Alternativ enerji alan elektroqurğu

Rəfibəylilər nəslinin ixtiraçı davamçıları onların kəşfi düşmən üçün kabusa çevriləcək

1410
(Yenilənib 12:58 03.08.2020)
Miqrant kimi Azərbaycana üz tutanda Zaur Rəfibəyli və Yaşar Qarayevin 600 dollar pulu və 4 çanta əşyası olub.

Nigar İsgəndərova, Sputnik Azərbaycan

BAKI, 1 avqust — Sputnik. Yolumuz Qaladan keçir... Dalanlar, döngələr bizi böyük tarixi olan bir nəslin - Rəfibəylilərin evinə aparır. Bura gəlişimizin səbəbi həm böyük tarixi olan nəslin bugünkü nümayəndələri ilə söhbətləşmək, həm də bu nəslin nümayəndəsi olan Zaur Rəfibəyli və atası Yaşar Qarayevin bir-birindən fərqli və analoqu olmayan ixtiraları ilə tanış olmaqdır. Hansı ki, onlar arasında hərbi ixtiradan tutmuş, alternativ enerji mənbəyinin ixtirasınadək müxtəlif çeşidləri görmək mümkündür.

Rəfibəylilər nəsli haradan gəlir? Gəncə xanlığının məşhur simalarından olan Rəfi bəyin övladları rus üsul-idarəsi dönəmində Rəfibəyli soyadını qəbul ediblər. Soyun məşhur nümayəndələri arasında dövrünün təhsil xadimi Cavad bəy Rəfibəyli, Xudadat bəy Rəfibəyli, Səməd bəy Rəfibəyli, Ələkbər bəy Rəfibəyli, tanınmış şair Nigar Rəfibəyli də var.

Yaşar Qarayev və oğlu Zaur Rəfibəyli də bu tanınmış nəslin nümayəndələridirlər. Onlar Ələkbər bəy Rəfibəylinin qardaşı tərəfdən nəsil davamçılarıdır.

© Sputnik / Nigar Iskanderova.
Yaşar Qarayev və oğlu Zaur Rəfibəyli

Nəslin davamçıları olan ata-övlad ilə elə onların iş emalatxanasında, bir çox ixtiraların yarandığı yerdə söhbətə başladıq. Ukraynada doğulan, 2006-cı ildə miqrant kimi Azərbaycana Zaur Rəfibəyli gəlmişdi, Atası isə Laçında doğulub, 18 yaşından Ukraynada Kaxova şəhərində yaşayıb və orada ailə həyatı qurub. Ukraynada Valentina adlı ukraynalı qadınla olan ilk evlilikdən Zaur və Eldar adlı iki oğul övladı var. O, Ukraynada kənd təsərrüfatının avtomatikləşdirmə və mexanikləşdirilməsi ixtisasını bitirib, baş mühəndis kimi ixtisaslaşıb. Oğlu deyir ki, onlar yalnız Azərbaycana gəldikdən sonra müxtəlif ixtiralar ediblər və təxminən 10 ildir ki, bu işlə məşğuldurlar: "Ata-bala bir texnikanın ərsəyə gəlməsi üçün öncə götür-qoy edir, çertyoj cızırıq. Hazırda bir hərbi texnika üzərində çalışıram, hələlik ki, bir sıra detallarını açıqlaya bilməsəm də, haqqında müəyyən məlumatlar verə bilərəm. Bu texnika bizim ordumuzda əsgər ölümünün azalmasına kömək edəcək.Bu qurğu düşmənlər üçün böyük kabusa çevriləcək"

© Sputnik / Nigar Iskanderova.
Zaur Rəfibəyli iş başında

Onların ixtiraları arasında yem üyütmək üçün texnika da var. Bu işə marağa gəldikdə, Y.Qarayev deyir ki, Azərbaycana qayıtdığı illərdə kənd təsərrüfatında müxtəlif texnikalara böyük ehtiyac olub. Bu səbəbdən də onlar elə diqqətlərini də məhz bu istiqamətə yönəldiblər: "Ot üyütmək, yem üyütmək üçün müxtəlif texnikalar hazırlamışıq. İxtiralarımız arasında yeni olanlar da var. Ot üyütmək üçün olan texnikanı eyni gücdə olan sovet texnikası ilə müqayisə etdikdə onun bizimkindən 5 dəfə az ot üyütdüyünü görə bilərik. Sovetin 37 kilovat gücündə olan mühərriki 20 press ot üyüdürsə, bizim hazırladığımız texnika 15 kilovatla 300 press ot üyüdür. Bu həm də daha sərfəli olmaqla digərlərindən seçilir".

© Sputnik / Nigar Iskanderova.
Yaşar Qarayev hazırladıqları dəmir parçasını nümayiş etdirir

"Bundan başqa, gül dibçəkləri üçün konveyer hazırlamışıq, hansı ki, dibçəyi qoyduqda o hazır torpağı əzərək, gübrə ilə qarışdıraraq silkələmə stolundan keçirib təmizləyərək onu ərsəyə gətirir", - deyə həmsöhbətimiz əlavə edir.

© Sputnik / Nigar Iskanderova.
Rəfibəylilər ailəsinin emalatxanası

Hindistanda dağlarda bitən ud hindi kökü oradan gətirilərək burada üyüdülür, apteklərə verilir. Zəhmətkeşlər onun üyüdülməsi üçün də dəyirman hazırlayıblar. Burada həmçinin kənd təsərrüfatı üçün yararlı olan mini traktor da görmək mümkündür, hansı ki, bu traktor da məhz Rəfibəylilər ailəsi tərəfindən hazırlanıb.

İxtiralar arasında ən maraqlı olanı isə Günəş və külək enerjisi əldə edərək onu elektrik enerjisinə çevirən ixtiradır. Bu haqda da Zaur Rəfibəyli danışır: "Bu, hibrid elektrostansiyasıdır. Həm küləkdən, həm də Günəşdən enerji alır. Enerjini akumlyatora yığır, daha sonra akulmyatordan invertor vasitəsi ilə enerji ötürür. Ümumi olaraq 1 kilovat/saada verir. İşıq olmayanda bu bizə çox kömək edir. Kənddə heç kəsdə işıq olmayanda biz televizora baxa, internetə daxil ola, lazım olan əksər işlərimizi görə bilirik. Bunun əsas üstünlüklərindən biri səssiz olması və yanacağa ehtiyac olmaması ilə əlaqədardır".

"20 günə hazırlanan bu elektrostansiya aylıq ən azı 60-100 kWt qənaət deməkdir. Bu qurğu vasitəsilə yerin altından su da çəkmək mümkündür. Yəni, bizim artıq vəsait xərcləmədən ala biləcəyimiz suyumuz, elektrikimiz var. Biz bunun satışını da düşünürük, lakin hələlik sifarişimiz yoxdur. Onu qeyd edim ki, hazırladığımız bu elektrostansiyanın mayası o vaxtın 3 min dollarıdır. Satsaq, təxminən 4 min 500-ə satarıq", - deyə həmsöhbətimiz əlavə edib.

Bu neçə il ərzində satdıqları qurğuların pulu ilə hazır texnikalar alıb emalatxananı daha da mükəməlləşdiriblər. Söhbət əsnasında bu qurğularla tanış oluruq. Alınan bu qurğular arasında dəmirdən olan müxtəlif materiallara forma verənlər də var. Eyni zamanda dəmiri asanlıqla deşən, kəsən, müxtəlif forma verən və onu qatlayanlar da var.

İxtiraçılar Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN xidmət) tabeliyində yaradılan ABAD (Ailə Biznesinə ASAN Dəstək") üçün də bankaların sellefonla paketlənməsi üçün xüsusi aparat hazırlayaraq təhvil veriblər. Bundan başqa, hazırladıqları qurğular arasında 1 tona yaxın emulsiyanı qarışdırmağa imkan verən qurğular da var. Eyni zamanda da dekorativ daş istehsalı üçün də xüsusi aparatlar, 11 nəsil ot doğrayan, daş presləmək üçün aparatlar, yem, eyni zamanda da plastik tullantıları üyüdənlər, günəbaxan yağının istehsalı üçün xüsusi qurğu, xüsusi növ kofeinin hazırlanması və üyüdülməsi üçün nəzərdə tutulan aparatlar da var ki, onların əksəriyyəti artıq sifariş üzrə təhvil verilib.

”Bu qurğular arasında çox bahalı olanlar da var ki, daha sərfəli qiymətə əldə olunub. Artıq məhsulların satışa başlaması üçün "IVY Group" şirkətlə münasibətlərmizii rəsmiləşdirmək üzrəyik. Biz sadəcə olaraq istehsalla məşğul olacağıq – Rəfibəyli qeyd edib.

Həm emalatxanaları, həm də həyətləri ixtiralar, bir-birindən fərqli avadanlıqlarla dolu olan Rəfibəylilər nəslinin nümayəndələrinin həyətində artıq təsərrüfat işlərinə də başlanılıb. Onlar uzun illər ərzində fermerlərin rahatlığını düşünüb bunu təmin edərək, artıq özləri də bir fermer kimi müxtəlif qurğulardan yararlanıb təsərrüfatlarını inkişaf etdirmək istəyirlər. Bunun üçün onlar artıq çoxlu dovşan və mal-qara alıblar.

Elə texnikadan, təsərrüfatdan danışa-danışa ata və oğulun soyad fərqliliyindən də söz düşür. Bunun səbəbi haqda Yaşar Qarayev danışır: "Stalin dövründə repressiya olduğundan soyadımız dəyişdirilib. Stalin Azərbaycana gələndə oğru, cibgir imiş. O vaxtı Bayıl türməsində Rəfibəylilər nəslindən bir nəfər məhkəmə qərarı ilə onu həbs edib. Həmin şəxs nəslimizin yüksək rütbəli nümayəndələrindən biri olub. Sonra Stalin türmədən qaçanda onlardan intiqam alıb və Rəfibəyliləri özünün bir nömrəli düşməni elan edib. Beləcə, Stalinin dövründə nəslimizin əksər nümayəndələri Sibirə sürgün edilib, əksəriyyəti güllələnib. Təkcə bir gecədə nəslimizdən olan 7-8 general Nargin adasında güllələnib. O dövrdə nəslimizin bəzi nümayəndələri Türkiyənin Qars şəhərinə köçüblər".

© Sputnik / Nigar Iskanderova.
Zaur Rəfibəylinin dovşançılıq təsərrüfatı

"Bizim nəslimizdə Gəncədən Qara bəy olub. Biz Qarayev soyadını da oradan götürmüşük. Amma ümumi olaraq nəslimiz Rəfibəylilər adlanır. Repressiyaya görə, soyadımız Qarayev olaraq dəyişdirilib. Mən 1959-cu ildə elə doğulanda Qarayev soyadını daşımışam. Atam isə 1916-cı ildə doğulanda Rəfibəyli olsa da, sonradan repressiyaya görə soyadını Qarayev olaraq dəyişdirib. Artıq biz təzədən öz soyadımızı qayıdırıq, xalq düşməni deyilik. Yenidən bu adlı-sanlı soyada qayıtmaq üçün biz gərək ki, sənədlərin hamısını toplayaq. Çünki ad-sanlı soyad rahatlıqla verilmir".

Zaur Rəfibəyli isə Ukraynada doğulduğundan, oranın vətəndaşlığını daşıdığından, elə dünyaya gələrkən bu soyadı daşımağa başlayıb və buna görə hansısa problemlə qarşılaşmayıb: "Biz burada Rəfibəyli nəslinin digər nümayəndələri ilə də əlaqə saxlayırıq. General-mayor Akif Rəfiyev, Əziz Rəfibəyli, Araz Rəfibəyli, Adil Rəfibəyli də bu nəslin davamçılarındandır. Bizim öz nəslimizdən ibarət "Facebook" qrupumuz var ki, orada hətta Amerikada, Türkiyədə yaşayanlar da var. Türkiyədə yaşayan nəslimizin nümayəndələri Sayqun soyadını götürüblər. O zamanlar Səməd bəy Rəfibəyli Atatürkün silahdaşı, paşa olub, bizim nəslin adlı-sanlı nümayəndələrindəndir".

© Sputnik / Nigar Iskanderova.
İxtiraçıların hazırladıqları mini traktor

"Türk sultanı II Mustafa Osmanın qızı ilə Cavadxanın oğlu və ya nəvəsinin qovuşmasından Rəfibəyli nəsli ortaya çıxıb. Yəni, bizim qanımızda həm də Osmanlı qanı axır", - deyə həmsöhbətimiz əlavə edib.

Onlar miqrant kimi Azərbaycana üz tutanda 600 dollar pul və 4 çanta ilə gəliblər. Hazırda yaşadıqları həyətyani evin torpağı isə hələ o vaxtlar Yaşar Rəfibəylinin qonşuluqda yaşayan qardaşları tərəfindən məhz onun üçün alınıb. Onlar isə bura gələndə torpaq üstündə nə bir ot olub, nə də gül-çiçək. Demək olar ki, hər şeyə 0-dan başlayıb, təsərrüfat qurub, ev tikiblər.

Y.Rəfibəyli burada vətəndaşlıq alsa da, oğlunun sadəcə olaraq burada daimi yaşamaq üçün icazəsi var.

1410
Məktəbli, arxiv şəkli

"Bir il hana, bir il "dana"- İşləyən valideynlər iki yoldan birini seçməlidir

6
(Yenilənib 13:52 23.09.2020)
Valideynlərdən şikayət: "İbtidai siniflər üçün dərslərin həftədə iki-üç dəfə virtual keçirilməsi onları proqramdan geri qoyur. Uşaqların texniki bilikləri olmadığından, onlar sərbəst şəkildə virtual dərslərə qoşula bilmirlər"

Zülfiyyə Quluyeva, Sputnik Azərbaycan

BAKI, 23 sentyabr — Sputnik. Dərslərin bu tədris ilindən koronavirus pandemiyasına görə hibrid keçirilməsi bu il məktəbə qədəm qoyan birincilər üçün çox ciddi problem yaradıb. Belə ki, virtual məktəbin funksiyalarından heç cürə istifadə etməyi bacarmayan 1-ci sinif şagirdləri dərslərin virtual keçirildiyi günlərdə valideyn köməyindən asılı vəziyyətə düşüblər. Bu isə işləyən valideynləri böyük çətinliklə üz-üzə qoyub.

Övladı bu il birinci sinfə gedən Fərizə Salmanova adlı valideyn Sputnik Azərbaycan-a açıqlamasında bildirib ki, özü və həyat yoldaşı işləyir. Uşaq həftənin yalnız iki gün dərsə gedir.

Onlayn dərs keçirilən günlərdə də təkbaşına dərslərə qoşula bilmir:

"Uşaq telefonla dərsə necə qoşulmağı bacarmır. Hansı uşağın valideyni evdədirsə, kömək edə bilirsə onlayn dərslərə qoşulur. Valideyni işləyən uşaqlar isə demək olar ki, həftədə iki gün dərs keçə bilir. Birinci sinif şagirdlərinin dərsi onlayn keçməsi demək olar ki, mümkün deyil. Müəllim sadəcə hansı hərfdən, hansı rəqəmdən neçə sətir yazmağı tapşırır".

Valideyn deyir ki, bir evdən iki-üç uşaq dərsə gedirsə, bu zaman problem daha da böyüyür: "Oktyabrın 1-dən mənim kiçik qızım da məktəbəhazırlığa gedəcək. Bir telefonla iki uşağın dərsə onlayn qoşulması isə mümkün deyil".

Salmanovanın sözlərinə görə, ibtidai siniflər üçün dərslərin həftədə iki-üç dəfə virtual keçirilməsi onları proqramdan geri qoyur. Uşaqların texniki bilikləri olmadığından, onlar sərbəst şəkildə virtual dərslərə qoşula bilmirlər.

Sputnik Azərbaycan onlayn təhsilin aşağı sinif şagirdlərinə yaratdığı problemdən çıxış yollarını araşdırıb.

Təhsil üzrə ekspert Məlahət Mürşüdlü Sputnik Azərbaycan-a açıqlamasında bildirib ki, valideynlər narazılıqlarında haqlıdırlar. Aşağı siniflərdə onlayn dərslərin keçirilməsi çətindir. Bunun üçün mütləq şəkildə valideynin köməyi olmalıdır. Hər iki valideyn işləyirsə, uşağa virtual məktəbə qoşulmağa dəstək göstərən olmur. Birinci sinfə gedən şagirdin isə elə texniki bacarıqları yoxdur ki, o, sərbəst onlayn dərslərə qoşulsun. Artıq bəzi ölkələrdə bunun çıxış yolunu tapıblar:

"Qonşu Gürcüstanda hər iki valideyni işləyən ailələrə uşaqların onlayn dərs keçməsi üçün sosial işçilər ayrılıb. Ana-ata işə getdikdə sosial işçilər uşağa bu məsələdə kömək göstərirlər. Çox təəssüf ki, bizdə hibrid dərslərə start verilsə də, bu problemin çıxış yolu yoxdur. Bu zaman valideyn məcburdur ki, uşağa onlayn dərslərə qoşulmaqda yardım üçün dayə tutsun. Çünki, bəzən nənə və baba yaşlı olduğu üçün evdə olsalar belə, uşağa bu məsələdə yardım edə bilmirlər. Dayə tutmaq üçün isə hər ailənin imkanı çatmır".

M. Mürşüdlü bildirir ki, problemdən çıxış yollarından biri ibtidai sinif şagirdlərinə əyani şəkildə hər gün 5 dəfə dərslərin keçirilməsini təmin etməkdir: " Qardaş Türkiyədə müəllimlər aşağı sinif şagirdlərinin evinə gedərək onlara yazıb oxumağı öyrədirlər. Bizdə müəlimlərə belə bir tapşırıq verilməyib. Ona görə də valideyn işdən gəldikdən sonra məcburdur ki, uşağın əlindən tutub ona yazmağı öyrətsin. Amma düşünürəm ki, işləyən ailələrin bu problemi nəzərə alınmaqla, aşağı sinif şagirdlərinin beş-beş bölünərək dərsə gündəlik getməsi təmin oluna bilər. Çünki, xüsusilə birinci və ikinci siniflərdə şagirdin müəllimlə birbaşa ünsiyyətdə olması çox vacibdir. Nəzərə alsaq ki, bu gün şagirdlərin çoxunun evində virtual məktəbə qoşulmaq üçün kompyuter, telefon və internetə əlçatanlıq tam təmin olunmayıb, bu zaman uşaqlar yazıb-oxumaq bacarığına yiyələnməkdən məhrum ola bilərlər. Azərbaycanda isə orta təshil icbaridir".

Təhsil İnstitutunun Təlimin Nəzəriyyəsi və Metosikası şöbəsinin müdiri Bibixanım İbadova isə Sputnik Azərbaycan-a açıqlamasında bildirib ki, dərslərin onlayn keçirilməsi zamanın tələbidir:

"Burada bizim heç birimizin istəyi nəzərə alınmır. Doğrudur ki, virtual məktəb ənənəvi təhsilin yerini verə bilməz. Amma məqsəd pandemiya dövründə şagirdlərin dərsdən kənar qalmamasıdır. Bəzi valideynlər işdə olduğu üçün uşağın dərslərinə vaxt ayıra bilmədiyini söyləyir. Amma valideyn hər zaman işdə olmur axı. Məktəb üçbucaqdır. Bu üçbucağın bir qolu müəllimdirsə, digər qolu valideyndir. Əvvəl valideynlər arxayın idi ki, müəllim onun övladına lazımi bilik verir. Amma indi valideyn öz övladını nəzarətə götürməlidir".

B. İbadova deyir ki, işləyən valideynlər də hibrid təhsil sistemində Təhsil Nazirliyi tərəfindən nəzərə alınıb: "Nəzərə almaq lazımdır ki, Virtual məktəbdən əlavə Teledərslər də var. Teledərslər "Youtube"a yüklənir. Bu gün uşaqların təhsil alması üçün əhatəli şərait yaradılıb. Teledərslərin "Youtube"a yerləşdirməyin məqsədi odur ki, şagirdlərin keçirilən dərsləri təkrar-təkrar izləmək imkanı olsun. Valideyn işdən gəldikdən sonra "Youtube"u açıb uşağı ilə dərsi izləyə bilər. İnternetdə dərs resurslarından da istifadə etməklə övladının dərs proqramını mənimsəməsinə yardım edər. Pandemiya dövründə hamımız səfərbər olmalıyıq ki, uşaqar təhsildən kənar qalmasınlar".

6
Teqlər:
təhsil, məktəb, virtual, Təhsil Nazirliyi
Əlaqədar
Nazirin açıqlaması ilə məhv olan ümidlər: onda bəs Virtual Məktəb nəyə gərək idi?
Uşaqlar virtual və real məktəb arasında seçim edirlər – SORĞU
Virtual məktəbdə qeydiyyat dayandırılır
Təki oxumağa istək olsun: "Virtual məktəb"ə direktorlar da nəzarət edəcək
Azərbaycanın Xalq artisti Emin Ağalarov, arxiv şəkli

Emin Ağalarov: "Yeganə yol Azərbaycanın ərazi bütövlüyüdür"

10
(Yenilənib 13:30 23.09.2020)
Emin Ağalarov Rusiya kanallarının birinə müsahibəsində deyib: Mənim Azərbaycan pasportum olmasa da, ilk öncə özümü Rusiyada yaşayan azərbaycanlı hesab edirəm.

BAKI, 23 sentyabr — Sputnik. Azərbaycan-ın Xalq artisti Emin Ağalarov Rusiya kanallarının birində Ermənistanın Qarabağı işğal etməsindən danışıb.

Sputnik Azərbaycan xəbər verir ki, müğənni aparıcının "Uzun zaman davam edən və bu yay daha da kəskinləşən Ermənistan-Azərbaycan münaqişəsinin həll yollarını nədə görürsünüz? Sizin biznesinizə bu məsələ necə təsir edib? Bu cür geosiyası məsələlər, ümumiyyətlə digər ölkələrdə biznesə təsir etməyə bilərmi?" suallarına Xalq artistinin cavabı belə olub:

Посмотреть эту публикацию в Instagram

Публикация от az.maqazin (@maqazinaze)

"Bu sual mənim üçün çox çətindir, çünki mənim Azərbaycan pasportum olmasa da, ilk öncə özümü Rusiyada yaşayan azərbaycanlı hesab edirəm. Bu, münaqişənin ağlabatan hesab etdiyim yeganə həll yolu bizim Azərbaycan torpaqlarımızın Dağlıq Qarabağ ərazisindəki erməni işğalından azad olunmasıdır. Bu hal baş versə, hesab edirəm ki, münaqişənin həllinə doğru ilk addım atılmış olacaq. Münaqişənin bizim gündəlik həyatımıza təsirinə gəldikə isə, əlbəttə ki, bəli, təsir edir, çünki iki ölkə prinsipcə münaqişədədir. Ona görə də, digər millətlə hər hansı bir əlaqə bir çox mübahisələrə və söz-söhbətə səbəb olur. Şəxsən mən istəyirəm ki, münaqişə həllini tapsın. Lakin yeganə yol Azərbaycanın ərazi bütövlüyüdür".

10
Əlaqədar
Emin boşanması haqda: “Məni artıq evləndiriblər” - VİDEO
Çox sağ ol, müəllimim! Emin yeni mahnıya görə Fadeyevə təşəkkür edib
Emin Ağalarovdan şəhidlərimizlə bağlı paylaşım
Emin Ağalarov Fatimə adlı qıza həsr etdiyi mahnını paylaşdı
Emin Ağalarovun oğlu yeni klipini təqdim edib
Rusiyanın Xarici İşlər naziri Sergey Lavrov, arxiv şəkli

Lavrov: "Rusiya işğal olunmuş 5 rayonun geri qaytarılmasının tərəfdarıdır"

9
(Yenilənib 14:27 23.09.2020)
Rusiya tərəfi nizamlama prosesində işğal olunmuş 5 rayonun geri qaytarılmasının, əraziyə sülhməramlıların yerləşdirilməsinin və nəqliyyat-kommunikasiya sisteminin bərpa olunmasının tərəfdarıdır

BAKI, 23 sentyabr — Sputnik. Rusiya ATƏT-nin Minsk qrupunun həmsədri kimi Ermənistan-Azərbaycan Dağlıq Qarabağ münaqişəsi probleminin həllinə öz dəstəyini verir və bu sahədə səylərini əsirgəmir. Sputnik Azərbaycan Milli Məclisin Mətbuat və ictimaiyyətlə əlaqələr şöbəsinə istinadən xəbər verir ki, bunu Rusiyanın Xarici İşlər naziri Sergey Lavrov Azərbaycan Milli Məclisinin Sədri Sahibə Qafarova ilə görüşü zamanı bildirib.

Lavrov qeyd edib ki, Ermənistanın Baş naziri N.Paşinyanın Dağlıq Qarabağla bağlı səsləndirdiyi fikirlər münaqişənin nizamlanması prosesinə maneə törədir:

"Bu, rəsmi Moskvanın mövqeyidir. Rusiya tərəfi nizamlama prosesində işğal olunmuş 5 rayonun geri qaytarılmasının, əraziyə sülhməramlıların yerləşdirilməsinin və nəqliyyat-kommunikasiya sisteminin bərpa olunmasının tərəfdarıdır".

Milli Məclisin Sədri Sahibə Qafarova ATƏT-in Minsk Qrupunun həmsədri kimi Rusiyanın Dağlıq Qarabağ münaqişəsinin həllində vasitəçi olaraq əlindən gələni əsirgəməyəcəyinə inamını ifadə etdi.

Sonra görüşdə tərəfləri maraqlandıran digər məsələlər ətrafında fikir mübadiləsi aparılıb.

9
Teqlər:
Qarabağ, Sahibə Qafarova, Rusiya xarici işlər naziri Sergey Lavrov, Rusiya XİN rəhbəri Sergey Lavrov, Sergey Lavrov