Xilasedici, arxiv şəkli

Suda boğulanların xilası onun öz əlindədir: Qaydalara əməl etsək, başımız da dərddə olmaz

856
(Yenilənib 14:48 07.08.2020)
İstirahətin xoş keçməsi üçün təhlükəsizlik də vacibdir. Təəssüflər olsun ki, nə qədər maarifləndirmə işləri aparılsa da, yenə öz həyatına biganə yanaşan insanlar var.

İradə Cəlilova, Sputnik Azərbaycan

BAKI, 7 avqust— Sputnik. Artıq iki gündür ki, sərt karantin dövrünü yaşayan Azərbaycanda çimərliklər insanlara qaytarılıb. Havaların sərin keçməsinə baxmayaraq, yay mövsümünün başa çatmasına bir ay qaldığını nəzərə alan insanlar üzlərini çimərliyə tutublar.

Bakıda karantin rejiminin yumşaldılmasından sonra Buzovna çimərliyi
© Sputnik / Murad Orujov

Ancaq istirahətin xoş keçməsi üçün təhlükəsizlik də vacibdir. Təəssüflər olsun ki, nə qədər maarifləndirmə işləri aparılsa da, yenə öz həyatına biganə yanaşan insanlar var.

Mütəxəssislərin fikrincə, çimərlikdə boğulmaya birinci səbəb məhz insanların özlərinin biganəliyidir. İnsanlar üzə biləcəklərini güman edərək dərinliyə gedir, küləkli, dalğalı havada suya girirlər. Ən çox boğulanlar dənizə sərxoş halda girənlər arasında qeydə alınır. Eyni zamanda, insanların qeyri-çimərlik ərazilərinə üz tutması və burada heç bir təhlükəsizlik tədbirlərinin görülməməsi də əsasa faktorlar arasında yer alır.

Təhlükəsizlik məsələləri üzrə ekspert Elmar Nurəliyev Sputnik Azərbaycan-a açıqlamasında bildirib ki, çimərliyə gedərkən hava şəraiti nəzərə alınmalıdır: "Boğulma hadisələri çox zaman küləkli havalarda baş verir. İnsanlar çimərliyə istirahət və əyləncə üçün gedir. Buna görə də, çalışın ki, nəzarətsiz və natəmiz olan yerlərə getməyin.

Vətəndaşlar adətən eyni çimərliklərə gedirlər. Yəni, getdikləri yerdə suyun hansı səviyyədən sonra dərinləşdiyini, suyun dibində daş kəsəyin olub-olmamasını bilirlər. Ancaq nəzərə almaq lazımdır hava küləkli olarsa, dənizdə dalğa olarsa, dünən ilə bu gün arasında fərq yarana bilər. Yəni suyun dibi fiziki olaraq dəyişə bilər. Yarğanlar, su axınları əmələ gələr bilər. Bəzən vətəndaşlar bu məsələni düşünmədikləri üçün gözlənilməz və xoşagəlməz hadisə ilə nəticələnə bilər. Bu səbəbdən də çimərliyə gedərkən ötən gün olan hava şəraitini nəzərə alın".

Ekspert vurğulayıb ki, ümumiyyətlə qeyri-çimərlik əraziləri anlayışı ləğv edilməlidir. Yəni, çimərlik varsa, orda lazım olan bütün təhlükəsizlik tədbirləri görülüb, sonra insanların ixtiyarına verilməlidir.

"Bununla bağlı bir neçə dövlət qurumu müştərək işləyə bilər. Hazırda çimərliklərə Kiçikhəcimli Gəmilərə Nəzarət və Sularda Xilasetmə Dövlət Xidmətinin əməkdaşları nəzarət edirlər. 

Onu da qeyd edim ki, keçən ili boğulma hallarının demək olar ki, heç biri Kiçikhəcimli Gəmilərə Nəzarət və Sularda Xilasetmə Dövlət Xidmətinin əməkdaşlarının xidmət apardığı yerlərdə baş verməyib. Demək, nəzarət olarsa, çimərlikdə boğulma halları baş verməz", – deyə ekspert vurğulayıb.

O həmçinin bildirib ki, Kiçikhəcimli Gəmilərə Nəzarət və Sularda Xilasetmə Dövlət Xidmətinin əməkdaşlarına çimərlikdə qayda pozanlarla bağlı inzibatı cəza tədbirlərinin görülməsi ilə bağlı bir səlahiyyətin verilməsi daha məqsədə uyğun olardı. Çünki bəzən qayda pozanlar xilasedici nəzarətçilərin qanuni tələbinə məhəl qoymur, onlarla mübahisə edir, hətta fiziki qüvvə tətbiq edirlər.

Bu səbəbdən də, qayda pozanları məsuliyyətə cəlb etmə səlahiyyəti verilməsi yaxşı olardı.

Elmar Nurəliyev xüsusilə qeyd edib ki, xilasetmə xidmətinin xilasediciləri olmadığı, çimmək üçün icazə verilən yerdən uzağa getməmək üçün qadağanedici nişanlar olmayan, sahili natəmiz, daş-kəsəkli , çınqıl və şüşə qırıqları ilə dolu olan, kanalizasiya sularının axıdıldığı yerlərə getmək qadağan edilməlidir.

"Çimərlikdə alkoqollu içkilər qəbul etmək olmaz. Bu, birbaşa insan həyatı üçün təhlükəlidir. Həm də qeyd edilməlidir ki, spirtli içki qəbul edən şəxsi daha tez gün vurur. Sərxoş insanlar suda da tez boğulur", – deyə ekspert vurğulayıb.

Həkim terapevt Məlahət Abbasova isə açıqlamasında bildirib ki, çimərliklərə gedərkən qidalanmaya da xüsusi diqqət yetirmək lazımdır. Belə ki, dəniz kənarında yağlı, qızardılmış , konserviləşdirilmiş qidaları qəbul etmək olmaz: "İsti havalarda gün altında belə qidalar qəbul etmək sağlamlıq üçün zərərlidir. Dəniz kənarında daha çox az kalorili qidalar, meyvə-tərəvəz yemək lazımdır. Bəzən görürsən ki, dənizdə istirahətə gələnlər kabablar, dönər, toyuq qrili və s. yeməklər yeyir. Amma isti vurduqca belə qidalar mədə-bağırsaq sisteminə toxunur və halsızlıq yaradır".

Həkim bildirib ki, dəniz kənarında günvurmadan da qorunmaq lazımdır. Buna görə, həm geyimə, həm də baş örtüyünə diqqət yetirmək vacibdir: "Ümumiyyətlə, çalışın ki, saat 11.00-17.00 radələrində açıq havaya çıxmayasınız. Bu radələrdə günəş şüaları daha güclü təsirə malik olur".

856
Koronavirusa yoluxanan xəstələrin müalicə aldığı hospital, arxiv şəkli

COVID-19-la bağlı dəhşətli proqnoz: iki milyon insan ölə bilər

13
(Yenilənib 23:42 25.09.2020)
Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

BAKI, 25 sentyabr — Sputnik. Ümumdünya Səhiyyə Təşkilatı (ÜST) effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyini istisna etməyib.

Sputnik Azərbaycan RİA Novosti-yə istinadən bildirir ki, bu barədə ÜST-ün səhiyyə sahəsində fövqəladə hallar üzrə proqramının direktoru Maykl Rayan mətbuat konfransında deyib.  

“Sözsüz ki, bunu təsəvvür etmək çətindir, ancaq bu, mümkün ola bilər. Çünki biz 9 ay ərzində bir milyon insan itirmişik. Yaxın 9 ay ərzində vaksinin peyda olacağına da ayıq başla yanaşırıq”, - Rayan effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyi ehtimalı ilə bağlı suala cavab verərkən söyləyib.

Onun sözlərinə görə, hazırda problemlər var, xüsusən bunlar peyvəndin maliyyələşdirilməsi, istehsalı və qiymətləndirilməsi ilə bağlıdır.

Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

13
Teqlər:
vaksin, peyvənd, ölüm, ÜST, dünya, Koronavirus, epidemiya, COVID-19
Mövzu:
Dünyanı cənginə almış bəla
Əlaqədar
Şagirdlər koronavirusa harada yoluxublar? Nazirlikdən cavab
Türkiyədə dəhşət saçan ağcaqanadlar Azərbaycana gələ bilər, amma virus gətirməyəcək
Moskva meri distant iş rejiminə keçməyə çağırıb: Soyuqlar yaxınlaşır, xəstəlik artacaq
Rus virusoloq amerikalı həmkarını təkzib etdi: Denge ilə SARS-CoV-2 qohum deyillər
Təəccüblü kəşf: bu xəstəliyə yoluxmaq koronavirusa qarşı immunitet yaradır
Bakıda restoranların fəaliyyəti

Cərimələr effekt verir - Agentlik rəsmisi belə deyir

5
(Yenilənib 21:48 25.09.2020)
"Çünki cərimə tətbiq edilən obyektlərdə təkrar yoxlamalar zamanı uyğunsuzluq hallarının pozulmasında azalmalar var" - AQTA rəsmisi

Nigar İsgəndərova, Sputnik Azərbaycan

BAKI, 25 sentyabr — Sputnik. "Böyük Britaniyada pandemiya dövründə inzibati cərimələrin tətbiq olunmasından öncə və tətbiqindən sonrakı rəqəmlər ölkədə yoluxma sayının 40-60 faizədək azalmasını aşkara çıxardı. Bizdə xəbərdarlıq, maarifləndirmə olduğu halda eyni obyektdə təkrar nöqsanlar aşkarlanır. Lakin cərimə tətbiqindən sonra sahibkarlıq obyektində təkrar uyğunsuzluq hallarına rast gəlinmir".

Sputnik Azərbaycan-ın xəbərinə görə, pandemiya şəraitində mehmanxanalarda, eləcə də kafe və restoranlarda xidmətin təşkili ilə bağlı həyata keçirilən nəzarət tədbirləri haqda Azərbaycan Qida Təhlükəsziliyi Agentliyinin sədr müşaviri Elxan Mikayılov danışıb.

O bildirib ki, cərimələrin tətbiqi həmin sahibkarlıq subyektlərini daha məsuliyyətli çalışmağa vadar edir: "Çünki cərimə tətbiq edilən obyektlərdə təkrar yoxlamalar zamanı uyğunsuzluq hallarının pozulmasında azalmalar var".

"Biz KİV-dən istifadə etməklə çox geniş təbliğat işləri görürük. Bu posterləri bütün sahibkarlıq subyektlərinə elektron şəkildə göndəririk. Biz iki həftə ərzində mehmanxanalarda apardığımız monitorinqlərdə yalnız maarifləndirmə işləri gördük. Növbəti mərhələdə isə nəzarətə başladıq və tələblərə əməl etməyənlər cərimələndilər", - E.Mikayılov əlavə edib.

O bildirib ki, daha çox aşkarlanan faktlar sırasında insanların bir masa ətrafında daha çox cəmlənməsi, işçilərin maskalardan düzgün istifadə etməməsi, müştərilərin maskasız hərəkəti yer alır: "Biz ehtiyat maskalarının verilməməsi halları ilə də rastlaşırıq. Bundan başqa, bəzi ictimai-iaşə mərkəzlərində dezinfeksiya ilə bağlı problemlərlə qarşılaşırıq".

5
Teqlər:
qaydalar, Koronavirus, epidemiya, COVID-19, karantin, maska, sahibkarlıq subyektləri, cərimələr, AQTA
Əlaqədar
Toyla yasın fərqi "olar-olmaz" məsələsində gündəmə gəldi
Toyuq əti ilə bağlı şok məlumat - Ayaqqabı boyası ilə boyanırmış
Ekspert: “Dönərxanalar mənşəyi bilinməyən ətlərdən istifadə edir”
Otellərin mətbəx, restoran və barlarında hansı qaydalara əməl edilməlidir?
Ölkəmizə milyonlar gətirəcək məhsulun xaricə ixracını əngəlləyən qurumun adı açıqlandı