Kişi qabı su ilə doldurur, arxiv şəkli

Gözümüzü göyə zilləyək? Plan olmasa, su içmək üçün yağışdan ötrü dua edəcəyik

677
(Yenilənib 19:37 01.08.2020)
Millət vəkilləri ölkədə yaşanan su probleminin həlli üçün müxtəlif variantlar təklif edirlər. Buraya dəniz suyunun istifadəsindən tutmuş, qənaətə kimi müxtəlif variantlar var.

İradə Cəlilova, Sputnik Azərbaycan

BAKI, 1 avqust— Sputnik. Ölkə çaylarında sululuq ilin 6 ayı ərzində 46 faiz azalıb və bu çox ciddi nəticədir. Sputnik Azərbaycan xəbər verir ki, bu barədə Baş Nazirin müavini Şahin Mustafayev deyib.

O, bildirib ki, yağıntıların həcmi 2019-cu ildə 17 faiz azalmışdısa, bu ilin 6 ayı ərzində 25 faizə qədər azalıb. Bu, ona gətirib çıxarıb ki, ölkədə su ehtiyatları kəskin azalıb. Belə ki, ölkədə əsas su anbarlarının 20.5 milyard kubmetr su tutumu var, amma bu gün bu anbarlarda 10.9 milyard kubmetr su var: "Nəzərə alsaq ki, 8.6 milyard kubmetri ölü həcmdir, bundan istifadə etmək olmaz. Deməli, bizim istifadə edə biləcəyimiz 2.3 milyard kubmetr su var".

Baş nazirin müavini bildirib ki, müqayisə üçün keçən ilin bu günündə 12.5 milyard kubmetr, yəni 1.6 milyard kubmetr artıq, 2018-ci ildə isə 13.8 milyard kubmetr su olub: "Əsas su anbarımız olan Mingəçevir su anbarının tutumu 15.7 milyard kubmetrdir, ölü həcmi 7 milyard kubmetrə qədərdir. Bu gün orda 8.6 milyard kubmetr su var cəmi, ötən il bu rəqəm 9.6 milyard kubmetr idi. Bu o deməkdir ki, vəziyyət kifayət qədər gərgindir".

Bəs ölkədə su qıtlığını necə aradan qaldırmaq olar? Sputnik Azərbaycan bu məsələni araşdırıb.

Millət vəkili Asim Mollazadə açıqlamasında bildirib ki, su qıtlığının aradan qaldırılması üçün Azərbaycanda dünya təcrübəsindən istifadə edilməlidir: "Yağış sularının toplanılması üçün müvafiq rezervuarlar olmalı, dəniz suyunu qurğulara yararlı vəziyyətə gətirilməsi və suvarmada istifadə edilməsi üçün ciddi addımlar atılmalıdır".

Millət vəkili vurğulayıb ki, dünya təcrübəsində suvarma və içməli su üçün istifadə edilən su tamamilə fərqlidir. Azərbaycanda isə içməli su kimi və suvarma məqsədilə eyni sudan istifadə edilir.

"Kür suyu hazırda demək olar ki, Xəzər dənizinə gəlib çatmır. Çünki Gürcüstanda da, Azərbaycanda da Kürün suyu müvafiq texniki qurğularda istifadə edilir. 

Nəticədə də gördüyünüz kimi, Neftçalada Xəzər Kürə axır" – deyən millət vəkili hesab edir ki, Azərbaycanda su ehtiyatlarına qənaət və su ehtiyatları ilə bağlı strateji plan olmalıdır.

Millət vəkilinin fikrincə, Azərbaycan çox böyük su resursları var. Bu resurslar araşdırılmalı, onların səmərəli istifadəsi üçün çox ciddi planlar hazırlanmalıdır. Buna diqqətlə yanaşmalıyıq.

A.Mollazadənin sözlərinə görə, Azərbaycanda təbiətin qorunması istiqamətində təxirəsalınmaz addımlar atılmalıdır. O, həmçinin əlavə edib ki, ölkədə su balansının müəyyən edilməməsində məsul olan şəxslər prosesdən ayrılmalıdır: "Bunun üçün araşdırmalar aparılmalıdır. Günahkar şəxslər uzaqlaşdırılmalı, yeni, fərqli düşüncəyə malik olan məmurlar bu problemin həllinə cəlb edilməlidir".

Millət vəkili Naqif Həmzəyev bildirib ki, dayanaqlı inkişaf təmin edilməsi üçün bütün resurslar düzgün dəyərləndirilməlidir.

"Ölkə başçısının göstərişi ilə su təminatı məsələsi ilə bağlı mütəmadi olaraq müşavirələr keçirilir, müzakirələr aparılır və böyük layihələr həyata keçirilir" – deyən millət vəkili bildirib ki, ölkədə müşahidə edilən su qıtlığının bir neçə səbəbi var. Bura kənd təsərrüfatında müasir dövrün tələblərinə cavab verən texnikaların tam olaraq istifadə edilməməsi və quraqlığın olması daxildir.

"Artıq xüsusi fəaliyyət planı hazırlanıb. Su itkisinin qarşısının alınması üçün kanallar və ötürücü borular inşa edilir" – deyən millət vəkili hesab edir ki, bu problem yaxın zamanlarda öz həllini tapacaq.

Onun sözlərinə görə, içməli su itkisinin qarşısının alınması üçün də müəyyən addımların atılması nəzərdə tutulub.

"Böyük şəhər və rayonlarda beynəlxalq təşkilatlarla birlikdə su-kanalizasiya sistemləri yenidən qurulur. Vətəndaşlara içməli suyun fasiləsiz və keyfiyyətli şəkildə çatdırılması üçün dövlət tərəfindən layihələr həyata keçirilir. Düşünürəm ki, yaxın illərdə su təminatı ilə bağlı problemlər aradan qalxacaq" – millət vəkili bildirib.

N. Həmzəyev hesab edir ki, vətəndaşlar da sudan qənaətlə istifadə etməlidir.

Eyni zamanda, içməli su və suvarma sularının təminatında müasir texnologiyalardan istifadə edilməsini mühüm hesab edən millət vəkili bildirir ki, belə olan halda su qıtlığı problem aradan qalxar.

677
Koronavirusа qarşı peyvənd, arxiv şəkli

"Misli görünməmiş əməkdaşlığa" "meymun" cavabı - dünya gözləyir, rəsmilərsə düşünürlər

46
(Yenilənib 11:51 14.08.2020)
Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir"

BAKI, 14 avqust — Sputnik. Rusiya koronavirus əleyhinə peyvəndin yaradılması ilə bağlı Birləşmiş Ştatlara kömək təklif edib, lakin amerikalılar bundan imtina ediblər. Sputnik Azərbaycan xəbər verir ki, bunu adı çəkilməyən rusiyalı məmur CNN telekanalına açıqlamasında bildirib.

Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
Ruptly / РФПИ / WHO / Дмитрий Куракин/Пресс-служба Минздрава России

Kanalın mənbəsi qeyd edib ki, Rusiya ABŞ-ın vaksin hazırlanmasına yönəlmiş "Supersəs sürət" layihəsi çərçivəsində bu ölkəyə "misli görünməmiş əməkdaşlıq" təklif edib. Lakin məlum olub ki, ABŞ Rusiyanın tibbi layihələri üçün "açıq" deyil.

"Rusiyaya qarşı ümumi inamsızlıq hiss olunur və biz hesab edirik ki, vaksinlər, testləşdirmə və müalicə daxil olmaqla bu texnologiyaları ABŞ məhz inamsızlığa görə qəbul etmir", - deyə yüksəkvəzifəli rusiyalı məmur bildirib.

Rusiya rəsmi dairələri telekanala bildiriblər ki, Rusiya Federasiyası vaksin haqqında informasiya mübadiləsinə hazırdır. Bu, ABŞ farmakoloji şirkətlərinə ABŞ-da vaksin istehsal etməyə yardım edə bilər.

Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir":

"Əgər bizim vaksin ən effektiv vaksinlərdən biri olsa, onda suallar meydana çıxacaq: Niyə ABŞ bu imkanı öyrənmədi, niyə siyasət vaksinin yoluna çıxdı".

Bu arada ABŞ rəsmiləri CNN-ə bildiriblər ki, ABŞ-da Rusiya vaksini "tam hazırlanmış hesab olunmur və ona görə də Amerikada ciddi maraq doğurmayıb".

"ABŞ onu heç meymunlar üzərində sınamayacaq, o ki qaldı insanlar üzərində", - deyə adı çəkilməyən ABŞ məmuru bildirib.

Öz növbəsində RF Səhiyyə nazirinin köməkçisi Aleksey Kuznetsov RİA Novosti-nin sorğusuna cavab olaraq bildirib ki, Rusiya COVID-19 əleyhinə vaksinin hazırlanması sahəsində ABŞ-a heç bir rəsmi təklif göndərməyib.

Xatırladaq ki, avqustun 11-i Prezident Vladimir Putin Rusiya Federasiyasında koronavirusdan ilk peyvəndin qeydiyyatını elan edib. Prezident deyib ki, onun qızlarından biri peyvəndi öz üzərində sınaqdan keçirib. Rusiyanın koronavirusa qarşı hazırladığı yeni peyvənd "Sputnik V" adını alıb.

Bu, 1957-ci ildə Yerin ilk süni peykinin buraxılması ilə bağlıdır.

""Sputnik-1" bütün dünyada kosmik tədqiqatları fəallaşdırıb. COVID-19-dan yeni Rusiya peyvəndi dünya ictimaiyyəti üçün necə deyərlər, "Sputnik anı" yaradıb", – deyə adın izahında bildirilir.

RF Səhiyyə naziri Mixail Muraşko bildirib ki, peyvəndi ilk olaraq tibb işçiləri və müəllimlər alacaqlar. Onun sözlərinə görə, Qamaleya adına Mərkəzin hazırladığı klinik tədqiqatların nəticələrinə əsasən, yüksək effektivlik və təhlükəsizlik, immunlaşmanın ciddi fəsadları heç kimdə qeydə alınmayıb. Nazir əlavə edib ki, vaksin daha altı peyvəndin əsaslandığı məlum platformada yaradılıb.

O, vaksinin bundan sonra da minlərlə insanın iştirakı ilə klinik sınaqdan keçəcəyini vurğulayıb. Muraşko bildirib ki, vaksinin iki meydançada - Rusiya Səhiyyə Nazirliyinin Qamaleya adına Mərkəzində və "Binnofarm" şirkətində - buraxılmasına başlanacaq.

Rusiya Federasiyası Baş nazirinin müavini Tatyana Qolikova deyib ki, həkimlərin koronavirusa qarşı peyvəndlənməsinin avqust və ya sentyabr ayının sonlarında başlaya biləcəyini gözləyir.

46
Mövzu:
Dünyanı cənginə almış bəla
Əlaqədar
İnsanları ölümcül xəstəlikdən "Sputnik" xilas edəcək
ABŞ-ın baş infeksionisti Rusiyanın koronavirus peyvəndinə şübhə edib
Koronavirusa qarşı peyvənddən xəstələnmək olarmı?
"Rusiyanın koronavirus peyvəndi: dahiyanə hər şey kimi sadədir"
Koronavirusdan qurtulmaq şansımız yaranıb - "Təbii ki, peyvəndi Azərbaycana da verərik"
Zibillik, arxiv şəkli

Üfunəti tüstü ilə ört-basdır etməyin qiyməti üç min manatdır

6
(Yenilənib 11:43 14.08.2020)
Ərazinin tullantılardan təmizlənməsi və gələcəkdə belə hallara yol verilməməsi məqsədilə bələdiyyə sədrinə icrası məcburi olan "məcburi göstəriş" verilib

BAKI, 14 avqust — Sputnik. Füzuli rayonu Qazaxlar kəndi ərazisində məişət tullantılarının qalaqlanması və ətrafa iy-qoxunun yayılması ilə bağlı daxil olan şikayət Dövlət Ekoloji Təhlükəsizlik Xidmətinin əməkdaşları tərəfindən araşdırılıb.

Bu barədə Sputnik Azərbaycan-a xidmətin rəis müavini Bəhruz Məhəmmədov bildirib. Onun sözlərinə görə, əraziyə keçirilən baxış zamanı sözügedən ərazidə tullantıların qanunvericiliyə uyğun idarə edilmədiyi və qalaqlanaraq yandırıldığı məlum olub.

Faktla bağlı tullantıların idarə olunmasına cavabdeh Qazaxlar bələdiyyəsinin sədri Nurəddin Bayramov barəsində protokol tərtib olunub və o, 3000 manat məbləğində cərimə edilib.

Ərazinin tullantılardan təmizlənməsi və gələcəkdə belə hallara yol verilməməsi məqsədilə bələdiyyə sədrinə icrası məcburi olan "məcburi göstəriş" verilib.

6
Əlaqədar
Bakıda bələdiyyənin əməkdaşı cərimə edildi
Havanı çirkləndirən sexin sahibi cəzalanıb
Sədri peşman edən iyirmi ilin rahatlığı: pulsuzluq artıq üfunət iyi verir - VİDEO - FOTO
Xırdalan yenə qara tüstüyə büründü - VİDEO - FOTO
BŞİH çimərliklərlə bağlı əhaliyə müraciət edib