beləsini görməmişik. Bu yaxşıdır, səliqəli də görünüşü var. Parkın gözəlliyini pozmur, ona daha da yaraşıq verir".

  • Naftalanda maraqlı işıqlar
    © Sputnik / Rahim Mammadov
  • Naftalanda maraqlı işıqlar
    © Sputnik / Rahim Mammadov
  • Naftalanda maraqlı işıqlar
    © Sputnik / Rahim Mammadov
  • Naftalanda maraqlı işıqlar
    © Sputnik / Rahim Mammadov
1 / 4
© Sputnik / Rahim Mammadov
Naftalanda maraqlı işıqlar

Şəhər sakini Mahmud Həsənov müasir işıq dirəklərinin çox effektiv olduğunu deyir:

Gələcəkdə şəhər ərazisində bir neçə belə işıqlandırma sistemlərinin quraşdırılması nəzərdə tutulub. Alternativ enerjidən istifadə ilə həm də elektrik enerjisinə qənaət olunacaq.

Şəhər sakini Əbülfət Bayramov hesab edir ki, parkın ərazisindəki işıqlanmanı hamı bəyənir. Çünki bu park axırıncı dəfə sovet dövründə işıqlandırılıb. Sonrakı illərdə isə orada işıq olmayıb:

"Bu gün biz şəhər parkının işıqlandırılmasını çox müsbət qarşılayırıq. Baxırıq ki, müasir işıqdı, günəş şüası ilə işıqlanır. Bu da indiki dövrdə elektrik enerjisinə qənaətdir. Hər halda bizim büdcəmiz üçün xeyir gətirəcək".

Hazırda sözügedən Qələbə parkında 10 ədəd müasir işıq dirəkləri qoyulub. Şəhər İcra Hakimiyyətinin təşəbbüsü ilə gələcəkdə həmin işıqlanma sistemlərindən Naftalanın müxtəlif yerlərində quraşdırılması nəzərdə tutulub.

133
Teqlər:
kurort, park, Naftalan
Nüvə başlığı, arxiv şəkli

Trampın elçisi: "Nüvə silahlarını Avropadan çıxarmayacağıq!"

0
(Yenilənib 21:32 20.09.2020)
Marşal Billinqsli: "Avropadan silahları çıxarmayacağıq, ancaq Rusiyanın bizimlə danışmaq istədiyi hər şeyi müzakirə etməyə hazırıq".

BAKI, 20 sentyabr — Sputnik. "ABŞ Rusiya ilə təklif olunan hər hansı bir mövzunu müzakirə etməyə hazırdır, lakin nüvə silahlarını Avropadan çıxarmayacaq".

Sputnik Azərbaycan RİA Novosti-yə istinadla xəbər verir ki, bunu ABŞ prezidentinin xüsusi elçisi Marşal Billinqsli "Kommersant" qəzetinə verdiyi müsahibəsində bildirib.

Jurnalist ABŞ-ın nüvə silahlarını Avropadan çıxarmağa hazır olub-olmadığını soruşduqda Billinqsli qəti cavab verib:

"Xeyr, biz bunu etməyəcəyik. Ancaq Rusiyanın bizimlə danışmaq istədiyi hər şeyi müzakirə etməyə hazırıq. Hələ ki, biz Rusiya tərəfindən RƏM sistemi ilə bağlı heç bir konkret təklif görməmişik".

"Əlbəttə, biz öz tərəfimizdən nüvə döyüş başlıqlarının raket əleyhinə sistemlərə quraşdırılmasını o qədər də uğurlu ideya saymırıq. Başqa sözlə desək, Rusiyanın bu sahədə etdiklərinə dair bizim də fikrimiz var. Biz RƏM mövzusunu müzakirə etməyə hazırıq, amma RƏM-lə bağlı heç bir məhdudiyyəti tətbiq etməyi nəzərdə tutmuruq", -  Billinqsli əlavə edib.

0
Teqlər:
RƏM, nüvə, Avropa, ABŞ
Əlaqədar
"Rusiyaya siqnal". ABŞ gizli sualtı qayığını Norveç sahillərinə niyə göndərib?
“Qərargah da göndərirlər”: ABŞ ordusu Avropanın şərqində nəyə hazırlaşır?
ABŞ-ın supersilahı öz vətəndaşlarına qarşı tətbiq edilib: nəticəsi...
ABŞ Rusiyaya bütün nüvə gücünü göstərəcək