Hacı Zeynal hamamı

Yüz illərin yaşıdı olan paklıq yerləri: İndi biri muzey, o biri çayxana olacaq

887
(Yenilənib 16:16 07.08.2020)
Hamamda kişi və qadınlar üçün günlər təyin edilirmiş. Eyni zamanda da, günü yaddan çıxarıb hamama gələnlərə xatırlatma üçün hamamda kişilər çimən gün qapının girişinə papaq, qadınlar çimən gün çarşab asarmışlar

Zülfiyyə Quluyeva, Sputnik Azərbaycan

BAKI, 7 avqust — Sputnik. Bakının qədim tarixə malik kəndlərindən olan Kürdəxanı hamamları ilə də məşhurdur. Bəzi hamamların yaşı bir neçə yüz ildir, tarixi və mədəni irs baxımından əvəzsidirlər. Bu kənddə iki qədim hamamın restavrasiya olunduğunu eşidib yolumuzu iki min ilə qədər tarixi olan Kürdəxanıdan saldıq.

Pandemiya dövrü olmasına baxmayaraq, Kürdəxanıdakı “Hacı Zeynal hamamı”nda restavrasiya işləri davam edir.  XVII əsrdə tikilmiş  “Hacı Zeynal hamamı” barədə məlumatları da bizə elə Hacı Zeynal nəslinin nümayəndəsi Arif Məmmədov danışdı. 

© Sputnik / Irade JELIL
Hacı Zeynal hamamı

A.Məmmədovun Sputnik Azərbaycan-a dediyinə görə, hamam vestibül, soyunma zalı, aralıq kamera, fərdi otağa malik yuyunma zalı, qaynar və soyuq su anbarı olan xəzinə, odluq kamerası olan külxanadan ibarətdir: “Hacı Zeynal hamamı üslubuna və arxitektorluq işinə görə digər hamamlardan fərqlənir. İki gümbəzli hamamın bir hissəsi yerin altındadır. Bu da hamamın isti qalması və su ilə təmin olunmasına şərait yaradıb. Hamam 1966-cı ilədək fəaliyyət göstərib”. 

A.Məmmədov deyir ki, hamamın divarları restavrasiya zamanı çox incəliklə işlənir. Daşların arası sementlə doldurularaq bərkidilir. Hamam əsrlər öncə tikilməsinə baxmayaraq, uçub-dağılmayıb. Amma yerə döşənilən daşlar qırılıb. Elə bu səbəbdən də yerə ağlay daşı döşənilir, hovuz təmir edilir.

© Sputnik / Irade JELIL
Hacı Zeynal hamamı

Kənd sakini bildirir ki, işlək vəziyyətdə olanda hamamdan həm kişilər, həm də qadınlar istifadə ediblər: “Hamamda kişi və qadınlar üçün günlər təyin edilirmiş. Eyni zamanda da, günü yaddan çıxarıb hamama gələnlərə xatırlatma üçün hamamda kişilər çimən gün qapının girişinə papaq, qadınlar çimən gün çarşab asarmışlar”.

A.Məmmədovun sözlərinə görə, hamamda restavrasiya işlərinə ötən ilin oktyabrından başlanılıb. Yaxın aylarda isə təmir işləri başa çatacaq.

Həmsöhbətimiz onu da deyir ki, tarixi abidə olan hamam restavrasiyadan sonra təyinatı üzrə fəaliyyət göstərməyəcək: “Buranın hamam kimi işləməsi mümkün deyil. Çünki hamamda su istifadə etmək üçün kanalizasiya çıxışı yoxdur”.

© Sputnik / Irade JELIL
Hacı Zeynal hamamı

A.Məmmədov hamamın təmirdən sonra muzey kimi istifadə ediləcəyini söyləyir.

Kənd sakinlərinin dediyinə görə, ta qədimdən Kürdəxanının planlaşdırma və tikintisində vacib mövqe tutan ictimai tikililər olan hamamlar ətraf mühitin formalaşmasında fəal rol oynayıb.

Kənddə restavrasiya olunan digər bir hamam isə Cəfərqulu hamamıdır. XVI əsrdə inşa edilmiş “Hacı Cəfərqulu hamamı”nda da restavrasiya işləri dayanmayıb. Burada çalışan işçilərlə söhbət zamanı öyrəndik ki, hər iki hamam Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti tərəfindən restavrasiya olunur.

Deyilənə görə, iki gümbəzli hamam Kürdəxanıda “Aşağı məscid”lə yaşıddır. Bu hamamda da ötən ilin oktyabr ayından restavrasiya işlərinə başlanılıb. İşçilərin dediyinə görə, restavrasiya zamanı tarixi orijinallıq pozulmur. Öz memarlıq quruluşuna görə fərqlənən hamamda da soyunma otağı, tağlı arakəsmələr, hovuz var: “Hamam uzun illər istifadəsiz qaldığı üçün uçulub-dağılmışdı. Restavrasiya zamanı uçan yerlər düzəldilib, bərkitmə işləri aparılıb. Hazırda yerə ağlay daşlar vurulur. Bununla belə, hamamın qədimiliyinə xələl gətirilmir. Hamam yaxın aylarda təhvil veriləcək”.

© Sputnik / Irade JELIL
Hacı Zeynal hamamı

İşçilərin dediyinə görə, “Hacı Cəfərqulu hamamı”nın da hamam kimi istifadə edilməsi nəzərdə tutulmur. Çünki hamam kanalizasiya xəttindən çox aşağıdır: “Bura çayxana kimi istifadə olunacaq. Hamam qədimi xalçalarla bəzədiləcək. Turistlərin istirahəti üçün hamamda çayxana olacaq”.

Qeyd edək ki, hazırda hər evdə bir hamam olduğundan qədimi hamamların hamam kimi istifadəsinə ehtiyac olmasa da, onların tarixin bir parçası kimi qorunub saxlanılmasına böyük ehtiyac var.

887
Qarabağ klubunun futbolçuları, arxiv şəkli

"Qarabağ" qardaş Türkiyəni seçdi

7
(Yenilənib 17:48 21.10.2020)
Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarının neytral ərazidə keçirilməsi ilə bağlı qərarından apelyasiya şikayəti verib.

BAKI, 21 oktyabr — Sputnik. Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarını keçirmək istədiyi ölkənin adını açıqlayıb.

Sputnik Azərbaycan "Report"a istinadən xəbər verir ki, Avropa Futbol Assosiasiyaları İttifaqının (UEFA) İcraiyyə Komitəsi dünən Azərbaycan və Ermənistanın Dağlıq Qarabağdakı hərbi əməliyyatlarla əlaqədar ölkələrində UEFA-nın himayəsi altında ev oyunlarının keçirilməsinə qadağa qoyulması barədə qərar qəbul edib.

"Qarabağ" klubunun direktoru Emrah Çelikel bəyan edib ki, bu halda komandası ev oyunlarını qardaş Türkiyədə keçirmək istəyir.

"İndi üç neytral ərazi var – Kipr, Macarıstan və Polşa, ancaq bizim alternativ seçim təklif etmək imkanımız var. Avropa Liqasının qrup mərhələsindəki rəqiblərimizi Türkiyənin şəhərlərindən birində qəbul etmək istəyirik", – deyə E.Çelikel bildirib.

Komandanın bu seçimini əsaslandıran klub direktoru qeyd edib ki, Avropa İttifaqı ərazisindəki oyunlar üçün futbolçulara viza almaq lazım gəlir, bu prosedur isə xeyli vaxt tələb edir. Türkiyə ilə Azərbaycan arasında vizasız-gediş gəliş sistemi qüvvədə olduğundan, oyun qardaş ölkənin stadionlarından birində keçirilsə, sənədləşmə işlərinə əlavə vaxt lazım gəlməyəcək.

E.Çelikel klubun UEFA İcraiyyə Komitəsinin qərarından apelyasiya şikayəti verəcəyini də vurğulayaraq bildirib ki, Avropa kuboku oyunlarının Bakıda keçirilməsinə heç bir təhdid yoxdur.

Qeyd edək ki, "Qarabağ" klubu oktyabrın 22-də Avropa Liqasının qrup mərhələsi çərçivəsində ilk oyununu Tel-Əvivdə yerli "Makkabi" klubuna qarşı keçirəcək. Bir həftə sonra isə futbolçularımız Bakıda İspaniyanın "Villarreal" komandasını qəbul etməli idi.

7
Teqlər:
qrup mərhələsi, Avropa Liqası, Türkiyə, Qarabağ futbol klubu
Əlaqədar
UEFA rəhbərliyi Bakının AVRO-2020 siyahısından çıxarılacağını istisna etmir
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"

Hikmət Hacıyevdən Paşinyana cavab: Münaqişənin danışıqlar yolu ilə həllini dəstəkləyirik

22
(Yenilənib 18:14 21.10.2020)
Ermənistan baş nazirinin bu açıqlaması iki ölkənin xarici işlər nazirlərinin Rusiyanın təşəbbüsü ilə Moskvaya işgüzar səfərindən dərhal sonraya və ABŞ-ın təşəbbüsü ilə Vaşinqtonda xarici işlər nazirləri səviyyəsində keçiriləcək görüşdən öncəyə təsadüf edir.

BAKI, 21 oktyabr - Sputnik. Ermənistan Baş nazirinin münaqişənin diplomatik həlli yoxdur deyə açıqlaması növbəti dəfə onu nümayiş etdirir ki, Ermənistan danışıqlar yolu ilə münaqişənin həllində tamamilə maraqlı deyildir. Bu açıqlama ilə Ermənistan rəhbərliyi özü etiraf edir ki, Ermənistanın məqsədi Azərbaycanın işğal olunmuş ərazilərini işğal altında saxlamaqdır.  Bununla, rəsmi Yerevanın münaqişənin danışıqlar yolu ilə həlli barədə açıqlamalarının riyakarlıqdan başqa bir şey olmadığı bir daha öz təsdiqini tapmış olur. 

Sputnik Azərbaycan bildirir ki, bunu Azərbaycan Respublikası Prezidentin köməkçisi, Prezident Administrasiyası xarici siyasət məsələləri şöbəsinin müdiri Hikmət Hacıyev deyib.

O qeyd edib ki, Ermənistanın baş naziri məsuliyyətsiz şəkildə və öz siyasi ambisiyaları naminə bütün mülki hakimiyyət orqanlarını, mülki insanları total silahlanmaya çağıraraq hərbi əməliyyatlara sövq edir. Ermənistanın bu rəsmi mövqeyi humanitar atəşkəs rejiminin kimin tərəfindən pozulmasını sübut edir və regionda vəziyyətin daha da gərginləşməsinə xidmət edir.    

Azərbaycanın Gəncə şəhərini SCUD tipli ballistik raketlərlə, digər şəhər və rayonlarının sakinlərini raket və artilleriya ilə daim atəşə tutmaq barədə əmr verən şəxs tərəfindən bu kimi açıqlamanın verilməsi əslində təəccüb doğurmamalıdır.  

Ermənistan baş nazirinin bu açıqlaması iki ölkənin xarici işlər nazirlərinin Rusiyanın təşəbbüsü ilə Moskvaya işgüzar səfərindən dərhal sonraya və ABŞ-ın təşəbbüsü ilə Vaşinqtonda xarici işlər nazirləri səviyyəsində keçiriləcək görüşdən öncəyə təsadüf edir.

Prezident İlham Əliyev tərəfindən beynəlxalq mediaya verdiyi son müsahibələrində və açıqlamalarında Azərbaycanın danışıqlara və münaqişənin diplomatik yollarla həllinə hazırlığını dəfələrlə bəyan etmişdir.    

Azərbaycanın münaqişənin həlli ilə bağlı konstruktiv mövqeyinin fonunda beynəlxalq ictimaiyyət, xüsusilə ATƏT-in Minsk Qrupunun həmsədr ölkələri Ermənistan rəhbərliyinin bu açıqlamasından nəticə çıxarmalıdır. Ermənistan rəhbərliyinin bu açıqlaması eyni zamanda münaqişənin diplomatik yolla həlli istiqamətində beynəlxalq ictimaiyyət tərəfindən atılan addımlara hörmətsizlikdir.  

Azərbaycan Respublikası BMT Təhlükəsizlik Şurasının qətnamələrinə əsasən mövcud yol xəritəsinə uyğun olaraq münaqişənin danışıqlar yolu ilə həllini dəstəkləyir. 

22
Teqlər:
Nikol Paşinyan, diplomatiya, Hikmət Hacıyev, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Paşinyandan etiraf: Azərbaycan bizim kapitulyasiyamızdan başqa heç nəyə razı deyil
Paşinyan: "Hazırkı mərhələdə Qarabağ məsələsinin diplomatik yolla həlli yoxdur"
Paşinyan indi də İranı Qarabağ münaqişəsinin həllinə çəkmək istəyir
Vəziyyətləri qəlizdir - Bütün keçmiş prezidentləri görüşürlər
Ermənistan xarici işlər naziri yenə Moskvaya gedib - son on gündə üçüncü dəfə