Azərbaycan-Türkiyə birgə genişmiqyaslı taktiki təlimləri

Qarşılıqlı fəaliyyət uzlaşma vacibdir: Azərbaycan-Türkiyə təlimlərindən VİDEO

18
(Yenilənib 14:27 02.08.2020)
Təlimin ssenarisinə uyğun olaraq təyin edilmiş məntəqələrə çıxarılan motoatıcı və zirehli texnika bölmələri tapşırıqları icra ediblər.

BAKI, 2 avqust — Sputnik. Hərbi əməkdaşlıq haqqında sazişə əsasən ölkəmizdə keçirilən Azərbaycan-Türkiyə birgə genişmiqyaslı döyüş atışlı taktiki təlimlərinin növbəti mərhələsi keçirilib.

  • Azərbaycan-Türkiyə birgə genişmiqyaslı taktiki təlimləri
    © AR Ministry of Defence
  • Azərbaycan-Türkiyə birgə genişmiqyaslı taktiki təlimləri
    © AR Ministry of Defence
  • Azərbaycan-Türkiyə birgə genişmiqyaslı taktiki təlimləri
    © AR Ministry of Defence
  • Azərbaycan-Türkiyə birgə genişmiqyaslı taktiki təlimləri
    © AR Ministry of Defence
  • Azərbaycan-Türkiyə birgə genişmiqyaslı taktiki təlimləri
    © AR Ministry of Defence
1 / 5
© AR Ministry of Defence
Azərbaycan-Türkiyə birgə genişmiqyaslı taktiki təlimləri

Sputnik Azərbaycan Müdafiə Nazirliyinə istinadən bildirir ki, plana əsasən, tapşırıqların yerinə yetirilməsinin operativliyi və koordinasiya edilməsi, qarşılıqlı fəaliyyətin və uzlaşmanın təşkili, döyüş əməliyyatları zamanı təminatın həyata keçirilməsi, eləcə də şəxsi heyətin, silah və döyüş texnikasının səmərəli fəaliyyəti yoxlanılıb.

Təlimin ssenarisinə uyğun olaraq təyin edilmiş məntəqələrə çıxarılan motoatıcı və zirehli texnika bölmələri tapşırıqları icra ediblər.

Təlimlər davam edir.

18
Əlaqədar
Azərbaycan və Türkiyə hərbçiləri döyüş atış keçirirlər - VİDEO
Hülusi Akar: “Dünən də Azərbaycanın yanındaydıq, bu gün varıq, sabah da olacağıq”
Hərbdə də, sülhdə də çiyin-çiyinə - Azərbaycan və türk əsgərləri bayram edirlər - VİDEO
MN: Ermənistan yenidən təxribatlara əl atarsa Azərbaycan Ordusu layiqlincə cavab verəcək
Döyüşə hazırlıq: Türkiyə Müdafiə Nazirliyi birgə təlimlərin görüntüsünü yaydı
Kino lenti, arxiv şəkli

Fransanın azadlığı uğrunda döyüşlərdə iştirak etmiş həmyerlimiz haqqında film çəkilib

4
Ssenari müəllifi Mikayıl Mikayılova məxsus filmin üzərində hazırlıq işləri 15 gün davam edib. Əfsanəvi qəhrəman Əhmədiyyə Cəbrayılovla bağlı filmin çəkilişlərində müxtəlif tarixi sənədlərdən istifadə olunub.

BAKI, 19 sentyabr — Sputnik. Gənclər və İdman Nazirliyi açıq havada gənclərin iştirakı ilə tarixi rekonstruksiya formatında "Xarqo" adlı qısametrajlı film hazırlayıb.

Sputnik Azərbaycan xəbər verir ki, film Azərbaycan xalqının igid övladı, İkinci Dünya müharibəsi zamanı antifaşist müqavimət hərəkatının görkəmli nümayəndəsi, əfsanəvi partizan Əhmədiyyə Mikayıl oğlu Cəbrayılovun anadan olmasının 100 illiyi münasibətilə ərsəyə gətirilib.

Çəkiliş Ə.Cəbrayılovun yubileyinin geniş qeyd olunması ilə bağlı Prezident İlham Əliyevin imzaladığı Sərəncamı rəhbər tutaraq həyata keçirilib.

Məqsəd gənclər arasında vətənpərvərlik hisslərinin yüksəldilməsi, Azərbaycan xalqının hərb və döyüş tarixinin gənclərə əyani çatdırılmasıdır. Filmdə 15 gənc və tanınmış kino aktyoru iştirak edib. Çəkilişlər altı gün ərzində Şəki rayonu, qəhrəmanın doğulduğu Oxud kəndi və Bakının müxtəlif məkanlarında aparılıb.

Ssenari müəllifi Mikayıl Mikayılova məxsus filmin üzərində hazırlıq işləri 15 gün davam edib. Əfsanəvi qəhrəman Əhmədiyyə Cəbrayılovla bağlı filmin çəkilişlərində müxtəlif tarixi sənədlərdən istifadə olunub.

Filmin rejissoru Mikayıl Mikayılov, rəssamı Mustafa Mustafayevdir. Rolları əməkdar artistlər Sona Mikayılova, Rasim Cəfər, aktyorlar Faiq Mirzəyev, Əli Əlizadə,Yaroslav Trifonov, Anar Mikayilov, Rumiyyə Ağayeva, Müşviq Mirzə, Araz Pirimov və digərləri canlandırıblar.

4
Yevlax rayonunda məişət tullantıları

Sputnik Azərbaycan-ın qaldırdığı problem həll olundu - Problemi yaradan qurum cərimələndi

199
Reportajimizdan sonra Yevlax Şəhər Mərkəzi Xəstəxanası maliyyə problemini həll edərək Yevlax Mənzil Kommunal İstehsalat Birliyi ilə müqavilə bağlayıb

 

BAKI, 19 sentyabr — Sputnik. Yevlaxda fəaliyyət göstərən tibb ocağında müalicə alanlara istifadə edilən işlənmiş tibbi vasitələrin əraziyə atıldığını, ətrafa üfünət, təhlükə yaratması haqqında Sputnik Azərbaycan xəbər vermişdi. Xəstəxananın yaxınlığında yaşayanlar pandemiya dövründə belə vəziyyətin onlar üçün çox təhlükəli olduğunu bildirmişdilər.

Sakinlərin haqlı narazlığına səbəb olan problem artıq öz həllini tapıb. Reportajimizdan sonra Yevlax Şəhər Mərkəzi Xəstəxanası maliyyə problemini həll edərək Yevlax Mənzil Kommunal İstehsalat Birliyi ilə müqavilə bağlayıb. Bu barədə Sputnik Azərbaycan-a Yevlax Rayon Mənzil İstismar Sahəsindən məlumat verilib. Bildirilib ki, bundan əlavə İnzibati Xətalar Məcəlləsinin 266.4 maddəsi ilə Yevlax Mərkəzi Xəstəxanası Publik Hüquqi şəxsinin rəhbərliyi cərmələnib.

© Sputnik / Rahim Mammadov
Yevlax rayonunda məişət tullantıları

Qeyd edək ki, xəstəxananın ətrafı üfünət qoxuyurdu, qanlı sistem şlanqları, istifadə edilmiş şprislər, dərman qutuları və digər tibbi vasitələr ətrafa dağılmışdı. Yerli sakinlərin haqlı narazlığına səbəb olan problem bir gün sonra həllini tapıb. Belə ki, Yevlax Mənzil Kommunal İstehsalat Birliyi tərəfindən Yevlax Şəhər Mərkəzi Xəstəxanasının ərazisi tullantılardan təmizlənib, əraziyə zibil konteynerləri qoyulub, ərazi dezinfeksiya edilib. Problemə dərhal reaksiya verilməsi sakinləri də sevindirib. Namiq Rüstəmov adlı sakin Sputnik Azəraycan-a açıqlamasında bildirib ki, buralardan keçmək olmurdu: "O biri tərəf uzaqdı, camaat burdan gedirdi. İy-qoxunun əlindən böyründən keçmək olmurdu. Adam burnunu tutub keçirdi. İndi sağ olsun cənab başçı vaxtında xəbər tutub, aidiyyəti qurumlar gəlib təmizləyiblər".

© Photo : Courtesy of Baku City Executive Power
Təmizlənmiş ərazi

Zeynəb Ağayeva adlı sakin də Sputnik Azərbaycan-a problemi ictimailəşdirdiyi üçün təşəkkürünü bildirib: "Biz burda yaşıyırıq, bu ərazinin sakiniyik. Buralar natəmizlik idi, yaman bərbad gündə idi. Çox sağ olsunlar müraciət etdik, gəldilər, yığışdırdılar, təmizlədilər. Bağçaya da yaxındır, uşaqlara da natəmizlik idi. Pandemiya dövründə zibilin belə yığılıb qalmağı bizi ikiqat narahat edirdi".

199
Əlaqədar
Xəstə burada əlac axtarsa da, sağlam olan şəxs buradan virusa yoluxub keçər