Yazıçı İsmayıl İman, arxiv şəkli

Azərbaycanlı dramaturqun pyesi Rusiya festivalının şort-listinə daxil edilib

17
(Yenilənib 15:26 04.08.2020)
Azərbaycanlı yazıçı və dramaturq İsmayıl İmanın "Big in Japan" ("Yaponiyada böyük") əsəri Rusiyanın "Lyubimovka" Gənc dramaturgiya Festivalının şort-listinə daxil edilib.

BAKI, 4 avqust — Sputnik, Kəmalə Əliyeva. Azərbaycanlı yazıçı və dramaturq İsmayıl İmanın "Big in Japan" ("Yaponiyada böyük") əsəri Rusiyanın "Lyubimovka" Gənc dramaturgiya Festivalının şort-listinə daxil edilib.

Sputnik Azərbaycan xəbər verir ki, bu günlərdə "Lyubimovka" gənc dramaturqlar festivalı şort-listini açıqlayıb. Buraya Bakı, Sofiya, Kiyev, Moskva, Peterburq, Ufa, Almatı, Nijnevartovska, Şahovskaya, Samara, Omsk, Minsk, Ryazan və Vladivastokdan olan müəlliflərin 24 pyesi daxil edilib.

"Lyubimovka" festivalının mətbuat xidmətinin məlumatına görə, bu il festivalın 30 illik tarixində ilk dəfə olaraq 25 ölkənin 125 şəhərindən 815 pyes təqdim edilib.

Müsabiqənin iştirakçısı olmaq üçün 45 yaşına çatmamış, rus dilində yaza bilən istənilən müəllif iştirak edə bilər. Elanlar festivalın saytında verilmişdir. Göndərilmiş mətnlərdən oxucular ən yaxşılarını seçib siyahıya daxil edib, bununla da festivalın əsas proqramı təşkil edilib.

Şort listə daxil olan bütün pyeslər "Lyubimovka" festivalının saytında dərc olunub.

Şort listə (siyahıya) Yekaterina Avgustenyakın "İndeks silsiləsi", Vikenti Bryızın "Vas ölkəsi", İqor Vitrenkonun "Mən axmaq kimi rəqs edirəm", Lidiya Qolovanovanın "Dəliklər", Daniil Qurskinin "Deinosdina", Sergey Davıdovun "Respublika", Artyom Yefimenkonun "Danışa bilmirəm", Aleksey Jitkovskinin "Kobe Bryant", İsmayıl İmanın "Big in Japan", Aynur Kərimin "Pasport", Natalya Lizorkinanın "Vatukovdan Petya", Mariya Maluxinanın "Ölü baş", Darya Morozovanın "Sakit ev", Serafima Orlovanın "Çayın kənarındakı (materiallar)", Katerina Penkovanın "Adını xatırlamıram", Svetlana Petriyçukun "Tuareqlər", Elina Petrovanın "Qeydlər kəsilir", Lena Petuxova və Sergey Azeevin "Mənə Qrenlandiya haqqında danışın", Olya Potapovanın "Uşaqlar üçün kibrit", Marta Raitsesin "Selin Dion üçün pion", Yulia Savikovskayanın "Sızma", Yekaterina Timofeyevanın "Qədim Yunanıstanda sevginin 7 kateqoriyası", Kasya Çekatovskayanın "Ədəbli", Elena Şetininanın "Divarda donuz" kimi pyesləri seçilib.

Yazıçı-dramaturq İsmayıl İman pyes üzərində işi 2020-ci ildə tamamlayıb. Onun sözlərinə görə, pyes, müasir gənclərin problemlərindən bəhs edir. İsmayıl İman bir çox əsərlərin, o cümlədən "Sevil", "Limbo", "Astara bağları" və digərlərinin müəllifidir. Onun əsərlərinə tez-tez "dOM theatre" interaktiv teatrının repertuarında rast gəlmək mümkündür. İman həmçinin "Mənim balaca şahzadəm" Azərbaycan qısametrajlı cizgi filminin ssenari müəllifidir.

Təşkilat komitəsinin məlumatına görə, seçilmiş pyeslər rejissor oxunuşları formasında təqdim ediləcək. Oxunuşlar 5-12 sentyabr tarixlərində "8/3" adlı səhnədə karantin qaydalarına əməl edilərək keçiriləcək. Hər oxunuşdan sonra müəllifin, auditoriyanın və teatr mütəxəssislərinin iştirakı ilə müzakirələr təşkil ediləcək.

Teatr tənqidçisi, builki festivalın qiraətçisi, uzun müddət "Lyubimovka"nın bədii rəhbəri Anna Banasukeviç deyir: "Lyubimovka"nın afişası bu il siyasi və sosial vurğusu ilə diqqəti öz üzərinə çəkir. Hazırkı vaxtda şəxsi məsələ, ailə hekayəsi, münasibətlər (Svetlana Petriyçukun "Tuareqlər", Katerina Penkovanın "Adını xatırlamıram"), aktual hadisələr apokaliptik fantaziyanın başlanğıc nöqtəsi olur (Serafima Orlovanın "Çayın kənarındakı (materiallar)". Bəli, müasir dramaturgiya əvvəlki kimi şəxsi hisslərdən və intonasiyadan uzaqlaşır, ancaq ictimai əhval-ruhiyyə, aktual müzakirələr (misal üçün, gender münasibətləri) getdikcə yeni mətnlərin araşdırma mövzsuna çevrilir".

30 ildən artıqdır ki, gənc dramaturqların özünü realizəsinə geniş imkanlar yaradan Lyubimovka Gənc Dramaturqlar Festivalı rus dramaturqlarının azad, qeyri-kommersiv kollektiv layihəsidir. Festival ilk illərində Moskva yaxınlığında yerləşən Konstantin Sergeyeviç Stanislavskinin mülkündə keçirilirdi.

İsmayıl İman bir çox əsərlərin, o cümlədən "Sevil", "Limbo", "Astara bağları" və digərlərinin müəllifidir. Onun əsərlərinə tez-tez "dOM theatre" interaktiv teatrının repertuarında rast gəlmək mümkündür. İman həmçinin "Mənim balaca şahzadəm" Azərbaycan qısametrajlı cizgi filminin ssenari müəllifidir.

17
В Музее истории было представлено знамя Карабахского правителя Мехтикули хана

"Qarabağ mədəniyyətimizin beşiyi" - Mədəniyyət Nazirliyi bu layihəyə qoşulmağa çağırır

36
Nazirlik bütün ölkə ictimaiyyətini, xüsusilə gəncləri, tələbələri və könüllüləri təbliğat işinə dəstək olmağa, bu prosesdə fəal iştirak etməyə çağırır

BAKI, 01 oktyabr - Sputnik. Ermənistanın Azərbaycana qarşı təcavüzü nəticəsində işğal edilmiş ərazilərdə dağıdılan, talan edilən mədəniyyət ocaqları, abidələr, tarixi-memarlıq nümunəsi olan tikililər, Azərbaycan xalqının Qarabağda saxtalaşdırmaya və mənimsənilməyə məruz qalan zəngin mədəni irsi ilə bağlı həqiqətlərin beynəlxalq səviyyədə ictimailəşdirilməsi məqsədilə Mədəniyyət Nazirliyi tərəfindən "Qarabağ – mədəniyyətimizin beşiyi" adlı layihəyə start verilir.

Sputnik Azərbaycan xəbər verir ki, layihə çərçivəsində mədəni irsimizə qarşı vandalizm aktları, əzəli yurd yerlərimizdəki abidələr, tarixi həqiqətlərin yerli və dünya ictimaiyyətinin diqqətinə çatdırılması üçün hazırlanan məlumatların müxtəlif dillərdə qlobal internet məkanında, o cümlədən sosial şəbəkələrdə yayılması nəzərdə tutulur.

Təbliğat materialları ilkin olaraq Mədəniyyət Nazirliyinin rəsmi "Facebook", "Instagram" və "Twitter" səhifələrində yayımlanır.

Nazirlik bütün ölkə ictimaiyyətini, xüsusilə gəncləri, tələbələri və könüllüləri təbliğat işinə dəstək olmağa, bu prosesdə fəal iştirak etməyə çağırır.

36
Teqlər:
Mədəniyyət Nazirliyi, vandal, memarlıq abidəsi, tarixi abidələr, abidələr, mədəni irs, Dağlıq Qarabağ
Asim Mollazadə

Deputat Bakıda tikinti şirkətlərinin vətəndaşları incitməsindən narahatdır

13
Deputat Asim Mollazadə deyib ki, tikinti şirkətləri bir neçə halda öz üzərilərinə götürdükləri öhdəlikləri yerinə yetirmirlər.

BAKI, 01 oktyabr — Sputnik. "Tikinti ilə bağlı Bakı şəhərində müəyyən problemlər var. Bir neçə yerdə vətəndaşların köçürülməsi ilə bağlı problemlər yaranıb".

Sputnik Azərbaycan xəbər verir ki, bunu Milli Məclisin ötən gün keçirilən plenar iclasında deputat Asim Mollazadə Şəhərsalma və Tikinti Məcəlləsinə dəyişiklik layihəsi müzakirə edilərkən deyib.

O bildirib ki, tikinti şirkətləri bir neçə halda öz üzərinə götürdüyü öhdəlikləri yerinə yetirmirlər: "Məsələn, bir layihə razılaşdırılır, sonradan isə layihə dəyişdirilir. Bizim rayonda 3 ildən artıqdır ki, tikinti dayanıb. İnşa ərazilərində kimlərisə köçürdə bilmirlər. Məhkəmə prosesləri illərlə uzanır. Bu, vətəndaşların çox ciddi narazılığına səbəb olur. Bununla bağlı bir neçə dəfə Bakı şəhər rəhbərliyinə, rayon rəhbərliyinə müraciət etmişəm".

Deputat bildirib ki, bu məsələ ilə bağlı qanunvericilikdə dəyişiklik olmalıdır: "Qanunvericliyə dəyişiklik edilərək həm vətəndaşların mülkiyyət hüquqları müdafiə edilməli, həm də dövlətin həyata keçirdiyi layihələrin qarşısı alınmamalıdır".

13
Vladimir Putin və Emmanuel Makron

Makron Putinə zəng edib: Qarabağda gedən hərbi əməliyyatlar pislənib

0
(Yenilənib 01:57 01.10.2020)
Rusiya və Fransa prezidentləri Dağlıq Qarabağ münaqişə bölgəsində vəziyyətin kəskin hal almasını pisləyiblər.

BAKI, 1 oktyabr — Sputnik. Rusiya Prezidenti Vladimir Putinlə Fransa Prezidenti Emmanuel Makron arasında telefon danışığı olub.

Sputnik Azərbaycan Kremlin mətbuat xidmətinə istinadla xəbər verir ki, söhbət zamanı dövlət başçıları Dağlıq Qarabağda, həmçinin Belarus Respublikasında yaranan son vəziyyəti müzakirə ediblər.

Telefon danışığı Fransa tərəfinin təşəbbüsü ilə baş tutub. Hər iki prezident Dağlıq Qarabağ münaqişə bölgəsində vəziyyətin kəskin hal almasını pisləyiblər. Onlar davam edən hərbi əməliyyatlardan narahatlıq keçirdiklərini ifadə ediblər.

0
Teqlər:
hərbi əməliyyatlar, Dağlıq Qarabağ bölgəsi, Dağlıq Qarabağ problemi, Dağlıq Qarabağ, Rusiya prezidenti Vladimir Putin, Fransa prezidenti Emmanuel Makron